A actual concelleira de Persoal e Seguridade, Vanesa Rodríguez, anuncia que cesa como edil de goberno pero non renuncia a súa acta. O que todavía non ten decidido é se seguirá como concelleira de SAL ou como non adscrita.

Revelouno despois de que a asemblea de afiliados de SAL celebrada esta pasada noite e considerada ilexítima pola dirección do partido, votase en contra do pacto de goberno asinado entre Gonzalo Pita e o PP que dará a alcaldía a Telmo Martín.

Acudiron 30 afiliados do partido e outras 50 persoas como público, co resultado de 23 votos en contra do acordo cos populares, 3 a favor e uno en blanco. Seis asistentes non votaron.

Vanesa Rodriguez nunha comparecencia visiblemente emocionada, asegurou que non recoñece aos seus compañeiros e que non teme que a boten do partido.

Así o explicaba nunha rolda de prensa que recollemos en AROUSA PONTEVEDRA DÍA A DIA.

Outra das iniciativas que pon en marcha o Concello de Cambados con motivo da Cidade Europea do Viño é o proxecto Videa, que mistura o viño co cine.

Dende o 2 de xuño ata o 7 de xullo diferentes adegas de Cambados e a contorna proxectarán 5 das 10 mellores películas do mundo relacionadas co mundo do viño,

Será nas noites dos venres a partir das 21.30 horas ao aire libre.

Cada film proxectarase nunha adega, e noutros espazos naturais como a Fundación Manolo Paz, en Castrelo, ofrecendo unha cata de viño e unha pequena explicación de cada unha delas.

Ademáis das proxeccións, dende o 15 ao 17 de xuño realizaranse charlas, catas, visitas guiadas á ría de Arousa e un showcooking na Quinta de San Amaro en Meaño.

A asistencia a Videa Cambados é de balda pero é necesaria previa inscripción para as 200 prazas previstas na oficina de turismo de Cambados.

Así o explicaban esta mañá o concelleiro de Cultura, Victor Caamaño, e o promotor da iniciativa, Xoan Mariño, nunha comparecencia na Fundación Manolo Paz que recollemos en AROUSA PONTEVEDRA DIA A DIA.

Cambados acollerá a vindeira semana a Asemblea Xeral de Acevin, dentro do programa de Cambados como Cidade Europea do Viño.

Os actos comezarán o xoves 1 de xuño e será unha ocasión para que a vila do albariño amose os seus recursos enoturísticos ante toda a xeografía española.

Unha das actividades destacadas será un showcooking que terá lugar o venres pola tarde na Praia de San Saturniño a cargo do chef cambadés Yayo Daporta, unha vez finalice a actividades experiencial coas mariscadoras de GUIMATUR.

Segundo o Concello, “é a primeira vez en Cambados que se realiza un showcooking a pe de Praia con moluscos extraidos na zona como berberechos, ameixas e navallas”.

Así o explicaba esta mañá o concelleiro de Enoturismo de Cambados, José Ramón Abal, nunha rolda de prensa acompañado polo Presidente da D.O. Rías Baixas, Juan Gil de Araujo, que recollemos en AROUSA PONTEVEDRA DÍA A DÍA.

A Deputación de Pontevedra continuará a tramitación das polémicas obras da Avenida Luis Rocafort en Sanxenxo tal e como se establecía no proxecto inicial, sen incluir as modificacións solicitadas polo alcalde de Sanxenxo, Gonzalo Pita.

Así o advertía o vicepresidente provincial, César Mosquera, que ademáis, argumentaba que o proxecto foi tan só unha xustificación para promover o pacto co PP.

Declaracións de César Mosquera que recollemos en AROUSA PONTEVEDRA DIA A DIA.

Os alumnos de 6º de Primaria do colexio Magariños xa saben o que é vender nun mercado ambulante.

Os nenos participan no programa “Depo Emprende Na Escola”, promovido pola Deputación, e instalaron esta mañá un posto no mercadillo de productos da empresa que eles mesmo formaron.

Para elo pasaron por todas as fases necesarias: desde a solicitude dos trámites administrativos ata a elaboración dos artigos elaborados á man e a súa venda no mercado ambulante.

Os alumnos recibiron a visita da alcaldesa, Fátima Abal, e do concelleiro de Promoción Económica, Xurxo Charlín, que nos explicaba en AROUSA PONTEVEDRA DÍA A DÍA en qué consiste esta iniciativa.

A formación dun novo goberno bipartito entre o PP e SAL segue provocando reaccións.

O concelleiro non adscrito e antigo socio do cuatripartito, Roberto Carlos Agís, asegura que para el era algo esperado pero califica de incoherente a decisión de Gonzalo Pita de quedar formando parte do novo goberno.

Así o explicaba nunha rolda de prensa que recollemos en AROUSA PONTEVEDRA DIA A DIA.

Ademáis, a todavía concelleira de SAL, Vanessa Rodríguez Búa, actual edil de Persoal e Seguridade Ciudadá, porá o seu escano a disposición da asemblea de militantes da agrupación que se celebrará mañá.

Rodríguez Búa é a única dos concelleiros liberais que se opón abertamente ao pacto co Partido Popular, que lle da a alcaldía a Telmo Martín.

A asamblea xeral de mañá está convocada para que os afiliados ratifiquen o pacto asinado polo alcalde e os outros edis do grupo municipal.

Hoxe en Arousa Pontevedra Día a Dia conversamos con Lidia Salgueiro, Concelleira de Cultura de Poio, facendo balance dos actos das Letras Galegas xa celebrados e avanzando os previstos para esta fin de semana.

Tamén nos deu un avance do programa de San Xoan e falamos do Encontro de Embarcacións Tradicionais que terá lugar en Combarro.

A presidenta da Deputación de Pontevedra, Carmela Silva, anunciou esta mañá que dará un paso ao lado para que quen gañou as primarias do PSOE “tome o timón” do partido e tente conseguir de novo a confianza da cidadanía.

Trala victoria de Pedro Sánchez, Carmela Silva, que apostou públicamente por Susana Díaz, “asume con respeto ” o resultado e asegura que a partir de agora “gardará silencio” sobre temas orgánicos internos do partido e centrarase no seu traballo institucional.

O pacto de goberno en Sanxenxo entre o PP e SAL non variará a representación municipal na Mancomunidade do Salnés.

Gonzalo Pita seguirá sendo delegado de Turismo na entidade comarcal, coa satisfacción do presidente da Mancomunidade, Gonzalo Durán, que non ten dúbidas sobre o futuro do novo goberno bipartito de Sanxenxo:

”Telmo ten un socio de goberno totalmente fiable”, asegurou Gonzalo Durán nunha rolda de prensa que recollemos en AROUSA PONTEVEDRA DÍA A DIA.

Telmo Martín volverá a asumir a alcaldía de Sanxenxo tras alcanzar un pacto de gobierno, asinado esta mañana entre o PP e SAL.

O alcalde Gonzalo Pita renunciará ao seu cargo no pleno deste mes de maio pero manterá o seu escano como tenente de alcalde.

No novo goberno non estará a concelleira de SAL Vanesa Rodríguez Búa, que, dende un principio, se amosou en descaordo co pacto co PP.

Así pois, populares e liberales formarán un goberno de 11 escanos nunha corporación de 17.

O acordo de goberno entre PP e SAL inclue a execución de proxectos como o novo colexio de Vilalonga, a posta en marcha do polígono de Nantes e a reforma da rúa Progreso.

O detonante da ruptura do goberno entre SAL, BNG e PSOE foi as diferencias xurdidas no tripartito a raiz do proxecto da Avenida Luis Rocafort.

Gonzalo Pita recoñece que se sentiu“traicionado” pola “deslealdade” dos seus antigos socios de goberno, que apoiaron o proxecto da Deputación deixandoo solo na súa reivindicación de cambios nas obras para crear 20 novos aparcamentos.

Agora ábrese en Sanxenxo unha nova etapa política que nos explicaba esta mañá o alcalde Gonzalo Pita nunha conversa que con el mativemos en AROUSA PONTEVEDRA DIA A DIA