A Comisión Organizadora dos actos da Cidade Europea do Viño está xa constituida.

Os seus integrantes asinaron esta mañá o documento constituinte nun acto celebrado no Salón de Plenos do Concello de Cambados.

O órgano consultivo está composto por cada grupo político da corporación municipal, a Xunta de Galicia, a Mancomunidade do Salnés, a Federación de Empresarios de Arousa (FECA), Cambados Zona Centro, o Capítulo Serenísimo do Albariño, a Ruta do Viño e o Consello Regulador da D.O Rías Baixas.

A Comisión reunirase o primeiro luns de cada mes para analizar as distintas actividades previstas dentro do programa de celebración da Cidade Europea do Viño durante todo este ano.

Os detalles explicábaos o concelleiro de Enoturismo, José Ramón Abal, durante o acto da creación da Comisión, que recollemos en AROUSA PONTEVEDRA DIA A DIA.

O paseo marítimo de Cambados lucirá ata o 30 de xuño unha colección de esculturas de pedra sobre oficios e a emigración, realizada polos alumnos da Escola de Canteiros da Deputación de Pontevedra como parte do convenio de colaboración coa Cidade Europea do Viño.

Son 17 figuras de granito que se complementan cunha lagareta coas súas respectivas botellas, que durante hoxe e mañá 4 alumnos da Escola acaban de tallar na praza do Concello para posteriormente ser trasladada ao Museo do Viño como cesión permanente.

Dúas iniciativas que foron inauguradas institucionalmente esta mañá coa visita da presidenta da deputación, Carmela Silva, acompañada da alcaldesa, Fátima Abal e os demáis membros do goberno municipal.

Xunto a ambas, o director da Escola de Canteiros, Enrique Velasco, explicaba os detalles das obras graníticas nunha presentación que recollemos en AROUSA PONTEVEDRA DIA A DIA.

O Concello e a Confraría de Cambados poñen en marcha o primeiro dos talleres do proxecto Emprendemar, co fin de fomentar a creación de novos negocios no sector marítimo-pesqueiro.

Será un curso gratuito de cinco días, destinado a mulleres, sobre aplicacións das Novas Tecnoloxías nos traballos mariñeiros.

A formación, financiada con fondos europeos, comeza o vindeiro luns e será impartida no centro de A Merced en horario de 19 a 21 horas.

Os detalles nolos contaban en AROUSA PONTEVEDRA DIA A DIA o concelleiro de Promoción Económica, Xurxo Charlín, e Leticia García, unha das docentes do curso.

Vilagarcía prepárase para vivir as festas de Santa Ríta, que comezarán o venres.

Será un completo programa de música e actividades que presentou esta mañá en rolda de prensa a concelleira de Cultura, Sonia Outón, acompañada do alcalde, Alberto Varela,

Baixo o lema, Ti pide, que a quitar... sempre hai tempo! a concellería de cultura elaborou unha programación na que haberá actividades para os máis cativos, a feria celta, pasarrúas, deporte, concertos e verbenas dende o venres 19 ata o luns 22 de maio, festivo local.

Ademáis, con motivo da celebración da semana das Letras Galegas, a concelleira de cultura, Sonia Outón, quixo apostar pola música galega para amenizar esta romaría urbana.

Así o contaba na presentación do programa que recollemos en AROUSA PONTEVEDRA DIA A DIA.

O obradoiro de emprego Vista Real II de Vilanova celebrou hoxe unha xornada de portas abertas para dar a coñecer os productos que os alumnos cultivaron na horta ecolóxica durante os seis meses de formación.

Durante a visita, os alumnos mostraron aos asistentes as diferentes modalidades de manexo dunha horta ecolóxica e iniciativas de mercado que ofrece este sector.

A iniciativa foi compartida polos integrantes do obradoiro de Turismo, que se encargaron de recibir aos visitantes, explicándolles a historia do Pazo.

A xornada celebrouse coincidiendo co día de San Isidro Labrador e as puertas permaneceron abiertas de 9.00 a 14.00 horas nunha visita totalmente gratuita.

Nolo explicaban en AROUSA PONTEVEDRA DIA A DIA Imelda Barrios e Gerino Ferreirós, directora e docente do obradoiro, acompañados do alcalde de Vilanova, Gonzalo Durán.

Vilanova retoma as obras de conversión da Casa de Cultura do Esteiro en Auditorio e Multiusos

A xunta de goberno local adxudicou á empresa Ediserpo os traballos desta segunda fase por un importe de 660.900 euros máis 60.000 euros en melloras.

Concretamente, a firma comprométese a realizar a adecuación do entorno, con mobiliario exterior, asfaltado, beirarrúas, retirada e traslado de palmeras e a creación de 35 prazas de aparcamento máis.

No interior, o Auditorio disporá dun espazo reservado para a instalación dunha cafetería que funcione en momentos de espectáculos.

O auditorio funcionará tamén como sala de cine e cara o futuro o goberno local pretende habilitar un espazo destinado para a mocidade e uso de novas tecnoloxías.

Unha vez que se formalice o contrato, a empresa ten un prazo execución de 8 meses.

Así o explicaba esta mañá o alcalde de Vilanova, Gonzalo Durán, nunha rolda de prensa que recollemos en AROUSA PONTEVEDRA DÍA A DÍA.

Vilagarcía clausurou hoxe o Obradoiro de Novas Tecnoloxías APPtualízate!, no que 25 alumnos se formaron durante unha semana no manexo de impresión 3D e robótica, entre outras ferramentas tecnolóxicas.

A Concelleira de Xuventude, Sonia Outón, valora positivamente a iniciativa, financiada pola Deputación, que terá continuidade durante os vindeiros meses co TecnoVerán para os máis pequenos.

Explicábao nunha rolda de prensa que recollemos en AROUSA PONTEVEDRA DIA A DIA.

O Concello de Cambados manterá o servizo de atención aos afectados polas cláusulas solo das hipotecas, que xa asesorou a máis dun cento de persoas.

Ademáis, o grupo de Goberno presentará en pleno unha moción solicitando ao Estado que organice una comisión de seguimiento para tutelar os procesos.

O Concelleiro de economía, Xurxo Charlín, explicou está maña que as entidades bancarias están comenzando a dar resposta as reclamacións presentadas, pero se están dando casos nos que non se cumpre o establecido polo Real Decreto do Estado.

Neste sentido, algunhas entidades bancarias están poñendo trabas para devolver os intereses, alegando que os contratos hipotecarios xa non están vixentes ou que as cláusulas foron asinadas en pleno coñecemento.

Ademáis, os bancos estánse poñendo en contacto cos afectados ofrecendo unha acordo extraxudicial con unha cantidade de cartos a cambio de rexeitar as reclamacións.

Según, Xurxo Charlín, estás ofertas non cumpren o Real Decreto e no caso de aceptar os importes, estes deben tributar en Hacienda, o que supón unha perdida de cartos aínda maior.

Sen embargo, se continuan adiante coas reclamacións nos xulgados e se lles devolve unha cantidad maior, os cartos estarán exentos de tributar en Hacienda e os bancos deberán aboar tamén as costas do xuizo.

Tendo en conta estás cuestións, a oficina do consumidor do concello de Cambados continuará atendendo aos afectados gratuitamente.

Así o explicaba está maña o concelleiro de economía de Cambados, Xurxo Charlín, nunha rolda de prensa que recollemos en AROUSA PONTEVEDRA DIA A DIA.

Os concellos do Salnés contarán con actuacións de seguridade vial e calmado de tráfico dentro do Plan Móvese da Deputación de Pontevedra.

Os tramos de actuacións foron elexidos polos propios concellos e incluen medidas como a instalación de lombos e sinalización horizontal.

O proxecto para a comarca arousá ascende a preto de 600.000 euros de orzamento e foi presentado esta mañá na Illa de Arousa por parte do deputado de Movilidade, Uxío Benítez, acompañado do alcalde de A Illa, Carlos Iglesias.

Unha presentación que recollemos en AROUSA PONTEVEDRA DIA A DIA.

O concelleiro de Cultura e portavoz municipal do BNG, Víctor Caamaño, critica a xestión da Xunta nos proxectos de Cambados, con trabas e retrasos.

Víctor Caamaño quixo aclarar o seu posicionamento político con respecto a determinados temas municipais como a desafección do colexio Magariños, as obras do IES Asorey, a reforma da Praza de Abastos e da Piscina Municipal, e a falta de apoio á Cambados como Cidade Europea do Viño.

Escoitamos as súas declaracións en AROUSA PONTEVEDRA DIA A DIA.