A Mancomunidade do Salnés concreta a súa aposta polas novas tecnoloxías solicitando á Xunta a realización dun obradoiro de creación de redes de datos para que os alumnos aprendan a instalar cableado de Internet.

Os concellos que se sumaron a esta iniciativa son Ribadumia, Meaño, Meis e Vilanova, tal como explicaba esta mañá o alcalde de Vilanova e presidente da Mancomunidade do Salnés, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

Hoxe en Arousa Pontevedra Día a Día falamos coa concelleira de Educación e Deportes de Poio, Marga Caldas, sobre o programa Educando, que se pon en marcha este mes de abril entre os alumnos de Infantil e Primaria dos colexios do municipio.

Tamén avanzamos detalles da Olimpiada Escolar e das novas axudas municipais ao deporte.

O Centro sociocultural da Merced en Cambados pode xa poñer en funcionamento a caldeira de biomasa instalada a través dun proxecto do INEGA, da Xunta de Galicia.

O investimento total foi de 44.000 euros, dos que 33.000 foron financiados pola Consellería de Industria e agárdase un aforro enerxético dun 25%.

O delegado territorial da Xunta en Pontevedra, Cores Tourís, visitou esta mañá as instalacións, acompañado do concelleiro de Servizos, José Ramón Abal, e o deputado provincial, Luis Aragunde.

Unha visita que recollemos en AROUSA PONTEVEDRA DIA A DIA.

Cambados sigue poñendo en marcha iniciativas vinculadas coa Cidade do Viño.

Nesta ocasión trátase da distribución de 10.000 manteis e outros tantos posavasos, co logo do nomeamento e un rueiro, que se repartirán entre a hostelería do municipio.

Os 22 locais adheridos á asociación Zona Centro están xa a recibilos estes días, para que poidan dispoñer deles durante Semana Santa, e os establecementos non asociados poden recollelos na sede de Zona Centro o na oficina de Turismo.

Os elementos foron imprimidos entre a Deputación e o Concello, respectivamente, cun custe de 300 euros para as arcas municipais.

Así o explicaba esta mañá o concelleiro de Promoción Económica, Xurxo Charlín, na presentación da campaña, acompañado do concelleiro Tino Cordal, e representantes de Zona Centro e dos hosteleiros, que recollemos en AROUSA PONTEVEDRA DIA A DIA.

O partido popular provincial extende a Vilanova a súa campaña de carteis de obras paralizadas pola Deputación de Pontevedra.

Neste caso denuncian a anulación do proxecto de ensanche da estrada Baión-András e avanzan accións xudiciais no contencioso administrativo por posibles ilegalidades na resolución do contrato.

Así o explicaban o alcalde de Vilanova, Gonzalo Durán, e os deputados do PP, Nidya Arévalo e Luis Aragunde, que esta mañá instalaron nun punto desta estrada o cartel de proxecto paralizado polo goberno provincial.

O vicepresidente da Xunta, Alfonso Rueda, visitou esta mañá a empresa Kemegal Químicos, ubicada no polígono de O Pousadoiro, en Vilagarcía.

Alfonso Rueda, acompañado do delegado da Xunta en Pontevedra, José Manuel Cores Tourís, destacou o traballo que desenvolve esta firma, adicada á fabricación de produtos químicos destinados a limpeza e hixiene en xeral, usando materias primas que non prexudican ao medio ambiente.

Rueda incidiu no exemplo de empresas como ésta: unha Peme, respectuosa co medio ambiente, centrada na innovación e o desenvolvemento e cunha parte importante dedicada á exportación.

Para elo, Kemegal Químicos contou nos últimos anos con varias axudas da Xunta.

A máis relevante foi a do programa Conecta Peme no que a firma recibiu case 150.000 dos 180.000 euros que custou o proxecto.

Neste sentido, o vicepresidente autonómico destacou a aposta da Xunta pola internacionalización e a innovación das empresas galegas como a mellor forma de gañar en competitividade e saír reforzados da crise.

Son detalles que explicaban o xerente da empresa, Miguel García, e o vicepresidente Alfonso Rueda, durante a visita institucional que recollemos en AROUSA PONTEVEDRA DIA A DIA.

A obra teatral "O Tolleito de Inishmaan", dirixida polo coñecido monologuista Cándido Pazó, chega este sábado 8 de abril ao Auditorio municipal de Vilagarcía, a través da programación da Rede Galega.

A representación comezará ás 21 horas e as entradas xa están á venda en ticketea.com a un prezo de 5 euros.

Os detalles nolos contaron a concelleira de Cultura de Vilagarcía, Sonia Outón, e o director da obra, Cándido Pazó, durante a presentación da mesma, acompañados polo actor Evaristo Calvo, e que recollemos en AROUSA PONTEVEDRA DIA A DIA.

Turismo Rías Baixas prevé unha ocupación hoteleira en Semana Santa superior ao 75 por ciento.

Así o indicou esta mañá a presidenta da Diputación de Pontevedra, Carmela Silva, apuntando a cifras moi prudentes, xa que nas páxinas web e plataformas especializadas en reservas turísticas a ocupación supera xa o 85 por cento.

Segundo estas estimacións, a comarca de Caldas será a de maior porcentaxe de ocupación, co 80%, seguida de O Salnés, Pontevedra e Vigo que agardan superar o 75%.

Máis polo miúdo, Sanxenxo ten xa, segundo booking, máis do 85% das prazas reservadas, O Grove agarda rozar o cheo, ao igual que Vilagarcía, mentres que Cambados ten xa o 75% de reservas.

No caso de Pontevedra cidade, a capital alcanzará alomenos ata o día 12 co 100% de ocupación debido, á celebración do Campionato de España de Natación Absoluto.

Tamén nas casas de turismo rural da provincia de Pontevedra as reservas superan xa o 76 por cento.

Dende Turismo Rías Baixas agárdase que os niveis de ocupación sexan ainda superiores na segunda metade da Semana Santa, ainda que dependerá da situación meteorolóxica.

En canto ao funcionamento das oficinas de Turismo durante esta Semana Santa, estarán abertas as oficinas de Turismo Rías Baixas de Pontevedra, no Palacete das Mendoza, do Aeroporto de Peinador e do Mosteiro de Armenteira.

Tamén informarán aos visitantes as oficinas xestionadas polos propios concellos de Vilagarcía, Cambados, Vilanova de Arousa, Sanxenxo, as dúas de Poio e Cuntis.

Amais, haberá persoal da Deputación de Pontevedra nas oficinas de O Grove, Caldas de Reis e A Illa de Arousa.

A presidenta da Deputación resaltou a eficacia das campañas de promoción turística promovidas ata o momento polo organismo provincial, como a presenza en Fitur e a presentación na SGAE en Madrid, celebrada onte, dirixida a touroperadores e prensa especializada.

Carmela Silva falaba así das Rías Baixas.

O PP de Sanxenxo sigue reclamando ao goberno local que teña en conta a oposición para sacar adiante os proxectos importantes para o municipio.

Entre eles, os orzamentos municipais para este ano, dos que, segundo Telmo Martín, descoñecen as intencións do tripartito.

Así o explicaba o portavoz popular nunha rolda de prensa que recollemos en AROUSA PONTEVEDRA DIA A DIA.

A Deputación de Pontevedra impulsa o certificado de calidade SICTED entre o sector turístico de Vilagarcía.

O deputado de Turismo, Santos Héctor, trasladou os beneficios e obxectivos deste selo turístico aos empresarios da localidade nunha sesión informativa sobre o proxecto, que se celebrou esta mañá no auditorio municipal, e que recollemos en AROUSA PONTEVEDRA DIA A DIA.