Situación complicada na que se encontran os traballadores da empresa Celso Canario e Fillos de Meaño.

A empresa leva en concurso de acreedores dende o 2014 e adebeda aos 5 seus empregados 9 meses de salarios.

Agora están á espera de que la administradora concursal presente un ERE extintivo para poder cobrar o subsidio.

Segundo denunciou esta mañá o sindicato CIG, os traballadores non poden nin cobrar prestacións nin traballar noutra empresa porque ainda son empregados de Celso Canario, ainda que conseguiron non ter que acudir ao posto de traballo para evitar un gasto máis para os seus petos.

A Mancomunidade do Salnés e a Xunta de Galicia poñen en marcha o obradoiro de emprego de recuperación Muiños do Salnés.

Unha iniciativa coa que se trata de rehabilitar un conxunto de 7 edificacións ubicadas dúas en Currás, en Vilanova, unha en Simes, en Meaño e as restantes en Dorrón e Bordóns. en Sanxenxo.

Todos estes muiños se encontran en pésimo estado de conservación, polo que a Mancomunidade pretende consolidar a súa estructura e poñelos en valor, como se fixo xa noutros puntos da comarca como na Ruta da Pedra e da Auga de Meis e Ribadumia.

O obradoiro de emprego de recuperación dos Muiños comezará o 26 de setembro no taller de A Pastora en Cambados.

20 alumnos participarán nos dous módulos de formación, carpinteiría e canteiría, durante 6 meses, recibindo unha aportación económica do salario mínimo interprofesional polo seu traballo.

O obradoiro de emprego de rehabilitación dos muiños preséntouse esta mañá en Cambados, coa presencia do xefe Territorial de Traballo, Ignacio Rial; as alcaldesas de Cambados e Meaño, Fátima Abal e Lurdes Ucha; e concelleiros de Sanxenxo e Vilanova, ademáis do Xerente da Mancomunidade, J. Ramón Gª Guinarte.

Todos eles daban a benvida aos alumnos participantes. Así o recollemos en AROUSA PONTEVEDRA DIA A DIA.

O portavoz do PP, Telmo Martín, recrimina ao goberno local que todavía non se puxeran a disposición da Xunta os terreos de O Revel necesarios para a construcción do novo colexio de Vilalonga.

Un retraso que, segundo Telmo Martín, impedirá que as obras comecen nos prazos que se tiñan previsto e que o novo centro educativo non estea listo ata 2018.

O portavoz popular fixo esta mañá un balance negativo das actuacións realizadas polo executivo municipal durante os 15 meses de goberno.

Así o recollemos en AROUSA PONTEVEDRA DIA A DIA.

O Grupo Municipal do Partido Popular de Vilagarcía amosa a súa clara oposición á nova Ordenanza de terrazas elaborada polo goberno local.

O portavoz popular Tomás Fole explicou esta mañá os motivos das alegacións ao documento presentadas polo seu grupo durante o período de exposición pública e que obrigarán a que a controvertida ordenanza volva a debaterse en pleno.

Son 18 alegacións relativas á zonificación, á ampliación de horarios, á altura das mamparas, aos anclaxes, á recollida de mobiliario e á recuperación do Comité de Seguimiento coa participación de hosteleiros e grupos políticos.

Tomás Fole explicou que “alegamos porque o texto actual é máis restrictivo, máis prexudicial para o sector, é caprichoso porque só se fai para ir en contra do PP, non ten consenso e se fixo con nocturnidade e alevosía, para que os hosteleiros, en pleno agosto, non puidesen nin estudiar o borrador”

Argumentos de Tomás Fole que recollemos en AROUSA PONTEVEDRA DIA A DIA.

Unha nova pasarela peonil unirá o entorno de O Terrón, O Esteiro e a zona do multiusos de Vilanova.

Finalmente, Costas do Estado aceptou a proposta do Concello para a realización deste proxecto co que o goberno local pretende poñer en valor unha zona na que se encontran tamén os Muiños de Currás que van ser rehabilitados cun novo obradoiro da Mancomunidade do Salnés.

Coa aceptación da proposta e os técnicos municipais traballando xa na redacción do proxecto, o Concello solicitou a Costas de Galicia, que está executando a senda peonil de O Terrón, a creación dun acceso entre a ponte e a nova pasarela.

Todo elo o explicaban esta mañá o alcalde de Vilanova, Gonzalo Durán, e o xefe territorial de Infraestructuras, José Luis Díaz Yañez, nunha visita para supervisar as obras do Terrón, que recollemos en AROUSA PONTEVEDRA DIA A DIA.

O Concello de Vilagarcía quere previr os efectos de posibles inundacións a consecuencia dos incendios do pasado agosto e urxe a Augas de Galicia a limpeza dos ríos do municipio.

O goberno local acaba de enviar un informe a Augas de Galicia sobre o estado de todos os regatos do municipio, empezando polo río de O Con, que se encontran cheos de maleza nos seus cauces.

Ademáis, dende o Concello tamén se realizan xa traballos de limpeza de desagües nas rúas que adoitan ser afectadas polas riadas.

Así o explicaba esta mañá o concelleiro de Medio Ambiente, Lino Mouriño, que tamén consideraba insuficiente o protocolo de actuación que a Xunta de Galicia acaba de decretar para a illa de Cortegada en caso de incendios.

Recollendo os datos para AROUSA PONTEVEDRA DIA A DIA estivo Alba Piñeiro.

Os pais e nais do colexio Torre-Illa solicitarán a vindeira semana unha reunión con Inspección da Consellería de Educación na busca dunha solución a falta de profesorado para nenos con necesidades educativas especiais.

Así o decidiron esta mañá na xuntanza mantida coa dirección do centro para analizar as posibles iniciativas contra a decisión da Consellería de Educación de suprimirlles o docente co que sí contaban o ano pasado.

A Xunta sí lles concedeu finalmente unha profesora para infantil para cubrir unha baixa médica e e un profesor de Inglés, compartido co colexio de Tremoedo, que realizará funcións de apoio.

Sen embargo, os proxenitores consideran que segue sendo insuficiente para atender aos nenos con necesidades educativas especiais de Educación Primaria.

Para saber qué decidiron esta mañá na reunión co director do centro, falamos en AROUSA PONTEVEDRA DIA A DIA con Iria Uzal, presidenta da ANPA Torre-Illa.

A Conselleira do Medio Rural, Angeles Vázquez, mantivo esta mañá no Parador de Cambados un encontro co sector vitivinicola da D.O Rías Baixas.

A Conselleira resaltou a importancia deste sector como un dos motores da economía de Galicia.

As súas declaracións recollémolas en AROUSA PONTEVEDRA DIA A DIA.

Controlado de madrugada un novo incendio forestal en Arousa.

Neste caso, as lapas afectaron ao Concello de Boiro.

A parroquia de Bealo veuse de novo atrapada entre o lume nun incendio rexistrado no lugar de A Galea, que calcinou una superficie aproximada de 32 hectáreas.

Delas, 20 fueron de monte raso e as 12 restantes de masa arborada.

O lume, que chegou a provocar o corte da estrada que une Boiro e Noia, iniciouse ás 9 e media da pasada noite e quedou controlado sobre as seis desta madrugada

Na extinción interviron un técnico forestal, sete axentes, 13 motobombas e 17 brigadas, entre elas o Grupo de Apoio e Emerxencias Municipal de Ribeira e os Bomberos do parque comarcal de Boiro.

Por certo que, os concellos e particulares afectados polos incendios do mes de agosto xa poden solicitar as axudas convocadas pola Xunta para reparar os danos causados polo lume.

O goberno galego aprobou unha partida de 10 millóns de euros, que se tramitará a través de diferentes consellerías e entidades.

Explicábao esta mañá en Cambados a Conselleira de Medio Rural, Angeles Vázquez.

A Mancomunidade do Salnés pon en marcha unha nova edición do Emprega Salnés, un plan integrado destinado á facilitar este ano a preparación de 60 persoas sen traballo.

Os interesados en formar parte desta iniciativa poden presentar as súas solicitudes nas oficinas dos Servizos de Emprego ata o 30 de setembro, data na que remata o proceso de selección.

O Emprega Salnés V presentouse esta mañá no Pazo de Vista Real de Vilanova.

O Xerente da Mancomunidade J. Ramón Gª Guinarte facía unha valoración moi positiva da pasada edición, que lograron unha inserción laboral do 57% en contratos de máis de tres meses.

Pola súa banda, a técnica responsable do proxecto, Begoña Veríssimo, explicaba os detalles desta V edición que se pon en marcha agora cun orzamento de 117.000 euros (104.000 procedentes da Xunta e 13.000 da Mancomunidade).

Recollendo todos os datos para AROUSA PONTEVEDRA DIA A DIA estivo Alba Piñeiro.