Sanxenxo presentou esta mañá a súa programación de Nadal, que este ano terá novidades importantes.

Entre elas, a actuación de Os Bolechas o día 23, a visita dos paxes reais, dende o 26 ao 28, para recoller as cartas ás Súas Maxestades de Oriente e a celebración adiantada de Fin de Ano cunha festa na praza Pascual Veiga.

Os detalles nolos contaba a concelleira de Cultura Sandra Fernández Agraso nunh rolda de prensa que recollemos en AROUSA PONTEVEDRA DIA A DIA.

Avanzan as obras para que o centro Multiusos quede rematado e poida acoller o vindeiro ano as dependencias da Casa Consistorial.

O vicepresidente da Xunta, Alfonso Rueda, visitou esta mañá as actuacións realizadas ao abeiro das axudas do Fondo de Compensación Ambiental, acompañado do alcalde Alberto García.

Os detalles nolos contaban ambos para AROUSA PONTEVEDRA DIA A DIA.

Máis de 300 beléns con representacións de todos os continentes poderanse ver ata o 8 de xaneiro na Igrexa de Caleiro.

Trátase das representacións que foi coleccionando o anterior cura parroquial, Gonzalo Rodríguez, e que agora a familia quere exhibir ao público para manter a tradición cristiá da representación do nacemento de Cristo.

Así o contaba esta mañá a promotora da iniciativa nunha rolda de prensa que recollemos en AROUSA PONTEVEDRA DIA A DIA.

A loita da cambadesa Merchi Alvarez contra a AME volve facerse visible. Desta volta cunha exhibición de taekwondo, o deporte que ela practicou ata que a enfermidade llo impediu e no que conseguiu ser subcampeona de Galicia no 2013.

Agora, o seu clube, o VitalSport de Cambados conseguiu reunir a un importante número de taekwondistas de gran nivel para unha Gala Exhibición que se celebrará este domingo día 18 a partir das 18 horas no pabillón municipal de Ribadumia.

A entrada será a través dun donativo dende dous euros e a recadación destinarase unha vez máis á investigación desta enfermidade, ao igual que as rifas do sorteo que se celebrará durante a gala.

O evento foi presentado esta mañá no salón de plenos de Ribadumia, coa presencia do alcalde David Castro, o presidente e unha monitora do Clube VitalSport e unha emocionada Merchi Alvarez, que non puido reprimir as bágoas.

Así o recollemos en AROUSA PONTEVEDRA DIA A DIA.

O Concello de Cambados ofrécese a poñer a disposición de pais e nais en proceso de separación un punto de encontro para entrega dos nenos.

Será a axente de Igualdade do CIM do Salnés a que se encargue de xestionar os trámites necesarios para que os rapaces non teñan que deprazarse ata Pontevedra, con todos os inconvintes que elo conleva.

A creación deste punto de encontro foi un dos compromisos da alcaldesa de Cambados, Fátima Abal, durante a presentación na vila do albariño da Asociación contra o maltrato Esmar.

O colectivo ten a súa sede en Ribadumia, pero o seu ámbito de influencia son os nove concellos da comarca do Salnés.

Así o expresaba a presidenta do colectivo, Mari Carmen Pérez Torres, durante o acto de presentación en Cambados, no que tamén contou a súa experiencia sobre a entrega dos nenos unha das mulleres amparadas pola asociación.

Declaracións que recollemos en AROUSA PONTEVEDRA DIA A DIA.

Os sindicatos UXT e CCOO comezan as mobilizacións nesta nova lexislatura.

Ambas centrais únense en todo o Estado na defensa das persoas e os seus dereitos nunha concentración que en Arousa será este xoves 15 de decembro ás 19 horas na Praza de Galicia de Vilagarcía.

Os dous sindicatos reclaman a participación no novo escenario de concertación co goberno do Estado, denuncian a precariedade no emprego e exixen o fortalecemento das redes de protección.

Argumentos que explicaban esta mañá para AROUSA PONTEVEDRA DIA A DIA José Vázquez de UXT Arousa e Ramón Bueno de CCOO.

A CIG retoma as mobilizacións contra o que considera “políticas continuistas do PP” no referente ás pensións, ao salario mínimo e ás prestacións sociais para "recuperar os dereitos adquiridos da clase traballadora"

O sindicato nacionalista convoca para este mércores unha asemblea de delegados ás 10 horas na súa sede en Vilagarcía e posteriormente unha manifestación que partirá as 11.30 da oficina do INEM e rematará na delegación da Seguridade Social.

A CIG reclama ao Estado a derogación das dúas últimas reformas laborais e que se inclua á central sindical galega na mesa de revisión do Pacto de Toledo, no que se abordará o futuro sistema público de pensións.

Argumentos que explicaban esta mañá Xoan Xosé Bouzas Aboi e Rosa Abuín nunha rolda de prensa que recollemos en AROUSA PONTEVEDRA DIA A DIA.

O BNG considera que cos orzamentos previstos pola Xunta para o vindeiro ano, o Salnés queda na irrelevancia debido a ausencia de partidas para actuacións demandadas dende hai tempo.

Entre elas, a construcción do colexio de O Revel, en Vilalonga, a continuidade da ampliación do Hospital do Salnés, os centros de saúde de Vilagarcía, O Grove ou A Illa, e a praza de abastos de Cambados.

Así o explicaba a deputada nacionalista no Parlamento Galego, Montse Prado, nunha rolda de prensa que recollemos en AROUSA PONTEVEDRA DIA A DIA.

Conflicto laboral no Gran Hotel A Toxa.

CCOO denuncia os cinco despidos decretados pola xerencia de Hotusa Eurostars por non aceptar as condicións da empresa e defender os dereitos dos traballadores establecidos no convenio.

De tal xeito, que convocan mobilizacións, que comezarán este vindeiro venres, ás 11 da mañá cunha concentración diante do Concello.

O sindicato asegura que a empresa non cumpriu o pactado no expediente de regulación temporal, de 9 meses de traballo e 3 de paro, e os traballadores realizaron máis hroas das acordadas que agora a xerencia non quere abonarlles.

Os traballadores despedidos, integrantes do comité de empresa, explicaban esta mañá as circunstancias do conflicto laboral, acompañados dos representantes comarcais de CCOO, nunha rolda de prensa que recollemos en AROUSA PONTEVEDRA DIA A DIA.

Asesorar as mulleres con discapacidades para encontrar traballo é o obxectivo da nova iniciativa que pon en marcha o CIM de O Salnés, que da servizo aos concellos de Meis, Ribadumia e Cambados.

Trátase da I Xornada Muller, Traballo e Discapacidade que se celebrará o 22 de decembro no Centro Social de Barrantes ás 18 horas, en colaboración coas asociacións Cogami, Anduriña e Acadar.

A iniciativa foi presentada esta mañá en Ribadumia, coa presencia do alcalde David Castro, o concelleiro de Servizos Sociais, Enrique Oubiña, a axente de Igualdade do CIM, Mónica Novas, e Soledad Cores, afectada por unha discapacidade.

En AROUSA PONTEVEDRA DÍA A DÍA recollendo as súas explicacións.