A Plataforma Galega do Ensino Público considera insuficiente o anuncio sobre as reválidas realizado esta mañá polo candidato á presidencia do goberno do estado, Mariano Rajoy.

Durante a sesión de investidura, Rajoy anunciou que as probas de Bacharelato e da ESO non terán efectos académicos ata que se pacte unha nova lei de educación.

Sen embargo, para o colectivo é un primeiro paso pero non suficiente mentres non se comprometa a derogación da Lomce.

Nolo contaba en AROUSA PONTEVEDRA DIA A DIA, Marta Ferreiro, representante da Plataforma Galega de Ensino Público.

Cambados pon en marcha a terceira edición do Obradoiro de Batucada Brasileira que este ano contará con 50 prazas.

As clases comezarán a partir do 7 de novembro e serán impartidas por Jorge César Pérez, Profesor Superior de Música na Especialidade de Percusión do Conservatorio Manuel Quiroga de Pontevedra.

A actividade desenvolverase todos os luns de novembro a xuño de 20:00 a 21:30 h. no Salón José Peña.

As inscricións poden facerse dende hoxe na Biblioteca Municipal Luis Rei de Cambados.

Se queren un avance do que se pode aprender neste Obradoiro de Batucada, poden achegarse mañá á celebración do Samaín na mesma biblioteca ás 20 horas.

Así o explicaban esta mañá o Concelleiro de Cultura, Victor Caamaño, e o director da Escola de Batucada, Jorge César Pérez, nunha presentación que recollemos en AROUSA PONTEVEDRA DIA A DIA.

A presidenta da Deputación de Pontevedra, Carmela Silva estivo esta mañá na oficina do ORAL en Cambados dentro da rolda de visitas que está a realizar en todas as oficinas da provincia.

Carmela Silva solicitou a colaboración do concello para habilitar unha nova oficina do ORAL máis amplia e na que se poida dar una atención mellor e máis íntima.

Pola sua parte, a alcaldesa de Cambados, Fátima Abal, confirmou á Presidenta, que o concello tentará ofrecer as suas infraestructuras para trasladar as oficinas de este servizo que atenden aos veciños de Cambados, Ribadumia e Meis.

Durante a visita, Carmela Silva, deu os datos de recadación do ORAL que no ano 2015 recaudou máis de 7 millóns de euros e se prevé que este ano a cantidade sexa maior.

No caso de Cambados a recaudación en 2015 foi de 3'9 millons de euros, e durante o 2016 van 2'2 millóns.

En Meis, no 2015 foron 1'6 millóns de euros, e neste momento van máis de 700.000 euros.

E en Ribadumia, recadaronse 1'5 millóns de euros no 2015, e no que levamos de ano

Unha visita que recollemos en AROUSA PONTEVEDRA DIA A DIA.

O Concello retoma as obras de Conversión da Casa de Cultura do Esteiro en Auditorio, tras recibir xa de forma oficial o Convenio modificado suscrito coa Deputación, que tamén lle fixo entrega das chaves.

Agora Vilanova pasa a facerse cargo da execución do resto da obra, para a que se mantén un importe de 740.000 euros.

A estimación do alcalde, Gonzalo Durán, é que despóis do verán do ano que ven Vilanova poida inaugurar xa o agardado Auditorio.

Así o explicaba esta mañá o rexedor vilanovés durante unha visita para comprobar o estado dos traballos, que recollemos en AROUSA PONTEVEDRA DIA A DIA.

O tripartito de Sanxenxo propón unha baixada do IBI para o ano que ven do 0,48 actual ao 0,46.

O alcalde de Sanxenxo, Gonzalo Pita, e o concelleiro de Economía, David Otero, presentaron esta mañá a súa proposta.

Segundo nos explicaba o responsable de Economía en AROUSA PONTEVEDRA DIA A DIA, a reducción impositiva non pode chegar ao pretendido 0,44 do PP debido ao plan de axuste no que se encontra o Concello de Sanxenxo.

Sen embargo, dende o PP, o concelleiro Marcos Guisasola pensa que hai marxe para rebaixar o IBI ao 0,44, tal como establece o propio informe de Intervención.

O PP levará a pleno a moción neste sentido en voto particular.

Explicábao nunha rolda de prensa que tamén recollemos en AROUSA PONTEVEDRA DÍA A DIA.

A piscina municipal de Cambados será obxecto dunha reforma “espectacular”, segundo o novo plantexamento da Deputación de Pontevedra.

Así o anunciaban esta mañá en Cambados a Presidenta Provincial, Carmela Silva, e a alcaldesa, Fátima Abal, despóis de que o proxecto fora paralizado debido ás ilegalidades detectadas no documento.

Unhas declaracións que recollemos en AROUSA PONTEVEDRA DIA A DIA.

As Instalaciones do Obradoiro de Hostelería da Mancomunidad do Salnés, no porto deportivo Juan Carlos I de Sanxenxo, acolleron esta mañá a presentación da primera edición da feria "Etiqueta negra, gourmet galego e inspiración innovadora" que organiza o Concello de Pontevedra.

Celebrarase do 12 ao 14 de novembro no recinto feiral de Pontevedra e nel colaborará o Obradoiro de Hostelería do Salnés con varias demostracións.

Así se explicaba na presentación celebrada esta mañá en Sanxenxo coa presencia de representantes da Mancomunidade do Salnés e do Concello de Pontevedra.

60 persoas desempregadas da comarca empezan hoxe a formarse no Programa Integrado de Emprego “Emprega Salnés V”, promovido pola Mancomunidade do Salnés.

O acto de apertura tivo lugar esta mañá na nova sede da Mancomunidade en Exposalnés, coa presencia do Presidente da Mancomunidade, Gonzalo Durán,alcaldes da comarca, o xerente da entidade comarcal, Ramón Guinarte, e a coordinadora do curso, Begoña Verísimo.

Todos eles daban a benvida aos alumnos, que mañá comezan as primeiras clases, nun acto que recollemos en AROUSA PONTEVEDRA DIA A DIA.

A Illa de Arousa non terá un novo centro de saúde pero o actual será obxecto dunha ampla reforma.

O Conselleiro de Sanidade en funcións, Jesús Vázquez Almuiña, anunciaba esta mañá nunha visita ao centro médico, que se instalará un ascensor, crearase unha nova entrada e habilitaranse novas zonas de consultas.

As obras poderían comezar a principios do vindeiro ano, segundo as estimacións que realizaba o Conselleiro durante a visita ao centro de saúde, que recollemos en AROUSA PONTEVEDRA DIA A DIA.

O cuatripartito de Cambados baixará o IBI ao 0,55%, conxelará unha gran parte das taxas e propón numerosas bonificacións fiscais para 2017.

O obxectivo do goberno local para o vindeiro ano é investir para a creación dun concello máis xusto socialmente, de maior emprego e con máis oportunidade de negocio, e máis sensible co medio ambiente e coa natalidade.

Por eso, dentro do plan, as bonificacións estarán destinadas a catro grandes áreas: medidas de solidariedade social, politicas ambientais, impulso da actividade económica e fomento do emprego.

A alcaldesa de Cambados, Fátima Abal, e o Concelleiro de Economía e Facenda, Xurxo Charlín presentaron esta mañá os novos beneficios fiscais que o equipo de goberno aprobará no pleno do vindeiro xoves.

O plan de beneficios fiscais estará publicado na web municipal para información dos veciños.

Así o explicaba o Concelleiro de Economía e Facenda nunha rolda de prensa que recollemos en AROUSA PONTEVEDRA DÍA A DIA.