A Mancomunidade do Salnés clausurou esta mañá, en Exposalnés, en Cambados, o obradoiro de emprego Muiños do Salnés, no que 20 alumnos se formaron en canteiria e colocación de pedra durante 6 meses.

A acción formativa permitiu a rehabilitación e recuperación de diversos Muiños en Vilanova, Meaño e Sanxenxo.

Os alumnos recibiron esta mañá os seus diplomas nun acto no que estiveron presentes o Presidente da Mancomunidade do Salnés, Gonzalo Durán, o tenente de alcalde de Cambados, Victor Caamaño e o o xefe territorial de Emprego da Xunta, Ignacio Rial.

Todos eles calificaban o obradoiro como un éxito ao tempo que felicitaron os alumnos polo traballo realizado e lles desexaron suerte para o futuro.

Así o recollemos en AROUSA PONTEVEDRA DIA A DIA.

A Consellería de Educación acometerá un proxecto de eficiencia enerxética no colexio do Mosteiro, cun investimento duns 460.000 euros financiados con fondos europeos.

A previsión e que as obras comecen no verán para que as principais intervencións non entorpezan o funcionamento das clases.

A actuación consistirá no cambio de fiestras, luminarias, falsos teitos, e calefacción.

O anuncio facíao esta mañá o Conselleiro de Educación, Román Rodríguez, nunha visita realizada ao centro educativo que recollemos en AROUSA PONTEVEDRA DIA A DIA.

Rematan as obras da segunda fase do proxecto de mellora de accesibilidade do Castro Alobre.

A actuación consistiu na sustitución das antigas escaleiras de madeira que estaban en mal estado por unhas novas de aceiro e instalouse tamén unha rampa.

Pero ademáis o goberno local quere promover o coñecemento do xacemento arqueolóxico e o xardín botánico entre os máis pequenos.

Farao cun programa educativo para os primeiros cursos de primaria de visitas ao Castro e ensinanzas nas aulas que se complementarán cunha guia de contos de Os Bolechas.

O alcalde, Alberto Varela, e a concelleira de Urbanismo, Paola María explicaban os detalles nunhas declaracións no propio Castro que recollemos en AROUSA PONTEVEDRA DIA A DIA.

Hoxe acabamos de coñecer unha nova iniciativa do programa de actividades que pon en marcha o Concello de Cambados dentro do programa de Cidade do Viño.

Trátase dunha Caravana do Viño que percorrerá 30 cidades de España durante 30 días con presencia nas prazas máis relevantes de cada localidade nas que se farán catas e degustacións.

Explicábao esta mañá o Concelleiro de Enoturismo, José Ramón Abal, nunha rolda de prensa que recollemos en AROUSA PONTEVEDRA DIA A DIA.

O alcalde de Vilanova Gonzalo Durán solicita a demisión do concelleiro socialista e deputado provincial Javier Dios por por mentir á corporación municipal e os veciños.

A petición prodúcese a raiz da negativa do PSOE no pleno da Deputación de aprobar a proposta do PP de asinar un convenio entre ambas institucións fora do Plan Concellos para a construcción dunha piscina en Vilanova.

En contraposición a esta negativa, Durán recrimina que se acaba de asinar o convenio entre a institución provincial e o Concello de Cambados para a reforma da piscina cambadesa.

O rexedor vilanovés reclama o mesmo trato para Vilanova que noutros concellos onde o organismo provincial asina convenios para financiar infraestructuras deportivas.

Así o manifestaba nunha rolda de prensa que recollemos en AROUSA PONTEVEDRA DIA A DIA.

O grupo parlamentario socialista presentará na Cámara Galega varias iniciativas sobre a situación do Hospital do Salnés.

O Alcalde de Vilagarcía Alberto Varela e o deputado autonómico Julio Torrado, mantiveron esta mañá unha reunión coa Xunta de Persoal do centro comarcal sobre os problemas que ao seu entender ten.

Os socialistas presentarán unha proposición non de lei instando ao goberno galego a devolver ao centro de Rubiáns os servizos que posuía antes da súa inclusión na área de Xestión Integrada con Pontevedra e que planifique as necesidades de incorporación de novos recursos materiais para poder desenvolvelos.

Tamén solicitan a dotación de persoal especialista que permita a dita ampliación de servizos e o mantemento da terceira planta aberta de maneira permanente durante todo o ano, coa consecuente contratación de persoal de maneira estable para cubrir as necesidades reais.

Nolo contaban en AROUSA PONTEVEDRA DIA A DIA o rexedor vilagarcián e o deputado autonómico ao remate do encontro co persoal.

O Concello de Cambados e a Deputación de Pontevedra asinaron esta mañá o convenio para a realización da tan demandada sustitución da cuberta da piscina municipal.

O convenio ascende a 900.000 euros, 200.000 máis que o proxecto elaborado polo anterior goberno provincial.

I é que este novo proxecto contempla a reforma integral da cimentación e a instalación da climatización necesaria que cumpra os parámetros legais.

O importe será financiado case na súa totalidade pola Deputación xa que o Concello terá que aportar únicamente 50.000 euros ademáis da elaboración do proxecto.

A rúbrica realizouse nun acto celebrado no salón de plenos da Casa Consistorial de Cambados coa presencia da Presidenta provincial, Carmela Silva, e a alcaldesa de Cambados, Fátima Abal, que recollemos en AROUSA PONTEVEDRA DIA A DIA.

A Hostelería de Vilagarcía pon en marcha a ruta de tapas de inverno, que pretende desestacionalizar e dinamizar as actividades fora da campaña estival.

Nesta ocasión 16 locais participan, do 10 ao 19 de marzo, en “Destapa de Inverno” con propostas gastronómicas a un prezo de 2,80 euros se é con cervexa, 3,50 euros con albariño e 1.80 euros sen bebida.

Tamén haberá un día do tapeador, que será o xoves, con descontos na tapa, e diferentes actividades paralelas como o xa habitual tiraxe de cañas ademáis de tres showcookings.

Así o explicaba esta mañá o portavoz de Ahituvi, Carlos Crespo na presentación da iniciativa, acompañado do alcalde, Alberto Varela, e que recollemos en AROUSA PONTEVEDRA DIA A DIA.

Pais e nais de alumnos do colexio de Carril iniciaron hoxe unha serie de protestas semanais ante a falta de resposta da entrevista solicitada co xefe territorial de Educación, César Pérez Ares, para tratar a petición dun autobús escolar de retorno á salida das clases ás 14 horas.

Os proxenitores teñen previsto concentrarse ante as portas do centro cada mércoles a esa hora ata ter unha resposta.

Así nolo expresaba en AROUSA PONTEVEDRA DIA A DIA unha das nais afectadas.

En AROUSA PONTEVEDRA DIA A DIA conversamos hoxe co alcalde de Poio, Luciano Sobral, sobre diferentes asuntos de interés municipal.

O proxecto de mellora de accesibilidade a beiraruas e pasos de peóns na PO308, outras actuacións que se realizarán con cargto ao Plan Concellos ou os estacionamentos da Praza da Granxa en Campelo son algúns dos temas abordados.