A Festa da Raia de Portonovo terá tamén este ano dentro da súa programación unha faceta deportiva.

Será a través da BTTRAIA, promovida polo Concello como unha nova forma de potenciar o turismo no evento gastronómico, e organizada polo club ciclista Corbelo de Portonovo.

A cita será o día 29 de abril, na mesma xornada inaugural da Festa, a partir das 16 horas dende a lonxa de Portonovo cunha ruta de case 40 kms polos concellos de Sanxenxo, Meaño, Meis e Poio.

As inscripcións xa están abertas na web www.championchipnorte.com a un prezo de 12 € para os federados e 22 € para os demáis participantes, incluindo a cea na carpa da Raia.

Así o explicaban esta mañá o concelleiro Jesús Sueiro e o responsable do clube ciclista, Iván Pérez, nunha rolda de prensa que recollemos en AROUSA PONTEVEDRA DIA A DIA.

O Concello de Ribadumia conseguiu importantes aforros enerxéticos en dúas zonas do municipio a través da renovación das antigas luminarias, que foron sustituidas por 54 lámparas led.

Concretamente, a actuación efectuada entre a rotonda dos Castaños, na vía rápida, e o centro urbano de Barrantes xerou un aforro enerxético dun 75%, mentres que os cambios de luminarias realizados entre a mesma rotonda e Sisán aportou unha reducción do 30%.

Os traballos foron financiados mediante unha subvención da Xunta de Galicia de 40.000 euros, máis 20.000 aportados polo Concello.

Así o explicaban esta mañá o alcalde, David Castro, e o delegado territorial da Xunta en Pontevedra, José Manuel Cores Tourís, nunha visita á zona que recollemos en AROUSA PONTEVEDRA DIA A DIA.

Cambados quere engalanarse durante a Semana Santa para ofrecer unha imaxe atractiva a visitantes e residentes.

Para tal fin a Asociación Zona Centro, en colaboración co Concello, pon en marcha o Primeiro Certame de Decoración de Balcóns, Ventás e Escaparates no que poden participar tanto veciños como comerciantes e hosteleiros.

As decoracións deben prolongarse dende o Xoves Santo ata Luns de Pascua e os interesados en participar no certame deben inscribirse en Cambados Zona Centro, optando a premios de fin de semana nun balneario ou nunha casa rural.

A iniciativa explicábana esta mañá o Concelleiro de Promoción Económica de Cambados, Xurxo Charlín, e o secretario de Zona Centro, Bruno Somoza, nunha rolda de prensa que recollemos en AROUSA PONTEVEDRA DIA A DIA.

O Concello de Cambados acaba de recibir un expediente sancionador por parte da Xunta de Galicia debido ao estado da nun punto da Avda de Vilagarcía, concretamente no cruce de Corvillón, no punto kilométrico 9.

O vial presenta neste punto un bache, reparado recentemente polo Concello, e do que a Xunta responsabiliza a un problema das tubaxes municipais.

Por elo, a administración autonómica interpón ao Concello de Cambados unha sación de 5.000 euros.

O goberno local amósase sorprendido por este expediente argumentando que todo o vial, de titularidade da Xunta, presenta un mal estado con numerosos baches.

Ante esta situación, o executivo municipal solicitará un informe a Viaqua para ter coñecemento detallado das causas do afundimento, tal como explicaban esta mañá o portavoz municipal, Xurxo Charlín, e o concelleiro de Obras, José Ramón Abal, nun encontro cos medios que recollemos en AROUSA PONTEVEDRA DIA A DIA.

Reaccións en Vilanova ante a decisión da Deputación de anular o proxecto de mellora e ampliación da estrada de Baión-András , xestado na etapa de Rafael Louzán.

A Deputación aprobou esta mañá en Xunta de Goberno a resolución do contrato por contar con graves irregularidades de tramitación.

E dende Vilanova, o alcalde Gonzalo Durán anuncia accións xudiciais ante unha resolución que considera chea de tintes e presións políticas aos funcionarios.

Así o explicaba Gonzalo Durán nunha rolda de prensa que recollemos en AROUSA PONTEVEDRA DIA A DIA.

Segundo o goberno provincial, a adxudicación da obra fíxose sen que a administración tivese á súa disposición os terreos, sen iniciar o expediente expropiatorio correspondente e sen o compromiso de colaboración do Concello nin dos propietarios afectados, que, “en boa parte non estaban dispostos a ceder as súas leiras”.

A maiores, o proxecto carece de informe de avaliación ambiental, que nin sequera se chegou a solicitar, e tampouco dispoñía de informe de Patrimonio.

No lugar deste proxecto, o goberno provincial xa anuncia que se acometerá outra obra que permitirá reformular o trazado actual, dotando a vía de máis ancho, ampliando as interseccións e instalando pasos de peóns elevados e reductores de velocidade, “garantindo a convivencia do tráfico rodado coa mobilidade peonil”.

O Concello de Ribadumia proxecta a creación dun novo aparcamento no entorno da Igrexa de Barrantes que dea cabida a unhas 40 prazas, cun investimento de 60.000 euros financiados a tavés do Plan Concellos 2017 da Deputación.

Para tal fin, o goberno local asinou un convenio de cesión co Arzobispado co fin de poder habilitar as prazas nunha parcela de 1.300 metros cadrados.

A cesión ten unha duración de 20 anos, sen máis custe para o concello que a realización das obras.

A obra do aparcadoiro vai permitir a creación de 40 prazas de estacionamento para coches, 4 delas reservadas para minusválidos e 2 prazas para autocares. Ademais construiranse as beirarrúas para facilitar o acceso do aparcamento a igrexa.

Ademáis, para optimizar os recursos e aproveitando a realización da urbanización da zona, o Concello tamén realizará a conexión de sumidoiros das vivendas desa zona coa rede xeral, para o que xa solicitou á Consellería de Infraestructuras da Xunta unha suvención de 70.000 euros.

Os detalles explicábaos esta mañá o alcalde de Ribadumia, David Castro, nunha rolda de prensa que recollemos en AROUSA PONTEVEDRA DIA A DIA.

Os alumnos do obradoiro de emprego de agricultura ecolóxica de Vilanova entregaron esta mañá a Cáritas Interparroquial de Arousa parte da súa primeira producción.

Leituga morada, rúcula e canónigos van destinados para o comedor social de Cáritas, que habitualmente empregan 50 usuarios.

Detalles que explicaban no acto de entrega o tenente de alcalde, Javier Tourís, a representante de Cáritas, María Castaño e unha das alumnas do obradoiro, e que recollemos en AROUSA PONTEVEDRA DIA A DIA.

O Obradoiro de Emprego Rexeneración Urbana e Medio Ambiental de Cambados clausurouse está mañá nun acto de entrega de diplomas aos alumnos que se formaron nos módulos de canteiría e xardinería.

A Xunta investiu 180.000 euros neste obradoiro, no que 20 desempregados estiveronse formando durante 6 meses, e o concello de Cambados puxo a disposición dos alumnos todo o material preciso para realizar diferentes melloras estéticas na vila.

Na clausura, o Delegado Territorial da Xunta en Pontevedra, Cores Tourís, anunciou a ampliación da duración dos obradoiros ata os 9 meses.

Pola sua parte, o edil Xurxo Charlín confirmou a solicitude dun novo obradoiro para este ano que contaría con tres módulos, canteiría, xardinería e un novo de carpintería.

Así o explicaban está maña o Delegado Territorial da Xunta en Pontevedra, Cores Tourís, e o concelleiro de promoción económicoa, Xurxo Charlín, que nos contaba tamén en AROUSA PONTEVEDRA DÍA A DIA as actuacións que os alumnos do obradoiro realizaron na Vila do Albariño.

O albergue de A Armenteira acolle xa dende hoxe os primeiros peregrinos que veñen percorrendo o Camiño de Santiago a través da ruta portuguesa ou da Variante Espiritual.

Estará aberto de 13 a 22 horas para que os seus usuarios poidan durmir unha noite por un prezo de 6 euros, debendo abandonar as instalacións ás 8 da mañá,

As instalacións están ubicadas no baixo da Casa de Cultura de A Armenteira, cunha capacidade de 32 liteiras, trala obra realizada cun investimento de preto de 72.000 euros de fondos provinciais.

O novo albergue quedou inaugurado esta mañá nun acto no que estiveron presentes, entre outras autoridades, o presidente de Amigos do Camiño Portugués, Tino Lores, o presidente da Mancomunidade do Salnés, Gonzalo Durán, o deputado provincial Carlos López Font e o alcalde de Meis, José Luis Pérez.

Todos eles se felicitaban polo novo albergue, tal como recollemos en AROUSA PONTEVEDRA DIA A DIA.

Cambados intégrase no Primeiro Plan de Igualdade de Oportunidades de O Salnés que pon en marcha o CIM da Mancomunidade ata o 2020.

O obxectivo deste Plan é promover actuacións en diferentes eidos que poñan en valor o traballo e o papel das mulleres na sociedade e correxir desigualdades.

O programa xa está en marcha e inclue actividades, obradoiros, xornadas e cursos formativos que se desenvolverán conxuntamente cos concellos de Ribadumia e Meis e outros individualmente en Cambados.

Así o explicaban esta mañá a alcaldesa Fátima Abal e a ténica do CIM Mónica Novas na presentación do Plan de Igualdade nunha rolda de prensa que recollemos en AROUSA PONTEVEDRA DIA A DIA.