A Fundación Artiaga organiza este fin de semana un mercadillo solidario co fin de recadar fondos para o programa AAN de axuda aos animais necesitados.

O mercadillo estará instalado no pabillón multiusos de Vilanova durante o sábado e o domingo de 10 horas a 21 horas.

Nel haberá a venda diferentes obxetos, como cadros, libros, complementos, pequenos electrodomésticos ou xoguetes, todos eles a prezos simbólicos para colaborar na causa.

O programa AAN presta atención a preto de 90 animais que se atopan en casas de acollida.

Así o explicaba o presidente da Fundación, Javier Artiaga, na presentación desta iniciativa que recollemos en AROUSA PONTEVEDRA DIA A DIA.

O Fexturrón de Vilagarcía regresa un ano máis ao recinto de Fexdega durante as vacacións escolares.

Este ano, chega coa novidade dunha pista de xeo, dentro das actividades de Arosa Park en Fexdega.

Comezará a funcionar dende este sábado ata o 8 de xaneiro, cun prezo de 6 euros para 45 minutos, incluido o aluguer de patíns e os monitores.

Ademáis, o Arosa Park volve a contar coas atraccións do ano pasado, que se poden disfrutar con bonos de 8 tickets a 5 euros.

Para completar a oferta, o Fexturrón incluirá un mercadillo de Nadal, competicións deportivas e actividades de animación para os nenos dende mañá sábado.

Os detalles nolos explicaba esta mañá Juan Lijó, responsable de Arosa Park nunhas declaracións que recollemos en AROUSA PONTEVEDRA DIA A DIA.

O parque do Xardín Umbrío de Vilanova terá por segundo ano unha pequena aldea con casiñas decoradas polo Nadal.

Pero desta vez, o poboado quedará instalado durante todo o ano para o disfrute dos máis pequenos.

Neste sentido, o alcalde, Gonzalo Durán solicita a colaboración dos país e nais dos nenos para que cuiden as estructuras.

Ademáis, o concello instalará un servizo de videovixiancia para evitar o vandalismo.

O custe total desta iniciativa ascende aos 14.000 euros.

Detalles que nos contaba o alcalde de Vilanova, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

Tal como estaba previsto, o pleno da mancomunidade do Salnés aprobou por unanimidade o orzamento para o ano que ven, que ascende a 2,6 millóns de euros.

Unha das partidas máis importante é a que se reserva para a adquisición de terrenos destinada a unha posible ampliación da depuradora de auga potable de Treviscoso (Vilanova).

Serán 60.000 euros para que a comarca poida executar un dos proxectos máis necesarios, xa solicitado á Xunta de Galicia.

O que non se ampliará de momento é o parque de maquinaria.

Así o explicaba esta mañá o presidente da Mancomunidade en funcións, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

O salón Peña acollerá o domingo 11 de decembro unha nova xornada de Catas. Neste caso serán as “V Xornadas de Escumosos de Viño Rías Baixas”.

A actividade reunirá as adegas Mar de Frades, As Laxas, Pablo Padín, Eidosela,  Señorío de Rubiós, Terras de Lantaño e Martín Codax, que presentarán 10 das marcas de escumosos Rías Baixas.

A cata será maridada na súa integridade con conservas de marisco e peixe de conserveiras de Cambados.

As entradas para 80 prazas son de balde e poden recollerse na Oficina de Turismo de Cambados.

A iniciativa presentouse esta mañá no Parador de Cambados, coa presencia do Concelleiro de Enoturismo de Cambados e dos diferentes adegueiros, que apostan para que o viño escumoso se consuma todo o ano e non de xeito estacional nas celebracións de Nadal.

Así o explicaban nunha rolda de prensa que recollemos en AROUSA PONTEVEDRA DIA A DIA.

Merchi Álvarez, a veciña de Cambados que padece Atrofia Muscular Espinal (AME), continúa realizando iniciativas para dar visibilidade a esta enfermidade e recadar fondos destinados á investigación dun tratamento para esta doenza.

Con este propósito dende a Fundación GaliciAME organiza por segundo ano consecutivo una «gala xantar» en Cambados.

 Será este sábado 3 de decembro nas instalacións de Condes de Albarei e ainda que xa se pechou a venda de entradas quen queira acudir será ben recibido.

De momento, xa hai máis de 300 persoas comprometidas coa causa que acudirán ao xantar deste sábado, superando a cifra do ano pasado.

Nolo contaba Merchi Alvarez nunha conversa que mantivemos con ela en AROUSA PONTEVEDRA DIA A DIA.

O Concello de Portas foi o que hoxe visitou o delegado territorial da Xunta en Pontevedra, Xosé Manuel Cores Tourís, dentro da rolda de encontros que está a realizar nos diferentes concellos para coñecer de primeira man as súas demandas.

O alcalde de Portas, Víctor Estévez, solicitou ao delegado a axilización das concentracións parcelarias en marcha nestes intres, tanto a de Briallos como a de Romai, así como na mellora do saneamento deste municipio.

Tamén demandou a colaboración da Xunta para conseguir un novo camión de loita contra os incendios e axudas de mellora de eficiencia enerxética.

Asimesmo, a financiación do proxecto de Vía

Verde entre Portas, Caldas de Reis e Vilagarcía foi outro dos asuntos abordados.

Os detalles nolos contaban para AROUSA PONTEVEDRA DIA A DIA o rexedor e o delegado territorial ao remate do encontro.

25 mulleres de Vilagarcía, en situación de vulnerabilidade, poderán formarse cara a busca de emprego dentro do Programa Clara financiado con fondos europeos.

O Concello de Vilagarcía foi un dos 12 municipios de España seleccionado polo Instituto da Muller para participar nesta iniciativa que pretende a empregabilidade da muller no ámbito social e laboral.

O proxecto foi presentado esta mañá pola Concelleira de Servizos Sociais, Tania García, acompañada pola directora do CIM, Julia Barbosa.

Ambas explicaron o contido deste programa que, para a concelleira supón “un orgullo” ao ser o único concello de Galicia seleccionado.

Así o recollemos en AROUSA PONTEVEDRA DIA A DIA.

Esperanza Salnés afronta ao final de ano con maior tranquilidade económica.

O Vicepresidente da Xunta de Galicia, Alfonso Rueda, estará esta tarde nas instalacións do colectivo de Atención a Discapacitados en Cambados para asinar un convenio de colaboración por importe de 15. 000 euros.

Estará acompañado de membros da corporación municipal e tamén do deputado provincial Luis Aragunde.

Os detalles desta convenio nolos contaba en AROUSA PONTEVEDRA DIA A DIA Augusto Chaves, xerente de Esperanza Salnés.

Reaccións dos grupos de goberno de Cambados tralo pleno da pasada noite no que se aprobou, modificada, a constitución dunha comisión consultiva para a organización da Cidade Europea do Viño, coa abstención do BNG e unha dura reprimenda por parte do portavoz nacionalista ao seu socio de goberno José Ramón Abal.

O portavoz nacionalista, Victor Caamaño, enviaba esta mañá un aviso aos seus socios de goberno, sobre todo ao concelleiro de Pode, José Ramón Abal, para que cambien as formas de funcionamento do goberno.

En todo caso, asegura que o BNG formará parte da comisión.

Dende o PSOE, a alcaldesa Fátima Abal, explicaba que o seu voto sería en contra no caso de que a proposta de Abal non se modificara, coincidía co BNG en que debe haber máis planificación dentro dos grupos de goberno pero matizaba que as discrepancias internas non son asunto para debater na sesión plenaria.

Por parte de Somos Cambados, o portavoz Tino Cordal, pensa que ao longo dunha lexislatura é normal que xurdan diferencias entre os grupos de goberno, rexeita a forma na que foi presentada a proposta da comisión da Cidade do Viño por José Ramón Abal e coincide en que os asuntos internos non deben traspasar á opinión pública.

E o concelleiro máis controvertido, José Ramón Abal, resta importancia ao acontecido e veo como un exercicio da democracia.

Cambados terá comisión consultiva para a organización da Cidade Europea do Viño pero non será tal e como a deseñou o concelleiro de Enoturismo, José Ramón Abal.

O pleno da corporación municipal aprobou, cos votos de todos os grupos políticos agás o BNG, que se abstivo, unha modificación introducindo convenios con cada un dos integrantes para axustala á legalidade.

Os nacionalistas abstivéronse porque a proposta non foi consensuada previamente entre os socios de goberno e por tal motivo, o portavoz Víctor Caamaño, reprendeu con duras palabras ao concelleiro de Pode.