Os técnicos municipais de Vilagarcía supervisan o tramo do vial que conecta Baión coa circunvalación de Vilagarcía e o Hospital do Salnés, onde o pasado sábado caeu unha rocha de grandes dimensión, para comprobar se hai seguridade suficiente para proceder á súa reapertura.

O vial volvía a pecharse ao tráfico a pasada tarde, por orde do alcalde de Vilagarcía, Alberto Varela, ao considerar de grave imprudencia a súa apertura antes de que se garanta a súa completa seguridade».

Desde Ravella lamentaban que Vilanova actuase «unilateralmente», levantando sin previo aviso a clausura do tramo.

En resposta, o rexedor de Vilanova, Gonzalo Durán, agarda que Vilagarcía solucione a situación de forma urxente.

Hoxe celébrase o Día das Bibliotecas e con tal motivo a Deputación de Pontevedra elixiu Sanxenxo para facer un recoñecemento ao traballo que realizan os profesionais encargados das diferentes bibliotecas dos concellos da provincia.

A institución provincial entregará un lote de 10 libros en cada biblioteca municipal e salas de lectura, 24 delas na comarca do Salnés.

O deputado de Cultura Xosé Leal estivo esta mañá en Sanxenxo coa concelleira Sandra Fernández Agraso facendo a entrega literaria no Centro Cultural Emilia Pardo Bazán.

Ali tamén estivo Alba Piñeiro recollendo as súas impresións.

A Asociación de Xóvenes Empresarios da Provincia de Pontevedra abre o prazo para a presentación de candidaturas ao premio xoven empresario deste ano.

O certame celebrarase o 11 de novembro no Liceo Casino de Pontevedra e o prazo límite é o 7 de novembro ás 14 horas.

Como novidade na edición deste ano, os candidatos optarán a poder ocupar, durante 6 meses e de balde, catro locais no centro comercial A Barca e un dos espazos do viveiro de empresas do polígono de Barro-Meis.

Os detallos explicábaos Jesús Rey, da Xunta Directiva de AJE nunha rolda de prensa celebrada na Sala Nauta de Sanxenxo, acompañado dos concelleiros de Promoción Económica e Xuventude de Sanxenxo, David Otero e Jesús Sueiro, que recollemos en AROUSA PONTEVEDRA DIA A DIA.

O Concello de Cambados acaba de renovar o alumeado público nas parroquias de Vilariño e Castrelo, cun investimento total de 27.000 euros, a través dunha axuda da Xunta con fondos europeos e outra da Deputación.

A actuación consistiu no cambio de tendidos e cadros eléctricos, que tiñan unha antigüidade nalgúns casos de máis de 30 anos, e que estaban provocando continuos apagóns e deficiente prestación do servizo.

Esta medida forma parte dun plan enerxético que o cuatripartito puso en marcha o pasado ano e que permitirá un aforro de 100.000 euros para as arcas municipais.

Os detalles nolos explicaron en AROUSA PONTEVEDRA DIA A DIA, durante a supervisión das obras, o arquitecto municipal e o concelleiro de Obras, José Ramón Abal, que tamén anunciou unha reducción do IBI e outras bonificacións que se aprobarán no pleno da semana que ven.

O 150 aniversario do nacemento de Valle Inclán ilustrará o cupón da ONCE do vindeiro xoves 27 de outubro.

Cinco millóns e medio de boletos adicados ao escritor vilanovés están xa a disposición en todo o territorio nacional nunha iniciativa cultural da ONCE para rememorar a súa figura.

Ademáis, con este motivo, o delegado territorial da organización , Manuel Martínez Pan, entregou esta mañá ao alcalde, Gonzalo Durán, unha reproducción enmarcada do cupón.

O acto celebrouse na casa museo de O Cuadrante e coincide co programa de actos que se están desenvolvendo en Vilanova con motivo desta efeméride.

Xa está en marcha en Cambados a nova campaña para a hostalería “Pinchos de Outono”.

Nove establecementos hosteleiros participan durante esta fin de semana e a seguinte con propostas de pinchos maridados con diferentes licores e augardentes, como é o caso do licor cafe.

Unha iniciativa enmarcada dentro do programa preparado en novembro para celebrar o Día do Enoturismo e como parte da candidatura de Cambados á Cidade Europea do Viño.

Cóntanos todos os detalles e AROUSA PONTEVEDRA DIA A DIA, o concelleiro de Enoturismo, José Ramón Abal, nunha conversa con Alba Piñeiro.

O Concello de Cambados, en colaboración coa Asociación de Comerciantes Zona Centro, pon en marcha unha iniciativa para asesorar aos veciños sobre “Abusos Bancarios e cómo recuperar os cartos”.

Será nunha xornada, promovida polo Despacho de Avogados Miguelez & Asociados, que se celebrará o próximo xoves 27 de outubro en Exposalnés ás 20 horas.

Os detalles coñecémolos na presentación desta iniciativa coa presencia do concelleiro de Economía e Facenda, Xurxo Charlín, o Presidente de Zona Centro, Juan Rey, e os avogados de Miguelez & Asociados, Carlos Alonso e Beatriz Rodriguez, que recollemos en AROUSA PONTEVEDRA DIA A DIA.

As ordenanzas fiscais aprobadas para 2017 no pleno do pasado luns seguen dando que falar.

O alcalde de Vilagarcía, Alberto Varela, e a concelleira de Facenda, Luz Abalo compareceron en rolda de prensa para aclarar os conceptos, insistindo na rebaixa da presión fiscal.

Asegura o goberno local que, das 30 ordenanzas mantéñense 27, e baixan as tres restantes: o IBI, o IAE, e o lixo e alcantarillado.

Así o explicaban o alcalde e a concelleira de Facenda nunha rolda de prensa que recollemos en AROUSA PONTEVEDRA DÍA A DIA.

O Concello de Cambados e a Asociación de Comerciantes Zona Centro poñen en marcha unha nova campaña para a hostalería baixo a denominación de “Pinchos de Outono”.

Nove establecementos hosteleiros participarán durante as últimas fins de semana de outubro con propostas de pinchos maridados con diferentes licores e augardentes, como é o caso do licor cafe.

A iniciativa ten un doble obxectivo: promocionar os productos derivados dos augardentes de denominación de orixe galegos e tamén dinamizar a hostelería durante dúas semanas desentacionalizando o turismo.

Ademáis, os clientes poderán puntuar o mellor pincho, que despóis será seleccionado entre un xurado popular e outro profesional.

Todo elo, enmarcado, ademáis, na celebración do Día do Enoturismo, que se celebra en novembro, e na que o Concello ten preparadas diversas actividades dentro da súa candidatura a ser Cidade Europea do Viño.

Os detalles nolos contaban esta mañá o Concelleiro de Economía e Comercio, Xurxo Charlín, un representante dos hosteleiros participantes, o Concelleiro de Enoturismo,  Jose Ramon Abal, e o Presidente do Consello Regulador de Aguardentes e Licores de Galicia, José Antonio Feijoo.

Foi durante unha presentación que recollemos en AROUSA PONTEVEDRA DIA A DIA.

O Imposto de Bens Inmobles situarase o ano que ven no 0.55%, tal como se aprobou no pleno da corporación de Vilagarcía celebrado a pasada tarde.

Finalmente, PSOE e BNG beneficiáronse da disensión interna de EU para sacar adiante a proposta do grupo de goberno sen necesidade do voto de calidade do alcalde.

O edil de EU Miguel Alves votou en contra da iniciativa do seu grupo, que pretendía a rebaixa do IBI ata o 0,54 e que contaba co respaldo do PP e de Somos Maioría, por entender que suporía «compincharse nun acordo ridículo co PP”.

Dende o grupo de goberno, argumentábase que a rebaixa por baixo do 0,55 pon en risco as axudas para aquelas familias que se ven incapacitadas para pagar o IBI.

Pola contra, dende o PP, Esquerda Unida e Somos Maioría aseguraban que esas bonificacións, ainda sen cuantificar, pódense manter recolocando fondos e partidas.

Neste sentido, o portavoz do PP, Tomás Fole argumentou esta mañá que a rebaixa do IBI ata o 0,54 sería viable porque os 100.000 euros que estima o Concello que deixaría de ingresar por este concepto se poderían afrontar cos 150.000 euros que non hai que pagar do préstamo do proxecto de Luz Salgada.

Ademáis, o portavoz popular acusa de “conchabeo” entre o PSOE, BNG e o concelleiro díscolo de Esquerda Unida para aprobar os asuntos que, segundo o portavoz popular, non favorecen a Vilagarcía.

Así o explicaba Tomás Fole nunha rolda de prensa que recollemos en AROUSA PONTEVEDRA DIA A DIA.