Cambados recada fondos para o Xuven a través dunha iniciativa que mistura deporte, gastronomía e música.

Trátase do Basketapas, que se celebrará entre o 9 e o 18 de xuño e no que participan 12 establecementos de Cambados.

O obxectivo é recadar fondos para o Clube Xuventude de baloncesto e tamén para seguir promocionando o municipio aproveitando a celebración do Campionato de Clubes de Baloncesto Infantil durante esas datas.

Cada local de hostelería elaborará unha tapa que tera un custe de 1€, dos que a metade, 0'50 céntimos, serán destinados ao Xuven.

Ademáis haberá concertos de diferentes estilos e grupos da comarca.

Os detalles nolos contaban o concelleiro de Promoción Económica, Xurxo Charlín, acompañado do concelleiro de Somos, Tino Cordal, o representante dos hostaleiros participantes, Miguel Solla, e do presidente do Xuven, Toño Lema, na presentación da iniciativa que recollemos en AROUSA PONTEVEDRA ´DIA A DIA.

O parque infantil de Castrelo terá a partir deste verán unha zona de ocio e recreativa con arborado, mesas de picnic e elementos biosaudables.

As obras, financiadas a través do Plan Concellos 2016 da Deputación, están en marcha e probablemente quedarán rematadas a finais do mes de xuño.

A empresa Globalia é a adxudicataria da actuación por un importe de 30.000 euros, 20.000 menos que a licitación inicial.

Así o explicaba o concelleiro de obras José Ramón Abal, durante unha visita á zona, que recollemos en AROUSA PONTEVEDRA DIA A DIA.

O Centro de Educación Especial "Princesa Letizia" da asociación Amencer-Aspace aposta polas novas tecnoloxías.

Proba delo é que pon en marcha un novo proxecto de formación e equipamento TAC para que os alumnos gocen dun momento de lecer no que aprendan a tomar o control da actividade e a adoptar decisións.

Co proxecto "Os Contos Viaxeiros" financiado polo Ministerio de Educación, o centro creou unha Biblioteca Multimedia para que os alumnos lean contos e interactúen con eles, á vez que se achegan as novas tecnoloxías á súa día a día.

Nolo contaba a xerente da asociación Amencer, Mónica Touriño, durante a visita que esta mañá realizou o alcalde de Vilagarcía, Alberto Varela, ao centro "Princesa Letizia" para ver como funciona este programa.

Unha visita que recollemos en AROUSA PONTEVEDRA DIA A DIA.

Telmo Martín asumirá esta semana, posiblemente mañá mesmo, a alcaldía de Sanxenxo trala renuncia de Gonzalo Pita que se oficializou no pleno municipal da pasada tarde.

Mentres tanto, o alcalde en funcións será Daniel Fernández, ata agora concelleiro de Urbanismo e nomeado hai uns días por Pita como tenente de alcalde único.

Foi un tenso pleno, no que o executivo local decidiu limitar a asistencia de público e ducias de veciños quedaron ás portas manifestando con golpes e abucheos as súas protestas.

Na xustificación da súa renuncia á alcaldía, Gonzalo Pita insistiu nos seus argumentos valorando de forma moi negativa a actitude dos que ata hai pouco foron seus socios. Todo elo polo futuro de Sanxenxo.

Dende BNG e PSOE, o nacionalista David Otero acusou ao alcalde e aos dous concelleiros de SAL que o respaldan de actuar dun modo bochornoso e a socialista Coral González-Haba, asegurou sentirse enganada, estafada e utilizada.

Pola súa banda, o que dentro duns días será o novo alcalde, o popular Telmo Martín, calificou a renuncia de Pita como “un acto de valentía” e recriminou aos agora portavoces da oposición que puxeran por diante as siglas dos seus partidos e non o interés dos veciños.

Declaracións dun pleno que recollemos en AROUSA PONTEVEDRA DIA A DIA.

Larsa inaugurou esta mañá as súas novas instalacións da fábrica de Os Martices, en Vilagarcía, tralas obras de adaptación e modernización que necesitaron un investimento de 3,2 millóns de euros.

Un acto no que estiveron presentes a Conselleira de Medio Rural, Angeles Vázquez, o alcalde de Vilagarcía, Alberto Varela, e outros representantes institucionais.

Agora, tralas melloras realizadas, a dirección da empresa pensa xa en proxectos futuros a corto prazo, con novos productos este mesmo ano e unha posible nova ampliación.

Así o adiantaba o director xeral de Larsa, José Armando Tellado, co beneplácito da conselleira do Rural, Angeles Vázquez nunha aposta polo sector lácteo, tal como explicaban no acto inaugural das novas instalacións, que recollemos en AROUSA PONTEVEDRA DIA A DIA.

A adega Terras de Asorey ten dende hoxe o distintivo Galicia Calidade.

A sinatura do selo de calidade tivo lugar esta mañá na nova sede da adega, ubicada en San Martiño de Meis.

Terras de Aserey está conformada por seis familias de adegueiros do Salnés, que nos últimos anos conseguiron altas cuotas de exportación a EEUU, Xapón e Reino Unido.

O próximo reto está en Noruega, onde xa se están abrindo camiño, Brasil e México.

Ata os novos países queren tamén achegar os seus viños Terra de Asorei, Nai e Pazo Torrado.

A nova sede da adega rexistrará en breve un cambio da súa imaxe exterior cun recubrimento que asemellará un enreixado polo que poidan crecer diversidade de plantas que irán mudando de cor cos cambios de estación.

A maiores, no novo proxecto crearase a Eira de Asorey como un entorno onde se poderán celebrar diferentes tipos de eventos e actividades ao aire libre, como mercados, concertos ou representacións teatrais.

Así nolo contaba o presidente da adega, Roque Durán, no acto de sinatura do Selo de Calidade, que contou coa presencia do Conselleiro de Industria Francisco Conde, do delegado territorial da Xunta en Pontevedra, Cores Tourís, e do alcalde de Meis, José Luis Pérez, e que recollemos en AROUSA PONTEVEDRA DÍA A DIA.

O sector marisqueiro conta dende hoxe coa primiera guía para identificar os organismos que poden alterar o estado dos moluscos bivalvos.

A conselleira do Mar, Rosa Quintana, participou esta mañá no Intecmar na presentación deste estudo, froito da investigación de Susana Darriba, xefa da unidade de patoloxia Instituto Tecnolóxico para o Control do Medio Mariño (lntecmar).

Esta guía servirá para que o persoal que participe no ensaio de análise das enfermidades estea capacitado para recoñecer organismos patóxenos e realizar unha valoracion que permita obter unha diagnose

Un traballo que Rosa Quintana definiu como fundamental, ao tempo que alabou o labor que desempeña o Intecmar.

Así o explicaba no acto de presentación que recollemos en AROUSA PONTEVEDRA DIA A DIA.

Cambados pon en marcha o obradoiro “A gastronomía mariñeira e a súa importancia no sector turístico”, que será impartido polo chef do Pandemoniu e integrante do Grupo Nove, Antonio Botana.

Trátase dunha nova iniciativa do programa Emprendemar, financiado con fondos europeos, que está destinado sobre todo á mulleres.

Os talleres de elaboración de productos mariñeiros impartiranse os sábados do mes de xuño no salón Peña.

Así o explicaban esta mañá o concelleiro de Promoción Económica, Xurxo Charlín, e o chef Antonio Botana na presentación do obradoiro que tivo lugar no restaurante Pandemonium.

O BNG de Sanxenxo alude a unha trama urbanística relacionada coa ilegalidade dun edificio vinculado con Telmo Martín e coa antiga constructora Constru4 como a causa que subiace detrás do pacto entre PP e SAL.

Segundo o portavoz nacionalista, David Otero, trátase dun complot na sombra, orquestado polo PP, que provocou unha situación que califica de esperpéntica.

Así o explicaba David Otero nunha comparecencia acompañado da portavoz nacional da formacion nacionalista, Ana Pontón.

O todavía alcalde de Sanxenxo, Gonzalo Pita, insiste na ilexitimidade das votacións acordadas na asemblea da pasada noite, asegura ter a conciencia moi tranquila e amósase convencido de que o pacto co PP era necesario para garantir o futuro de Sanxenxo.

Asimesmo recoñeceu que o tripartito vivía unha situación constante de inestabilidade política provocada polas continuas ameazas da concelleira socialista Coral González Haba de abandonar o goberno.

Ademáis, Pita deslexitima a asemblea da pasada noite, calificandoa de “secuestro” e asegurando que os que votaron en contra do pacto co PP foron familiares e amigos da concelleira Vanesa Rodríguez.

Asimesmo, o todavía rexedor dixo que xa denunciou ante a Garda Civil as octavillas contra el e e os concelleiros que o apoian, Jesús Sueiro e Daniel Otero, que apareceron esta mañá nas rúas de Sanxenxo.

En canto á acusación do BNG sobre a especulación urbanística dun edificio ilegal vinculado con Telmo Martín, o concelleiro de Urbanismo, Daniel Otero, desvincula este asunto co acordo co PP , asegurando que o goberno local non ten competencia neste tema.

Declaracións de Gonzalo Pita nunha comparecencia respaldado polos concelleiros do seu partido Jesús Sueiro e Daniel Otero que recollemos en AROUSA PONTEVEDRA DIA A DIA.