O BNG de Vilagarcía sigue condicionando o seu respaldo aos orzamentos municipais para 2017 a que o executivo municipal aumente as partidas para potenciar o emprego, os sectores productivos do municipio como o monte e os servizos sociais.

A formación nacionalista presentará a vindeira semana ao grupo de goberno a súa proposta, que inclue un aumento de 20.000 euros na partida de emprego, 100.000 euros para o sector forestal, 90.000 euros destinada a unha bolsa de axudas para o pago do IBI e 30.000 euros para becas de estudo.

No sector do rural, a proposta nacionalista require 200.000 euros para obras de acceso e melloras no rural e 250.000 para melloras nos centros socioculturais das parroquias.

Tamén siguen reclamando a potenciación da normalización lingüística, aumentando a partida 10.000 euros e engadindo outra cantidade igual para a inclusión do Concello no programa APEGO.

As cifras detallabaas esta mañá o portavoz municipal Xabier Ríos, nunha rolda de prensa que recollemos en AROUSA PONTEVEDRA DIA A DIA.

Cambados quere ter unha música oficial da Cidade Europea do Viño 2017, que ademáis perdure no tempo, e por eso convoca un concurso co fin de seleccionar a melodía cuxa letra está xa escrita: será o poema de Ramón Cabanillas, Vendima no Salnés.

A composición gañadora estrearase na Gala da Cidade Europea do Viño que se celebrará na segunda quincena do vindeiro mes de marzo, con data ainda por concretar.

O prazo de presentación de orixinais está aberto e rematará o 3 de febreiro.

O xurado estará composto por Pitusa Vidal Cabanillas, neta do poeta cambadés, o director do Conservatorio de Cambados, Luis Costa, o Concelleiro de Enoturismo, e tamén noutro tempo músico, José Ramón Abal, o escritor especializado en Cabanillas e membro da RAG Paco Fernández Rey, o pianista compostelán Maximino Zumalave, o músico e director da Banda de Castrelo e de Pontevedra, José Varela, e un técnico de Cultura do Concello ainda por determinar.

O fallo do xurado darase a coñecer o 13 de febreiro.

Establécese como premio unha dotación económica de 1.500 € para o gañador e outra de 500 € como 2º premio.

De momento, xa hai varios candidatos que anunciaron a súa intención de presentarse, entre eles Manso e Amigos.

Mentres tanto, o Concello está xa ultimando a presentación a vindeira semana da Cidade Europea do Viño en Fitur, onde estará presente dentro do stand de TurEspaña, TurGalicia e da proposta da Mancomunidade do Salnés.

Detalles que explicaban esta mañá a alcaldesa, Fátima Abal, xunto con un dos membros do xurado, o músico Luis Costa, e o concelleiro de Enoturismo, José Ramón Abal, nunha rolda de prensa que recollemos en AROUSA PONTEVEDRA DÍA A DIA.

A Xunta de Galicia adiántase a Europa no control das biotoxinas mariñas investindo en I+D+I.

As Consellerías do Mar e de Economía traballan conxuntamente para aplicar o método químico na detección de toxinas paralizantes no medio mariño, co fin de acatar a normativa europea que a partir deste ano substituirá ao actual método de referencia para a detección deste tipo de toxinas.

Precisamente no Consello da Xunta de mañá, o Goberno galego analizará un informe no que se dá conta do alcance da investigación DeMeTox tras os 8 primeiros meses de vixencia.

Unha acción que realizan o Instituto Tecnolóxico para o Control do Medio Mariño (Intecmar) e o Centro de Investigacións Mariñas (CIMA) cun investimento de case 140.000 euros.

Así o explicaron esta mañá en Vilagarcía a conselleira do Mar, Rosa Quintana, e o Conselleiro de Economía, Emprego e Industria, Francisco Conde nunha visita realizada ao Instituto Tecnolóxico para o Control do Medio Mariño de Galicia (Intecmar) e que recollemos en AROUSA PONTEVEDRA DIA A DIA.

O BNG presentou 32 enmendas aos orzamentos da Xunta no Salnés por un total de 22 millóns de euros.

As partidas propostas pola formación nacionalista están destinadas á creación de emprego e loita contra a pobreza, aposta polos sectores productivos, e a blindar os servizos Sociais.

Dentro do emprego, o BNG promove a creación dun plan específico para comarcas con maiores taxas de desemprego como é o Salnés, programas de inserción laboral e de retorno dos mozos.

Tamén se incluen melloras da seguridade viaria, na vía rápida Sanxenxo - O Grove, a aposta polo transporte público e a creación dunha compañía ferroviaria galega de cercanías.

No eido da Política Social, a formación nacionalista reclama a creación dos centros de día de O Grove e Vilanova, mentres que no Ensino, as partidas se centran na construcción do novo colexio de Vilalonga e arranxos no Becerra Malvar de Ribadumia, no Rosalia de Castro de Carril e o Xulio Camba de Vilanova.

En canto á área de Sanidade, o BNG aposta pola dotación personal e aparcamiento gratuito no Hospital do Salnés, insiste na necesidade da ambulancia medicalizada para a comarca, a creación dos novos centros de saúde de Vilagarcía e O Grove e melloras no centro médico de Cambados.

Asimesmo, resérvanse 500.000 euros para o inicio da nova praza de abastos de Cambados e 300.000 euros para o cuarto xulgado de Vilagarcía.

Os detalles explicábaos esta mañá a deputada nacionalista Montse Prado nunha rolda de prensa que recollemos en AROUSA PONTEVEDRA DIA A DIA.

O Partido Popular de Vilagarcía reuniuse esta mañá con representantes da Asociación de Xubilados e pensionistas de Venezuela en Galicia, para tentar buscar solucións á problemática que están a sufrir ante os impagos das súas pensións.

A idea que se abordou está mañá na sede popular foi a creación en Vilagarcía dun punto de información directa e recollida de datos ou censo para aunar toda a información precisa sobre os afectados e comezar a xerar unha base de datos que no futuro acelere os procedementos burocráticos cando o Estado o necesite.

Ese punto de información estaría xestionado por un funcionario municipal e “ non requeriría nin a contratación de máis persoal municipal nin suporía un custe para as arcas municipais”.

Tentaráse así, axilizar os trámites para que o Goberno poida poñer solución a esta situación que afecta a preto de 3.500 xubilados de Venezuela en Galicia e 8.000 en toda España.

Ademáis, a Asociación de Xubilados solicita ao Estado que reclame o cumprimento do convenio de pago de pensións que ambos países asinaron en 1990.

Así o explicaban o portavoz do Partido Popular de Vilagarcía, Tomás Fole, e o Presidente da Asociación de Xubilados e Pensionistas de Venezuela en Galicia, Andrés Varenkow, nunha rolda de prensa que recollemos en AROUSA PONTEVEDRA DIA A DIA.

Os Reis Magos comezaron a súa longa xornada visitando Cambados.

A presenza das Súas Maxestades de Oriente comezou ás 11 da mañá no asilo de San Tomé e posteriormente trasladáronse á Casa Consistorial onde se celebrou a recepción oficial á que acudiron numerosos nen@s para trasladarlles os seus últimos desexos.

O Rei Melchor deulles aos pequen@s os consellos para esta noite de Reis, que recollemos en AROUSA PONTEVEDRA DIA A DIA.

O alcalde de Vilanova, Gonzalo Durán, agarda esperanzado as respostas da Xunta ás demandas incluidas no dossier que o rexedor entregou esta semana ao presidente da Xunta durante o seu encontro en Santiago.

A proposta máis relevante é que a Xunta estudie fórmulas para rebaixar o prezo das parcelas do polígono industrial de Baión co fin de que se converta nun dos grandes xeradores de emprgo da comarca de O Salnés, tal como pretende o rexedor vilanovés.

Neste sentido, Durán plantexoulle a Feijoo a posibilidade de que SEA, a sociedade propietaria do polígono, se integre en Xestur para conseguir prezos máis competitivos.

Unha reunión en todo caso positiva tal como explicaba esta mañá o alcalde Gonzalo Durán, nunha rolda de prensa que recollemos en AROUSA PONTEVEDRA DIA A DIA.

O goberno de Vilagarcía agarda comezar as obras de peonalización da Praza de Galicia despois do verán para que estean rematadas antes de que finalice o 2017.

O proxecto, que se enviará a vindeira semana a Patrimonio da Xunta, ten un orzamento de 354.000 euros, todavía pendentes de financiación.

Esta nova fase no peche do centro urbano ao tráfico rodado prevé zonas verdes, láminas de auga, espazos de recreo e a ampliación da zona peonil da Praza da Independencia.

Ademáis, a actuación pretende solventar os anegamientos que padece o entorno. O Concello agarda que as obras axuden a acabar coas inundacións que afectan á zona nos días de chuvias intensas.

Así o explicaban esta mañá o alcalde, Alberto Varela, e a concelleira de Urbanismo, Paola María, nunha rolda de prensa que recollemos en AROUSA PONTEVEDRA DIA A DIA.

As dúas asociacións máis representativas dos Técnicos de Emerxencias Sanitarias, ASGATE e TES Galicia, apoian a reclamación dos seus compañeiros do Salnés en demanda dunha ambulancia medicalizada para a comarca.

Os representantes de ambos colectivos así llo trasladaron esta mañá en Vilagarcía ao deputado socialista, Julio Torrado, dentro dos encontros que están mantendo cos grupos parlamentarios de Galicia.

Asimesmo, na xuntanza abordaron outros aspectos que preocupan ao sector como o recoñecemento da profesión e que se abra un rexistro de profesionais.

Os detalles nolos contaban en AROUSA PONTEVEDRA DIA A DIA José Iglesias, vicepresidente de ASGATE, e Uxío Figueroa, secretario de TES Galicia.

O edificio da Praza da Peixería volve a estar dispoñible para a celebración de actos públicos tras rematar as obras de renovación da cuberta.

A actuación precisou dun investimento de 121.000 euros que se financiaron a través dunha subvención da Deputación provincial.

A obra realizouse para resolver o problema de filtracións e goteiras que rexistraba a antiga cuberta e co obxecto de conservar e manter un emblemático edificio que forma parte do patrimonio local e está incluído no catálogo de bens a protexer.

A empresa Jacinto Vidal, foi a adxudicataria da actuación consistiu na desmonte, limpeza e montaxe de novo do tellado, ademais de impermeabilizar a estrutura no que se mantiveron as cerchas de ferro á vista como efecto estético.

Tamén se arranxaron os canalóns, se pintou o enreixado e se eliminaron as humidades na oficina de turismo. Con estas obras, a Peixería gañou en confort, ao tempo que se preserva este edificio histórico das humidades.

Unha vez rematada a renovación da cuberta, a Concellería de Urbanismo está xa proxectando a pintura exterior e interior do inmoble, para o cal solicitará á Deputación reinvestir os fondos sobrantes da licitación.

Así o explicaban esta mañá na supervisión das obras o alcalde de Vilagarcía, Alberto Varela, e a concelleira de Urbanismo, Paola María, que tamén se referían as melloras que se están a realizar na anexa Plataforma de Autobuses para mellorar a accesibilidade cun paso elevado.

Declaracións que recollemos en AROUSA PONTEVEDRA DIA A DIA.