Os alumnos do centro de Educación Especial de Marxión, en Vilagarcía, recibiron esta mañá a visita do alcalde Alberto Varela e doutros membros do goberno local, que cumpriron así o compromiso adquirido polo executivo municipal o día en que alumnos e mestres foron recibidos no concello.

Os detalles nolos explicaron unha das docentes do colexio e o alcalde durante unha visita que recollemos en AROUSA PONTEVEDRA DIA A DIA.

O Concello de Vilagarcía comeza a implantar a “Zona 30” nas rúas do centro urbano para incrementar a seguridade viaria con medidas de calmado de tráfico, incluindo a instalación de sinais horizontais e verticais ademáis de melloras de accesibilidade e mobilidade.

O plan iníciase nas rúas que conforman intersección coas peonís pero tamén se extenderá progresivamente ás parroquias.

Así o explicaba esta mañá o alcalde, Alberto Varela, na presentación da Zona 30 acompañado do concelleiro de Seguridade Cidadá, Juan Antonio Pérez Callón, nunha das rúas nas que comeza a actuación, e que recollemos en AROUSA PONTEVEDRA DIA A DIA.

O alcalde de Sanxenxo Telmo Martín, avanzou esta mañá algúns dos proxectos e iniciativas que o novo goberno bipartito quere poñer en marcha.

Entre eles, o orzamento municipal para o vindeiro ano, o pintado dos pasos de peóns e mellorar as medidas de seguridade.

Explicacións durante un encontro cos medios de comunicación no que estivemos dende AROUSA PONTEVEDRA DIA A DIA.

Hoxe en AROUSA PONTEVEDRA DIA A DIA conversamos coa concelleira de Festas de Poio, Lidia Salgueiro, sobre o programa elaborado polo seu departamento para as Festas Patronais de San Xoan.

Ainda que a semana grande celebrarase entre o 22 e o 26 de xuño, as actividades xa comezaron e prolongaranse ata o 7 de xullo.

A Xunta mellorará a seguridade vial no tramo entre A Revolta e a rontonda de A Lanzada, en Sanxenxo, mediante a colocación dun paso de peóns con semáforo de pulsador.

O proxecto está en marcha e prevese que estea en funcionamento no mes de xullo, que é o momento de maior poboación vacacional.

A Consellería de Infraestructuras atende así a demanda dos veciños da contorna nunha zona moi transitada durante o verán tanto por peóns como por vehículos.

A actuación anunciouse esta mañá durante o inicio das obras de mellora do pavimento no tramo da vía rápida entre Sanxenxo e A Lanzada.

Os traballos realizaranse ao longo de 4 kms e as previsións é que estean rematados a mediados da vindeira semana.

Os detalles de todo elo explicábanos o xefe de Infraestructuras da Xunta en Pontevedra, Fausto Núñez, o alcalde Telmo Martín e o delegado territorial Cores Tourís durante unha visita ao inicio das obras que recollemos en AROUSA PONTEVEDRA DIA A DIA.

A Festa do Albariño sustituirá a tradicional carpa gastronómica por 8 foodtracks.

A medida foi acordada polo goberno local, en consenso coa Asociación de Comerciantes Zona Centro, atendendo á recomendación da Policia Local co fin de mellorar a seguridade viaria no entorno do Paseo da Calzada.

De momento o goberno local ten confirmada a presencia de 5 fooktracks: o de Pandemonium, con comida variada, o de Pepa Loba, con ostras, unha pulponeta, un fooktrack de A Galeguesa, de hamburguesas con producto galego de calidade e o quinto será de bebidas.

Quedan tres postos ainda libres e os interesados en solicitalos poden achegarse polo concello para máis información.

Así nolo contaba esta mañá o concelleiro de Promoción Económica, Xurxo Charlín, acompañado dos hosteleiros locais, Antonio Botana do Pandemonium e Alvaro Fernández de Pepa a Loba que porán os seus foodktracks no Paseo da Calzada, nunha convocatoria que recollemos en AROUSA PONTEVEDRA DÍA A DIA.

Vilagarcía pon en marcha a segunda edición do Festival de Estío, unha iniciativa pensada para que os máis pequenos poidan despedir o curso e dar a benvida á chegada do verán dunha forma diferente.

Nesta ocasión, o festival deixa a praia de A Concha e trasládase ao centro da vila durante catro días.

O Festival do Estío dará comezo o domingo 25 de xuño para celebrar o remate das clases coa Danza dos Paxaros, ás 12:30 do medidía no Parque Miguel Hernández.

Nesta segunda edición tamén haberá actuacións musicais, teatrais e de títeres para que nenos e maiores disfruten.

O xoves 29 de xuño será o día dos títeres con actuacións ás 12:30 do mediodía de Fantoches Baj e de Títeres Trompicallo ás 21:00 horas da tarde no Parque Miguel Hernández.

O Venres haberá teatro no Xardín de Ravella coas interpretacións de Teatro dos Ghazafellos ás 12:30 e de María Faltri e Jorge Juncal ás 21 horas.

E xa o sábado 1 de xullo será o turno do concertos na Praza de Galicia de Xarope Tulú ás 12:30 e de Mama Cabra ás 21 horas.

Os detalles deste Festival do Estío explicábaos esta mañá en Vilagarcía a concelleira de Cultura, Sonia Outón, acompañada por Emilia Candal, do colectivo Urdime, organizador dos actos de animación, e dos músicos María Faltri e Jorge Juncal que ofreceron unha pequena actuación e que recollemos en AROUSA PONTEVEDRA DIA A DIA

Cambados reuniu esta mañá á Mesa Local Inter- Institucional contra a Violencia de Xénero, coa presencia da Secretaria Xeral de Igualdade da Xunta, Susana López Abella, e na que estan integrados os concellos de Cambados, Meis e Ribadumia.

Trátase da primeira reunión do organismo, constituído en novembro do pasado ano co fin de que todas as administración implicadas poidan coordinarse mellor na loita contra a violencia machista.

Na xuntanza de hoxe abordouse a creación dun punto de entrega e recollida dos nenos para que as familias que necesitan este servizo non teñan que desplazarse a Pontevedra.

A proposta de Cambados foi que ese punto se ubicara na biblioteca municipal Luis Rei.

Ademáis, tamén se aprobou a integración no organismo de dous centros educativos de Cambados: o colexio de Corbillón e o IES Asorey.

En AROUSA PONTEVEDRA DÍA A DÍA achegámonos ata o salón de plenos do Concello de Cambados, onde recollemos as explicacións da secretaria de Igualdade da Xunta, Susana López Abella, e da alcaldesa Fátima Abal.

Os hosteleiros de Vilagarcía poñen en marcha unha nova edición de Destapa Verán, que este ano inclue a Ruta do Gin.

Desta volta, 16 establecementos participan na oferta de tapas de moi coidada elaboración e presentación que se poderán probar ata entre os días 9 e 18 de xuño.

O prezo por tapa é de 2 euros e de 3 se vai acompañado dun botellín de cerveza ou de 3,50 si se toma cun viño albariño ou mencía.

Os días 13 e 14 celebrarase o "Día do Tapeador" e o custe das tapas reducirase a 1.70 euros. Ademáis, repetirase o Campionato de Tiraxe de Cerveza.

Como novidade, este ano inclúese a Ruta do Gin Masters cunha oferta de 9 combinados elaborados por outros tantos establecementos nocturnos a un prezo único de 5 euros.

O público poderá votar pola súa tapa favorita de entre todas as propostas de tapas e Gins e optar a un premio especial de 300 euros en metálico.

Para elo deberá facerse cun Libro de Ruta, dispoñible en todos os locais participantes, e ir selándoo ata completar un mínimo de 6 establecementos de tapas e 3 de combinados.

Do reconto de todos os votos correctamente emitidos sairán o primeiro, segundo e tercer premio á mellor tapa e ao mellor Gin de ‘DesTapa Vilagarcía’.

Entre todas as papeletas depositadas realizarase un sorteo de 23 premios, entre os que figuran un premio en metálico de 300 euros, vales compra de 50 euros nos establecementos de Zona Aberta, no Centro Conercial Arousa ou no Gadis, así como diversos lotes de viño e visitas enoturísticas.

Detalles dunha nova edición de Destapa Vilagarcía que presentaban esta mañá o presidente de Ahituvi, Ricardo Santamaría, e o alcalde de Vilagarcía, Alberto Varela, nun acto que recollemos en AROUSA PONTEVEDRA DIA A DIA.

Portos de Galicia participa no proxecto “Ecodestin” da Unión Europea, asociado coa Rexión Norte de Portugal.

Un proxecto que ten como finalidade a apertura de novos mercados náuticos e a captación de turismo nos portos deportivos de titularidade autonúmica.

Esta actuación enmárcase no Plan Estratéxico da Náutica Recreativa 2012-2020 que o ente público desenvolve para optimizar os recursos do sector e rendibilizar ao máximo as instalacións náutico-recreativas.

O obxectivo principal do proxecto Ecodestin é diferenciar a eurorexión Galicia-Norte de Portugal como destino singular náutico e deportivo, integrador do importante patrimonio natural e cultural que existe ao redor das rias e ríos galegos e portugueses.

Asimesmo, a pesar de estar integrado por dous países, preténdese ofrecer esta rexion como un destino único cara aos mercados internacionais como o alemán, inglés, escandinavom francés ou americano.

A propuesta está liderada pola Asociación Galega de Actividades Náuticas (Agan ) e Portos de Galicia é a entidade pública con maior inversión, con case 540.000 euros sobre un proxecto global de 2,2 millóns.

Os detalles nolos contaba para AROUSA PONTEVEDRA DIA A DIA o presidente de Portos de Galicia, José Juan Durán.