O entorno do campo de futbol de Berdón contará cunha nova zona de aparcamento con entre 150 e 200 prazas.

Esta nova dotación é posible grazas a un convenio de cesión asinado entre o Concello e os propietarios da parcela que permite o uso de 3.000 metros cadrados para a construcción desa nova bolsa de estacionamentos.

Ademáis, o executivo municipal rubricou un segundo convenio de cesión de terreos que posibilitará a ampliación da estrada de acceso ao barrio da Torre.

Así o explicaba esta mañá o alcalde, Alberto Varela, nunhas declaracións na zona de actuación que recollemos en AROUSA PONTEVEDRA DIA A DIA.

O goberno local de Sanxenxo transmitiu esta mañá aos integrantes da Xunta de Compensación do Polígono de Nantes que o Concello está ultimando os trámites para desbloquear o problema de saneamento mediante a conexión á EDAR de Paxariñas.

O alcalde, que asistiu esta mañá a reunión do Consello Rector do polígono, insiste en que se trata da mellor solución a corto plazo xa que a depuradora municipal ten todavía un marxe dun 30% de capacidade nos meses estivais.

Ademáis, Gonzalo Pita, amosou o seu desacordo coa reclamación patrimonial que a Xunta de Compensación pretende realizar contra o Concello para que a administración municipal lles devolva os 16 millóns de euros que calculan investiron na urbanización do parque empresarial.

Así o explicaba Gonzalo Pita nunha rolda de prensa que recollemos en AROUSA PONTEVEDRA DIA A DIA.

Afundación, Abanca e o Concello de Vilagarcía asinaron esta mañá en dependencias municipais un convenio de colaboración cultural para que Vilagarcía acolla a exposición "Unha mirada de antano: Fotografías de Ruth Matilda Anderson en Galicia".

Os fondos que articulan esta mostra proceden da prestixiosa institución neoiorquina The Hispanic Society of America, que atesoura a colección de arte hispana máis importante alén do territorio español.

Son 70 imaxes as seleccionadas que pertencen ao relato documental que Ruth Matilda Anderson elaborou durante a súa viaxe de investigación en Galicia entre os anos 1924 e 1926 a instancias do fundador de The Hispanic Society of America, o filántropo e hispanista Archer Milton Huntington.

A mostra inaugurarase o 11 de maio e permanecerá aberta ao público durante un mes na sala de exposicións Antón Rivas Briones, na rúa Rei Daviña.

Nolo explicaban esta mañá na presentación da mostra o director de zona de Abanca, Víctor Vázquez, e a coordinadora da Area de Cultura de Afundación, que recollemos en AROUSA PONTEVEDRA DIA A DIA.

Hoxe en Arousa Pontevedra Día a Día falamos coa concelleira de Cultura de Poio sobre as actividades programadas para o Día do Libro, a próxima representación de Poio Escena, avanzamos as bases dos Maios 2017 e tamén dos actos do Día das Letras Galegas.

A presidenta da Deputación, Carmela Silva, visitou esta mañá á parcela de Vilaxoan onde a finais desta semana empezarase a construir a terceira escola infantil pública do municipio.

O centro educativo contará cunha capacidade máxima de 82 prazas para a escolarización de nenos de 0 a 3 anos.

A actuación foi adxudicada á empresa Inelsa de Sanxenxo por un importe de 589.000 euros e ten un prazo de execución de dez meses.

As obras financiaranse coa parte dos fondos provinciais que lle corresponden a Vilagarcía con cargo ao Plan de Obras e Servizos de 2016.

Previamente, a presidenta da Deputación acompañaba aos 40 alumnos e alumnas do colexio Anexo A Lomba nunha das visitas guiadas ao Castro Alobre que o organismo provincial e o Concello están ofrecendo a escolares do municipio para dar a coñecer O xacemento e a súa importancia.

Neste caso, Carmela Silva ofrecía os datos dos achádegos da segunda fase das excavacións que está a realizar a Deputación no castro vilagarcián.

Máis dun millar de pezas, destacando tres fíbulas recuperadas. O máis singular é un elemento para o cuidado persoal, destinado a hixiene do oido, e un mango dun coitelo de bronce.

Detalles de ambas actuacións que explicaban a presidenta provincial, Carmela Silva, e o alcalde, Alberto Varela, e que recollemos en AROUSA PONTEVEDRA DIA A DIA.

O concello de Cambados abre o prazo para a presentación dos carteis da Festa do Albariño 2017, que se celebrará do 2 ao 6 de agosto.

O Concelleiro de Cultura, Víctor Caamaño presentou esta mañá o Concurso de Carteis para a LXV edición, que un ano máis otorga ao gañador un premio de 500 euros.

Os carteis participantes deberán ser inéditos e valorarase a creatividade e a inclusión de expoñentes da cultura e patrimonio cambadés. Eso si, calquera indicio de plaxio nos diseños fará que a obra quede descalificada, tal como se estipulara xa na pasada edición.

O prazo para presentar os traballos comeza hoxe e estará aberto ata o 2 de xuño, ás 12 horas, para que o xurado, ainda por determinar, decida cal será o cartel que este ano promocione a Festa do Albariño.

Saberémolo o 17 de xuño. As bases do concurso pódense consultar na web municipal ou no propio concello.

Así o explicaba o concelleiro de cultura de Cambados, Víctor Caamaño, nunha rolda de prensa que recollemos en AROUSA PONTEVEDRA DIA A DIA.

Preocupación e indignación no concello polo estado da estrada de As Sinas, de titularidade provincial, trala aparición dun segundo socavón de importantes dimensións en cuestión de dous meses.

O concello remitirá a Deputación o informe elaborado pola Policía Local para que o organismo provincial acometa con urxencia as tareas de reparación

O alcalde, Gonzalo Durán calificaba de “vergonzosa” a situación de abandono desta estrada durante a supervisión do estado da zona, que recollemos en AROUSA PONTEVEDRA DIA A DIA.

A Zarzuela chega este sábado 22 de abril ao Auditorio de Vilagarcía.

O espectáculo musical está organizado polo Coro Liceo de Vilagarcía e a Banda de Música Municipal, que representarán unha antoloxía da Zarzuela con 13 fragmentos das óperas máis recoñecidas.

En escea haberá 50 coristas, 65 músicos, 5 bailarins procedentes da Escola de Nydia, e dous presentadores.

As entradas xa están á venda en ticketea a un prezo de 6 euros na zona A, 5€ na zona B e 3€ na zona C.

Así o explicaban a concelleira de cultura, Sonia Outón e o organizador do espectáculo Pepe Álvarez, acompañados pola nova directora do Coro, Sonia Bouzada, nunha rolda de prensa que recollemos en AROUSA PONTEVEDRA DIA A DIA.

A Concellería de Xuventude de Vilagarcía organiza unha fin de semana musical co Obradoiro Achegate aos Locais!, os días 28, 29 e 30 de abril.

A finalidade desta iniciativa é que os xovenes de Vilagarcía coñezan en profundidade o mundo da música e poder así profesionalizarse neste ámbito.

Os 11 cursos que a Concellería ten preparados abordarán temas como a facturación e contratos para músicos, a gravacion de maquetas, a fotografía musical ou a promoción.

O Obradoiro desenvolveráse os días 28, 29 e 30 de abril e os cursos serán gratuitos ata completar aforo.

Además, para rematar cada día haberá unhas Jam Sessions na Praza da Peixeria para que os participantes poidan amosar e poñer en práctica todo o aprendido.

Así o explicaban esta maña a concelleira de cultura, Sonia Outón, acompañada de Diego Basadre, organizador do obradoiro, nunha rolda de prensa que recollemos en AROUSA PONTEVEDRA DIA A DIA

O Pazo de Vista Real estase a converter nun centro de referencia de formación sobre manexo de drons, que se incrementa agora cun curso para obter o título de piloto oficial, en modalidades básico e avanzado e presencial ou on-line.

O prezo oscila entre os 600 e os 900 euros, que se poden financiar dende 50 euros ao mes.

Non hai límite de prazas ainda que sí un mínimo de 10 alumnos para poder realizar o curso.

Así o explicaban esta mañá os responsables das empresas formadoras, na presentación deste curso que recollemos en AROUSA PONTEVEDRA DIA A DIA.