O PP de Vilanova volve a criticar con dureza a xestión do goberno da Deputación nas obras de conversión da Casa de Cultura do Esteiro en Multiusos e de ampliación da estrada de Baión.

O alcalde, Gonzalo Durán, recibiu esta mañá a visita dos deputados provinciais do PP Luis Aragunde. Salomé Peña e Nidia Arévalo, para que coñeceran de primeira man o estado de ambas actuacións, trala súa paralización decidida polo goberno provincial.

Dende o PP presentarán unha moción sobre a obra do Esteiro para o seu debate no próximo pleno provincial e para o seguinte outra iniciativa denunciando o mal estado das vías provinciais.

Así explicaba Gonzalo Durán a situación destas obras, refrendado pola deputada popular Nidia Arévalo nunha comparecencia a pe de obra, que recollemos en AROUSA PONTEVEDRA DIA A DIA.

O convenio colectivo do sector da conserva non implicará o incremento da xornada laboral, nin flexibilidade horaria e tampouco se pagará en especies.

Son os termos do preacordo asinado polos sindicatos CIG e UXT, tras ano e medio de negociacións, que establece tamén o incremento dos salarios, dende un 1'3% neste ano, ata o 1.5% en el 2020. Deste xeito, en función da antigüidade, a subida salarial podería ser de ata o 10%.

Ademáis, o novo convenio inclue un plus persoal para as traballadoras con antigüidade consolidada, xunto con outro de dous trienios. No caso de non ter anos consolidados, as operarias recibirán 750 euros por 20 anos traballados, que se incrementarán ou reducirán en función do tempo cotizado.

O documento tamén contemla axudas por minusvalía de 100 euros ao mes por discapacidade superior ao 65%.

En canto ao dereito ás vacacións, serán de 21 días laborais, dúas xornadas máis que ata o de agora.

A sinatura definitiva do convenio celebrará o 19 de setembro en Madrid.

Segundo o sindicato CIG. este preacuerdo “non é o ideal pero é aceptable e equitativo para todo o sector”, ainda que a central nacionalista segue demandando un convenio colectivo de ámbito galego, xa que o 80% das traballadoras pertencen a Galicia.

Así o valoraba a representante sindical, Rosa Abuín, na presentación do preacordo que recollemos en AROUSA PONTEVEDRA DIA A DIA.

Cambados será este ano o punto de saída da Ruta Xacobea do Mar de Arousa e Ulla, a coñecida como Traslatio, na conmemoración do seu XXXII aniversario.

Dous catamaráns sairán o sábado 23 de xullo ás 16.15 horas do porto de Tragove tras un acto institucional presidido pola alcaldesa de Cambados, Fátima Abal.

A Ruta realizará o remonte por mar ata Padrón, a onde está prevista a chegada dúas horas máis tarde.

Unha vez alí, os asistentes visitarán o Pedrón onde o se atou a embarcación cos restos do Apostolo Santiago e posteriormente realizarase o regreso a Cambados.

O acto institucional de saída está aberto ao público en xeral e a participación na Ruta require unha previa inscripción de balde a través da Oficina de Turismo de Cambados cun límite de aforo total de 100 persoas aproximadamente.

Así o explicaban esta mañá a alcaldesa de Cambados, Fátima Abal e o Presidente da Fundación da Traslatio, Javier Sánchez-Agustino, nunha rolda de prensa que recollemos en AROUSA PONTEVEDRA DIA A DIA.

A Conselleira do Mar, Rosa Quintana, comprometeu esta mañá unha inversión millonaria para embarcacións de terceira e cuarta liña no porto do Xufre da Illa de Arousa.

Concretamente, son dous proxectos de construcción de pantaláns para embarcacións pesqueiras e mexilloeiras

O investimento global previsto para ambas actuacións é de preto de 5,5 millóns de euros e darán servizo a 308 embarcacións pesqueiras e 126 mexilloeiras.

En canto aos prazos de tramitación previstos, as vindeiras semanas o DOG publicará o inicio da licitación das obras de construción dos pantaláns para embarcacións pesqueiras.

Dende Portos de Galicia, encargado da tramitación administrativa do proxecto, estimase que poderán estar contratadas a principios do vindeiro ano.

Ambos proxectos contan con financiacion europea.

Os detalles explicábaos a Conselleira do Mar esta mañá na Illa de Arousa, acompañada polo presidente de Portos de Galicia­, José Juan Durán, tras manter un encontro cos representantes da confraría local.

Foi nunha comparecencia que recollemos en AROUSA PONTEVEDRA DIA A DIA.

Os Portos de titularidade autonómica da Ría de Arousa incrementaron nun 40% os tránsitos de embarcacións náuticas durante o primeiro semestre deste ano.

Segundo o balance realizado por Portos de Galicia, os portos de Vilanova, Ribeira, Rianxo, a Pobra e Cabo de Cruz recibiron un total de 203 barcos procedentes, sobre todo das Illas Británicas, costa atlántica de Francia e Irlanda.

En concreto, Vilanova de Arousa recibiu este ano 20 barcos , 50 Ribeira , A Pobra do Caramiñal 87 Boiro 33 e Rianxo 13 .

No caso da ría de Pontevedra , o incremento é do 5 % e nas Rías Baixas o aumento é do 27% .

Deste xeito, a ría de Arousa confirma a consolidación desta actividade , e situase como a mellor zona de Galicia con datos rexistrados.

Segundo destacaba esta mañá o Presidente de Portos de Galicia, José Juan Durán, a estratexia da presencia de Galicia en salóns internacionais de náutica estase notando.

Así o explicaba nunha rolda de prensa que recollemos en AROUSA PONTEVEDRA DIA A DIA.

Vilanova comeza as Sonatas de Verán, que se desenvolverán en diferentes zonas da localidade durante xullo e agosto.

Unha extensa programación que incluirá a Festa da Cervexa Artesanal, a recuperación da Festa Medieval de PonteArnelas, e que xa comeza con actividades esta fin de semana.

Algunhas delas explicábaas esta mañá o alcalde de Vilanova Gonzalo Durán.

Sanxenxo convértese dende hoxe e durante toda a fin de semana na capital europea do fútbol praia con motivo da Euro Beach Soccer League, a competición dependente da FIFA e de máis alto nivel no continente no que a fútbol praia se refire.

Dende hoxe e ata o domingo competirán sobre a area de Silgar os mellores xogadores de Europa e tamén do mundo, como os portugueses, que son os vixentes campións mundiais.

Ou vicepresidente da Xunta, Alfonso Rueda, acompañado do delegado territorial dá Xunta en Pontevedra, José Manuel Cores Tourís, participou esta mañá na inauguración da competición cun saque de honra.

Con el falamos dende AROUSA PONTEVEDRA DIA A DIA.

O servizo de préstamo de bicicletas, o Vai bike, entrará en funcionamento a finais da próxima semana. Así o concretaban esta mañá os xerentes da empresa adxudicataria, a alacantina La Bici, xunto coa Concelleira de Urbanismo, Paola María.

Foi nunha rolda de prensa na que se explicaron datos concretos de como funcionará o sistema nas 5 estacións iniciais e como se poden adquirir as tarxetas. Detalles que recolleu para AROUSA PONTEVEDRA DIA A DIA Alba Piñeiro

O conselleiro de Política Social, José Manuel Rey Varela, visitou está mañá o centro da Asociación Con Eles de Vilagarcía para escoitar as demandas do colectivo de cara a planificación dos recursos para o período 2016-2020.

Como parte das actuacións, o Conselleiro anunciou o incremento de 3 prazas concertadas para o centro de día, o que supón un investimento por parte da Xunta de 368.000 euros.

Pola sua parte, José Luis Queiruga, o portavoz de Con Eles, aproveitou a presencia do conselleiro para demandarlle a creación dunha residencia para 25 usuarios e solicitarlle o compromiso da Xunta para poder continuar coas obras.

Durante a sua visita, José Manuel Rey Varela, anunciou que durante esta lexislatura se incrementaron en 1.000 o número de prazas de atención e xa se está traballando neste sentido para os vindeiros anos.

Así o recollemos en AROUSA PONTEVEDRA DIA A DIA.

O Instituto Asorey de Cambados contará no vindeiro curso con 7 novas aulas para acoller a demanda da implantación da FP Básica e os ciclos formativos profesionais da Lomce, que pasan a ter unha duración de 2.000 horas.

A Consellería de Educación iniciará en setembro a primeira fase das obras de ampliación cun investimento de 251.000 euros neste exercicio, dentro dun proxecto que acada un investimento total de máis de un millón de euros.

O departamento autonómico está ultimando a supervisión do proxecto coa idea de licitar as obras este mesmo mes de xullo e comezar os traballos unha vez iniciado o curso, aínda que en ningún caso interferirán no normal desenvolvemento das clases.

O conselleiro de Cultura e Educación, Román Rodríguez anunciou a actuación esta mañá nunha visita ao Instituto Asorey, compañado do delegado territorial da Xunta en Pontevedra, José Manuel Cores Tourís e o concelleiro de Educación de Cambados, Victor Caamaño, que recollemos en AROUSA PONTEVEDRA DIA A DIA.