Vilagarcía celebra a Semana do Cine do 31 de xullo ao 5 de agosto, como inicio da programación cultura e festiva de agosto.

Ademáis, nesta nova edición, o Cine Clube Ádega, organizadores da actividade, conmemora o seu 40 aniversario, con cine, pero tamén con musica e espectáculo.

A primeira das proxecións será o domingo 31 de xullo ás 21:30 horas, na Rúa Romero Ortiz, e a película escollida é “El Desconocido”. Ademáis contaráse coa presenza do director de cine Jorge Coira para falar da súa experiencia, e tamén haberá a actuación musical de Gonzalo Arca, que tocará dous temas da banda sonora do filme.

O luns día 1 de agosto comezan as sesións no Salón García, serán catro días nos que se proxectarán os filmes "Todos vos sodes capitáns", "La Venus de las pieles", "El abrazo de la Serpiente" e "Yo, el y Raquel".

As sesións comenzarán ás 21:45 horas e os prezos son de 4 euros por sesión para o público xeral e de 2 euros para socios, con posibilidad de mercar o abono para as 4 sesións, que será de 12 euros para o público e de 6 euros para os socios.

Para rematar a Semana do Cine o venres 5 de agosto ás 20:30 horas, no parque de Ravella, montaráse unha festa de despedida coa proxección do filme “Cabaret” de Bob Fosse e a actuación en directo do espectáculo de Cabaret por parte da compañía de Nelson Quinteiro.

As dúas sesións ao aire libre serán gratuitas e abertas a todo o público.

Ademáis, antes dos filmes tamén se proxectarán curtametraxes.

Son datos que nos contaban está maña, a concelleira de Cultura, Sonia Outón, acompañada polos representes do Cine Clube Ádega, Fernando López e Xabier Marqués, nunha rolda de prensa que recollemos en AROUSA PONTEVEDRA DIA A DIA.

Dous atractivos turísticos de Cambados, como son as mariscadoras na praia de San Sadurniño e a Praza de Fefiñáns son a imaxe de dúas postais franqueadas que Correos comeza a emitir con motivo do 300 aniversario deste servizo.

A tarxeta postal terá un custe de un euro e poderá adquirirse na Oficina de Turismo de Cambados.

Con esta iniciativa, o Concello pretende aumentar o valor promocional dos atractivos turísticos da vila, tal como destacaba a alcaldesa Fátima Abal no acto de presentación se celebrou no Parador de Cambados.

Xunto a ela, o director de zona de Correos, Manuel González Reboredo, resaltaba a importancia das postais na era dixital.

Así o recollemos en AROUSA PONTEVEDRA DIA A DIA.

18 nenos e nenas saharauis pasarán este verán acollidos por diversas familias de Vilagarcía.

Todos eles foron recibidos esta mañá polo alcalde, Alberto Varela, nun acto institucional celebrado no Salón Nobre da Casa Consistorial, no que o rexedor vilagarcián deu á benvida aos pequenos, e que recollemos en AROUSA PONTEVEDRA DIA A DIA.

A Presidenta da Deputación, Carmela Silva, e o alcalde do Grove, José Cacabelos asinaron o convenio para a recuperación dos servizos do Grupo de Emergencias Supramunicipais

A través deste convenio, a Deputación aporta 70.000 euros para sufragar os gastos de contratación do persoal correspondente.

Así o explicaban esta mañá trala sinatura do documento a presidenta provincial e o alcalde meco, tal como recollemos en AROUSA PONTEVEDRA DIA A DIA.

O Concello de Cambados abre hoxe o plazo para participar na I Xornadas de iniciación á vela tradicional para que se coñeza algo máis sobre a historia mariña da vila.

As Xornadas realizaranse do 9 ao 19 de agosto en horario de martes a venres de 16:30 a 19:30 horas e os participantes poderán navegar en diferentes embarcacións tradicionais.

As inscripcións nas xornadas poden facerse ata o 8 de agosto nas oficinas de deportes do Concello de Cambados e teñen un custe de 30 euros máis 10 euros do seguro. As plazas son limitadas a 20 persoas.

Os detalles explicábanos esta mañá o concelleiro de Cultura, Victor Caamaño, e o presidente do Club Mariño do Salnés, Xaquín Cuiñas, nunha presentación realizada no porto histórico de Cambados, que recollemos en AROUSA PONTEVEDRA DIA A DIA.

A Deputacion paraliza definitivamente a obra de ampliación da estrada de Baion.

Así se acaba de pronunciar a institución provincial trala xunta de goberno celebrada esta mañá.

O goberno provincial decidiu non seguir adiante co proxecto pero sí realizará melloras de seguridade vial en diferentes tramos.

E sobre outro proxecto en Vilanova que tamén leva meses paralizado , o da creacíón dun Multiusos na Casa de Cultura do Esteiro, o alcalde Gonzalo Durán anunciaba esta mañá unha reunión cos deputados provinciais o vindeiro mércores para abordar a situación dos traballos.

Vilanova comeza a dar contido ás instalacións do albergue de As Sinas, unha vez que a Xunta cedeu ao goberno local o seu uso durante todo o ano agás no verán.

A primeira iniciativa será unha Escola de Arte, que se porá en marcha no mes de outubro.

Estará dirixida para todas as idades,e enfocada para que as diferentes ANPAS municipais poidan realizar actividades escolares, así como tamén para outras asociacións, xubilados e para profesionais que queiran prepararse para as probas de acceso a cursos superiores e graos.

Ainda que todavía se deben perfilar os últimos detalles, a idea é organizar grupos duns 15 alumnos en horarios de mañá e tarde cun custe mínimo de 18 euros.

A Escola de Arte foi presentada esta mañá no albergue das Sinas por parte do Concelleiro Javier Tourís e a organizadora da iniciativa Cristina Villagas nunha rolda de prensa que recollemos en AROUSA PONTEVEDRA DIA A DIA.

O chill out "Ás 9 na praia" volve este ano a Vilagarcia como anticipo dos festexos de San Roque.

Do mércores 27 ao domingo 31 de xullo de 21:00 a 00:30, na praia da Compostela, haberá actividades todos os días como espectáculos de coctelería, actuacións músicais en directo e djs.

Como novidade este ano, ademáis de disfrutar dos cócteles, os asistentes tamén poderán relaxarse con micromasaxes ou coñecer algo máis sobre o turismo de Vilagarcía.

Os prezos serán de 4 euros os combinados con alcohol, 3 euros os que non leven alcohol e 2 euros as cervezas e refrescos e 1 euro a auga.

Son datos que nos contaba o presidente da asociación de hosteleiros de Vilagarcía, José Dieste, na presentación da iniciativa, acompañado pola concelleira de cultura. Sonia Outon e o concelleiro de promoción económica Juan Antonio Pérez Callon, e que recollemos en AROUSA PONTEVEDRA DIA A DIA

A reunión sobre a revisión da ordenanza de terrazas celebrada esta mañá no Concello de Vilagarcía rematou sen o total beneplácito do colectivo de hosteleiros polo límite de horario de recollida de cadeiras e mesas exteriores.

O encontro foi convocado polo goberno local para que os grupos da oposición e os representantes de Ahituvi expuxeran os seus posicionamentos respecto a ordenanza elaborada polo executivo municipal.

Agora será o momento de presentar as alegacións correspondentes, tal como nos contaba en AROUSA PONTEVEDRA DIA A DIA o presidente de Ahituvi Juan José Dieste.

Total sintonia entre as Deputacións de Pontevedra e A Coruña, xunto cos concellos de Catoira e Rianxo, para solicitar á Xunta de Galicia que asuma a titularidade da ponte interprovincial de Catoira.

Unha demanda que presentarán á Consellería de Infraestructuras nunha reunión conxunta que solicitarán mañá mesmo.

Os motivos: que o viaduto soporta gran cantidade de tráfico interprovincial, conecta a rede de estradas de titularidade da Xunta de Galicia e está incluido no Plan Move elaborado pola propia administración autonómica.

Por eso entenden que non ten sentido que o mantemento estea a cargo das deputacións de Pontevedra e A Coruña e dos concellos de Catoira e Rianxo.

Son as conclusións da reunión de traballo interprovincial que mantiveron esta mañá no Concello de Rianxo a presidenta da Deputación de Pontevedra, Carmela Silva, e o presidente da Deputación da Coruña, Valentín González Formoso , xunto cos alcaldes de Catoira e Rianxo, Alberto García e Adolfo Muíños, respectivamente, que recollemos en AROUSA PONTEVEDRA DIA A DIA.