A alcaldesa de Cambados, Fátima Abal, presentará unha querela no xulgado de Cambados a raiz da publicación aparecida a pasada tarde en internet na que se decía que a rexedora fora detenida por un delito de falsedad documental.

A información é falsa e procede da plataforma de internet 12minutos.com adicada a publicar bromas.

Fátima Abal xa interpuxo esta mañá unha denuncia ante a Garda Civil e posteriormente será o xuiz se o estima oportuno o que abra a investigación para demandar ao autor por un delicto contra o honor e imaxe pública da alcaldesa.

Así nolo contaba Fátima Abal a AROUSA PONTEVEDRA DÍA A DIA.

O Departamento de Servizos Sociais do Concello de Ribadumia ten novas instalacións, ubicadas no antiga Casa Consistorial, que unifican os servizos que antes estaban repartidos entre a Casa Consistorial e a Casa de Cultura.

A actuación requeriu un investimento de 23.000 euros e o goberno local non desbota seguir acometendo novas reformas o vindeiro ano.

Así o explicaban esta mañá o concelleiro de Servizos Sociais, Enrique Oubiña, e o alcalde, David Castro, na presentación das novas instalacións que recollemos en AROUSA PONTEVEDRA DIA A DIA.

O Concello de Vilanova promoverá o proxecto de contrucción dunha piscinal municipal no complexo de O Terrón a través dun Convenio coa Deputación de Pontevedra e non mediante o Plan Concellos como pretendía o grupo socialista municipal.

O alcalde, Gonzalo Durán, solicitou aos deputados provinciais do PP que leven a iniciativa ao pleno da Deputación nunha moción que contemple a implicación da institución provincial.

Así o explicaban esta mañá o alcalde, Gonzalo Durán, e os deputados provinciais Luis Aragunde e Angel Moldes, que volveron a resaltar as críticas polo funcionamento do actual goberno provincial.

Foi nunha visita ao complexo deportivo de O Terrón na que tamén estiveron presentes a deputada Salomé Peña e a portavoz do PP provincial, Nidia Arévalo, que recollemos en AROUSA PONTEVEDRA DIA A DIA.

Unha empresa de biotecnoloxía quere poñer en marcha en Arousa un innovador proxecto que posibilitaría a creación dunha nova industria na comarca.

A firma BBD, con sede en Vilaboa, propón a construcción dunha planta piloto de biorefinería nas instalacións de Conservas Peña en Vilaxoán, destinada á converter o caldo de cocción do mexillón en DHA-Omega3 para a industria alimentaria e farmacéutica.

O proxecto está listo pero carece de financiación, polo que os responsables da empresa buscan apoios económicos xa que en principio aseguran non contar co interés da Xunta.

Como alternativa, iniciaron xa contactos coa Asociación Galega de Cocedeiros de Mexillón, AGACOME, e tamén coa Deputación de Pontevedra, dos que agardan unha resposta positiva.

Así o explicaba Vicente Vázquez, xerente de BBD, Bio&Tech Bioeconomic Development, nunha rolda de prensa que recollemos en AROUSA PONTEVEDRA DIA A DIA.

As obras de humanización da Avenida Luis Rocafort de Sanxenxo comezarán o 1 de marzo e será a Unión Temporal de Empresas (UTE) Nexia-Ors a encargada de realizar os traballos.

A adxudicación definitiva da actuación será aprobada o próximo venres pola Deputación cun prazo de execución de seis meses.

A súa oferta económica foi de 1.256.062 euros, que supón unha reducción do 23,9% con respecto ao orzamento de licitación inicial, financiados nun 70% pola Deputación e nun 30% polo Concello.

O deputado provincial de Mobilidade, Uxío Benítez, e o alcalde de Sanxenxo, Gonzalo Pita, reuníronse esta mañá para acordar a metodoloxía das obras que, a petición do goberno local, non inteferirán durante o período estival.

De tal xeito que os traballos comezarán o 1 de marzo polo marxe esquerdo, subindo dende Silgar, nun tramo que quedará rematado no mes de xuño.

Nese momento paralizaranse as obras e o proxecto pendente retomarase o 15 de setembro.

A medida permitirá que nos meses de verán, nos que a afluencia de turistas e a poboación en Sanxenxo se multiplica, a zona quede en situación ordenada e non impida o disfrute dos veraneantes.

Asimesmo, mudarase a especie arbórea existente por recomendacións dos técnicos da Estación Fitopatolóxica Areeiro.

O proxecto contempla beirarrúas con longos de entre 2,5 e ata seis metros, velocidade limitada a 30 quilómetros hora, a instalación de máis de 60 luminarias para garantir a seguridade viaria, a construción de cinco pasos de peóns sobreelevados e outras cinco plataformas elevadas nas interseccións, a colocación de estacionamentos de bicicletas e motocicletas, así como novo mobiliario urbano e máis de medio centenar de árbores, entre outras melloras.

Outra das novidades é que se urbanizará a totalidade da vía, incluíndo a conexión coa PO-308, aínda que se descartou tamén o túnel baixo a rotonda ideado no seu día polo anterior goberno provincial

En cambio, actuarase en 100 metros máis de lonxitude (ata os 575) e en case 3.000 metros cadrados máis de superficie.

Os detalles do plan de execución contábaos esta mañá o deputado provincial tralo encontro co rexedor de Sanxenxo nunha rolda de prensa que recollemos en AROUSA PONTEVEDRA DIA A DIA.

Se queres coñecer máis de preto o mundo dos gatos non te podes perder o primeiro “Cat Café” de Galicia que se celebra esta fin de semana en Cambados, organizado polo Refuxio de Animais da localidade no Salón Peña.

Un evento onde poderás gozar da compañía dos felinos mentres te tomas algo, nunha oportunidade de coñecer e interactuar con 11 gatos que agardan unha familia.

Se os queres coñecer previamente podes facelo no facebook do Refuxio de Animais de Cambados.

O Cat Café abrirá o sábado dende as 16 horas ás 23 horas, con charlas informativas impartidas por dous veterinarios colaboradores do Refuxio: Sara Férnandez con “Sete vidas ten un gato” e Jorge Martínez que falará sobre “O gato e o seu coidado”.

Ademáis poderás mercar productos para gatos e obxectos coa imaxe dos felinos creados para a ocasión.

E durante a xornada do domingo, haberá tamén unha sesión vermú de 12 a 20 horas, “chea de gatosidade”.

O obxectivo desta iniciativa, pionera en Galicia, é concienciar á sociedade sobre os gatos como animais de compañía, derrubar mitos como a mala sorte dun gato negro, e promover a adopción dos animais.

Asi o explicaba esta mañá a directora do Refuxio de Cambados, Olga Costa, acompañada do tenente de alcalde, Victor Caamaño e a concelleira de Medio Ambiente, Mª José Cacabelos, na presentación da iniciativa que recollemos en AROUSA PONTEVEDRA DIA A DIA.

A Xunta evaluará os danos rexistrados no Concello de Meis durante o forte temporal da madrugada do pasado venres para estudar a forma de axudar aos afectados que carecen de seguro.

Con tal motivo, o delegado territorial da Xunta en Pontevedra desprazarase mañá ás zonas afectadas de San Martiño e San Salvador, acompañado do alcalde de Meis, para comprobar no lugar os desperfectos ocasionados e posteriormente analizar caso por caso.

Así o explicaba esta mañá Xosé Manuel Cores Tourís nunhas declaracións que recollemos en AROUSA PONTEVEDRA DIA A DIA.

O colexio de San Tomé de Cambados poderá ter comedor escolar o vindeiro curso.

A Consellería de Educación quere poñer en marcha o proxecto atendendo a petición da comunidade educativa, pero sempre e cando poida contar coa colaboración económica do Concello.

O comedor estará ubicado na antiga vivenda do conserxe, nun espazo de 90 metros cadrados anexo ás instalacións educativas, e que daría cabida a uns 70 ou 90 alumnos.

O custe da inversión tería un valor aproximado duns 100.000 euros, segundo os primeiros cálculos realizados polos técnicos da Consellería.

Cifras, en todo caso, dentro da prudencia que quixo resaltar esta mañá o xefe territorial de Educación, César Pérez Ares, que visitou o centro educativo cambadés para analizar as posibilidades do proxecto, acompañado do delegado territorial da Xunta en Pontevedra, Cores Tourís, o director do colexio, Javier Pérez, e a concelleira Mª José Cacabelos.

Unha visita que recollemos en AROUSA PONTEVEDRA DÍA A DIA.

O Concello de Cambados adhírese ao convenio da FEGAMP coas empresas eléctricas que garantiza o subministro eléctrico ás familias con menos recursos que xa están sendo atendidas polo departamento de Servizos Sociais.

A medida afectaría a un cento de familias que, dado o caso, contarían coa axuda do Concello para evitar o corte do servizo eléctrico.

Dado o caso, a Concellería de Servizos Sociais disporá de dous meses de prazo para realizar os trámites e abonar a factura correspondente.

Asimesmo, o goberno local está a elaborar unha nova ordenanza fiscal para que as compañías de subministro enerxético, luz e gas, abonen unha taxa municipal por uso de terreos de dominio público.

Segundo as estimacións da Concellería de Economía, só pola liña de alta tensión que cruza Cambados o Concello recibiría un importe de 15.000 euros ao ano.

A idea é que esta nova ordenanza poida ser aprobada no pleno deste mes de febreiro.

Todo elo explicábano os Concelleiros de Servizos Sociais, Tino Cordal, e de Economía e Facenda, Xurxo Charlín, nunhas declaracións ante a subestación de Fenosa en Vilariño que recollemos en AROUSA PONTEVEDRA DIA A DIA.

O alcalde de Sanxenxo,, Gonzalo Pita, e o director da Axencia Galega de Infraestruturas, Francisco Menéndez, supervisaron esta mañá os traballos na zona de obras da PO-308 entre Soutullo e A Lanzada, afectada polo temporal co destrozo do paseo de madeira.

A Xunta vai a estudar a fórmula para ancorar a estructura ao firme e evitar que se reproduzan episodios como éste.

Así o explicaban o alcalde e o representante da Xunta durante a supervisión dos traballos de recuperación da pasarela, que recollemos en AROUSA PONTEVEDRA DÍA A DIA.