As obras de consolidación e estabilización do edificio en ruínas da Praza do Castro de Vilagarcía quedarán rematadas nun par de días, tras máis de dous anos de situación bloqueada.

O Concello decidiu acometer directamente as obras ante as constantes desobediencias das órdes municipais por parte da empresa propietaria do inmueble, Técnicas del Vidrio Transformado SL.

Os traballos realizáronse en base a un proxecto redactado polos servizos municipais, cun importe de 65.000 euros, previa autorización de Patrimonio da Xunta.

Concretamente, solidificáronse as estructuras con elementos metálicos para consolidar os muros da edificación, demoleuse a cuberta e tapiáronse fiestras e portas para impedir a entrada.

Unha vez rematados os traballos, o Concello está diposto a chegar mesmo ata os tribunais na reclamación económica aos propietarios.

Serán uns 220.000 euros: 65.000 polas obras, 80.000 por ocupación vía pública e o resto en multas coercitivas pendentes de pago.

I e que o mal estado do inmoble obrigou ao corte dunha das rúas que unen a Praza do Castro coa Avenida da Mariña, en pleno centro da localidade, porque unha das fachadas laterais ameazaba con derrumbarse e tivo que ser apuntalada.

O alcalde Alberto Varela e a Concelleira de Urbanismo, Paola María, inspeccionaron esta mañá os traballos e explicaban os detalles.

O alcalde, Alberto Varela, resaltaba a “valentía” do seu goberno para desbloquear a situación de ilegalidade do inmoble, nunhas declaracións a pe de obra que recollemos en AROUSA PONTEVEDRA DIA A DIA.

Cambados creará unha comisión organizadora que leve adiante o programa da Cidade Europea do Viño 2017 para que este nomeamento teña maior alcance nacional e internacional.

Alomenos esa é a intención do Concelleiro de Enoturismo, José Ramón Abal, que esta mañá anunciou que levará a proposta ao pleno deste mes, o xoves 24 de novembro, para que poida empezar a traballar canto antes.

Será un órgano consultivo, presidido polo propio Concelleiro de Enoturismo e integrado por 14 membros que representarán a todos os grupos da corporación, Mancomunidade do Salnés, administracións públicas, sectores vitivinícolas e económicos da comarca e comerciantes e hosteleiros da vila.

Tamén formará parte desta comisión un membro do Capítulo Serenísimo do Albariño.

Segundo o concelleiro, trátase de dar cabida a todas as entidades implicadas na promoción enoturística e económica do municipio e da comarca.

Porque, segundo José Ramón Abal, o nomeamento de Cambados como Cidade Europea do Viño é un “éxito colectivo”.

O programa, ainda por concretar, comezará en xaneiro coa presencia en Fitur e se plasmará en 80 actividades culturais, deportivas e gastronómicas.

Tamén incluirá a asistencia a outras feiras turísticas internacionais.

Os detalles desvelábaos esta mañá o Concelleiro de Enoturismo, acompañado polo xerente da Mancomunidade do Salnés, o inxenieiro organizador do programa e a directora do Museo do Viño, nunha rolda de prensa que recollemos en AROUSA PONTEVEDRA DIA A DIA.

O BNG quere que se acaben as peaxes abusivas da AP-9 e que a autoestrada sexa tranferida á Xunta, tal como aprobou o Parlamento galego por unanimidade de todos os grupos políticos.

A formación nacionalista inicia unha campaña de concienciación social na que se prevé explicacións directas á cidadanía a través do reparto de folletos, a colocación de pancartas reivindicativas e a presentación de mocións en todos os municipios da comarca de O Salnés.

Cambados é un dos primeiros concellos en presentar en pleno esta iniciativa, que esta mañá se facía pública en Vilagarcía nun acto da formación nacionalista no que a deputada Montse Prado explicaba os motivos.

Un acto a pé de rúa que recollemos en AROUSA PONTEVEDRA DÍA A DIA.

Os restos arqueolóxicos dos dous bebés atopados no xacemento de A Lanzada datan dos séculos I e II dC.

Así o confirman os resultados dos estudos técnicos que esta mañá ofreceu a presidenta da Deputación, Carmela Silva.

Sen embargo, hai dúbidas sobre a datacion dos restos de Cornelia, o primeiro esqueleto aparecido nesta fase das excavacións que realizan os arqueólogos da institución provincial.

Segundo Carmela Silva, os primeiros resultados sobre Cornelia non son concluintes e por tal motivo realizaranse novos análises.

En Vilanova avanzan as obras de mellora dos accesos as praias, dentro do Plan promovido pola Secretaría de Turismo da Xunta.

Así o explicaba esta mañá o alcalde, Gonzalo Durán, que tamén criticou os retrasos que está sufrindo a reapertura do vial que une Baión co acceso ao Hospital do Salnés, pechado o tráfico dende finais de outubro a consecuencia da caída dunha rocha de grandes dimensións.

Facíao nunha rolda de prensa que recollemos en AROUSA PONTEVEDRA DÍA A DIA.

Conflicto laboral na empresa de transporte Jesús Adolfo Ferro Nogareda, con sede en As Sinas, en Vilanova.

O sindicato CIG denuncia a situación que sufren os 10 traballadores desta empresa, dous deles despedidos recentemente, adicada á distribución de mercadoría de firmas como Larsa, Clesa ou Cefrico.

Segundo a central, o conflicto comezou hai un ano, a raiz da elección do delegado sindical: o empresario non cumple o convenio nin condicions laborais, horarios ou horas extras, non paga as dietas correspondentes, quítalle os discos de control dos camións e os traballadores non teñen os materiais necesarios de seguridade.

O empresario xa tivo tres Inspeccións de Traballo, unha multa de 4.000 euros e agora tras dous despidos o sindicato valora demandar ao empresario por acoso.

Os motivos explicábaos o representante da CIG, Anxo Lúa, acompañado polos operarios despedidos, nunha rolda de prensa que recollemos en AROUSA PONTEVEDRA DIA A DIA.

Cambados convértese hoxe e mañá no lugar de encontro de emprendedores que queren facer despegar o seu negocio.

Son as II Xornadas que o Concello de Cambados organiza para fomentar o emprendemento no municipio e desta volta celebránse en dous espazos diferentes: en Exposalnés e no centro de desenvolvemento local do polígono de Sete Pías.

As actividades comezaron esta mañá coa presentación da Rede SmartPeme promovida pola Deputación de Pontevedra, coa presencia da alcaldesa Fátima Abal, e a presidenta provincial Carmela Silva.

Un acto inaugural que recollemos en AROUSA PONTEVEDRA DIA A DIA.

O Concelleiro do PP de Sanxenxo, Marcos Guisasola, desminte ao Concello sobre a súa vinculación cos seguros contradados pola administración municipal e a súa relación coa empresa pública Nauta Sanxenxo.

Sí admite, sen embargo, a posible duplicidade de pólizas durante o seu período como Concelleiro de Economía e Facenda con Catalina González, pero nega a súa culpa e atribúe a responsabilidade ao funcionario correspondente.

Así o explicaba nunha rolda de prensa que recollemos tamén en AROUSA PONTEVEDRA DIA A DIA.

A elección de Donal Trump como novo presidente dos EEUU provocou esta mañá a reacción da Presidenta da Deputación.

Carmela Silva, amosouse moi preocupada pero tamén fai un chamamento á reflexión entre as forzas de esquerda.

As súas declaracións recollémolas en AROUSA PONTEVEDRA DIA A DIA.

Ledicia en Cambados tras conseguir que a vila do Albariño sexa a Cidade Europea do Viño 2017.

O xurado de Recevín foi unánime ao decantarse pola candidatura cambadesa, que deixou atrás as súas tres grandes competidoras: Vilafranca do Penedés, Aranda de Duero e A Palma do Condado.

Segundo as explicacións da corporación municipal, foron as presentacións do proxecto e, sobre todo, o vídeo elaborado por Juan Galiñanes, o que fixo que o xurado o tivera claro.

Agora, o Concello comezará a traballar no proxecto e nas 80 actividades que o integran.

Unha das primeiras citas será Fitur ao tempo que se buscan xa a financiación económica para sacar adiante o programa.

De principio, o goberno local quere contar con hosteleiros e comerciantes da vila para que participen nas actividades.

A ledicia traslucíase esta mañá nunha primeira valoración do nomeamento que realizaban a alcaldesa, Fátima Abal, a Concelleira de Turismo, Milagros Martínez, e o Concelleiro de Enoturismo, José Ramón Abal, e que recollemos en AROUSA PONTEVEDRA DÍA A DIA.