Cambados ten xa preparado o programa das festas máis divertidas do ano, o Entroido, que este ano comezará o venres 24 de febreiro e rematará o 5 de marzo.

A novidade nesta ocasión ven da man do nomeamento de Cambados como Cidade Europea do Viño, e por tal motivo, os mellores disfraces e cancións de comparsas que estean relacionados co mundo do viño recibirán un premio especial.

O pistoletazo de saída será o venres as 22:00 horas na Praza de Alfredo Brañas, cunha adaptación cambadesa en clave de humor do coñecido programa de televisión "A túa cara sóame"

Outra das actividades máis importantes do entroido é o desfile de carrozas que este ano estará animado polos humoristas "Sete magníficos máis 1". O desfile será o domingo 26 de febreiro a partir das 17:00 horas dende a Escalinata de San Tomé.

Xa o luns de entroido será o turno dos máis pequenos co baile infantil e o concurso de disfraces. Ademáis, tamén se celebrará o tradicional concurso de filloas. Todo elo desenvolveráse no Salón Peña dende as 17:00 horas.

O martes de entroido Cambados acolle na Praza de Alfredo Brañas o gran concurso de disfraces de adultos e o concurso de comparsas.

E para pechar o programa, o mércores 1 de marzo celebrarase o Enterro da Sardiña ás 19 horas na Praza de San Tomé, que este ano guiará a actriz Isabel Risco, cos cánticos sacros de Olodum do Coio para queimar ao presidente de EEUU, que en versión cambadesa será “Donald Trampulleiro”.

Tampouco faltarán os Petiscos de Entroido, que organiza a Asociación de Comerciantes Zona Centro, a fin de semana do 3 ao 5 de marzo.

Detalles que explicaban o concelleiro de Cultura, Victor Caamaño, xunto coa actriz Isabel Risco, acompañados do humorista Fran Rei e do cambadés Alberto Domínguez nunha rolda de prensa que recollemos en AROUSA PONTEVEDRA DIA A DIA.

Os taxis de Cambados lucirán este ano o logo da Cidade Europea do Viño nunha iniciativa coa que o Concello pretende implicar a todos os colectivos do municipio no nomeamento da vila.

A proposta extenderase tamén en breve a establecementos hosteleiros e comerciais para que tamén luzan un distintivo creado para a ocasión.

Nolo contaba esta mañá o concelleiro de Enoturismo a pe de rúa durante o acto de presentación da nova imaxe dos taxis, que recollemos en AROUSA PONTEVEDRA DIA A DIA.

A Asociación de Comerciantes Zona Centro de Cambados pon en marcha a súa tradicional campaña dos Namorados.

Nesta ocasión, Zona Centro agasallará aos clientes con conxuntos doados por cinco Xoeirías asociadas a través de vales que poderán selar coas súas compras no comercio local.

O sorteo celebrarase o día 17 de febreiro no salón de plenos do Concello.

A campaña dos Namorados foi presentada esta mañá na Casa Consistorial coa presencia do Concelleiro de Promoción Económica, Xurxo Charlín, e dous directivos de Zona Centro nunha rolda de prensa que recollemos en AROUSA PONTEVEDRA DIA A DIA.

Vilanova celebra este vindeiro luns 30 de xaneiro o Día da Paz coa participación de 850 alumnos de todos os centros de infantil e primaria do municipio.

A celebración, que se conmemora por segundo ano consecutivo, realizarase a partir das 11.30 no Multiusos, debido ás previsións de chuvia e haberá baile, a lectura dun manifesto e un pequeno almorzo.

Ademáis tamén terá unha vertente solidaria, xa que os asistentes deberán entregar un kilo de alimentos non perecedeiros para Cáritas.

Contábao esta mañá David Calvo, un dos profesores implicados, nunha rolda de prensa que recollemos en AROUSA PONTEVEDRA DIA A DIA.

O Sepes, o organismo que xestiona o polígono de Baión, estudia a posibilidade de arrendar as parcelas con opción a compra, á proposta do alcalde de Vilanova Gonzalo Durán aproveitando un encontro en Fitur.

O rexedor ve con esta iniciativa a forma de conseguir a ocupación dun parque empresarial que segue valeiro nun 70% na zona industrial e nun 100% na zona comercial.

Así o explicaba o alcalde Gonzalo Durán esta mañá nunha rolda de prensa que recollemos en AROUSA PONTEVEDRA DIA A DIA.

O PP de Sanxenxo considera que a auditoría encargada polo goberno local foi unha perda de tempo e de diñeiro.

Tamén argumenta que foi unha excusa da concelleira Vanesa Rodríguez para non entablar as negociacións co persoal laboral do Concello.

Así o explicaba a concelleira popular Silvia Freire, nunha rolda de prensa que recollemos en AROUSA PONTEVEDRA DIA A DIA.

Mulleres Emprendedoras de Meis, Ribadumia, Vilagarcía e Cambados, xunto cunha empresaria do Carballiño e outra de México, formarán parte do V Simposio Móstrate Salnés que se celebrará o 8 de febreiro no Auditorio do Mosteiro, organizado polo CIM comarcal.

Todas elas contarán as súas experiencias no emprendemento feminino a través dunha iniciativa do CIM que pretende facer visible o éxito das emprendedoras da comarca e asesorar a outras mulleres que teñan en mente comezar un negocio.

Nolo contaban Mónica Novás, axente do CIM, e María José Carramal, a emprendedora de Meis, durante a presentación do Simposio, nunha rolda de prensa que recollemos en AROUSA PONTEVEDRA DIA A DIA

O sindicato CIG inicia unha campaña en demanda da recuperación de dereitos sociais e laborais que podería desembocar na convocatoria dunha folga xeral en todo o Estado.

De momento, o sindicato nacionalista ten xa convocada unha manifestación este sábado en Santiago ás 12 do mediodía, que partirá dende a Alameda compostelá.

Dende Vilagarcía sairán autobuses dende a parada de Fexdega ás 10.30 horas.

Ademáis, a CIG retomará en febreiro as mobilizacións comarcais e se o goberno do estado non da unha resposta positiva o sindicato pensa xa nunha folga xeral en conxunto co resto das centrais sindicais.

De todo elo deu conta esta mañá en Vilagarcía o secretario comarcal de CIG Salnés, Xoán Xosé Bouzas Aboi, nunha rolda de prensa que recollemos en AROUSA PONTEVEDRA DIA A DIA.

O Concello de Vilanova crea un aparcamento na zona de O Terrón que servirá de parking disuasorio co fin de fomentar o entorno de praias e turismo durante o verán.

300 coches poderán estacionar na parcela de 5.000 metros cadrados, que foi cedida ao Concello por un particular durante cinco anos.

Os traballos xa comezaron e o aparcamento estará dispoñible xa para a celebración de O Momo.

Así o explicaban o tenente de alcalde, Javier Tourís, e o alcalde, Gonzalo Durán, durante unha visita as obras que recollemos en AROUSA PONTEVEDRA DIA A DIA.

Cambados pon en marcha unha iniciativa novidosa adicada aos xóvenes do municipio, de entre 16 a 35 anos de idade.

Baixo o nome de Noites Mouchas, a asociación Efervescencia Mental, en colaboración co Concello, organiza un programa de ocio alternativo nocturno xuvenil que se desenvolverá todos os venres de febreiro, marzo e abril no Salón Peña, dende as 10 da noite, con entrada de dos euros.

Os mozos poderán participar en actividades tan diversas como versións de programas de tv como Furor e Lo Que Necesitas es Amor, proxeccións cinematográficas, obradoiros de teatro e percusión, xogos de rol ou achegamentos á cultura mexicana e marroquí.

Ainda que a inscripción previa non é requisito imprescindible, os organizadores recomendan este trámite por cuestións de loxística.

Para anotarse, pódese facer en [email protected], en [email protected], na Omix ou no propio Concello.

A iniciativa foi presentada esta mañá no salón de plenos do Concello, coa presencia dos promotores da iniciativa, da alcaldesa Fátima Abal e o Concelleiro de Xuventude Miguel Pérez Osorio, nunha rolda de prensa que recollemos en AROUSA PONTEVEDRA DIA A DIA.