O Goberno local e os representantes sindicais constituíron esta mañá a Mesa de Negociación dos convenios colectivos dos traballadores do Concello.

O Goberno local quere negociar de forma simultánea pero separada ambos convenios: por un lado o dos 124 traballadores do Organismo Autónomo Terra de Sanxenxo e por outro o das 59 persoas que integran o persoal laboral do Concello.

Sen embargo, nesta cuestión non estaban de acordo os sindicatos CCOO e CIG. Ambos exixían, de principio, que houbera un único convenio colectivo que incluira a Terra Sanxenxo, Concello e tamén a Nauta.

I e que consideraban que esta negociación dividida podía conlevar diferencias nas condicións laborais dos traballadores.

Pese a todo, dende a CIG están dispostos a aparcar diferencias e continuar as negociacións que se celebrarán os mércores cada quince días.

Así nolo explicaban en AROUSA PONTEVEDRA DIA A DIA unha representante da CIG e a Concelleira de Persoal á saida da reunión.

O Concello de O Grove comezará dende hoxe os trámites para adxudicar os seis locais para emprendedores construidos na praza de abastos.

Trátase dun espazo activo de emprendemento que busca diversificar a oferta deste mercado, dinamizar a súa actividad e, por suposto, crear emprego.

A actuación foi realizada cun investimento de 80.000 euros, dos que a Xunta aportou 62.000 e o resto a Deputación.

Os novos espazos están pensados para empresas de nova ou reciente creación, funcionando así como un pequeno viveiro de empresas.

A concesión será de dous años, prorrogables por outros dous. O primeiro será sen custe e os seguintes terán un aluguer baixo.

O prazo para a presentación de propostas rematou hoxe e, de seguido, o gobierno local será o encargado de valorar todas as propuestas que reciba e elexir as adxudicatarias.

De principio, tanto o Concello como a Xunta están satisfeitos co resultado conseguido.

Así o valoraban a directora xeral de Comercio, Sol Vázquez, e o alcalde de O Grove, José Antonio Cacabelos durante unha visita realizada esta mañá ao espazo activo de emprendemento, que recollemos en AROUSA PONTEVEDRA DIA A DIA.

O Concello de Vilanova asinou un convenio cos propietarios das parcelas próximas ao Mosteiro de Cálogo para realizar nese entorno diversas prospeccións arqueoloxicas.

As excavacións efectuaranse sobre unha hectárea de terreo, ubicada entre o campanario e o cemiterio.

O convenio foi asinado esta mañá entre o alcalde, Gonzalo Durán, e un representante das familias propietarias, tal como explicaban ambos trala rúbrica do documento.

O albergue de Armenteira contará con 31 prazas para pernoctar cando, en cuestión de días, rematen as obras de mellora que está a realizar a Deputación de Pontevedra nestas instalacións.

A actuación supón un investimento duns 73.000 euros e inclue tamén a instalación dunha caldeira de biomasa.

Os detalles explicábanos esta mañá o alcalde de Meis, José Luis Pérez, e o deputado de Turismo, Santos Hector, nunha visita ao albergue que recollemos en AROUSA PONTEVEDRA DIA A DIA.

As mulleres interesadas polo emprendemento empresarial teñen a oportunidade de recibir asesoramento para abrir os seus negocios mediante unha iniciativa que desenvolve o CIM do Salnés en Cambados.

Serán unhas xornadas que se celebrarán o próximo día 23 de marzo ás 19.30 en Exposalnés baixo o nome de “Emprendemento Low Cost”.

O obxectivo é dar a coñecer opcións de iniciar actividades empresariais que non supoñan un custe excesivo para as mulleres que dan o paso.

Entre esas posibilidades están os Coworkings que se realizan en Vilagarcía, Sanxenxo e Meis, ademáis de os Viveiros de Empresas dos polígonos de Barro e Cambados que ofrecen espazos a baixo custe.

Así o explicaban esta mañá a alcaldesa de Cambados, Fátima Abal, e a responsable do CIM do Salnés, Mónica Novas, nunha rolda de prensa que recollemos en AROUSA PONTEVEDRA DIA A DIA.

Hoxe en AROUSA PONTEVEDRA DIA A DIA falamos coa Concelleira de Educación de Poio, Marga Caldas, sobre os diferentes programas educativos para este curso organizados polo seu departamento en colaboración coas ANPAS.

Talleres de Igualdade, o coñecemento do entorno no programa "Educándonos" e a segunda edición da Ludo Olimpiada son algunhas das iniciativas previstas.

O Concello de Vilanova iniciou hoxe as charlas de educación vial dentro da campaña "xeracion 0,0 " .

Foi no colexio de San Roque de Coron, onde os protagonistas foron os nenos de 3 anos de infantil.

O axente da Policía Local José Luis Maquíeira foi o encargado de explicar aos pequenos a importancia das medidas de seguridade vial, obtendo sinceiras respostas dos nenos que non deixaron en moi bo lugar os maiores.

As redeiras e mariñeiros de Portonovo contan dende agora cun novo dispositivo que lles permitirá mover as redes con maior facilidade.

A nova máquina foi instalada por Portos de Galicia cun investimento de algo máis de 20.000 euros.

Así o explicaban o presidente da entidade portuaria, José Juan Durán, e o patrón maior da confraría, José Antonio Goméz, nunha visita realizada esta mañá ás instalacións das redeiras, que recollemos en AROUSA PONTEVEDRA DIA A DIA.

Cambados acolleu esta mañá no salón de plenos a presentación dunha xornadas técnicas de sanidade vexetal que se celebrarán este xoves 16 de marzo ás 19 horas no Parador de Cambados.

A iniciativa está dirixida a viticultores, estudantes e público en xeral para analizar a incidencia das enfermidades da madeira e a raíz nas vides, xa que limitan a vida dos viñedos.

O obxectivo principal destas xornadas é poñer en coñecemento dos viticultores cáles son estas enfermidades, a súa sintomatoloxía, o que se debe facer p0ara o seu control e dar coñecemento dos métodos de loita eficaz.

Así o explicaban o organizador, Fernando Crusat, e o presidente do Consello Regulador da D.O Rías Baixas, Juan Gil de Araujo, na presentación destas xornadas, que recollemos en AROUSA PONTEVEDRA DIA A DIA.

As jornadas están organizadas pola Agrupación Profesional de Viticultores Rías Baixas, en colaboración con Agrotécnicas do Salnés e Comercial Cacabelos.

Os alumnos de ensino infantil de Cambados participarán no programa “Mensaxeiros Solidarios”que pon en marcha a Axencia de Doazón de Organos e Sangue.

Todos eles recibirán o conto "Papá Bolechas doa sangue" e informacion vencellada coas doazóns, como unha forma de concienciación dende as primeiras idades e fagan de menxaseiros na familia.

Actualmente, as doazons na vila do albariño están por riba da media requerida pola OMS, xa que unha porcentaxe do 71% da poboación cambadesa realiza este xesto solidario.

A directora da Axencia, Marisa López, e o concelleiro de Educacion de Cambados, Victor Caamaño, presentaron esta mañá a iniciativa, que se desenvolverá entre os estudantes dos tres de centros educativos.

O programa 'Mensaxeiros Solidarios' desenvolvese dende hai anos en distintos colexios e municipios.

Neste caso, un total de 205 nenos e nenas de centros de ensino infantil recibirán o conto 'Papá Bolechas doa sangue', xunto cunha tarxeta de informacion básica sobre a doazón.

Asi mesmo, Marisa López quixo facer un chamamento apelando ao carácter solidaria dos veciños e veciñas de Cambados e lembrou que unha unidade móbil de ADOS estará ao carón do centro de saúde os días xoves 16, venres 17 en horario de 10 horas a 14 horas e de 16 horas a 21 horas e sábado 18 de 10 a 15 horas.

Son os detalles dunha rolda de prensa que recollemos en AROUSA PONTEVEDRA DIA A DIA.