Cambados porá en marcha o Enobús durante os meses de xullo e agosto coa participación dunhas 9 adegas do municipio e da comarca.

Trátase dunha ruta turística que forma parte das máis de 80 actividades integradas no programa de Cambados Cidade Europea do Viño.

Por un prezo de 10 euros, os usuarios do Enobús poderán visitar unha adega coa cata de dous viños e participar noutras actividades organizadas en función do día: visita ao Museo do Viño ou á Fundación Manolo Paz e unha experiencia Guimatur.

As explicacións ofrecíaas esta mañá o concelleiro de Enoturismo, Xosé Ramón Abal, na presentación do Enobús, acompañado das adegas participantes, que recollemos en AROUSA PONTEVEDRA DIA A DIA.

A policía local de Vilanova pon en marcha a habitual campaña de seguridade vial entre os colexios do municipio.

Pero desta volta, a novidade é que se quere conseguir a “xeración 0,0 accidentes, 0 víctimas”, nunha iniciativa na que este ano tamén colabora un coñecido supermercado local con 1.000 chapas que se distribuirán entre os máis de 800 alumnos de Infantil e Primaria para visibilizar a iniciativa.

Os detalles explicábaos esta mañá o cabo da Policía Local José Luis Maquieira nunha rolda de prensa que recollemos en AROUSA PONTEVEDRA DIA A DIA.

O vial que une Baión co acceso ao Hospital do Salnés segue pechado ao tráfico a consecuencia do desprendemento dunha rocha de grandes dimensións hai varios meses.

Pero, segundo afirma o alcalde de Vilanova, os veciños apartaron as vallas que pechan o acceso e utilizan o vial pese a estar prohibido o paso.

Por eso, Gonzalo Durán contactará o vindeiro luns coa nova subdelegada do goberno, Ana Ortíz, na busca dunha rápida solución nunha estrada que se enmarca no termo municipal de Vilagarcía.

Explicábao nunha rolda de prensa que recollemos en AROUSA PONTEVEDRA DIA A DIA.

A aparición dun socavón de grandes dimensións na Avenida de As Sinas provocou esta mañá a preocupación no goberno local.

O alcalde, Gonzalo Durán, reclama a intervención urxente da Deputación, titular do vial, para solventar a situación que, entende o alcalde, podería ter graves consecuencias.

O burato está xa sinalizado dende esta mañá para evitar posibles accidentes, segundo as explicacións de Gonzalo Durán, que recollemos en AROUSA PONTEVEDRA DIA A DIA.

O concello de Cambados agarda conseguir un aforro enerxetico de máis 100.000 euros en 2019.

O Goberno local puxo en marcha un sistema de xestión de consumos enerxéticos para reducir o gasto eléctrico no municipio.

As medidas que se levaron a cabo foi revisar as 2100 facturas que recibe o concello cada ano, ademáis de outras correcións nas instalacións municipais ou o cambio de luminarias.

Deste xeito, o concello logrou reducir o custe de enerxía eléctrica no último ano, o que supuxo un aforro de 80.000 euros con respecto a 2015.

Neste sentido, o concelleiro Ramón Abal, presentou está maña o plan de inversións previsto para os anos 2017-2019, que consistirán na sustitución do alumeado público coa instalación de bombillas LED nos 395 puntos de luz da Avenida de Castrelo, Avenida de Vilagarcía e Avenida de Vilariño, o que suporá unha inversión de 100.000 euros e un aforro anual de 26.500 euros.

Con estes cambios, a previsión de José Ramón Abal é que no 2019 o gasto anual na factura eléctrica sexa de 354.000 euros, 130.000 euros menos que no 2015.

Ademáis, próximamente tamén se tomarán medidas para reducir o consumo de gas natural.

Portos de Galicia pon en marcha un servizo de limpeza e transportes de resíduos dos portos da provincia de Pontevedra, dende Pontecesures a Tui.

O servizo foi contratado á empresa Misturas Obras e Proxectos por un período de tres anos cun orzamento de 1,4 millón de euros e permitirá atender ás 43 instalacións portuarias da zona sur de Galicia.

A flota de limpeza está integrada por 16 operarios, 8 vehículos e 1 embarcación, tal como explicaba esta mañá o Presidente de Portos de Galicia, José Juan Durán no acto de presentación dos equipos no porto de Vilanova e que recollemos en AROUSA PONTEVEDRA DIA A DIA.

A Diputación da por finalizada con resultados moi satisfactorios a excavación arqueológica do campo de A Lanzada.

A presidenta da Diputación, Carmela Silva, acompañada polo deputado provincial de Turismo, Santos Héctor, e o alcalde de Sanxenxo, Gonzalo Pita, fixeron esta mañá balance das principais conclusións dos traballos realizados dende xullo do ano pasado.

As excavacións permitiron triplicar a zona visitable ata chegar aos 1.800 metros e desvelan a importancia das relacións comerciais que se establecían dende este punto da provincia.

Así o resaltaban a presidenta provincial e o arqueólogo director dos traballos na rolda de prensa celebrada na Casa Forestal de Noalla, que recollemos en AROUSA PONTEVEDRA DIA A DIA.

O PP de Sanxenxo cuestiona unha vez maís a capacidade de xestión do executivo tripartito municipal.

O portavoz do grupo popular, Telmo Martín, destacaba esta mañá as obras incluidas no pacto de goberno que, asegura, están pendentes de execución despóis de vinte meses de lexislatura.

Facíao nunha rolda de prensa que recollemos en AROUSA PONTEVEDRA DIA A DIA.

As aventuras de Os Bolechas chegan tamén a Sanxenxo a través dunha guía educativa que a Concellería de Educación distribuirá entre os centros educativos para a aprendizaxe dos alumnos de 3º e 4º de primaria.

Os detalles contábaos esta mañá a concelleira de Cultura, Sandra Fernández Agraso, na presentación do libro “Os Bolechas van a Sanxenxo”, acompañada do deputado provincial de Cultura, Xosé Leal, que recollemos en AROUSA PONTEVEDRA DIA A DIA.

A nova cuberta do CEIP de Baión, en Vilanova, resistiu perfectamente os efectos dos pasados temporais.

O delegado territorial da Xunta en Pontevedra, Cores Tourís, o alcalde Gonzalo Durán, e o xefe territorial de Educación, Cesar Pérez Ares, comprobaron esta mañá o estado do tellado, sustituido o pasado curso pola Consellería de Educación cun orzamento de 60.000 euros.

Foi nun acto que Educación quiso facer coincidir coa celebración dos 27 anos do colexio e que recollemos en AROUSA PONTEVEDRA DIA A DIA.