O Concello de Cambados presentou este mediodía a “Caravana da Cidade Europea do Viño”, un proxecto que pretende levar por diferentes cidades un vehículo con información sobre a declaración Internacional e tamén sobre a Festa do Albariño.

A caravana estará nas principais Prazas de 11 cidades de España e Portugal durante 20 días e ofrecerá tamén a degustación de viño Albariño.

Finalmente o proxecto tivo que modificarse e reducir o número de cidades polas que pasaría a caravana por motivos économicos, debido á falta de axudas da Xunta.

O custe para o concello é de 8.000 euros.

A caravana foi presentada esta mañá polo concelleiro de Enoturismo, Jose Ramón Abal, nunha rolda de prensa que recollemos en AROUSA PONTEVEDRA DIA A DIA.

Cambados celebra o mes das Letras Galegas con númerosas actividades culturais que se extenderán ata o mes de xullo.

Ainda que este ano, o Día das Letras Galegas está adicado a Carlos Casares, en Cambados non faltarán, como cada ano, referencias a Cabanillas.

Os actos comezarán este mércores 10 de maio cunha charla - coloquio do escritor Xosé Manuel Millán Otero que falará sobre Ramón Cabanillas no centenario de “Da Terra Asoballada”.

Haberá tamén exposicións, teatro, concertos, xogos, ofrendas florais, presentacións literarias e mesmo un campionato de natación.

Así nolo explicaba esta mañá o concelleiro de cultura, Víctor Caamaño, nunha rolda de prensa que recollemos en AROUSA PONTEVEDRA DIA A DIA.

1.200 alumnos de 12 institutos de toda Galicia participarán o luns no Festival de Francofonía que se celebrará en Vilanova, organizado polo Instituto A Basella.

Durante a súa estadía, visitarán a vila, o museo Valle Inclán, tamén darán un paseo en catamaráns, e usarán o multiusos para pasar a noite.

Será un evento de gran importancia, tal como explicaban esta mañá o alcalde de Vilanova, Gonzalo Durán, e unha das organizadoras, a profesora de francés, Nieves Vecilla, nunha rolda de prensa que recollemos en AROUSA PONTEVEDRA DÍA A DIA.

A Asociación contra a Atrofia Modular Espinal e a Fundación GaliciAme, en colaboración co Concello de Cambados, pon en marcha un Taller de Fisioterapia destinado a familiares que convivan con persoas que padecen algún tipo de enfermidade neuromuscular e a cuidador@s de centros educativos.

O obxectivo é que todos eles poidan aprender temas como pautas de hixiene postural e exercicios para que o coidador manteña o seu corpo nas mellores condicións posibles.

O Taller é de balde e terá lugar o sábado 13 de maio en Exposalnés ás 17 horas.

É imprescindible realizar as inscripcións a través do teléfono 666251677 ou no email:[email protected]

A iniciativa foi presentada esta mañá polo Concelleiro de Servizos Sociais de Cambados, Tino Cordal, e a presidenta de GaliciAme, Merchi Alvarez, tal como recollemos en AROUSA PONTEVEDRA DIA A DIA.

Ribadumia xa ten todo preparado para a celebración da Festa do Viño Tinto do Salnés que terá lugar primeira fin de semana de xuño.

Un extenso programa de música e actividades no que este ano se inclue a presencia da actriz Isabel Risco como pregoeira e showcookings durante os tres días de festa, nunha carpa que esta edición terá 200 metros cadrados máis.

Ademáis, o Concello xa empezou os trámites para rexistrar a marca da Festa.

Detalles que explicaban esta mañá o alcalde David Castro e a Concelleira de Eventos durante o acto de presentación, que recollemos en AROUSA PONTEVEDRA DIA A DIA.

O descontento do persoal do Hospital do Salnés exténdese tamén aos traballadores do servizo de cociña e cafetería, que denuncian o incumplimento do convenio colectivo por parte da empresa adxudicataria, Eurés e Colectividades.

Os traballadores concentráronse esta mañá ante as portas do Hospital, durante o seu tempo de descanso, reclamando que se cumpran os seus dereitos laborais e un mellor servizo para os usuarios.

Así o explicaban durante esta mobilización, que recollemos en AROUSA PONTEVEDRA DIA A DIA.

Hoxe en Arousa Pontevedra Día a Día conversamos co alcalde de Poio, Luciano Sobral, sobre diversos temas da actualidade municipal dos últimos días.

O orzamento municipal, as últimas partidas do Plan Concellos para Poio, ou a ordenanza reguladora das actividades exteriores en Combarro foron algúns dos asuntos.

O director do Igape, Juan Cividanes, acompañado do delegado territorial da Xunta en Pontevedra, José Manuel Cores Tourís­, visitou esta mañá as instalacións da empresa Tune Eureka, no polígono de Bamio, para comprobar as necesidades do sector aeronáutico e poder apoiar o desenvolvemento desta industria en Galicia.

Tune Eureka é unha das empresas do sector que máis exporta actualmente ao exterior, un 90% da súa producción, pero non está no seu mellor momento.

Así o recoñecía o propietario da firma, Manuel García, durante esta visita que recollemos en AROUSA PONTEVEDRA DIA A DIA.

Vilagarcía avanza na tramitación do Plan Xeral de Urbanismo.

O concello remitirá a vindiera semana á Xunta o documento redactado por Etpisa para que se elaboren os informes pertinentes e posteriormente se poida realizar a aprobación inicial en pleno municipal.

O documento urbanístico propón un plan xeral ata o 2035, cun modelo de cidade sen centros comerciais, e a reordenación do solo residencial, terciario e empresarial, incluindo a ampliación do polígono do Pousadoiro.

Ademáis, prevé a protección especial das zonas histópricas e un crecemento global de 9.800 novas vivendas en toda a localidade, para o que se precisan 300.000 metros cadrados máis.

Así o explicaban esta mañá o alcalde Alberto Varela e a concelleira de Urbanismo, Paola María, nunha rolda de prensa que recollemos en AROUSA PONTEVEDRA DIA A DIA.

Previamente, o equipo de goberno e os técnicos de Eptisa mantiveron esta mañá un encontro cos portavoces dos grupos da oposición para presentarlles o Plan Xeral redactado.

Dende BNG e EU manifestaban diferentes impresións, tal como expresaban Xabier Ríos e Jesús López ao remate do encontro.

Alerta no BNG e na CIG polo desmantelamento progresivo do dispositivo de loita contra o narcotráfico no Servizo de Vixiancia Aduaneira.

Segundo ambas formacións, dende hai varios anos o goberno do Estado está a eliminar medios aéreos e embarcacións con base nas Rías Baixas, entre eles a lancha rápida con base en Vilagarcía, para trasladalos á costa mediterranea e ao Estreito.

A esta situación engádense as idades dos profesionais, cunha media de entre 57 e 61 anos, próximos á xubilación.

Por tal motivo, dende o grupo do BNG no Parlamento insta á Xunta á que manifeste ante o goberno do Estado á súa oposición ao traslado dos medios ao mediterráneo e que recuperen os xa retirados.

Tamén reclama que se cubran a totalidade das vacantes de persoal producidas no SVA, e se convoque unha Oferta Pública de Emprego.

A maiores, o BNG pregunta á Xunta se ten coñecemento da intención do Goberno español de eliminar o único helicóptero do que dispón o Servizo de Vixilancia Aduaneira en Galiza e, de ser positiva a resposta, se ten realizado algunha actuación para evitalo.

Unha situación que explicaban esta mañá o responsable da CIG no Servicio de Vixiancia Aduaneira, Xosé Enrique García, e a deputada no parlamento galego, Montse Prado, nunha rolda de prensa que recollemos en AROUSA PONTEVEDRA DIA A DIA.