A VII Foliada porá a música na rúa en Vilagarcía o vindeiro domingo 23 de outubro.

No evento participarán 250 músicos e terá un menú solidario de 5 euros, cuxa recadación se destinará integramente á Fundación Lar ­Pro Saúde Mental.

A música dos gaiteiros soará dende ás 12 horas ata as 16 horas na rúa Baldosa. En caso de chuvia, o evento aplazarase ao día 6 de novembro.

Así o explicaban os organizadores da iniciativa nunha rolda de prensa que tamén recollemos en AROUSA PONTEVEDRA DIA A DIA.

Vilagarcía fai un novo chamamento á solidariedade. Neste caso a través do humor nunha gala benéfica destinada a recadar fondos para os refuxiados no campo de Katsikas, no noroeste de Grecia.

A iniciativa parte da ONG Aire, integrada por bombeiros dos grupos de rescate, que vai reunir este venres 21 de outubro no Auditorio de Vilagarcía a catro monologuistas e o grupo musical Los Mecánicos.

Actuarán, de forma desinteresada, Oswaldo Digón, David Amor, Pepo Suevos e Tito Rober, coa presentación de Kiko Novoa.

As entradas están a venda de forma anticipada en ticketea, ao prezo de 10 euros, e en taquilla o venres a 12 euros.

Ademáis, tamén se habilitou unha fila cero cunha donación de cinco euros.

A totalidade da recadación irá destinada a axuda inmediata para as 1.500 persoas que permanecen atrapadas no campo de refuxiados, en condicións pésimas e co temor de sobrevivir ao inverno.

Unha situación que explicaba esta mañá na presentación da gala o representante da ONG, Ramón Vidal, acompañado da Concelleira de Cultura, Sonia Outón, nunha rolda de prensa que recollemos en AROUSA PONTEVEDRA DIA A DIA.

Portos de Galicia comezou esta mañá a dragaxe da dársena do peirao de Vilaxoán co fin de conseguir un maior calado para os barcos.

A actuación supón unha inversión de 22.000 euros e realizarase nunh prazo dun mes.

Os áridos retirados, de categoría A, servirán para rexeneración do banco marisqueiro de Canelas, ubicado ao carón do porto.

Nolo contaba en AROUSA PONTEVEDRA DIA A DIA o Presidente de Portos de Galicia, José Juan Durán, que esta mañá se trasladou a Vilaxoán para comprobar o inicio dos traballos.

A Concellería de Cultura de Cambados prepara unha ampla programación cultural para outono e inverno.

O concelleiro que dirixe o departamento, Víctor Caamaño, presentou esta mañá as diferentes actividades pensadas para todo o público.

En Outubro, Ciclo de teatro adulto, os domingos ás 19 horas no Auditorio da Xuventude, combinado coas proxeccións de memoria histórica en Exposalnés os sábados ás 20.30 horas e o mes das bibliotecas con actividades para os máis pequenos tanto na municipal Luis Rei como nas axencias das parroquias

A programación de outubro péchase coa celebración do Samaín e o Magosto no xardín das instalacións da biblioteca Luis Rei.

En novembro, a programación xirará en torno aos actos adicados á figura de Ramón Cabanillas, coa conmemoración o día 9 do 57 cabodano, actividades musicais -festivais de bandas populares e de corais-, e actividades relacionadas co enoturismo-obradoiros de cata, xornadas de augardente e exposicións-.

Xa en decembro, todo estará centrado no Nadal.

Os detalles explicábaos esta mañá o concelleiro de Cultura, Víctor Caamaño, nunha rolda de prensa que seguimos en AROUSA PONTEVEDRA DIA A DIA.

O goberno municipal de Vilagarcía proporá hoxe á comisión de revisión de ordenanzas, integrada por representantes de todos os grupos políticos da Corporación, unha reducción do IBI urbano ao 0,56% e conxelar o resto de taxas municipais.

Ademáis, o goberno vai renunciar definitivamente ao préstamo de 3,15 millóns de euros dos Fondos de Luz Salgada, que se ía redestinar ás obras da segunda fase de reforma da praza de abastos, porque considera inviable o prazo de 7 meses que lle concede a Xunta para rematar a actuación.

Segundo o alcalde, Alberto Varela, a partida procedente de Luz Salgada xa non se necesita ao contar cos fondos europeos.

Son explicacións que ofreceu esta mañá o alcalde Alberto Varela nunha rolda de prensa que recollemos AROUSA PONTEVEDRA DIA A DIA.

A Xunta de Persoal da Área Sanitaria do Salnés pide o cese da Directora de Recursos Humanos tras meses pendentes de resposta sobre asuntos relacionados cos dereitos laborais dos traballadores.

Segundo nos explicaba a presidenta da Xunta de Persoal, Celia Iglesias, están cansos dunha situación que é insostible despois de que a responsable de Recursos Humanos suspendera a reunión convocada para o pasado día 30 por problemas de axenda.

Asimesmo, o persoal fai un chamamento ao novo goberno da Xunta para que teña en conta a situación de falta de diálogo cos traballadores á hora de nomear novos cargos na xerencia.

Nolo contaba Celia Iglesias nunha conversa en AROUSA PONTEVEDRA DIA A DIA.

Vilanova prepara unha nova edición do OctoberFest.

Será a fin de semana do 14 ao 16 deste mes de outubro, no Xardín Umbrío, con degustación de productos alemáns e a actuación de Panorama.

Nolo contaba en AROUSA PONTEVEDRA DIA A DIA o alcalde Gonzalo Durán.

Acaban de rematar as obras de acondicionamento do camiño que une Brugáns con Sameiro, na parroquia de Vilariño.

A actuación foi realizada pola empresa Marconsa por un importe de 36.000 euros, a través do Plan Marco da Xunta.

Con esta obra, o concello pretende tamén facilitar acceso aos propietarios das fincas.

Os detalles explicounos esta mañá o concelleiro de Obras e Servizos, José Ramón Abal, durante a supervisión dos traballos, que recollemos en AROUSA PONTEVEDRA DIA A DIA.

Vilanova pon en marcha un novo curso de manexo de drons.

25 alumnos comezaron xa a aprendizaxe no Pazo de Vista Real, despóis de dúas convocatorias e 14 alumnos que xa encontraron traballo no sector, ainda que de forma esporádica.

Nolo contaba en AROUSA PONTEVEDRA DIA A DIA o responsable da empresa Dronalia, encargada de impartir os cursos.

Vilagarcía, Cambados, Vilanova e A Illa comezan a preparar o proxecto conxunto que presentarán á VI Semana Internacional de Educación Artística da Unesco, que se celebrará o próximo maio.

Esta edición estará adicada á pintora oscense con raices catalanas Lita Cabellut e os colexios e asociacións da comarca que participen realizarán unha estructura con flores, do mesmo xeito que na edición anterior.

Os representantes de Cultura dos concellos implicados preparan xa con moitas ganas o proxecto, coa ledicia dos bos resultados do ano pasado, e animan a que se sumen outros municipios da comarca.

Así o expresaban a directora do proxecto, Cristina Villegas, e os concelleiros Javier Tourís, de Vilanova, Lola Folgar, de A Illa, Sonia Outón de Vilagarcía e Victor Caamaño de Cambados.

Foi nunha rolda de prensa que recollemos en AROUSA PONTEVEDRA DIA A DIA.