Vilagarcía inaugura esta tarde ás 20 horas na Sala Rivas as catro exposicións do Festival de Curtas.

A mostra permanecerá aberta ata o 25 de novembro e nela pódense contemplar as pezas orixinais, utilizadas no cine, de persoaxes de heroes de aventuras e ciencia ficción dos anos 80.

Os detalles ofrecéronos esta mañá a concelleira de Cultura, Sonia Outón, e o director do Festival, Luis Rosales nunha rolda de prensa que recollemos en AROUSA PONTEVEDRA DIA A DIA.

Vilagarcía comeza un ciclo de 7 concertos da Sociedade Filarmónica, recentemente constituída, que se inicia este mes de outubro e rematará en maio, dentro da programación da Festa de Santa Rita.

Catro deles serán no salón García, para os membros da Sociedade Filarmónica en exclusiva, e os outros tres no Auditorio, abertos ao público.

O concerto inaugural será este venres, 7 de outubro, a cargo da virtuosa do violín, Mayu Kishima, e a pianista rusa Suzana Barta.

O prezo das entradas será de 15 euros en ticketea.

Os detalles explicábaos esta mañá a Concelleira de Cultura Sonia Outón, nunha rolda de prensa que recollemos en AROUSA PONTEVEDRA DIA A DIA.

O PP pide cautela sobre as inversións que o goberno local destinará ao proxecto Vilagarcía Avanza, que acaba de recibir o financiamento de 5 millóns de euros de fondos europeos.

O portavoz popular, Tomás Fole, expresou esta mañá o seu temor de que pase como co proxecto de Luz Salgada, pregúntase de onde vai sacar o executivo o 1,2 millóns de euros que ten que aportar e lembrou de novo a herencia recibida.

En todo caso, pide a convocatoria do Consello Económico e Social para recoller ideas para o proxecto, e asegura que o seu grupo segue sendo constructivo e disposto a axudar ao goberno aportando iniciativas.

Así o explicaba Tomás Fole nunha rolda de prensa que que recolleu para AROUSA PONTEVEDRA DIA A DIA Alba Piñeiro.

Satisfacción no goberno de Vilagarcía tras recibir a concesión de fondos europeos por importe de 5 millóns de euros para o financiar seu proxecto denominado "Vilagarcía Avanza".

A este importe sumarase unha aportación municipal de 1,2 millóns de euros.

O executivo socialista pretende conseguir, tal como se detallaba no proxecto, unha cidade "innovadora, de todos, sostenible e atractiva".

O ámbito de actuación do "Vilagarcía Avanza" abarca os tres núcleos urbanos da capital arousana: Vilagarcía, Carril e Vilaxoán, e as súas zonas aledañas.

Agora, unha vez concedida a subvención, o executivo municipal abordará con todos os grupos da corporación o destino do financiamento, partindo dos puntos establecidos no proxecto.

Entre as inversións inicialmente previstas, figuran a mellora da rede de saneamento, unha bolsa de vivendas para persoas sen recursos, recuperar equipamentos públicos en desuso, ou mellorar a mobilidade.

Tamén se pretende crear un portal de transparencia, renovar a páxina web do Concello o garantir o acceso a internet en todos os espacios públicos.

O alcalde, Alberto Varela, e a concelleira de Infraestructuras, Paola María, expresaban esta mañá a súa ledicia por esta concesión, deixando claro as diferencias con financiación de proxectos anteriores como o de Luz Salgada.

Unha decena de representantes de portos deportivos de Galicia, entre eles da Ría de Arousa e do conxunto das Rías Baixas, están hoxe na cidade francesa de La Rochelle para seguir promocionando a náutica de recreo nesta rexión do país veciño.

Todos eles están establecendo contactos e buscando maiores oportunidades de negocio, amparados por Portos de Galicia.

Para saber os detalles, en AROUSA PONTEVEDRA DIA A DIA falamos con José Juan Durán, presidente de Portos de Galicia.

Vilanova aumentará os puntos de acceso á fibra óptica en todo o municipio para que en dous meses todos os dispositivos móviles teñan posibilidade de conectarse á Wifi Municipal.

O alcalde Gonzalo Durán anunciaba esta mañá que se van a instalar 30 repetidores wifi para ampliar o sinal da rede coa que xa conta o municipo dende hai case 10 anos.

A actuación ten un custe de 12.000 euros, que o goberno local sufragará a través das axudas da Deputación.

Os detalles explicabaos o alcalde nunha rolda de prensa que acaba de rematar hai uns minutos e que recolleu para AROUSA PONTEVEDRA DIA A DIA Alba Piñeiro.

A segunda fase de reforma da praza de abastos de Vilagarcía comezou oficialmente esta mañá.

Para facelo de forma institucional, ata o mercado achegáronse esta mañá a concelleira de Infraestruturas, Paola María; o edil de Promoción Económica, Juan Antonio Pérez, e o concelleiro de Obras e Servizos, Lino Mouriño.

Calculase que as obras prolongaranse durante aproximadamente nove meses nun proxecto que manterá a emblemática escalinata de pedra.

Os cambios fundamentais afectarán a disposición das mesadas do ala oeste, que se modificará para mellorar o tránsito dos clientes e crear un efecto de espazo aberto.

Ademáis, instalarase un ascensor e a primera planta habilitarase de tal forma que poida dar cabida a actividades paralelas como degustacións e showcookings que dinamicen o mercado.

As obras foron adxudicadas á empresa Ogmios Proyectos SL por 543.290 euros.

Así explicaba os detalles da reforma a Concelleira de Infraestructuras, Paola María, na visita oficial de inicio das obras que recollemos en AROUSA PONTEVEDRA DIA A DIA.

A actuación arqueolóxica que se está a realizar no Castro Alobre de Vilagarcía é unha das afectadas polo incumplimento do Ministerio de Fomento do convenio coa Deputación para a posta en valor dos castros da provincia.

Ante a paralización dos traballos, o Concello de Vilagarcía teme que a chegada das chuvias provoque danos ás excavacións realizadas.

Ante esta situación, o grupo de goberno vai presentar no pleno desta tarde unha moción instando ao Ministerio de Fomento que retome o seu compromiso na posta en valor dos castros.

Explicábao a concelleira de Infraestruturas, Paola María, que esta mañá se achegou á zona acompañada polo arqueólogo director dos traballos contratados pola Deputación, e que recollemos en AROUSA PONTEVEDRA DIA A DIA.

Portos de Galicia realiza hoxe a limpeza dos fondos da dársena de Tragove co fin de mellorar a seguridade da actividade portuaria e contribuir á sostenibilidade ambiental.

Cinco mergulladores revisan con cámara de circuito pechado os fondos mariños e, mediante un guindastre, retiran todo tipo de refugallos, como rodas, aparellos, rizóns e mesmo carros da compra.

Segundo a estimación de Portos, extraeranse 5.000 kilos de resíduos.

Os labores de limpeza en Tragove forman parte da terceira fase que este ano ven desenvolvendo a autoridade portuaria en diferentes portos de Galicia.

En concreto, na provincia de Pontevedra limpiáronse os fondos das dársenas de Sanxenxo, Portonovo, Xufre, Tragove e Bueu, recolléndose en total 35.000 kilos de refugallos.

Son detalles que explicaban esta mañá en Tragove un dos mergulladores e o presidente de Portos de Galicia

Cambados pon en marcha un novo obradoiro de emprego sobre a “Rexeneración Urbana e Medioambiental”.

20 alumnos desempregados comezan a traballar dende hoxe en dous módulos, de canteiría e xardineiría, durante 6 meses, recibindo o salario mínimo interprofesional a través dunha axuda económica da Xunta de 176.000 euros.

Os seus traballos irán destinados á melloras de emplazamentos urbanos de Cambados.

Concretamente, instalarán pavimento adoquinado na rúa Celso Emilio Ferreiro, para manter a mesma estética do entorno de Fefiñáns, e se ocuparán do mantemento de diferentes xardíns da vila.

O obradoiro inaugurouse esta mañá nas instalacións da Pastora.

Os 20 alumnos recibiron a benvida da alcaldesa, Fátima Abal, do concelleiro de Promoción Económica, Xurxo Charlín, o director do curso, Enrique Ferreiro, e o xefe territorial de Emprego da Xunta en Pontevedra, Ignacio Rial.

Así o recollemos en AROUSA PONTEVEDRA DIA A DIA.