Sanxenxo celebra estes días as súas Festas de Verán, con numerosas actividades.

Ademáis, esta fin de semana celebraráse a 33 edición da tradicional Feira da Cebola, na que este ano, un dos galardoados coa Cebola de Ouro será Victoriano Otero.

En AROUSA PONTEVEDRA DIA A DIA falamos con Jesus Sueiro, Concelleiro de Cultura de Sanxenxo que nos contaba toda a programación para estos días de festexos.

A Deputación de Pontevedra deixa en máns do concello de Vilanova á xestión das obras de conversión da Casa de Cultura de Esteiro en Auditorio, paralizadas pola institución provincial pola existencia de irregularidades no proxecto.

A Deputación acolle afirmativamente a proposta presentada polo concello para asumir directamente a contratación dos traballos e a redacción dun novo proxecto.

Ambas administracións asinarán un novo convenio que posibilite a reanudación das obras.

Así o explicaban o alcalde Gonzalo Durán e o representante da Deputación trala comisión de seguimento celebrada esta mañá no Pazo Provincial, nunha rolda de prensa que recollemos en AROUSA PONTEVEDRA DIA A DIA.

A Consellería de Medio Rural vai abrir unha liña de axudas que posibiliten a recuperación das zonas queimadas nos incendios rexistrados nas últimas semanas na provincia de Pontevedra.

A titular do departamento, Ángeles Vázquez, reuniuse esta mañá en Pontevedra cos alcaldes dos municipios afectados, entre eles os de Vilagarcía e Caldas, para avaliar os danos e priorizar actuacións.

O primeiro será proceder á retirada de árbores queimadas e recuperar a cuberta vexetal.

A conselleira sinalou que o lume é un problema de todos e incidiu na necesidade de manter limpas as faixas secundarias de xestión de biomasa, así como os polígonos industrias, os núcleos rurais e urbanos.

Tamén matizou que está en mans de todos evitar danos maiores e para iso é preciso colaborar e facer cumprir a lei.

Asemesmo, a titular de Medio Rural agradeceu a colaboración dos concellos nestas últimas semanas e o traballo realizado polos efectivos do dispositivo de loita contra os incendios forestais.

Grazas á profesionalidade deste operativo, comentou a conselleira, dos 194 lumes rexistrados na provincia de Pontevedra na última semana, 147 quedaron en conatos, polo que a coordinación foi óptima.

O Festival Revenidas de Vilaxoán está xa en conta atrás e os organizadores ultiman os preparativos dun evento que comezará este venres e se prolongará durante toda a fin de semana.

Nolo contaba en AROUSA PONTEVEDRA DIA A DIA Xoan Quintáns, director do festival.

O Conselleiro de Política Social, José Manuel Rey Varela, visitou esta mañá o albergue xuvenil de As Sinas, en Vilanova, acompañado polo alcalde, Gonzalo Durán, para facer oficial a cesión do uso do albergue durante o resto do ano, e comprobar as actividades que se están desenvolvendo no campamento no que participan un total de 620 rapaces durante os meses de verán.

Na súa visita a As Sinas, Rey Varela, coincidindo coa celebración do Día Internacional da Xuventude, destacou a calidade da programación de ocio educativo e tempo libre para a mocidade que desenvolve a Xunta de Galicia ao abeiro da Campaña de Verán 2016.

En canto á Campaña de Verán, o conselleiro dixo que “Galicia ofrece aos rapaces e rapazas e ás súas familias numerosos e variados recursos de conciliación estival no marco dunha programación de ocio activo e formativo de primeiro nivel”.

Así mesmo, subliñou a importancia destas actividades de verán porque “contribúen á difusión de valores como a participación, o compañeirismo, o traballo en equipo ou o respecto do medio ambiente”.

No caso do campamento das Sinas, un total de 120 mozos e mozas de entre 13 e 15 anos están a participar nesta actividade, dos cales 50 proceden dun intercambio con Extremadura.

Por este albergue pasarán entre xullo e agosto un total de 620 rapaces que durante a súa estadía realizarán actividades vinculadas ao mar e ao deporte na praia, como vela, táboa, piragua, kaiak polo, snorkel, skimboard ou volei praia.

Escoitamos as declaracións do conselleiro, Jose Manuel Rey Varela, do alcalde de Vilanova, Gonzalo Durán, e o teniente de alcalde de Vilanova, Javier Tourís, en AROUSA PONTEVEDRA DIA A DIA.

O conselleiro de Economía, Emprego e Industria, Francisco Conde, visitou esta mañá a praza de abastos de Portonovo para presentar o novo programa da Federación de Prazas de Abastos de Galicia (Fepragal) para impulsar os mercados polos que pasa o Camiño de Santiago.

Esta iniciativa consiste no empaquetado de productos en bolsas ou caixas con referencias ao Camiño de Santiago, o que permitirá ofrecer unha imaxe máis renovada e homoxénea das prazas de abastos, ao tempo que impulsará a súa actividade.

A praza de abastos de Portonovo, é unha das 12 prazas polas que transcorre á Ruta Xacobea do Mar de Arousa e o Ulla, e que participarán neste programa.

Escoitamos os datalles que daban esta mañá durante a visita ao mercado de Portonovo, o Conselleiro de Industria, Francisco Conde, e o alcalde de Sanxenxo, Gonzalo Pita, en AROUSA PONTEVEDRA DIA A DIA.

O voiceiro do partido popular de Cambados, Luis Aragunde, fixo esta mañá a valoración da Festa do Albariño.

Segundo Aragunde, o cuatripartito minte, xa que considera que non foron as administracións do PP as que puxeron trabas ao goberno, senón que foron eles mesmos os que fixeron mal os trámites e mesmo non actuaron nada ben co Capítulo Serenísimo, que tanto promociona o albariño e Cambados.

Escoitamos a valoración de Luis Aragunde en AROUSA PONTEVEDRA DIA A DIA.

A comarca de O Salnés conta dende hoxe cun libro de acuarelas onde se reflexan os lugares máis fermosos das nosas vilas.

A Mancomunidade de O Salnés porá en circulación unha primeira tirada de 850 exemplares de este libro realizado polo artísta cambadés, Eduardo Baamonde.

Con esta nova iniciativa, a entidade comarcal contiúa coa súa labor de promoción turística da comarca.

Os exemplares serán repartidos nos nove concellos da comarca como regalos institucionais dados polos concellos.

En AROUSA PONTEVEDRA DIA A DIA recollemos as declaracións do presidente da Mancomunidade, Gonzalo Durán, do concelleiro de cultura de Cambados, Víctor Caamaño, do autor do libro, Eduardo Baamonde, e do xerente da entidade comarcal, Ramón Guinarte, durante a presentación do caderno “O Salnés en Acuarelas”.

E sobre os incendios falou esta mañá a Presidenta de Deputación de Pontevedra, Carmela Silva, que agradeceu o traballo dos servicios de extinción e denunciou a actuación das persoas que provocaron estos incendios, e que fixeron un dano irrecuperable.

Escoitamos as palabras de Carmela Silva en AROUSA PONTEVEDRA DIA A DIA

O concello de Cambados amosase satisfeito polo resultado da Festa do Albariño, a pesar, según o goberno local, do boitcot que sentiu por parte das administracións gobernadas polo Partido Popular.

Segundo o concelleiro de cultura, Víctor Caamaño, “Non houbo día no que non houbera problemas”.

Incidencias todas elas de tipo administrativo como as pegas de Industria pola iluminación festiva, o retraso de Mobilidade nas licencias dos taxis, a negativa do 061 a conceder unha ambulacia de reforzo e un medico máis de garda, a prohibición de Costas para o uso da Torre de San Sadurniño para concertos, e as dubidas de última hora da Subdelegación do Goberno en canto o plan de seguridade.

Sinalan dende o concello que mesmo correron perigo os fogos artificiais, porque presentaron un informe na que a fotografía do lugar de lanzamento ocupaba medio folio en lugar dun folio enteiro.

O cuatripartito ve, nestas trabas, unha clara intencionalidade política, porque os trámites fixeronse como de costume e nunca houbo problemas.

Pero a pesar de todo, o balance do Albariño é positivo e o goberno local amosase moi satisfeito polo resultado da festa.

Destacan a asistencia de público ás actuacións, que este ano repartíronse por diferentes puntos da vila, o bo comportamento dos visitantes, que evitou que houbese incidencias graves, e tamén o dispositivo de tráfico, ao reducir os atascos.

En cifras, os datos avalan os bos resultados, xa que se venderon un total de 32.000 cataviños, 95.000 botellas de albariño, e o túnel do viño rexistrou a visita de 600 participantes.

Ao Xantar acudiron 594 comensais, 329 deles convidados polo Concello, 51 menos que en 2015 e 155 menos que na última festa co Partido Popular.

Tamén se recolleron 109 toneladas de lixo, 40 entre o mércores e o xoves; 30 na noite do venres e 39 entro o sábado e o domingo.

Son datos que daban en rolda de prensa, o concelleiro de cultura, Víctor Caamaño e o concelleiro de promoción económica, Xurxo Charlín, e que recollemos en AROUSA PONTEVEDRA DIA A DIA