A gardería municipal de Meis comezará o novo curso con diferentes melloras exteriores e en equipamento realizadas cun investimento de máis de 22.000 financiados pola Xunta de Galicia.

Os detalles explicábaos esta mañá o alcalde de Meis, José Luis Pérez, e o delegado territorial da xunta en Pontevedra, Cores Tourís, durante a supervisión dos traballos, que recollemos en AROUSA PONTEVEDRA DIA A DIA.

Cambados foi hoxe o escenario de presentación da Festa do Viño Tinto de As Neves que terá lugar o 8 e o 9 de xullo.

A vila do Albariño quere aproveitar as sinerxias entre os Concellos con D.O Rías Baixas, tal como o decía a alcaldesa, Fátima Abal, acompañada do alcalde de As Neves nun acto de presentación que recollemos en AROUSA PONTEVEDRA DIA A DIA.

O Concello de Cambados puxo en marcha hoxe o Enobús, unha das actividades previstas no programa da Cidade Europea do Viño pero con intención de permanecer no tempo.

O punto de partida inaugural situouse esta mañá na Praza do Concello coa presencia de alcaldes da comarca, a mancomunidade do Salnés e os membros do goberno de Cambados.

Foi un encontro no que o Concelleiro de Enoturismo, José Ramón Abal, explicaba os pormenores do Enobús e que recollemos en AROUSA PONTEVEDRA DIA A DIA.

A reunión entre o alcalde de Vilagarcía, Alberto Varela, e o patrón maior de Carril, José Luis Villanueva, para tentar desbloquear a celebración da Festa da Ameixa rematou sen acordo.

As posturas mantivéronse distantes: a confraría continúa coa súa intención de celebrar o evento gastronómico o 19 e o 20 de agosto e o concello presentou dúas posibles datas: o 14 e 15 de agosto ou o 26 e 27.

O goberno local sigue argumentando que por motivos de seguridade a festa da Ameixa non pode coincidir coas outras dúas citas relevantes do programa de San Roque: As Revenidas, en Vilaxoán, e o Combate Naval.

Dende a confraría alegan a contratación das orquestas para a fin de semana do 19.

Así o explicaba a portavoz municipal, Tania García, ao remate dun encontro do que nin o alcalde nin o patro maior de Carril quixeron realizar declaracións e que recollemos en AROUSA PONTEVEDRA DIA A DIA.

A Conselleira do Mar, Rosa Quintana, reuniuse esta mañá co patrón maior de O Grove, Antonio Otero, e representantes da confraría meca dentro dos habituais encontros que ven mantendo cos distintos pósitos de Galicia.

Durante a reunión abordáronse diversas demandas da confraría como a reordenación de espazos portuarios ou o aumento das cuotas.

Así o explicaban a conselleira e o patrón maior do pósito á entrada da reunión nunhas declaracións que recollemos en AROUSA PONTEVEDRA DIA A DIA.

O entorno de O Pombal en Cambados abriu esta mañá as portas da feira de vehículos de ocasión que se vai prolongar durante toda a fin de semana.

Uns 200 coches de entre 1.500 e 60.000 euros están expostos nunha mostra con entrada gratuita e en horario ininterrumpido.

Detalles que explicaban esta mañá o concelleiro de Promoción Económica, Xurxo Charlín, e o organizador do evento, Juan Antonio Lijó, no momento da apertura da feira que recollemos en AROUSA PONTEVEDRA DIA A DIA.

Nace en Vilanova a cervexa artesana "Extrema de Arousa" elaborada por tres veciños da parroquia de Corón.

Serxio Chaves, Iván Nogueira e Juan Ramón Fernández comezaron este proxecto tras visitar hai dous anos a Festa da Cervexa Artesa que se celebra en Vilanova.

Motivados por facer una cervexa de calidade pero con prezos competitivos, elaboraron unha receta a base de malta, cebada e lúpulos que fabrican eles mesmos na súa casa e que se envasa nunha fábrica de Monteporreiro en Pontevedra, para manter todos os controis de calidade.

Existen dúas variedades, a Extrema, cervexa rubia, fresca e con 5'4° de alcol e a Nasa Extrema, tostada, con máis corpo e 6'7° de alcol.

De momento, en tres meses fabricaron 6.000 litros de estas dúas cervexas que se poden atopar en máis de 50 locais de hostelería da comarca e que tamén se pode mercar a través do seu Facebook, a un prezo que ronda os 2€ o botellín.

O seu próximo objetivo é estar presentes nas diferentes festas de O Salnés para dar a coñecer a súa marca.

Un proxecto empresarial que explicaba está mañá Serxio Chaves acompañado polo alcalde de Vilanova, Gonzalo Durán, que amosou o seu apoio para que sigan adiante con esta iniciativa, nunha rolda de prensa que recollemos en AROUSA PONTEVEDRA DIA A DIA.

Sanxenxo presentou esta mañá a súa oferta de actividades de verán, recollida nun programa do que se repartirán 10.000 exemplares por todo o municipio.

Os detalles explicábaos así a concelleira de Cultura, Paz Lago, acompañada do concelleiro de Turismo, Jesús Sueiro, nunha rolda de prensa que recollemos en AROUSA PONTEVEDRA DIA A DIA.

O Club Juventud de Cambados organiza unha nova edición do seu Festival que mistura deporte, música tradicional de grupos locais e degustacións gastronómicas.

Será este sábado 1 de xullo en Torrado co obxectivo de recadar fondos para a vindeira tempada.

Os detalles coñecémolos esta mañá da man do concelleiro Tino Cordal e do presidente do clube nunha presentación que recollemos en AROUSA PONTEVEDRA DIA A DIA.

Cambados adianta as festas de verán cun evento alternativo para a mocidade e ao mesmo tempo solidario co refuxio de animais.

Trátase do Cambados Live Festival, que se celebrará o 8 de xullo, a partir das 11.30 da noite na Praza do Concello coa música de dous djs internacionais.

Ademáis, o evento servirá para recadar fondos para o Refuxio de Animais de Cambados, que terá un punto de venda dos seus productos.

Así o explicaban o concelleiro e Tenente de Alcalde, Tino Cordal, a presidenta do Refuxio, Olga Costa, e o organizador do evento nunha rolda de prensa que recollemos en AROUSA PONTEVEDRA DIA A DIA.