O Clube Deportivo Ribadumia, celebra este sábado o I Torneo de Nadal Biberóns coa colaboración do Concello de Ribadumia.

Neste torneo de nadal os máis cativos serán os protagonistas e participarán 5 equipos da contorna con xogadores de entre 4 e 5 anos.

O campionato terá lugar o vindeiro sábado 31 de decembro de 10 a 14 horas no campo de fútbol "A Senra 2" de Ribadumia.

En AROUSA PONTEVEDRA DIA A DIA recollemos todos os datos que ofreceron o alcalde de Ribadumia, David Otero, e o coordinador dos equipos base do C.D Ribadumia, José Luis Serantes Pombo.

O CIM do Salnés e o Concello de Cambados organizan un curso de defensa personal dirixido ás mulleres, con preferencia as víctimas de violencia de xénero.

Con esta iniciativa preténdese atender ás necesidades de 16 mulleres para que saiban sair de situacións que poden entrañar algún perigo.

O curso, que será de balde, comezará o 9 de xaneiro con 8 sesións que se impartirán de 18 horas a 19.30 horas na Asociación Cultural e Deportiva de Cambados, ubicada na Rúa Nova.

As clases serán impartidas polo policía local Santiago Otero.

A iniciativa foi presentada esta mañá pola alcaldesa, Fátima Abal, e a técnica do CIM, Mónica Novas, xunto co policía local, nunha rolda de prensa que recollemos en AROUSA PONTEVEDRA DIA A DIA.

Novo episodio na Residencia de maiores Valle Inclán de Vilanova.

Segundo as informacións do sindicato CIG, existen novas irregularidades en canto os permisos da empresa que está realizando os servicios e "ocupando" a Residencia Valle Inclán.

Ademáis, a débeda acumulada tras este conflicto laboral ascende aos 17 millóns de euros, 3,5 millóns dende 2013, 8 da débeda anterior e 5 da hipoteca existente sobre o inmoble.

Por todo elo, o sindicato CIG quere tomar medidas e vai a denunciar esta situación ante a Consellería de Política Social e ante o administrador concursal e o xulgado para aclarar todas as cuestións e demandar responsabilidades pola deixadez que éstas administracións están a ter sobre este asunto.

Nolo contaba Xoan Xosé Bouzas Aboi en AROUSA PONTEVEDRA DIA A DIA.

O Concello de Vilanova ven de mellorar unha pista na estrada vella de Corón, que une Villamarín coa zona da embarrada.

Na actuación investíronse 29.000 euros e foi posible gracias á cesión de 250 veciños.

Nolo contaba esta mañá o teniente de alcalde, Javier Tourís.

O tripartito de Sanxenxo fixo esta mañá balance da súa xestión durante este ano que está a piques de rematar.

Un balance que o alcalde, Gonzalo Pita, calificaba de moi positivo. Así o explicaba nunha rolda de prensa que recollemos en AROUSA PONTEVEDRA DIA A DIA.

A reordenación do peirao de O Xufre, na Illa de Arousa, coa creación dos pantaláns de terceira lista, estará finalizada para o mes de xuño.

Así o estima o presidente de Portos de Galicia, José Juan Durán, que esta mañá trasladouse á Illa para asinar o contrato dos traballos coa empresa adxudicataria, Astilleros Amilibia.

A inversión total é de máis de 700.000 euros e as obras de construción poderán iniciarse o vindeiro mes de febreiro, cun prazo de execución previsto de 4 meses.

O proxecto contempla a creación de 308 prazas de amarre para as embarcaciones da tercera lista, incluindo un dique flotante de abrigo.

Una vez finalizada esta actuación, quedará pendiente a dotación de pantalanes para a flota da cuarta lista, un proxecto máis ambicioso e cuxo custe supera amplamente os cuatro millóns de euros.

A licitación para a cuarta lista comezará unha vez que se aproben os orzamentos da Xunta para o vindeiro ano.

Así o explicaba o Presidente de Portos de Galicia, José Juan Durán, no encontro celebrado esta mañá na Illa que recollemos en AROUSA PONTEVEDRA DIA A DIA.

Sorpresa e preocupación no concello de Vilagarcía pola situación na que se encontra a empresa Eptisa, redactora do PXOM.

Segundo as noticias que ten o concello ofrecidas por traballadores da empresa, Eptisa acaba de ser adquirida polo grupo chinés JSTY, e se encontra en pleno proceso de reestructuración coa implantación dun ERE.

Deste xeito, dos cinco traballadores que se encargaban de realizar os proxectos, so permanecerá un, polo que o goberno local non cree que se poidan levar a cabo en condicións.

Esta medida afecta a 17 concellos para os que Eptisa estaba elaborando os seus plans xerais.

O alcalde, Alberto Varela xa puxo en coñecemento esta situación ao resto da corporación municipal e o luns porase en contacto coa empresa chinesa para saber se están dispostos a continuar coa redacción do PXOM, en qué condicións e en qué prazos.

De momento, Alberto Varela quere ser prudente e esperar a resposta do grupo JSTY antes de tomar algunha medida.

As novas chegaban ao concello xusto cando esta mañá se ia manter a reunión cos grupos da oposición para presentarlles a revisión do Plan Xeral de Ordenamento Municipal.

Nese encontro estaba previsto que os redactores de Eptisa presentase o documento no que viñan traballando ao longo do último ano e medio para adaptalo á Lei do Solo e aos requerimentos do goberno local e dos técnicos municipais.

A intención do executivo municipal era iniciar así unha nova fase de traballo, co fin de chegar canto antes á aprobación inicial do documento

Os detalles de todo elo explicábaos esta maña o alcalde nunha rolda de prensa que recollemos en AROUSA PONTEVEDRA DIA A DIA.

A sorte do Nadal tocou esta mañá en Moraña. A administración da Rúa Un vendeu parte do segundo premio da Lotería de Nadal, co número 04536. Polo momento está confirmado que se entregou por terminal un décimo, agraciado con 125.000 euros.

Pero ademáis, un cuarto e dous quintos premios tocaron en Valga, Cambados, e Barro respectivamente

O bar Potel, situado na estrada N-550, á beira da Casa do Concello, repartiu varios décimos do número 59.444, un cuarto premio dotado con 20.000 euros por billete.

Foi expedido en máquina, polo que non se sabe o número exacto de décimos vendidos.

Nolo contaba en AROUSA PONTEVEDRA DIA A DIA o responsable do establecemento

Con anterioridade saía do bombo un quinto premio, o 22259, que tocou en dous lugares de Cambados.

En Castrelo vendeuse un billete en O Noso Bar e o outro foi na Avenida de Galicia de Cambados, no Restaurante Mar de Arousa.

Outro quinto premio, o 60.272, tamén repartía sorte en Barro, nas últimas extraccións dá mañá.

Ademáis, Pontevedra capital tivo outra recompensa co número 19.152, tamén quinto premio, que foi vendido na Administración de Loureiro Crespo.

Os catro están premiados con 6.000 euros por décimo.

O premio gordo recaeu non número 66513 e tocou integramente en Madrid.

O Concello de Cambados comeza os contactos coas diferentes administracións na elaboración do programa de actividades da Cidade Europea do Viño 2017.

O primeiro encontro foi coa secretaria de Estado de Turismo, Matilde Asián, de cara a presencia de Cambados en Fitur o próximo xaneiro.

Neste sentido, quedou aberta a posibilidade de que a vila do albariño tivera un lugar preferente na presentación de España o día da apertura da Feira Internacional de Turismo.

Asimesmo, o goberno local empeza xa a concretar as actividades que se desenvolverán durante o ano que ven dentro da programación como Cidade Europea do Viño.

Un dos primeiros proxectos é posta en marcha dun “Enobús” que realizaría unha ruta turística entre as adegas de Cambados durante os meses de xullo e agosto.

O Concelleiro de Enoturismo, José Ramón Abal, reuniuse esta mañá con representantes das adegas para plantexarlles esta iniciativa.

Así nolo contaba o edil para AROUSA PONTEVEDRA DÍA A DIA momentos antes do encontro.

A loita contra a AME segue sumando adhesións.

Trala solidaridade amosada está pasada fin de semana na exhibición de taekwondo en Ribadumia, agora recibe o apoio da Discoteca Zao, que celebrará unha gala co fin de recadar fondos para a investigación da Atrofia Muscular Espiñal.

A Gala Solidaria de GaliciaAME na coñecida Discoteca Zao de Cambados será este venres 23 de decembro e durante toda a tarde haberá actividades para os máis pequenos, monólogos, e actuacións músicais que se alongarán ata a madrugada.

Para participar no evento habrá que realizar un donativo que se destinará íntegramente para a búsqueda dunha cura ou medicamento que axude a paliar a dor que conleva o AME.

A iniciativa foi presentada esta mañá en Cambados coa presencia do o concelleiro de servizos Sociais, Tino Cordal, representantes da Discoteca Zao e dos grupos colaboradores do evento, e a presidenta de GaliciaAME, Merchi Álvarez, nunha rolda de prensa que recollemos en AROUSA PONTEVEDRA DIA A DIA.