O Colexio de Tremoedo en Vilanova inaugurou esta mañá o Plan Madruga e o Servizo de Comedor escolar nunha xornada de portas abertas.

O novo servizo de comedor é posible grazas á axuda da Comunidade de Montes de Tremoedo, que acondicionou o cuarto onde se van servir as comidas a través dunha empresa de cátering, mentres os nenos serán atendidos por unha persoa que porá o Concello.

Hai opción para 35 prazas, coa posibilidade de facer doble quenda no caso de ser maior a demanda.

De momento xa hai 32 familias interesadas en inscribirse.

Os detalles nolos explicaban para AROUSA PONTEVEDRA DIA A DIA a directora do centro, Covadonga López, a representante da ANPA, Mª José Santos e Adrián Baños en nome da Comunidade de Montes de Tremoedo.

A Deputación aprobou esta mañá o novo convenio das obras de reconversión da Casa de Cultura do Esteiro en Auditorio, que cede ao Concello de Vilanova a contratación e xestión dos traballos.

As previsións do alcalde, Gonzalo Durán, é que o novo auditorio estará prácticamente listo a mediados do ano que ven.

Unhas novas instalacións que estarán adicadas exclusivamente á cultura e o ocio e nas que, ademáis, o goberno local pretende recuperar a tradición polo cine.

Será a través da creación dunha sala de audiovisuais para a proxección de ciclos de películas de forma gratuita.

Explicábao o alcalde Gonzalo Durán nunha rolda de prensa que recollemos en AROUSA PONTEVEDRA DIA A DIA.

A vendima está esta semana a pleno rendemento en todas as adegas.

E foi precisamente a colleita de Pazo Baión, xestionada pola adega Condes de Albarei, a que elexiu esta mañá a Ministra en funcións Ana Pastor como parada electoral no último día de campaña.

Condes de Albarei agarda recoller 100.000 kilos de uva en Pazo Baión, cunha moi boa calidade.

Alberto Barral, responsable de viticultura de Condes de Albarei, nos explicaba para AROUSA PONTEVEDRA DIA A DIA cómo vai a colleita.

O musical regresa ao Auditorio de Vilagarcía. Neste caso co espectáculo O Mundo dos Gatos, baseado na coñecida obra Cats.

A Banda de música de Vilagarcía e un coro formado para a ocasión, xunto coa Asociación cultural Nydia representan esta obra que contará con máis de 120 persoas en escena.

Tratase do primeiro musical no que participa a Banda de Música como parte dunha actuación na que durante as 2 horas de duración, os actores non deixarán de cantar e bailar.

A estrea do espectáculo será a primeira fin de semana de outubro, con dúas funcións, o sábado día 1 ás 21:00 horas e o domingo día 2, ás 19:00 horas.

O custe das entradas é de 10 euros na zona A, 8 euros na zona B e 6 euros na zona C e poderánse adquirir na taquilla do Auditorio de Vilagarcía a partir do vindeiro 28 de setembro.

O Mundo dos Gatos é un proxecto moi ambicioso “no que se quere mostrar o talento local, e poder levalo a outros municipios cercanos”.

Os detalles explicábanos esta mañá a Concelleira de Cultura, Sonia Outón, o director da Banda de Música, Jesús Nogueira, Ricardo García de Nydia e a directora coral Marina Penas, nunha rolda de prensa que recollemos en AROUSA PONTEVEDRA DIA A DIA.

A Consellería do Mar agarda a resposta do sector bateeiro ao plan de modernización de bateas presentado na reunión celebrada no Intecmar cos integrantes da Comisión de Mexillón.

En principio, dende a Plataforma en Defensa da Ría de Arousa se considera que non é unha acción prioritaria se non máis ben unha forma de camuflar a acuicultura extensiva.

O colectivo entende que a Consellería do Mar debería profundizar máis sobre os efectos da marea bermella que sobre este asunto.

Dende a Xunta, a titular do departamento, Rosa Quintana confía en que con este plan o sector poida acceder a arredor de 30 millóns de euros dos fondos europeos.

Unha das novidades do proxecto é que suporía un aumento das dimensións das bateas en case o doble pero mantendo o número máximo de cordas por instalación, e os metros autorizados.

Segundo Rosa Quintana, sumarse a este plan, que de momento é un borrador, permitiría renovar un total estimado de 2.000 bateas

Así o explicaba a Conselleira do Mar Rosa Quintana no seu encontro co sector mexilloeiro nunhas declaracións que recollemos en AROUSA PONTEVEDRA DIA A DIA.

O Sindicato CIG reafírmase no seu apoio ao convenio da conserva, que rubricaou este luns en Madrid xunto con UXT e a oposición de CCOO.

A central nacionalista insiste en que a pesar de que o acordo non é o ideal para o sector, sí é favorable para que as traballadoras manteñan os seus dereitos.

A representante sindical Rosa Abuín explicou esta mañá os argumentos do seu posicionamento a favor do documento, respondendo á negativa de CCOO en temas como antigüidade, o salario e a xornada laboral.

Así o recollemos en AROUSA PONTEVEDRA DIA A DIA.

O Concello de Cambados terá dende hoxe catro novos espazos para aparcar bicicletas.

A concelleira de Medio Ambiente, Maria José Cacabelos supervisou esta mañá os traballos de instalación de estos novos aparcabicis, que se ubicarán no Paseo Marítimo, na parte traseira do concello, en Santa Mariña e en San Tomé, ainda que durante o ano se seguirán instalando máis postos polo municipio.

Con esta medida o concello quere incentivar o uso da bicicleta no centro da vila e reducir tamén os problemas de aparcamento.

En AROUSA PONTEVEDRA DIA A DIA estivemos coa concelleira de Medio Ambiente de Cambados, Maria Jose Cacabelos, cando esta mañá estreaba un dos postos aparcando a súa bicicleta.

O PP de Sanxenxo reprocha ao goberno local a súa xestión durante a época estival.

Segundo o portavoz do grupo municipal do PP, Telmo Martín, “ un verán de ocupación récord quedou empañado polos problemas de seguridade cidadá, a perda de 6 bandeiras azuis e a suciedade.

Telmo Martín denuncia que “nunca as praias estiveran tan descoidadas como este verán, con pasarelas sepultadas pola area, sucidade, ou casetas deterioradas. Sanxenxo está sucio polo pouco interese do tripartito e porque a adxudicataria non cumpre o contrato”

No tema da seguridade, o portavoz municipal manifesta a presencia de 12 policías menos que outros veráns e pelexas e altercados que xeraron queixas de turistas e hostaleiros·.

Para Telmo Martín, esta situación fai que se identifique a Sanxenxo co turismo de borracheira mentres a movida de calidade estase a desprazar a Combarro e outras zonas”.

Por eso, o portavoz popular conclue que “o tripartito fracasou na planificación do seu segundo verán” e recomenda ao goberno local “mais planificación tendo o 15 de xuño tódolos servizos contratados e a pleno rendemento”.

Tamén suxire “aumentar o presuposto para contratar policías, socorristas e persoal de limpeza e actualizar e facer cumprir as ordenanzas para mellorar a seguridade cidadá sobre o consumo de alcohol na rúa e orde público”

Balance de Telmo Martín sobre a xestión do goberno local durante o verán nunha rolda de prensa que recollemos en AROUSA PONTEVEDRA DIA A DIA.

Hoxe púsose en marcha unha nova edición, e van 10, do Obradoiro de Emprego de Hostelría do Salnés, promovido pola Mancomunidade do Salnés e a Xunta de Galicia.

Será a primeira que se realice na nova ubicación de Sanxenxo, tras deixar as instalacións de A Lanzada.

20 desempregados formaránse en cociña e restaurante bar durante 6 meses na primeira pranta de Nauta Sanxenxo.

Este espazo de máis de 500 metros cuadrados supón, segundo destaca a Mancomunidade, unha importante mellora nas instalacións con respecto as anteriores de A Lanzada.

Este ano, 10 alumnos recibirán formación en cociña e outros 10 en atención de restaurante-bar, e durante os 6 meses de onradoiro, percibirán o salario mínimo.

A Xunta inviste 179.000 euros, neste Obradoiro que está considerado como o mellor de Galicia e é o que consigue unha inserción laboral de case o 100%.

Na presentación celebrada esta mañá en Nauta-Sanxenxo, os alumnos recibiron á benvida do Presidente da Mancomunidade, Gonzalo Durán, do Delegado Territorial da Consellería de Emprego, Ignacio Rial, do xerente da Mancomunidade, Ramón Guinarte, e do alcalde de Sanxenxo como Delegado de Turismo na Mancomunidade do Salnés, Gonzalo Pita.

Unha benvida que recollemos en AROUSA PONTEVEDRA DIA A DIA.

O sector marisqueiro visibilizou hoxe a súa oposición ao Real Decreto do Estado que regula e reordena o espacio marítimo-pesqueiro, e que está en trámite de exposición pública.

Confrarías, bateeiros, mariscadores e sindicatos, agrupados pola Plataforma en Defensa da Ría de Arousa, presentaron hoxe ante a Subdelegación do goberno en Pontevedra, as súas alegacións ao texto elaborado polo goberno en funcións.

O sector teme que este novo Real Decreto sirva para introducir a piscicultura masiva e industrial nas costas galegas e deixa á Consellería do Mar sen competencias específicas nesta materia.

Nolo explicaba en AROUSA PONTEVEDRA DIA A DIA Xaquín Rubido, portavoz da Plataforma en Defensa da Ría de Arousa.