Os afectados pola supresión das cláusulas solo das hipotecas teñen unha interesante cita o próximo mérocres día 25 en Exposalnés ás 20.30 horas.

O gabinete de avogados Miguelez e Asociados de Cambados ofrecerá unha charla informativa sobre os abonos bancarios dos cartos retidos nas clausulas solo, trala última sentenza do Tribunal Europeo.

A iniciativa, que forma parte do convenio que a Asociación de Comerciantes Zona Centro suscribiu co equipo de letrados, presentouse esta mañá coa presenza do concelleiro de Economía, Xurxo Charlín, o presidente dos comerciantes, Juan Rey, e membros do gabinete de abogados Miguelez e Asociados, que recollemos en AROUSA PONTEVEDRA DIA A DIA.

O Concello de Vilanova inicia a primeira fase de humanización do casco antigo, cun investimento de 50.000 euros.

A actuación consiste na renovación do pavimento para mellorar a imaxe e a seguridade de peóns e tráfico rodado.

Ademáis, tamén inclue a instalación de barras transversais de adoquín.

As obras, que terán continuidade no futuro, afectan as rúas Travesía Tras da Cruz e Estanislao Peña, cun prazo de execución de dous meses.

Así o explicaba esta mañá o tenente de alcalde, Javier Tourís, durante un acto de supervisión dos traballos que recollemos en AROUSA PONTEVEDRA DIA A DIA.

O sindicato CIG denuncia a situación da firma asturiana ITMA S.L, actual concesionaria do servizo de limpeza do Hospital do Salnés.

Segundo explicou esta mañá a representante sindical, Esther Campoamor, a empresa, con 40 traballadores en plantilla, incrumpre o convenio colectivo asinado no 2015 no que se establece o pago de atrasos dos anos 2014 e 2015.

Trala demanda xudicial presentada polos traballadores afiliados na CIG, o xuizo celebrouse onte sen a presencia de representantes da empresa, e quedou visto para sentencia.

Estaba previsto que mañá fora a apertura dos sobres para a nova licitación do servizo de limpeza do Hospital pero finalmente o Sergas aprazou a convocatoria para o venres da vindeira semana.

Ao concurso presentáronse 10 empresas, entre elas a propia ITMA, polo que a CIG enviou un escrito á Xunta solicitando que non se teña en conta esta empresa polos problemas de pago aos seus traballadores.

Se finalmente a Xunta outorga a concesión do servizo a ITMA, o sindicato non desbota mobilizacions.

Así o explicaba a representante da CIG Esther Campoamor nunha rolda de prensa que recollemos en AROUSA PONTEVEDRA DIA A DIA.

O grupo municipal do BNG en Cambados trasladou esta mañá á portavoz nacional da formación Ana Pontón ás necesidades do Concello e as dificultades coas que o cuatripartito se encontra nas tramitacións de proxectos pendentes coa Xunta.

Ana Pontón reuniuse esta mañá na Casa Consitorial co tenente de alcalde Victor Caamaño e resto de concelleiros nacionalistas nun encontro no que tamén estivo presente a deputada por Pontevedra, Montse Prado, e o responsable comarcal do BNG, Manuel Domínguez, e que recollemos en AROUSA PONTEVEDRA DIA A DIA.

A Asociación O Noso Lar volve a celebrar un ano máis o seu Festival Benéfico en beneficio de Cáritas.

Será este sábado 21 de xaneiro no Auditorio ás 20 horas e contará cunha representación teatral do colectivo, que xa está acadando éxito fora da comarca, e a actuación de grupo Amigos do Acordeón Rías Baixas.

As entradas pódense adquirir a prezo de 3 euros en diferentes establecementos comerciais de Vilagarcía, na sede da asociación ou o mesmo día do Festival na taquilla do Auditorio.

Os detalles nolos contaban a concelleira de Cultura Sonia Outón, Ana Cores de O Noso Lar e Pablo Dovalo de Amigos do Acordeón Rías Baixas, nunha rolda de prensa que recollemos en AROUSA PONTEVEDRA DÍA A DÍA.

O Partido Popular de Sanxenxo considera inviable o proxecto de reordenación do porto de Portonovo que pretende acometer o tripartito.

O portavoz do grupo conservador, Telmo Martín, asegurou esta mañá que a pretendida construcción do parking non é posible por dificultades técnicas e polo alto custe económico.

Ademáis, segundo Telmo Martín, requírese previamente un Plan Especial de Ordenación que, na súa opinión, non haberá tempo de aprobar nesta lexislatura.

Así o explicaba o portavoz popular de Sanxenxo nunha rolda de prensa que recollemos en AROUSA PONTEVEDRA DIA A DIA.

Os alumnos do colexio de Rubiáns estrearon esta mañá as renovadas instalacións do pabillón deportivo, que durante tantos anos viñeron demandando pais e profesores con numerosas concentracións.

O ximnasio quedaba inutilizado en épocas de chuvia polas grandes filtracións de auga que o facían impracticable pero agora coas obras realizadas os alumnos poderán realizar as clases de ximnasia sen ningún risco.

As obras consistiron no aillamento interior e exterior do pabillón. Tamén foi sustituida toda a cuberta e construíronse aseos anexos para que os alumnos non teñan que sair do ximnasio.

O proxecto foi financiado pola Consellería de Educación cun aporte de 130.000 euros do Concello.

Os alumnos estrearon con ledicia e cun baile as reformadas instalacións esta mañá nun acto no que estivo presente o alcalde Alberto Varela, satisfeito polo logro conseguido tras anos de reclamacións.

Así o explicaba nunhas declaracións que recollemos en AROUSA PONTEVEDRA DIA A DIA.

O porto de San Tomé de Cambados terá listo o novo pantalán antes do verán.

Portos de Galicia formalizou esta mañá coa adxudicataria do proxecto, a empresa Amilibia, o inicio das obras por un importe duns 200.000 euros.

O novo pantalán terá 73 novos amarres nunha actuación demandada pola Confraría de Pescadores de Cambados, xa que as actuais instalacións de As Goritas non ofrecen o calado suficiente.

A nova estructura poderá acoller embarcacións de entre seis e doce metros de eslora, fundamentalmente planadoras e lanchas de terceira lista.Na parte exterior tamén se dará cabida a embarcacións maiores que agora teñen base en San Tomé.

O proxecto de San Tomé forma parte dunha serie de actuacións que Portos de Galicia está a realizar na Ría de Arousa, coa creación de 500 nova prazas de pantaláns de terceira lista: 300 na Illa de Arousa, 125 en Cabo de Cruz en Boiro, e 73 no porto de San Tomé en Cambados.

Así o explicaba o presidente de Portos de Galicia, José Juan Durán, nunha visita ao peirao de Santo Tomé, acompañado polo delegado da Xunta en Pontevedra, José Manuel Cores Tourís, ademáis de representantes da confraría e do goberno local, que recollemos en AROUSA PONTEVEDRA DIA A DIA.

Rematan as obras de mellora de accesibilidade da rúa Ramón López Piñeiro , no entorno da Residencia de Anciáns Divina Pastora.

O alcalde, Alberto Varela, e o concelleiro de Obras, Lino Mouriño, supervisaron a actuación realizada, que comezou o pasado decembro.

Os traballos consistiron na reforma das beirarrúas para facilitar o tránsito e a seguridade dos viandantes que, na súa maior parte, son usuarios da propia residencia e persoas maiores e con problemas de mobilidade.

A actuación contou cun orzamento de 45.000 euros, financiados con fondos propios do Concello.

Por outra banda, o alcalde Alberto Varela recibiu do Departamento de Estradas da Xunta o compromiso de dar unha solución aos problemas de seguridade viaria da rúa Salgueiral, en Bamio.

O rexedor e o concelleiro de Tráfico, Juan Antonio Pérez Callón, reúníronse esta mañá na delegación da Xunta en Pontevedra con representantes deste departamento para abordar a situación, denunciada polos veciños, e dar cumplimento ao acordo plenario do pasado decembro.

A conclusión do encontro, o alcalde amosábase optimista de que se realice algunha actuación para reducir a velocidade nese punto.

En AROUSA PONTEVEDRA DÍA A DÍA recollemos as declaracións de Alberto Varela sobre ambos asuntos.

O Concello de Vilanova métese en obras para ampliar o local social de xubilados e darlle un novo concepto de punto de reunión e lecer para a terceira idade.

Cun investimento de 200.000 euros, financiado íntegramente pola Consellería de Política Social, o proxecto integra un local anexo, mercado polo concello, no que se instalarán zonas de lectura e outras actividades.

O goberno local agarda empezar as obras despóis do verán e que estea listo para o inverno. Mentres se realizan os traballos, o club de xubilados trasladarase ao multiusos.

Así o explicaban esta mañá o alcalde, Gonzalo Durán, e o responsable do estudio de arquitectura Arela, Roberto Lores, nunha rolda de prensa que recollemos en AROUSA PONTEVEDRA DIA A DIA.