O Entroido comeza xa con actividades en varios concellos e Vilanova presentou esta mañá a Festa do Momo que se celebrará o 5 de marzo.

Agárdanse máis de 20.000 persoas para presenciar un desfile que comezará ás 17 horas e no que participarán unhas 2.000 persoas entre comparsas e carrozas tanto locais como procedentes de diferentes concellos que conforman O Salnés, nun percorrido de máis de un kilómetro polas rúas de Vilanova.

Debido á gran afluencia de xente que se agarda un ano máis, nesta ocasión o Concello habilitará un novo aparcadoido á entrada de O Terrón con 800 prazas.

A identidade do Momo non se coñecerá, como sempre, ata que comece o desfile, no que participará un persoaxe coñecido da TVG.

Podería ser José Touriñán, que esta mañá estivo na presentación do Momo, acompañado do presentador do desfile, Xacobe Pérez, e do actor Federico Pérez, e que recollemos en AROUSA PONTEVEDRA DIA A DIA.

O Partido Popular de Sanxenxo fixo balance esta mañá sobre o rendemento dos concelleiros de goberno no que vai de lexislatura en función das retribucións económicas que perciben.

Na súa opinión, os edis do tripartito non se merecen o soldo que cobran.

Así o decía a edil popular Silvia Freire nunha rolda de prensa que recollemos en AROUSA PONTEVEDRA DIA A DIA.

Vilagarcía ten xa preparado o programa de actos conmemorativos do 8 de Marzo, Día da Muller, organizados pola Concellería de Igualdade, o CIM e o Consello Local da Muller, baixo o título “A Muller no Foco da Historia”,

A celebración contará este ano cunha exposición sobre mulleres relevantes de Vilagarcía, “Muller tiñas que ser”, realizada por alumnos de colexios do municipio, que será inaugurada o día 1 de marzo.

O 4 de marzo realizarase o habitual Maratón Fotográfico pola Igualdade e xa o día 8 darase lectura ao manifesto diante do concello, a inauguración da exposición "Mulleres Galegas na Historia" e unha proxeccion de curtas dirixidas por mulleres.

Unha cea de mulleres o día 11 porá fin ao programa.

Os detalles explicábaos esta mañá a concelleira de Igualdade, Tania García, acompañada da responsable do CIM, Julia Barbosa e unha representante do Consello Local da Muller, nunha rolda de prensa que recollemos en AROUSA PONTEVEDRA DIA A DIA.

O grupo de goberno de Vilagarcía e a oposición reúnense esta tarde para analizar a proposta de orzamentos para este ano ultimado polo equipo de Alberto Varela e as aportacións realizadas polos demáis grupos da corporación.

O PP e Somos facían públicos nas últimas horas os principais puntos das súas suxerencias e dende o equipo de goberno, o alcalde, Alberto Varela, concretaba esta mañá a súa proposta definitiva.

Son 27 millóns de euros nuns orzamentos que considera “equilibrados e realistas, cumplindo co plan de axuste ao que está sometido o Concello”.

Segundo o rexedor, no documento final están integradas varias propostas plantexadas polo BNG, ainda que con partidas orzamentarias diferentes e agarda o respaldo dos grupos de esquerda.

Así o explicaba Alberto Varela nunha rolda de prensa celebrada esta mañá na sala de Xuntas do Concello, que recollemos en AROUSA PONTEVEDRA DÍA A DIA.

E dende a oposición, o PP presentará unha vintena de aportacións.

Entre elas, a reorganización da xerencia de Urbanismo, o control e optimización das horas extra, que o 33% dos fondos Feder sexa xestionado pola oposición, a ampliación da depuradora ou a creación dun aparcamento na praza de abastos.

 

Pola súa banda, dende Somos proponse a ruptura do Pacto de Cidade entre o grupo de goberno e o PP, a remunicipalización de servizos externalizados, unha comisión específica para concretar os proxectos dos fondos Feder ou o establecimento duns orzamentos participativos.

Sanxenxo prepárase para 8 días de Entroido cheo de actividades pensadas para todas as edades, dende os entroidiños aos desfiles.

Para saber todos os detalles falamos en AROUSA PONTEVEDRA DIA A DIA con Sandra Fernández Agraso, concelleira de Cultura de Sanxenxo.

O Porto de Tragove, en Cambados, foi esta mañá o escenario dun novo exercicio anticontaminación promovido por Portos de Galicia para comprobar o estado de funcionamento dos equipos técnicos e o adestramento do persoal en caso dunha situación real de contaminación.

No simulacro participaron axentes do servizo de Gardacostas de Galicia, ademáis de persoal da Confraría de Cambados.

A actividade consistiu na simulación dun verquido de hidrocarburo para testear o estado de mantemento dos equipos de loita contra a contaminación e a súa capacidade de resposta cara unha posible situación real.

Tras diferentes probas, estase comprobando que nunha xornada habitual de traballo do persoal do porto o verquido estaría controlado en dúas horas.

Os detalles nolos explican o presidente de Portos de Galicia, José Juan Durán, e o patrón maior da confraría de Cambados, Ruperto Costa.

Técnicos de Fomento comezaron esta mañá os traballos de consolidación do noiro do vial do Salnés entre Baión e o Hospital comarcal, que permanecía pechada ao tráfico dende hai tres meses por desprendementos de rochas.

Os traballos iniciáronse despois de que onte o alcalde de Vilanova, Gonzalo Durán, se entrevistase coa subdelegada do goberno en Pontevedra, Ana Ortíz, solicitándolle una urxente solución.

Agora o rexedor agarda que a actuación remate en breve e o vial poida reabrise ao tráfico para que os numerosos veciños de Vilanova que usan este tramo para acceder ao Hospital poidan facelo sen problemas.

Concentración en Pontevedra en repulsa do crime machista rexistrado a pasada noite en Chapela, convocada conxuntamente por Deputación e Concello na escalinata do Pazo Provincial

A presidenta da Deputación, Carmela Silva, calificou como “unha masacre de mulleres” os asasinatos que se levan producido no que vai de ano e reclama un pacto de estado xa.

Ademáis, a presidenta provincial lembrou os nomes das 15 mulleres que foron asasinadas pola lacra da violencia machista en menos de dous meses.

A Cruz Vermella en Arousa pon en marcha unha nova campaña de Acollemento de Menores, en colaboración co Concello de Vilagarcía.

Actualmente, en Arousa hai dúas familias que se están a facer cargo de dous menores pero en toda a provincia son 60 nenos os que teñen un fogar de acollemento.

O presidente da entidade, Alfonso González Gallego, contounos os detalles en AROUSA PONTEVEDRA DIA A DIA.

A Deputación e o Concello de Cambados colaboran na promoción da obra escultórica de Manolo Paz con vista á presencia do artista cambadés na Feira de Arco en Madrid.

O deputado provincial de Cultura, Xosé Leal visitou este mediodía o taller escultórico que o artista ten en Cambados situado nun espazo aberto na parroquia de Castrelo.

O deputado estivo acompañado na súa visita polo concelleiro de Cultura de Cambados, Víctor Caamaño e polo propio escultor, e que tamén seguimos dende AROUSA PONTEVEDRA DÍA A DÍA.