Un ano máis, o BNG celebra o 25 de xullo en Compostela coa xa tradicional manifestación que partirá ás 12 do mediodía dende a Alameda de Santiago.

Pero ademáis, en conmemoración do Centenario das Irmandades da Fala, xérmolo do nacionalismo galego moderno, a formación nacionalista ten programados diversos actos nos días previos.

Concretamente, en Vilagarcía este venres 22 celebrarán unha festa comarcal no parque Miguel hernandez de Vilagarcia as 20.30 horas, centrada na figura de Manuel María.

O evento incluirá a presentación do libro "Regato do Cepelo" de Fernán López, lectura teatralizada de textos en homenaxe a Manuel Maria e intervencions políticas de representantes do BNG.

A festa comarcal nacionalista concluirá cun concerto de Canto Crú.

Ademáis, xa en Santiago, o domingo 24 no parque de Bonaval terá lugar un acto de Galicia Nova e o 24 e 25 o FestiGal con varios concertos

Dende a formación nacionalista animan á cidadanía a participar nos actos e apuntan que os interesados en acudir á manifestación de Santiago e non poidan facelo en vehículo propio, poden anotarse na sede comarcal do BNG para compartir transporte.

Así o explicaban esta mañá os responsables do BNG no Salnés Xoan Xosé Castaño e Manuel Domínguez nunha rolda de prensa que recollemos en AROUSA PONTEVEDRA DIA A DIA.

O xacemento arqueolóxico de A Lanzada recobra as excavacións nunha nova fase da recuperación patrimonial do enclave, que pretende clarexar cronoloxías e ampliar en 1.000 metros a zona de visitas.

A actuación, enmarcada dentro da colaboración entre a Deputación de Pontevedra, o Concello de Sanxenxo e a Comunidade de Montes de Noalla, deu comezo esta mañá e extenderase durante catro meses, ata o próximo novembro.

Ademáis, os traballos estarán aberto ao público co fin de que se poida ver en directo os labores dos arqueólogos e investigadores, nun xacemento que data dos VIII a. C. e X d. C.

Os detalles nolos explicaban o arqueólogo da Deputación, Rafael Rodriguez, o alcalde de Sanxenxo, Gonzalo Pita, e a presidenta provincial, Carmela Silva, na presentación desta actuación no propio xacemento que recollemos en AROUSA PONTEVEDRA DIA A DIA.

Con bos resultados rematou a iniciativa do Concello de Cambados “Deseña o teu futuro” dirixida a alumnos de 3º e 4º da ESO.

Durante tres semanas 16 estudantes de diversos centros da comarca recibiron asesoramento e realizaron prácticas en varias empresas de Cambados e a súa contorna.

O Concello pretende darlle continuidade a esta iniciativa a expensas de que poida contar coa subvención autonómica necesaria.

Os mozos recolleron esta mañá os seus diplomas da man da alcaldesa, Fátima Abal, nun acto celebrado no centro social da Merced, que recollemos en AROUSA PONTEVEDRA DIA A DIA.

A XV edición da Festa da Vieira de Cambados rematou con bos resultados a pesar de que as altas temperaturas deixáronse notar na afluencia á carpa de degustación.

A preparación máis vendida foi a “vieira á plancha con bechamel lixeiramente afumada e pan de millo”.

O domingo foi o día de maior asistencia.

O Concello fai unha valoración positiva en xeral, destacando a implicación dos 17 locais de hostelería na promoción do molusco.

Así nolo conta para AROUSA PONTEVEDRA DIA A DIA o portavoz municipal e Concelleiro de Promoción Económica, Xurxo Charlín.

O PP propón o establecemento de aparcamentos rotatorios en diversas rúas urbanas de Sanxenxo e Portonovo como medida para solucionar a falta de estacionamentos na vila durante o verán.

O portavoz popular Telmo Martín plantea habilitar unha zona azul que sería de balde os primeiros 45 minutos, 50 céntimos 90 minutos e 1 euro 2 horas.

Telmo Martín cree que deste xeito habería maior movemento dos vehículos en estacionamento.

Así o explicaba nunha rolda de prensa que recollemos en AROUSA PONTEVEDRA DIA A DIA.

A Praza de Fefiñans é o entorno escollido polo goberno de Cambados para a Feria dos Oficios que se celebrará os días 23 e 24 de xullo.

Mais de 40 postos de artesanía procedentes de toda Galicia e outras provincias de España ofrecerán toda clase de productos como moda, ilustración, audiovisual, coleccionismo, artículos vintage, arte e mesmo conservas.

Ademáis, non faltarán os xogos populares para nenos e maiores, concertos, obradoiros, títeres e actuacions teatrais.

A nova ubicación da Praza de Fefiñans escollida polo executivo municipal tenta descentralizar as actividades que ata o de agora se viñan celebrando sempre no Paseo da Calzada tras a Festa do Albariño.

Durante a fin de semana de Feira, Fefiñans estará totalmente cortada ao tráfico e tampouco se poderá estacionar.

Todos os datos da Feira dos Oficios nolos contaba o concelleiro de cultura, Víctor Caamaño e o organizador da mostra, Antón Mascato, nunha rolda de prensa que recollemos en AROUSA PONTEVEDRA DIA A DIA

Vilanova comeza os trámites para habilitar un heliporto nunha parcela do parque industrial de Baión.

O grupo de goberno levará ao pleno do vindeiro luns unha moción pola vía de urxencia na que se concreta a oferta ao Sergas no entorno do campo da festa de san Simón, ainda que serán os técnicos os que decidan finalmente que emplazamento se adapta mellor as condicións necesarias.

Explicábao esta mañá o alcalde, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

Cambados abriu á 1 desta tarde a vixeximo quinta edición da Festa da Vieira.

A carpa gastronómica está instalada no Paseo da Calzada, onde, como cada ano, se poderá degustar o molusco a un prezo de 8 euros a ración.

Desta volta, o chef encargado da elaboración dos platos é o lalinense Diego López que propuxo tres recetas diferentes: vieira marinada cun toque de chile e cítricos, asada con bechamel e pan de millo e un falso risotto de patata e polbo.

Ademáis, a Festa da Vieira chega este ano cos showcookings dos famosos cociñeiros Pepe Solla e Kike Piñeiro, que prepararán en directo os platos que se poden degustar ata o domingo en Cambados.

A maiores, 17 establecementos da hostelería de Cambados ofrecen de balde durante a xornada inaugural unha tapa de vieira aos seus clientes.

O concello quixo este ano implicar á hostelería para que puidesen recibir gratuitamente o molusco e servilo sen custe algún como entrante ou tapa.

De todo elo puidemos falar en AROUSA PONTEVEDRA DIA A DIA co patron maior da confraría de Cambados, Ruperto Costa, a alcaldesa Fátima Abal e o secretario xeral da Consellería do Mar, Juan Maneiro, presentes na inauguración da Festa.

Con eles estivo a nosa compañeira Alba Piñeiro.

O salón de plenos de Ravella acollerá durante o mes de agosto a exposición “Ecos de Cortegada”.

Trátase dunha mostra para dar a coñecer a historia e a vida das persoas que viviron na Illa de Cortegada.

A inauguración da mostra será o vindeiro 2 de agosto e está organizada pola asociación “O Faiado da Memoria” en colaboración co Parque Natural das Illas Atlánticas e o concello de Vilagarcía.

A exposición será como un álbum de fotos con 11 paneis de fotografías e información que estarán colgados de andamios por todo o salón de plenos, e ademáis tamén haberá tres videos onde dous netos de familias que vivían en cortegada contarán os seus recordos.

Posteriormente, as pezas poderánse ver en outros escenarios como son as illas pertencentes ao Parque Natural das Illas Atlánticas, a propia Cortegada, Cíes, Ons e Sálvora, ademáis da sede da entidade en Vigo.

En AROUSA PONTEVEDRA DIA A DIA falamos con Antonio Caeiro, da Asociación O Faiado da Memoria, que nos contaba todos os datos da Exposición “Ecos de Cortegada”.

Telmo Martín, presentou esta mañá os 193 avais da súa candidatura á presidencia do Partido Popular de Sanxenxo que se elexirá no V Congreso local a celebrar este domingo 17 de xullo no Pazo Emilia Pardo Bazán.

De sair elexido, o actual portavoz do grupo municipal popular pretende revitalizar o partido e recuperar os máis de 1.000 votos perdidos na última década.

Ilusionado amosábase Telmo Martín no rexistro dos avais conseguidos nun acto realizado na sede do PP local, que recollemos en AROUSA PONTEVEDRA DIA A DIA.