Cambados acolle este venres un Taller de Adestramento Canino organizado polo Refuxio de Animáis e os concellos de Cambados e O Grove.

A xornada contará cunha parte teórica sobre o o adestramento das conductas caninas, en Exposalnés de 16 a 17 horas.

Posteriormente os asistentes e os seus acompañantes peludos recibirán unha clase práctica de "paseo con Cans" polo Paseo da Calzada.

En caso de choiva, a actividade trasladaríase ao Salón Peña.

O Taller é gratuito e estará impartido polos 8 alumnos que participaron durante os últimos 6 meses no Obradoiro de Adestramento Canino que se está levando a cabo no Concello de O Grove e que rematará o vindeiro 27 de maio.

Así o explicaba está mañá a directora do Refuxio de Animáis de Cambados, Olga Costa, que estivo acompañada pola alcaldesa de Cambados, Fatima Abal, e o alcalde de O Grove, José Antonio Cacabelos, nunha rolda de prensa que recollemos en AROUSA PONTEVEDRA DIA A DIA

Cambados recupera diferentes artes e oficios tradicionais a través de catro obradoiros que se poñen en marcha esta fin de semana, destinados á mocidade e ás persoas maiores.

Redeiras, cestería, acuarela e xogos tradicionais conforman o Mes das Artes en Cambados, que son de balde, ainda que algúns deles con límite de prazas.

As inscripcións poden realizarse no Concello de Cambados.

O Mes das Artes foi presentado esta mañá polo Concelleiro de Servizos Sociais, Tino Cordal, nunha rolda de prensa que recollemos en AROUSA PONTEVEDRA DIA A DIA.

A Mancomunidade do Salnés inicia os trámites para que a Xunta declare como Camiños Históricos de Galicia a Ruta do Padre Sarmiento e a Variante Espiritual.

O presidente da entidade comarcal, Gonzalo Durán, xunto co presidente do Camiño Portugués, Tino Lores, presentaron esta mañá a documentación necesaria nunha reunión coa Directora Deral de Patrimonio Cultural da Xunta, Carmen Martínez Insua.

Ademáis, o tamén alcalde de Vilanova, acompañado asimesmo pola historiadora Alicia Padín, quixo aproveitar esta visita para interesarse pola tramitación dos permisos das catas arqueolóxicas en Cálago.

Segundo as estimacións trasladadas dende a Xunta, as excavacións poderían empezar a principios do verán.

Así o explicaban Gonzalo Durán, Tino Lores e a historiadora Alicia Padín ao remate da reunión, nunhas declaracións que recollemos en AROUSA PONTEVEDRA DIA A DIA.

Sanxenxo celebra a conmemoración das Letras Galegas cun mes repleto de actividades culturais, que se celebrarán entre os 6 e o 27 de maio.

Concertos da banda municipal e da coral de Portonovo, contacontos, unha marcha cicloturista e un festival son parte das propostas,

O programa de actividades foi presentado esta mañá pola Concelleira de Cultura, Sandra Fernández Agraso, nunha rolda de prensa que recollemos en AROUSA PONTEVEDRA DIA A DIA.

A Xunta avanza na creación da Senda Peonil dende A Lanzada a Portonovo: iníciase o tramo entre Soutullo e Major, está prácticamente rematado o treito entre A Lanzada e Soutullo e comeza a tramitación do último proxecto, entre Major e Portonovo.

A Consellería de Infraestructuras iniciou esta semana as obras do segundo tramo, entre Soutullo e Major, de 1,2 kms, con senda de 2 metros ancho.

Na marxe ao caron do mar, a senda será peonil e ciclista e de a outra marxe habilitaranse 120 prazas aparcamento.

O prazo de execución é de 12 meses, cun investimento de 1 millón euros, tal como explicaba esta mañá a Conselleira de Infraestructuras, Ethel Váquez, que supervisou o inicio dos traballos, e que recollemos en AROUSA PONTEVEDRA DIA A DIA.

O Concello de Vilagarcía iniciará os expedientes sancionadores contra o circo instalado en A Escardia por desobediencia á unha orde directa do concello.

As multas oscilarán entre los 6.000 y los 60.000 mil euros máis as sanciones pola publicidade.

I e que, finalmente, o polémico espectáculo abriu a súa función da pasada tarde, e pretende facelo mismo hoxe e a fin de semana, a pesar do veto municipal.

O alcalde, Alberto Varela, explicou esta mañá o proceder do goberno local en toda esta polémica, asegurando que o Concello quere circos no municipio pero non así.

En canto aos servizos de electricidade e auga, o rexedor atribue a que foi un erro das empresas concesionarias, coas que falará, por concederlles a luz e a auga sen ter autorización do Concello.

Asimesmo, Varela reiterou que o xulgado arquivou a denuncia por coacción presentada polo empresario circense.

Explicacións do alcalde de Vilagarcía que recollemos en AROUSA PONTEVEDRA DIA A DIA.

O Concello de Cambados optou por unha solución combinada para a circulación da Praza das Rodas.

Estará pechada ao tráfico dende xuño a setembro e o resto do ano durante as fins de semana, tal como se se acordou nas reunións celebradas con veciños e hosteleiros.

En todo caso, para permitir o tránsito dos residentes, expediranse dúas tarxetas de autorización para cada domicilio: unha para aparcar e outra para circular co vehículo.

Así o explicaba esta mañá o Concelleiro de Obras, José Ramón Abal, nunhas declaracións que recollemos en AROUSA PONTEVEDRA DIA A DIA.

O Concello e os libreiros de Cambados presentaron esta mañá o premio Ramón Cabanillas 2017, que recaerá no catedrático da universidade de Vigo Xosé Ramón Pena, estudioso da obra de Cabanillas.

O acto de entrega celebrarase o 3 de xuño no Auditorio municipal ás 20 horas.

Nolo contaba en AROUSA PONTEVEDRA DIA A DIA o Concelleiro de Cultura, Victor Caamaño.

O polémico circo instalado nunha parcela privada de A Escardia está disposto a realizar hoxe á tarde a súa primeira función a pesar de que o alcalde deulle onte 24 horas para retirarse e suspender a actividade.

O prazo rematou ás tres da tarde e nese momento operarios do servizo procederon a retirarlle o cable de electricidade.

Unha actuación que non preocupa ao empresario, ao contar con xenerador propio

Será pola tarde cando o Concello dará orde de precintar as instalacións por desoir o mandato da alcaldía.

En todo caso, o propietario do espectáculo está disposto a abrir as funcións para quen queira acudir.

Así nolo contaba para AROUSA PONTEVEDRA DIA A DIA o empresario circense, José Antonio González Fernández.

Dende a Protectora de Vilagarcía teñen convocadas unha serie de concentraciones en A Escardia ás horas das funcións.

As xa controvertidas obras de humanización da rúa Luis Rocafort crean as primeiras discrepancias no tripartito de Sanxenxo e poñen ao portavoz do PP ao lado do alcalde.

Todo elo tralas declaracións do deputado de Infraestructuras, Uxío Benítez, asegurando que o goberno provincial non vai dar marcha atrás no proxecto, nin ten pensado ampliar o número de aparcamientos públicos previstos, e tampouco está preocupado pola circulación de autobuses na intersección co paseo de Silgar, que sí preocupa, e moito, ao alcalde Gonzalo Pita.

Ademáis, o deputado provincial sinalou que Gonzalo Pita "é novato como alcalde e iso lévalle a non ter seguridade nas decisións que toma".

Despois do cruce de declaracións entre alcalde e deputado provincial, os socios no tripartito de Sanxenxo, BNG e PSOE, apoian o proxecto consensuado co goberno provincial, que consideran “un éxito” e estiman que “20 prazas de aparcamento non merecen” as diferencias entre dúas administracións.

Así o explicaba esta mañá o concelleiro nacionalista David Otero nunha rolda de prensa na que tamén estivo presente a socialista Coral González Haba.

E dende o PP de Sanxenxo, Telmo Martín ponse de lado do alcalde e apunta a que a situación podería reconducirse “falando coa presidenta da Deputación, Carmela Silva”.

No que non está de acordo Telmo Martín co alcalde de Sanxenxo é na tramitación do parque empresarial de Nantes.

Ao seu entender, a falta de avances é debido a unha falta de xestión do tripartito.

Declaracións de uns e outros que recollemos en AROUSA PONTEVEDRA DIA A DIA.