A Cidade Europea do Viño está presente na Feira Kielerwoche que se celebra dende hoxe na cidade alemana de Kiel, como resultado da colaboración entre a Mancomunidade do Salnés e o Concello de Cambados.

Unha delegación de ambas entidades parten hoxe cara a cidade xermana para promocionar todas as actividades que se enmarcan dentro da Cidade Europea do viño, como o Enobús, a Festa do Albariño e o video promocional de Cambados Feito A Man realizado por Juan Galiñanes.

Asimesmo, Vilanova aproveitará a ocasión para visitar a cidade irmanada de Cuxhaven e promocionar a Festa do Mexillón e o Berberecho.

Os detalles nolos contaban esta mañá o presidente da Mancomunidade e alcalde de Vilanova, Gonzalo Durán, e o concelleiro de Enoturismo de Cambados, José Ramón Abal, nunha rolda de prensa que recollemos en AROUSA PONTEVEDRA DIA A DIA.

A Garda Civil en Sanxenxo incorpora catro axentes cubrindo así a totalidade da plantilla do posto da Benemérita na localidade durante o verán.

Un reforzo que anunciou a subdelegada do Goberno en Pontevedra, Ana Ortiz, durante a Xunta Local de Seguridade celebrada en Sanxenxo na que estiveron representantes municipais, da Garda Civil, Policía Autonómica e Policía Local. 

Segundo Ana Ortíz, Sanxenxo é un punto de "atención prioritaria" dentro do plan nacional Turismo Seguro.

O Concello de Cambados e a asociación Filosofía de Xogo organizan a primeira edición do programa "Máis zapatillas, menos pastillas".

A iniciativa consiste nunha andaina solidaria destinada as persoas maiores co obxetivo de concienciar á terceira idade sobre os hábitos de vida saúdable, a práctica de deporte e a boa alimentación para previr, entre outras cousas, a enfermidade do Alzheimer.

É por elo que todo o recadado na andaina, a través de donativos e os sponsors, será en beneficio da Asociación do Alzheimer Afasal.

A andaina, que se celebrará o vindeiro 30 de xullo, é gratuita e terá un percorrido de 2'5km polo centro da Vila, con saída dende Fefiñáns ás 10:00 horas da mañá.

A organización habilitará tres liñas de autobuses que pasarán por todos os concellos da comarca recollendo aos asistentes para chegar a Cambados.

Ademáis, tamén haberá clases de zumba, charlas sobre saúde e actividades para toda a familia.

Así o explicaban esta mañá o concelleiro de Servizos Sociais, Tino Cordal e o presidente de Filosofía de Xogo, Guido Villamil, nunha presentación que recollemos en AROUSA PONTEVEDRA DIA A DIA.

A escola infantil de Ribadumia empezará o novo curso con instalacións melloradas e novo equipamento a través dunha axuda da Xunta.

O investimento da obra roldou os 33.365 euros, 22.500 dos cales corresponden á subvención da Xunta, puidéronse adquirir diversos medios e equipamento para o centro coma paneis separadores para o comedor, lousas, triciclos, mesas, mobles para libros, andadores, xogos e armarios.

A maiores, tamén se levaron a cabo diversos traballos de mellora, como a cuberta do patio para crear unha nova zona de xogos para os nenos, a reparación e illamento da cuberta do patio central e o arranxo das vallas exteriores de madeira.

Ampliouse a cuberta no soportal para mellorar a área de achega dos pais, transformouse un aseo en almacén e reparáronse os inodoros. Finalmente, ampliouse a cociña a través da desmonte e nova colocación dunha biombo de aluminio.

O concello, pola súa banda, tamén aportou equipamento non subvencionable, coma berces, colchóns, tumbonas e babeiros.

Grazas a estes investimentos, melloráronse unhas instalacións nas que, na actualidade, están a ser atendidos 95 nenos, o que redunda favorablemente no desenvolvemento dos procesos de aprendizaxe e na mellora da súa efectividade.

Os traballos realizados foron supervisados esta mañá polo delegado territorial da Xunta en Pontevedra, José Manuel Cores Tourís, acompañado polo alcalde do municipio, David Castro,

Ambos explicaban as obras realizadas durante unha visita ao centro que recollemos en AROUSA PONTEVEDRA DIA A DIA.

Cambados acolleu esta mañá a presentación dunha das festas gastronómicas máis recoñecidas de Galicia: a Festa da Langosta e da Cociña Mariñeira, que se celebrará en A Guarda entre o 30 de xuño e o 2 de xullo.

A presentación do evento realízase cada ano nunha cidade diferente e nesta ocasión o lugar elexido foi Cambados por ser a Cidade Europea do Viño, co aliciente da boa maridaxe que supón o albariño para a langosta.

Os xardíns do Pazo de Torrado foron o escenario do acto no que os restauradores guardeses presentaron os máis de 20 platos que se poderán degustar na festa.

Xunto con eles, a alcaldesa de Cambados, Fátima Abal, agradecía ao concello do Baixo Miño a elección da vila para a presentación e o alcalde de A Guarda, Antonio Lomba, explicaba os pormenores da súa festa.

Detalles dunha presentación que recollemos en AROUSA PONTEVEDRA DIA A DIA.

A Garda Civil busca ao segundo suposto autor dun roubo rexistrado hoxe na Illa de Arousa, nunha vivenda da rúa dos Castros.

Os feitos aconteceron mentres o propietario da vivenda estaba durmiendo cuando se percatou de que alguén entraba na casa e puido dar a alarma á Policía Local.

Grazas á inmediata chegada dun dos axentes locais, que se encontraba nas proximidades, puido ser “pillado in fraganti” un dos autores, mentres o segundo conseguía fuxir.

Segundo as primeiras hipóteses son dous homes de orixe colombiano.

Así nolo explicaba o concelleiro de Seguridade Cidadá Luis Arousa a AROUSA PONTEVEDRA DIA A DIA.

Cambados continúa esta fin de semana co seu programa Videa dentro das actividades da Cidade Europea do Viño.

Nesta ocasión, o sommelier uruguaio Charlie Arturaola, presenta a película arxentina “o Camiño do Viño” ás 21.30 horas na adega Don Olegario de Cambados.

E mañá sábado, ás 13 horas, terá lugar unha cata de viños galegos e internacionais por parte de Arturaola con maridaxe de productos da ría con Emma Pinal de Conservas Mariscadora.

Será na Fundación Manolo Paz en Castrelo Cambados.

Unha nova sesión do proxecto Videa Cambados que está tendo un gran éxito, tal como resaltaba esta mañá o concelleiro de Cultura de Cambados, Victor Caamaño, na presentación da xornada desta fin de semana acompañado polo summelier Charlie Arturaola, e que recollemos en AROUSA PONTEVEDRA DIA A DIA.

A Illa de Arousa volve ser escenario do Atlantic Fest que dende o ano pasado se inclue no calendario de festivais das Rías Baixas, promovido pola Deputación de Pontevedra.

Na edición deste ano soará a música de Los Planetas, Lori Meyers ou Máximo Park entre outros moitos durante os días 30 de xuño, 1 e 2 de xullo.

Unha cita que volve a aproveitar unha combinación única de natureza, praias e gastronomía nunha aposta pola música galega, nacional e internacional.

Así o destacaban o organizador do Atlantic Fest, Antonio Caneda, e a presidenta da Deputación de Pontevedra, Carmela Silva, na presentación do Festival que recollemos dende AROUSA PONTEVEDRA DIA A DIA.

Vilagarcía será este ano o porto de saída do Remonte Conmemorativo da Traslatio dos restos do Apóstolo Santiago que se celebra o 25 de xuño.

A hora da saída será ás 16.15 horas do porto deportivo e previamente, ás 16 horas, terá lugar un acto institucional no Auditorio municipal.

Trátase dunha peregrinaxe que explicaba esta mañá o presidente da Fundación "Ruta Xacobea do Mar de Arousa e Ulla", Javier Sánchez-Agostino Mariño, na presentación da Traslatio que recollemos en AROUSA PONTEVEDRA DIA A DIA.

Cambados pon en marcha unha nova iniciativa dentro do Programa Emprendemar.

Trátase dun Taller de Algas e a súa aplicación na conserva que conta coa implicación da fábrica de conservas La Brujula ubicada no Polígono de Ribadumia.

O acto de presentación celebrado na conserveira esta mañá contou coa presencia da alcaldesa de Cambados e do alcalde de Ribadumia, Fátima Abal e David Castro respectivamente.

Tamén estiverpn presentes o representante do proxecto, Antonio Botana e o portavoz do goberno de Cambados, Xurxo Charlín, que nos explicaban en AROUSA PONTEVEDRA DIA A DIA os detalles desta iniciativa.