As casas-museo Valle-Inclán de Vilanova e da Pobra do Caramiñal contan por vez primeira cunha guía conxunta, que tamén incorpora as rutas valleinclanianas nestes dous municipios.

Son 15.000 exemplares editados pola Xunta en castelán, galego e inglés con información actualizada dos dous museos e ambas vilas.

As guías estarán a disposición dos visitantes nos propios museos.

Así o explicaba esta mañá o secretario xeral de Cultura da Xunta, Anxo Lorenzo, no acto de presentación celebrado no Pazo do Cuadrante en Vilanova, coa presencia do alcalde de Vilanova, Gonzalo Durán, e o director do Museo de A Pobra, Antonio González, que recollemos en AROUSA PONTEVEDRA DIA A DIA.

Hoxe en Arousa Pontevedra Día a Día falamos co alcalde de Poio, Luciano Sobral, sobre diversas actuacións de mellora que se están a realizar no municipio, como a ampliación do Camiño da Granxa, en Raxó, e a segunda fase da Senda de Campelo.

Tamén abordamos o estado das praias cara Semana Santa e as iniciativas que se adoptan dende o Concello para mellorar a limpeza de fincas e mobiliario urbano do municipio.

As actividades da Cidade Europea do Viño dan comezo trala gala inaugural que tivo lugar este pasado sábado.

O goberno local valora como un éxito o resultado do evento.

Así o expresaban esta mañá a alcaldesa Fátima Abal, e o concelleiro de Enoturismo, José Ramón Abal, que tamén facían referencia ás ausencias de representantes institucionais.

As súas declaracións recollémolas en AROUSA PONTEVEDRA DIA A DIA.

O portavoz del Partido Popular de Vilagarcía, Tomás Fole, explicou esta mañá os criterios polos que considera que o goberno local debe presentar o PXOM nas distintas parroquias antes de que se debata en pleno a aprobación inicial do documento urbanístico.

Tomás Fole insiste en que os cidadáns deben coñecer de primeira man e resolver as súas dúbidas porque o período de exposición pública para presentación de alegacións quédase corto moitas veces.

Trátase, segundo Fole, dunha moción “constructiva que defende á cidadanía” o tempo que califica de “despropósito” as declaracións da concelleira de Urbanismo Paola María rexeitando a iniciativa popular.

Así o explicaba o portavoz popular nunha rolda de prensa que recollemos en AROUSA PONTEVEDRA DÍA A DIA.

O programa de Cambados, Cidade Europea do Viño continuará o próximo 1 de abril cunha Xornada de Gastrosexoloxía, que se celebrará no Salón Peña ás 8 da tarde, destinada ao público en xeral e impartida pola psicóloga e sexóloga Mónica Novas.

Hai 50 prazas e é necesaria previa inscripción na oficina de Turismo.

Os detalles sobre en qué consiste esta xornada explicábaos esta mañá Mónica Novas nunha rolda de prensa, acompañada da alcaldesa, Fátima Abal, que recollemos en AROUSA PONTEVEDRA DIA A DIA.

Cambados comeza xa as actividades do programa da Cidade Europea do Viño.

A primeira delas será unha xornada de Melloras e Innovación para a Viticultura do século XXI, organizada pola Asociación Galega de Enólogos.

Será este venres 31 de marzo no Salón Peña dende as 9.30 horas, con ponencias e un xantar.

O obxectivo desta Xornada é coñecer as últimas innovacións para conseguir unha mellor uva.

Haberá 60 prazas disponibles e será de balde para os socios da Asociación Galega de Enólogos, os non asociados deberán aboar 50 euros que incluen tamén o custe do xantar.

Así o explicaba unha das organizadoras, Patricia Presas, nunha rolda de prensa na que estivo acompañada do concelleiro de Enoturismo, José Ramón Abal, que recollemos en AROUSA PONTEVEDRA DÍA A DIA.

O Consorcio do Comercio do Salnés inicia a súa nova etapa con novos proxectos para as 8 asociacións de comerciantes que o compoñen e ao que regresaron os colectivos de Ribadumia e Vilanova.

A primeira iniciativa é o programa Aprazos, mediante un convenio de colaboración con Abanca, destinado a facilitar as compras e incentivar a actividade no pequeno comercio local.

Os clientes poden aprazar as súas compras superiores a 50 euros ata un máximo de 36 mensualidades, en función do importe da compra.

O programa prolongarase ata o 15 de maio en todos os comercios adheridos ao Consorcio do Salnés.

Ademáis, ao remate da campaña realizarase un sorteo entre os clientes que aprazaron as súas compras que poderán optar a 5 premios de 500 euros, 5 en vales de 50 euros, 5 smartwatch e 5 televisores.

Os detalles explicábaos esta mañá o presidente do Consorcio Juan Rey e a representante de Abanca, Carmen Fernández, nunha rolda de prensa que recollemos en AROUSA PONTEVEDRA DIA A DIA.

A Fundación Galega contra o Narcotráfico celebrará o vindeiro venres 31 de marzo a súa XV Gala Anual na que se farán entrega os Premios Nécora de Ouro.

A Gala terá lugar no Auditorio Municipal de Vilagarcía e dará comezo ás 20:30 horas. A entrada será gratuita con invitación que se poderá recoller nos establecementos Costureiro e Música Duende.

A Federación Galega contra o Narcotráfico outorgará os seus Premios Nécora de Ouro como recoñecemento a labor desenvolvida por persoas e entidades na loita antidroga en tres ámbitos, policia-xudicial, axuda-prevención de drogodependencias e medios de comunicación-periodistas.

Ademáis, este ano entregarase por primeira vez o Premio Siso Bartomé, anterior Presidente da Fundación, para destacar os valores de solidaridade, consenso e entendemento dentro da causa antidroga.

Todo elo, dentro dunha Gala na que tamén haberá a actuación musical de Los Ibéricos.

Así o explicaba o Presidente da Fundación Galega contra o Narcotráfico, Manuel Couceiro, na presentación do evento que recollemos en AROUSA PONTEVEDRA DIA A DIA.

A demanda da construcción dun novo centro de saúde na Comandancia de Mariña en Vilagarcía chegará ao Parlamento de Galicia.

O grupo parlamentario socialista levará esta cuestión ao pleno da Cámara Galega do proximo mes de abril e as diversas comisións de sanidade.

Así o acordaron esta mañá o deputado autonómico do PSdG, Xaquín Fernández Leiceaga, e o alcalde de Vilagarcía, Alberto Varela, durante unha reunión no Concello vilagarcián, que recollemos en AROUSA PONTEVEDRA DÍA A DIA.

O Concello de Cambados activa a primavera con numerosas actividades que se desenvolverán de abril a xuño.

O concelleiro de cultura, Víctor Caamaño, presentou está mañá a programación cultural de primavera que, con motivo do nomeamento da Cidade Europea do Viño, estará vinculada coa viticultura.

Ademáis, o seu departamento ten preparado unha gran cantidade de actos culturais, como a celebración do Día das Letras Galegas, o Día do Libro ou o Premio Cabanillas, deportivos, coa Maratón Popular, a Festa da Bicicleta ou a Gala do Fútbol Galego Feminino, e músicais, con concertos da Escola de Música ou Serán de Volandeira.

Non faltarán tampoco exposicións como a de "Artsorey", e Teatro coa representación de "A Man da Santiña".

Os detalles explicábaos esta mañá o concelleiro de Cultura, Victor Caamaño, nunha rolda de prensa que recollemos en AROUSA PONTEVEDRA DIA A DIA