A presidenta da Deputación, Carmela Silva, acompañada do alcalde de Caldas, Juan Manuel Rey, e a deputada provincial, Digna Rivas, visitaron esta mañá algunhas das obras que se están a realizar no municipio ao abeiro do Plan Concellos.

Foron tres actuacións as visitadas, como referencia emblemática do que o goberno local quere para o municipio, por un importe de preto de 700.000 euros.

Concretamente, o campo de fúbol de As Corticeiras para transformalo nun estadio, a humanización da rúa Juan Fuentes Echevarría mediante a ampliación das beirarrúas e as pozas termais da Tafona.

Asi nolo explicaban para AROUSA PONTEVEDRA DIA A DIA o alcalde e a presidenta da Deputación, que posteriormente visitaron as oficinas do Oral en Caldas.

Os Bolechas chegan a Cambados para promover o coñecemento do municipio entre os máis pequenos e tamén cara os turistas que visitan a vila do Albariño.

Son 1.000 exemplares dunha guía en forma de ruta pola vila que se distribuirán entre os colexios, biblioteca e a Oficina de Turismo.

Neste último caso, estarán a venda a un prezo de 5 euros.

Así nolo contaban esta mañá a concelleira de Turismo, Milagros Martínez e o edil de Cultura, Victor Caamaño, nunha rolda de prensa que recollemos en AROUSA PONTEVEDRA DIA A DIA.

Cambados quere mostrar a cultura e as tradicións musicais da terra na Gala Cidade Europea do Viño 2017 que se celebrará o 25 de marzo a partir das 21 horas na praza de Fefiñáns.

O evento contará coas actuacións dos vigueses “Coro Gli Appassionati”, os cambadeses Manso e Amigos, xunto con figuras representativas da música galega como Susana Seivane e Rosa Cedrón, Ladrón de Guevara e Paco Lodeiro, que interpretarán cancións tradicionais do repertorio popular galego.

Ademáis, todo elo estará misturado co espectáculo do grupo vigués de percusión Abmiram Quartet e o quinteto belga Ialma de música tradicional galega, acompañados do compositor francés Benoit, e o saxo do xa internacional Esteban Batallán.

Tamén terá un papel importante a música de bandas, coa presencia da Banda de Música de Castrelo, que, interpretará o Himno creado para a Cidade Europea do Viño, composto polo compostelán Xosé Carlos Seráns Oliveira, e que leva por título “A Cambados”.

A maiores, unha delegación de Recevín estará presente durante os actos programados nesa fin de semana e por tal motivo, o concello ten previsto unha serie de actividades para amosarlles riqueza patrimonial, turística e enograstronómica da comarca.

O concello convidará aos representantes institucionais de Galicia e do Estado para que os acompañen nesta Gala e instalará 2000 cadeiras na Praza de Fefiñáms para o público asistente.

Os detalles coñecémolos esta mañá nunha rolda de prensa na que estivo o concelleiro de Enoturismo, José Ramón Abal, o director da Banda de Música de Castrelo José Varela, o compositor que gañou a banda sonora Xosé Carlos Seráns Oliveira, acompañados polo presentador conductor da Gala Francisco Lodeiro e integrantes de Manso e Amigos, e que recollemos en AROUSA PONTEVEDRA DIA A DIA.

O sector turístico de Sanxenxo coñeceu hoxe o resultado do testeo da norma de xestión Destinos Turísticos Intelixentes, elaborado por Segittur a finais do pasado ano, en base aos requerimentos que establece a normativa de Aenor.

O director-xerente deste departamento dependiente do Ministerio de Turismo, Luis Javier Gadea, ofreceu os datos nun encontro que se celebrou na Escola de Hostelería e no que tamén estivo presente a directora da Axencia de Turismo de Galicia, Nava Castro e o alcalde Gonzalo Pita.

Con estes datos, Sanxenxo poder ter, a partir de agora unha folla de ruta dos novos modelos de xestión que deben seguir os destinos turísticos neste século XXI.

A súa aplicación permitirá aumentar a competitividade e mellorar o posicionamento turístico de Sanxenxo a través das novas tecnoloxías e ferramentas TIC.

Neste sentido, o alcalde, Gonzalo Pita contábanos para AROUSA PONTEVEDRA DÍA A DÍA qué debe mellorar

Sanxenxo nos próximos 10 anos para ser destino intelixente .

Os principais retos serán desenvolver a administración electrónica, modernizar os servizos tecnolóxicos municipais e establecer unha rede importante de cobertura de datos que elimine as zonas que actualmente carecen de alta velocidade.

Sen embargo, xa ten moito camiño andado coa consolidación do sector empresarial nos destinos SICTED, o amplo número de distintivos Q de Calidade, as bandeiras azuis que cada ano obteñen os seus areais e o patrimonio cultural e enogastronómico.

Para realizar este testeo Segittur desplazó a Sanxenxo durante o pasado mes de decembro a catro auditores de Aenor, que mantiveron entrevistas con máis de 20 técnicos municipais, así como con responsables de cada área, especialmente nos ámbitos de Sistema de Xestión, Innovación e Vixiancia tecnolóxica.

A norma de Xestión Destinos Intelixentes, pioneira no mundo na súa categoría, será testada, ademáis de en Sanxenxo, noutras tres localidades españolas: Benidorm, Jaca e Val de Arán en Lleida.

O PP de Sanxenxo sigue apostando pola Edar de Meaño como solución ao saneamento do parque empresarial de Nantes, a pesar do informe desfavorable inicial emitido dende Augas de Galicia.

O portavoz popular, Telmo Martín, asegurouno esta mañá explicando que o que hai que facer é cambiar a canalización por outra de maior cabida, tal como está recollido no convenio asinado entre os concellos de Sanxenxo e Meaño.

Ademáis, segundo Telmo Martín, se o problema está na saturación da Edar de Os Pasales, a solución sería tan simple como ampliala.

Un remedio que, en opinión do portavoz popular, sería do agrado do presidente da Xunta se ese é o camiño para a instalación de empresas no primeiro concello turístico de Galicia.

Así o explicaba Telmo Martín nunha rolda de prensa que recollemos en AROUSA PONTEVEDRA DIA A DIA.

As mascotas en Vilanova terán tamén o seu particular Entroido.

Será o Cannaval, a primeira carreira popular con mascotas que se celebrará o vindeiro sábado, na véspera do Momo.

Saldrá ás 17 horas do Xardín Umbrío e fará un percorrido de tres kilómetros polas rúas da localidade no que poderá participar calquera tipo de animal de compañía, con ou sen disfraz.

Ademáis, sortearanse agasallos entre todos os participantes.

Os detalles explicábanos esta mañá o alcalde, Gonzalo Durán, o concelleiro de Deportes, Joaquín Doval, e os representantes das dúas clínicas veterinarias colaboradoras: San Miguel e Vilanova, Lidia Gómez e Gustavo Machicote, nunha rolda de prensa que recollemos en AROUSA PONTEVEDRA DIA A DIA.

ABANCA pechou hai uns días, cun dobre acto en Vilagarcía e Boiro, a súa rolda de encontros co sector pesqueiro de Galicia para darlles a coñecer o seu plan de impulso aos profesionais do mar a través da recén creada división Abanca Mar

Foron reunións de traballo que permitiron congregar a preto dun centenar de profesionais dos Grupos de Acción Local do sector pesqueiro (GALP) da ría de Arousa.

De todo elo falamos en AROUSA PONTEVEDRA DIA A DIA con Javier Prada, director de AbancaMar.

O Concello de Cambados prepara un mes de actividades para conmemorar o Día da Muller o 8 de Marzo baixo un programa que leva por título “Por min, por tí, por todas”.

Obradoiros, charlas, proxeccións e xornadas informativas sobre emprendemento son algunhas das iniciativas previstas en colaboración co CIM comarcal e a Deputación de Pontevedra.

Os destalles explicaronos esta mañá a alcaldesa Fátima Abal e a axente do CIM, Mónica Novas, nunha rolda de prensa que recollemos en AROUSA PONTEVEDRA DIA A DIA.

Os veciños de Couto de Abaixo en Castrelo xa non terán problemas de anegamentos nas súas fincas procedentes das tubaxes de pluviais.

O Concello e a Deputación acometeron as obras de mellora das canalizacións cambiando as anteriores tubaxes que estaban en mal estado. Ao tempo, a obra permitirá a ampliación do ancho do vial.

A actuación supón un investimento total de 20.000 euros, financiados ao 50% por cada administración.

As explicacións ofreceunas hoxe o concelleiro de Obras e Servizos, José Ramón Abal, nunha visita de supervisión das obras que recollemos en AROUSA PONTEVEDRA DIA A DIA.

O goberno local ten xa nas súas mans a solución para desbloquear a situación creada no polígono de Nantes despois de que Augas de Galicia emitise un informe desfavorable á conexión do saneamento do parque á EDAR de Dena.

Como alternativa, as canalizacións de Nantes conectaranse directamente á rede de saneamento municipal para que os verquidos vaian á depuradora de Sanxenxo.

Así o explicou esta mañá o alcalde, Gonzalo Pita, nunha rolda de prensa que recollemos en AROUSA PONTEVEDRA DIA A DIA.