O vicepresidente da Xunta en funcións,  Alfonso Rueda, estivo esta mañá en Portas para supervisar ás actuacións realizadas no concello ao abeiro das subvencións da Vicepresidencia.

Cun importe dun 80.000 euros, realizáronse, entre outras obras, melloras de saneamento en Briallos e Romai e o arranxo da Casa de Cultura Domingo Fontán e do muro do campo de futbol.

Así nolo explicaban en AROUSA PONTEVEDRA DIA A DIA o alcalde de Portas, Víctor Estévez, e o vicepresidente da Xunta en funcións, Alfonso Rueda, trala visita realizada.

O Concello de Vilanova reforzará o Centro de Desenvolvemento Local, ubicado no Pazo de Vista Real, aumentando o seu funcionamento cara a creación de emprego.

Deste xeito, a partir do vindeiro ano os servizos municipais de emprego trasladaranse para Vista Real co fin de conseguir centralizar esta área no Centro de Desenvolvemento Local.

Unha iniciativa na que están a ser peza fundamental as redes sociais. Concretamente a páxina do facebook do CDL, que recibiu xa un millón de visitas no primeiro ano.

Así nolo contaban o responsable do Centro, Javier Piñeiro, e o alcalde de Vilanova, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

A conserveira Cermar, ubicada no Polígono Sete Pías de Cambados, recibiu esta mañá a visita da Conselleira do Mar en funcións, Rosa Quintana, que alabou o traballo realizado pola firma cambadesa para conseguir un posicionamento no mercado internacional.

Na súa visita, a conselleira estivo acompañada polo propietario da firma, Constante Otero, que se amosou satisfeito polo traballo conseguido dende os comezos da empresa no ano 2.000, e que conta agora con 70 traballadores.

Foi a primeira empresa á que o Consello Regulador do Mexillón de Galicia outorgou a Denominación de Orixe Protexida "Mexillón de Galicia", para as súas marcas Galica e Cermar.

Desde o ano 2004 especializouse tamén na elaboración de pratos precociñados refrixerados, elaborados de forma artesanal con receitas típicas de Galicia.

O Partido Popular provincial reclama á Presidenta da Deputación que retome as obras no Salnés que deixou en marcha o anterior goberno de Rafael Louzán e que agora están paralizadas.

A prevista rotonda de acceso ao Hospital do Salnés en Rubiáns, a estrada de Baión, a cuberta da piscina municipal de Cambados, a avda Luis Rocafort en Sanxenxo ou as beirarrúas de Ribadumia son os proxectos demandados polos deputados populares.

A voceira do grupo provincial do PP, Nidia Arévalo, e os deputados do Salnés, Salomé Peña e Luis Aragunde, fixeron esta mañá unha valoración negativa sobre o estado dos proxectos da Deputación na comarca, que cifran en 8 millóns de euros.

Así o explicaba Nidia Arévalo nunha comparecencia no acceso ao Hospital do Salnés, na que os deputados estiveron acompañados do alcalde de Vilanova, Gonzalo Durán e do portavoz popular en Vilagarcía, Tomás Fole,

O Concello de Cambados quere fomentar o emprendemento no municipio e para elo, porá en marcha a segunda edición das Xornadas de Emprendemento co fin de asesorar a todos aqueles que teñan en mente crear un negocio.

As II Xornadas celebraranse os vindeiros días 10 e 11 de novembro, en Exposalnés e no centro de desenvolvemento local do polígono de Sete Pías.

As actividades comezarán coa presentación da Rede SmartPeme promovida pola Deputación de Pontevedra, coa presencia da presidenta provincial Carmela Silva.

Posteriormente, o grupo Arestora realizará unha charla sobre o Impulso e Motivación polo emprendemento comercial en Cambados.

Asimesmo, darase respostas as cuestións dos xovenes emprendedores cando non teñen claro a que adicarse coa axuda dos compoñentes de "Que fago da miña vida?".

Falaráse tamén sobre todo o que pode ofrecer un coworking na vila, a través das experiencias das integrantes de DalleQdalle Coworking de Vilagarcía.

Neste contexto, o concello de Cambados tamén porá en marcha un coworking no Viveiro de empresas do polígono de Sete Pías que será inaugurado o vindeiro 15 de novembro.

As inscripcións son de balde e abertas para todos os interesados nos formularios da web municipal.

Así o explicaba o Concelleiro de Economía e Promoción de Emprego, Xurxo Charlín, nunha rolda de prensa que recollemos en AROUSA PONTEVEDRA DÍA A DIA.

A exposición da obra de Abel Barandela “Costumes e Viño Tinto” este venres as 18:00 en ExpoSalnés será a seguinte parada das actividades programadas polo Concello de Cambados para conmemorar o Día do Enoturismo o 13 de novembro.

O sábado 5 de novembro inaugurarase unha mostra de Arte Ibérica, que se prolongara ata o 11 de Decembro no salón Peña.

Tamén do 5 o 6 de novembro o Salón Peña acollerá as IV Xornadas de Augardentes e Licores Tradicionais de Galicia.

A programación concluirá coa Cata Amateur Ruta do Viño Rías Baixas, que terá lugar o domingo 13 de novembro no mesmo escenario do Salón Peña.

En AROUSA PONTEVEDRA DIA A DIA escoitamos en qué consisten cada unha destas actividades, que explicaron en rolda de prensa o pintor Abel Barandela, o responsable de Arte Ibérica, o presidente do Consello Regulador de Licores e Augardentes de Galicia, José Antonio Feijoo, e a xerente da Ruta do Viño, Lorena Varela.

O Concello mantense confiado ante a posibilidade de que a Cambados sexa Cidade Europea do Viño 2017.

Este venres 4 de novembro coñecerase qué candidatura gañará o certame no transcurso dunha gala que celebrará Recevín na cidade portuguesa de Palmea.

Alí estarán representantes de Cambados, encabezados pola alcaldesa Fátima Abal, o Concelleiro de Enoturismo, José Ramón Abal, ademáis do xerente da Mancomunidade do Salnés, Ramón Guinarte.

Cambados opta este ano o nomeamento xunto con Aranda de Duero, La Palma del Condado e Villafranca del Penedés.

O Concelleiro de Enoturismo, José Ramón Abal, amósase optimista a pesar de que a candidatura cambadesa non ocupa os primeiros postos na enquisa de votos.

Un sondeo que, segundo o edil, non é determinante pero sí orientativo, por eso anima aos veciños da vila e de toda a comarca a que clickeen a opción de Cambados a través deste enlace: https://apps.facebook.com/minhas-enquetes/form/nomeacao-para-cidade-europeia-do-vinho-2017/vxlpu?from=user_wall

Así o explicaba José Ramón Abal na rolda de prensa de presentación de actividades do Día do Enoturismo do 13 de novembro, celebrada esta mañá en Cambados, que recollemos en AROUSA PONTEVEDRA DIA A DIA.

O concello de Sanxenxo organiza un ciclo de teatro para disfrutar dos sábados de outono.

Na programación, elaborada polo concello en colaboración coa Deputación de Pontevedra, poranse en escea 6 obras de teatro; 3 de compañías profesionais e outras 3 de compañías amateur do municipio.

As obras representaranse os próximos sábados ás 21:00 horas no Pazo Emilia Pardo Bazán e porase fin a este ciclo de outono, o domingo 11 de decembro.

O custe das entradas será de 4€ para as representacións profesionais e 3€ para as amateur.

A primeira peza en abrir este ciclo de teatro será "Os vellos non deben namorarse" o vindeiro día 5 de novembro.

Os detalles explicábaos esta mañá a Concelleira de Cultura de Sanxenxo, Sandra Fernández Agraso, nunha rolda de prensa que recollemos en AROUSA PONTEVEDRA DIA A DIA.

O PP pide ao tripartito que sexa consciente da súa situación de minoría e que deixe gobernar a oposición.

O portavoz do grupo municipal conservador, Telmo Martín, asegura que non pensa nunha moción de censura pero tampouco aclara a fórmula alternativa.

A bo entendedor poucas palabras bastan, segundo Telmo Martín

Así o explicaba nunha rolda de prensa que recollemos en AROUSA PONTEVEDRA DIA A DIA.

A Hostelería de Cambados retoma esta fin de semana as xornadas de Pinchos de Outono, unha iniciativa organizada polo Concello e a Asociación de Comerciantes Zona Centro, e que comezou o pasado venres co fin de promocionar o sector e desestacionalizar o turismo.

Nesta ocasión 9 locais participan nestas xornadas con propostas a 1 euro que maridan con augardentes da denominación de Orixe de Galicia.

Unha iniciativa que ademáis está enmarcada dentro das actividades programadas pola Concellería de Enoturismo na candidatura de Cambados a Cidade Europea do Viño 2017.

De todo elo falamos en AROUSA PONTEVEDRA DIA A DIA con José Ramón Abal, Concelleiro de Enoturismo de Cambados.