O artista Uxío López regresa a Vilagarcía coa súa exposición "Xeitos Diferentes de Arrincar a Pel".

A mostra poderá visitarse na Sala Rivas Briones de Vilagarcía dende o 16 de xuño e ata o 28 de xullo.

Uxío López amosará unhas 10 pezas que realizou nos últimos tres anos e coas que quere lembrar a implicación que temos que ter nás aptitudes da vida así como os diferentes soportes que utiliza para realizar as súas obras.

A exposición inaugurase mañá venres e foi presentada está maña nun acto no que estiveron presentes o autor, Uxío López, a concelleira de Cultura, Sonia Outón e o alcalde de Vilagarcía, Alberto Varela, e que recollemos en AROUSA PONTEVEDRA DIA A DIA

Vilagarcía soará a blues os días 7, 8 e 9 de xullo.

Será na segunda edición do Festival VilaBlues con concertos organizados pola concellería de Cultura que comezarán o venres 7 de xullo as 21:30 coa actuación de Bernard Anderson.

Todos eles serán gratuitos e ao aire libre na Alameda de Vilagarcía.

Ademáis, haberá masterclass, clases de baile, proxección de cine e unha comida de confraternidade para rematar a fin de semana musical que convierte a Vilagarcia na cidade do blues.

Así o explicaba a concelleira de cultura de Vilagarcía, Sonia Outón nunha conversa con AROUSA PONTEVEDRA DIA A DIA

O Concello de Sanxenxo blíndase durante este verán.

Así o quixo destacar esta mañá o alcalde Telmo Martín no acto de presentación dos 23 novos auxiliares da policía local que desenvolverán os labores de seguridade cidadá na tempada estival.

Que os veciños e visitantes se sintan seguros e cambiar a imaxe de Sanxenxo neste sentido é a prioridade para o novo goberno bipartito.

Decíao así Telmo Martín nese acto de presentación que recollemos en AROUSA PONTEVEDRA DIA A DIA.

O Concello de Vilanova e o Banco de Alimentos Rías Baixas asinaron esta mañá un convenio mediante o cal a administración municipal aporta 1.000 euros de subvención destinada a sufragar os gastos de diversas actividades da organización benéfica.

O ano pasado o Banco de Alimentos puido recadar e distribuir 130 toneladas de productos non perecedeiros e este ano agardan chegar á mesma cantidade.

Os alimentos que máis se necesitan son productos como conservas, leite, aceite e cacao.

Os detalles explicábanos o alcalde, Gonzalo Durán, e os representantes do Banco de Alimentos trala sinatura do convenio nunha comparecencia que recollemos en AROUSA PONTEVEDRA DIA A DIA.

Unha delegación institucional, encabezada polo Conselleiro de Cultura, Román Rodríguez, e polo alcalde de Vilagarcía, Alberto Varela, visitou esta mañá a Illa de Cortegada.

Fixérono nunha reunión de traballo sobre a tramitación da Candidatura das Illas Atlánticas cara a súa Declaración como Patrimonio da Humanidade.

Un proceso que se aventura longo e pode prolongarse ata sete anos pero que se agarda histórico no Concello de Vilagarcía.

Nolo explicaban o Conselleiro de Cultura, Román Rodríguez, e o alcalde de Vilagarcía, Alberto Varela, no inicio desta visita que recollemos en AROUSA PONTEVEDRA DIA A DIA.

O alcalde de Vilagarcía insiste en que o Concello non participará na Festa da Ameixa se a confraría de Carril insiste en celebrala o 20 de agosto pese a coincidir co Festival de As Revenidas, o combate naval e o desfile de carrozas.

Alberto Varela volve argumentar que os informes dos servicios municipais involucrados desaconsellan a celebración do evento nesa fin de semana por motivos de seguridade pero tamén porque os traballadores municipais non poden estar en activo dende o venres ao domingo pola noite sen descanso.

Alberto Varela apunta a fin de semana do 27 como data idónea, tal como nos explicaba en AROUSA PONTEVEDRA DIA A DIA.

E na polémica da celebración da Festa da Ameixa entrou tamén esta mañá o PP de Vilagarcía respaldando “con firmeza” a postura da confraría.

O grupo municipal popular pide “coherencia e talante aos membros do goberno local para atender á petición expresa dos organizadores e resolver este asunto o máis axiña posible, xa que a incerteza e o desafío que está a levar a cabo o Consistorio está a facer un fraco favor á imaxe da festa e do municipio a ollos dos visitantes”.

A rúa Mendez Núñez de Vilagarcía será unha vez máis o escenario do Festival Varietés, organizado polos hosteleiros locais e o Concello.

Os concertos serán os xoves, ás 21.30, e os venres, ás 22.00, dos meses de xuño e xullo, como forma de cubrir o espazo estival ata que dea comezo a programación oficial do Concello.

As actuacións comezarán este xoves co grupo The Soul Breakers.

O programa de Varietés foi presentado esta mañá polo presidente de Ahituvi, Ricardo Santamaría, o organizador da iniciativa, Diego Parajó, e o alcalde Alberto Varela nunha rolda de prensa que recollemos en AROUSA PONTEVEDRA DIA A DIA.

A Xunta pon en marcha o inicio das obras de ampliación do IES Asorey co fin de dar resposta á necesidade de acoller aos cursos de formación profesional básica e adaptar os ciclos profesionais.

Así mesmo, levaranse a cabo distintas melloras nas instalacións existentes na totalidade do centro educativo cunha inversión de 770.000 euros, cofinanciados nun 80% por fondos europeos.

A obra, adxudicada á constructora San José de Cambados, iníciase hoxe coa sinatura dos traballos de replanteo e prevese que estea prácticamente lista no inicio do vindeiro curso.

Nese momento terá 7 novas aulas ademáis de aseos adaptados para o profesorado e almacén de limpeza.

Grazas a esta ampliación, o centro poderá atender á demanda da implantación da FP Básica, así como a adaptación dos ciclos formativos profesionais á LOMCE, que pasan a ter unha duración de 2.000 horas.

Os traballos desenvolveranse na época estival, minimizando así o impacto na actividade habitual do IES.

Segundo establece o proxecto, para a ampliación do centro procederase á demolición dunha parte da cuberta existente e, a partires de ahí, proceder á construción de novos espazos destinados a aulas e espazos polivalentes.

É dicir, que se substituirá a baixo cuberta actual por unha nova planta, de 600 metros cadrados útiles, que albergará un total de sete novas aulas (2 aulas polivalentes, 3 aulas taller e 2 aulas de desdobre), así como dous aseos e almacén de limpeza.

A ampliación do IES Francisco Asorey enmárcase dentro do Plan de Infraestruturas 2016-2020 deseñado pola Consellería de Educación, que ten como obxectivo mellorar a infraestrutura e o equipamento educativo para garantir unha educación pública de calidade.

Os detalles nolos contaban en AROUSA PONTEVEDRA DÍA A DÍA, durante o acto de inicio da actuación, o delegado territorial da Xunta en Pontevedra, Cores Tourís, o concelleiro de Educación de Cambados, Victor Caamaño e o xefe territorial de Educación Cesar Pérez Ares, que, por certo, tamén se refería á posible desafectación das casas de profesores do colexio Magariños, eso sí, baixo o cumplimento da legalidade.

Catro bloggers do mercado de Reino Unido visitan estes días a comarca do Salnés nunha iniciativa promovida pola Mancomunidade para fomentar o sector turístico a nivel internacional.

A actuación realízase en colaboración coa Ruta do viño Rias Baixas e Turespaña para promocionar Galicia a través dos viños da D.O Rías Baixas.

Con esta visita, a Mancomunidade quere así promover O Salnés como destino turístico internacional contando coa colaboración da Ruta do Viño Rías Baixas e TurEspaña en Londres.

Os catro blogger puideron coñecer durante a fin de semana os recursos que ofrece a comarca arousá con visitas ás principais adegas do Salnés para comprobar o proceso de elaboración do Albariño.

Todos eles quedaron impresionados co viño albariño, coa gastronomía galega e coa paisaxe e ofertas turísticas da comarca.

Así o explicaban esta mañá nunha presentación ante os medios no salón de plenos de Cambados, acompañados polo delegado de Turismo da Mancomunidade do Salnés, Gonzalo Pita, e o seu xerente, Ramón Guinarte, ademáis do Presidente da D.O Rías Baixas, Juan Gil de Araujo, e a alcaldesa de Cambados Fátima Abal, que recollemos en AROUSA PONTEVEDRA DIA A DIA.

O entorno de O Pombal acollerá a fin de semana do 24 e 25 de xuño a V Concentración de Motos organizada polo Motoclube “O mellor de cada casa”.

A actividade enmárcase dentro da programación da Cidade Europea do Viño e de momento hai xa inscritos preto de 200 moteiros de toda Galicia, Portugal e de diversas zonas de España.

Unha nova edición da concentración moteira que foi presentada esta mañá polo concelleiro de Enoturismo de Cambados, José Ramón Abal, e o presidente do Motoclube organizador, Luis Miguel Carballa, nunha rolda de prensa que recollemos en AROUSA PONTEVEDRA DIA A DIA.