Tres mariñeiros faleceron e dous conseguiron sobrevivir no naufraxio acontecido esta madrugada na ría de Pontevedra.

O corpo do patrón do barco, que permanecía desaparecido, foi atopado finalmente polos mergulladores da Garda Civil nas proximidades da embarcación, afundida a 15 metros de profundidade.

Dous dos falecidos son pais dos dous supervivintes.

A embarcación Nuevo Marcos, ten base en Portonovo pero os seus cinco tripulantes son de Campelo en Poio.

No momento do naufraxio regresaba a porto sobre as 4 madrugada tras facer unha parada no porto de Marín.

Por causas que se descoñecen a embarcación chocou contra unha batea e afundiuse entre Tambo e Combarro a uns 200 metros da costa. 

Un dos supervivintes conseguiu chegar a nado ata a costa e o outro foi localizado polos equipos de salvamento, ainda que ferido, agarrado a unha batea.

O Concello de Poio celebrou este mediodía un Pleno extraordinario no que declarou tres días de loito oficial.

Para saber o que que puido acontecer falamos en AROUSA PONTEVEDRA DIA A DIA co patrón maior de Portonovo, José Antonio Gomez.

Un concerto de tres grupos galegos e un dj pecharán este venres o programa Noites Mouchas que durante os dous últimos meses se estivo celebrando en Cambados como forma de ocio alternativo para a mocidade.

A actuación de peche, que leva o nome de Noites Mouchas Fest, terá lugar no salón Peña a partir das 22 horas, con entradas a dous euros.

Subiranse ao escenario os grupos Igmig de Vigo, Doen, do Salnés e Putas Lisérgicas de Cambados, ademáis do dj Cobblepot, Os asistentes poderán participar nun sorteo de agasallos.

O Festival Noites Mouchas porá fin a tres meses de actividades creadas dende o Concello e a Asociación Efervescencia Mental, que, segundo os organizadores, tiveron unha gran acollida entre a mocidade.

Un total de 200 xóvenes de toda a comarca asistiron as diferentes iniciativas programadas, sendo as máis concurridas a noite de “Furor”, “O que necesitas é amor”, “Noites Pinches” e “Noites de chilaba e cachimba”.

Dado o éxito conseguido, tanto o Concello como o colectivo organizador están dispostos a ir pensando xa nunha próxima edición.

Un balance que facían esta mañá unha das organizadoras, Bárbara Abal, a alcaldesa, Fátima Abal, e o portavoz municipal, Xurxo Charlín, nunha rolda de prensa na que estiveron acompañados de Eduardo Apariz de Efervescencia Mental, e que recollemos en AROUSA PONTEVEDRA DIA A DIA.

O psicopedagogo italiano Francesco Tonucci realizou hoxe unha visita polos tres concellos do Salnés que están integrados na Rede de Cidades dos Nenos.

Durante o seu percorrido, está a divulgar o su ideario sobre os espazos públicos e a súa filosofía de goberno das cidades, polos que acaba de recibir o doctorado honoris causa da Universidade de Oviedo. 

Tonucci estivo primeiro en Vilanova, concretamente no Colexio Viñagrande de Deiro onde coñeceu a súa proposta pedagóxica.

O director do centro, Javier García explicoulle como están aplicando a filosofía Tonucci no seu modelo educativo.

Unha hora despóis, visitou Cambados, onde foi recibido pola alcaldesa, Fátima Abal, e os concelleiros de Cultura e Servizos Sociais, Victor Caamaño e Tino Cordal, que o acompañaron posteriormente a un xantar e a unha visita pola vila.

Encontros en Vilanova e Cambados que recollemos en AROUSA PONTEVEDRA DIA A DIA.

E pola tarde, as 18 horas , Tonucci trasladarase ata O Grove, onde será recibido polo alcalde e realizará un percorrido pola vila.

Enfado en Sanxenxo coa Deputación de Pontevedra a raiz das obras de humanización da Avenida Luis Rocafort, que está a executar o organismo provincial.

Segundo o alcalde, Gonzalo Pita, el mesmo solicitou á institución provincial que reducira o ancho das beirarrúas ata os 4,5 metros para crear 20 prazas máis de aparcamentos pero non obtivo ningunha resposta e os bordillos están xa situados nos 6 metros.

En todo caso, o rexedor rexeita calquera posibilidade de que se paralicen as obras.

Así o explicaba esta mañá Gonzalo Pita nunha rolda de prensa que recollemos en AROUSA PONTEVEDRA DIA A DIA.

Hoxe en Arousa Pontevedra Día a Día conversamos coa tenente de alcalde de Poio, Chelo Besada, sobre o anuncio da Xunta de iniciar as expropiacións para a creación dunha senda peonil na PO 308.

Tamén abordamos a creación doutras sendas peonís no litoral do municipio, promovidas pola Concellería de Obras, e diversas medidas de aforro enerxético.

O parque comarcal de Bombeiros de O Salnés amplía a súa flota con dous novos vehículos destinados á loita contra os incendios.

Un deles estará ubicado no parque de Ribadumia e o segundo en Vilagarcía.

A Deputación de Pontevedra, a través do Consorcio de Bombeiros provincial, investiu case 500.000 euros na merca dos dous vehículos que foron entregados esta mañá na sede dos bombeiros en Ribadumia.

Un acto no que estivo presente o deputado provincial Santos Héctor, o xerente do parque Roberto Jorge, e o alcalde de Ribadumia e que recollemos en AROUSA PONTEVEDRA DIA A DIA.

O Concello de Ribadumia continúa apostando polo deporte e nesta ocasión acollerá o IV Trofeo de baile deportivo BTroula.

O certame celebraráse o vindeiro 30 de abril no pabillón de A Senra que estará preparado para a ocasión.

Tratase dun evento no que se disputarán catro campionatos, o Trofeo nacional de baile deportivo, o de danza coreografica, o de ritmos caribeños, e o Campionato Galego de 10 bailes.

O Clube de Baile BTroula, organizador da competición espera unha alta participación que podería chegar ás 100 parellas de bailarins de Galicia, España e incluso Portugal.

As entradas terán un custe de 6€ para o público en xeral, 4€ para la xubilados e gratuita para os menores de 12 anos

As explicacións ofrecíaas esta mañá o representante de BTroula, Breogán Pérez, nunha rolda de prensa, acompañado polo alcalde de Ribadumia, David Castro, que recollemos en AROUSA PONTEVEDRA DÍA A DIA.

A Xunta comeza en Vilanova o procedemento para a creación dun novo tramo das Sendas de O Salnés, adecuadas para peóns e ciclistas.

Trátase do itinerario que enlazará a Senda do Terrón con San Miguel de Deiro, a través da Pantrigueira.

A actuación terá un orzamento de 1,9 millóns de euros, financiados con fondos europeos.

O proxecto foi anunciado esta mañá polo director da Axencia Galega de Infraestructuras, Francisco Ménendez, nunha visita á zona onde se realizarán os traballos, que recollemos en AROUSA PONTEVEDRA DIA A DIA.

Cambados quédase sen a figura de pedra máis controvertida dentro da política municipal.

Unha empresa contratada polo Concello e operarios municipais retiraron esta mañá a estatua de Manuel Fraga ubicada no Pazo Torrado, facendo realidade unha demanda do BNG de Cambados.

A estatua fora colocada polo anterior goberno municipal, do PP, no ano 2012, en homenaxe ao seu nomeamento como cabaleiro do Albariño, xerando duras críticas por parte dos grupos de esquerda, sobre todo do BNG.

Cinco anos despóis, a peza foi izada cun guindastre e posteriormente transportada nun camión ata o almacén do autor da obra, o escultor Lucas Míguez.

A decisión conta co respaldo da maioría do cuatripartito, pero non do concelleiro de Pode, José Ramón Abal, que non asistiu aos traballos.

Así o explicaba o edil de Cultura, o nacionalista Victor Caamaño, durante os traballos de retirada da estatua, que tamén presenciaron a alcaldesa, Fátima Abal, e o concelleiro de Somos Tino Cordal, que recollemos en AROUSA PONTEVEDRA DIA A DIA.

O Concello de Vilagarcía puso en marcha esta mañá unha nova edición do programa Clara que promove a inserción social e laboral de mulleres que se encontran en situación de vulnerabilidade.

Nesta ocasión 26 mulleres, seleccionadas dende o CIM, participarán durante 8 meses nesta iniciativa que lle dará máis opcións á hora de encontrar traballo.

Nolo explicaba Belén Fernández, a técnica do Instituto da Muller na presentación do programa que recollemos en AROUSA PONTEVEDRA DIA A DIA.