Nova folga do ensino contra a Lomce en todos os niveis educativos de Galicia, convocada pola Plataforma Galega en Defensa do Ensino Público para o día 9 de marzo.

O colectivo sigue reclamando a total derogación da lei e convoca concentracións simultáneas no mesmo día nas principais cidades de Galicia ás 12 do mediodía.

En Vilagarcía será na Praza de Galicia.

Nolo contaba en AROUSA PONTEVEDRA DIA A DIA Marta Ferreiro, voceira da Plataforma no Salnés.

A lonxa da Illa de Arousa conta xa cunha zona de estabulación para o marisco capturado que non sae a subasta no mesmo día.

A área está ubicada nunha nave anexa creada a través das obras de ampliación realizadas pola Consellería do mar cun investimento de 374.000 euros.

Ademáis, a actuación tamén incluiu a construcción dun vestiario, unha sala de lavado de neoprenos e un pequeno almacén.

Tamén se dispuxo un novo posto de voz e datos e un sistema de panel de poxa en pantalla Led.

Agora, o obxectivo da confraría é ubicar na zona ampliada 10 contedores de conservación de crustáceos e cefalópodos.

Para elo necesitan un equipamento que tamén solicitaron xa á Consellería do Mar.

Os detalles explicábaos esta mañá a Conselleira do Mar, Rosa Quintana, e o patrón maior da Confraría de A Illa, Juan José Rial, durante unha visita ás obras de ampliación realizadas e que recollemos en AROUSA PONTEVEDRA DIA A DIA.

Os Muiños de Currás, en Vilanova, están xa rehabilitados.

Os traballos realizados polos vinte alumnos do obradoiro de emprego de Vilanova conseguiron a recuperación patrimonial dos tres muiños ubicados na ensenada de O Esteiro, facendo realidade unha histórica reivindicación de Vilanova.

O alcalde, Gonzalo Durán, amosaba esta mañá a súa satisfacción durante a visita realizada esta mañá polo delegado territorial da Xunta en Pontevedra, José Manuel Cores Tourís, que recollemos en AROUSA PONTEVEDRA DIA A DIA.

Estrella Galicia pon en funcionamento o seu novo centro loxístico do polígono de Barro.

50 persoas traballan dende hoxe nunhas modernas instalacións que permitirán dar un servizo máis axil a 3.500 clientes do norte da provincia de Pontevedra.

Así o explicaba Antonio Viejo, director da corporación Hijos de Rivera, durante unha visita realizada esta mañá ao novo centro loxístico, na que estivo presente a presidenta da Deputación, Carmela Silva e o alcalde e o tenente de alcalde de Barro, Xosé Manuel Fernández Abraldes e José Sanmartín, xunto con outros representantes da empresa.

Un acto de estrea que recollemos en AROUSA PONTEVEDRA DÍA A DÍA.

A apertura do centro de día de Cambados é unha das aspiracións do goberno municipal.

O Concello xa aprobou en xunta de goberno a proposta de colaboración da Consellería de Benestar para a financiación do equipamiento e mobiliario e xa a remitiu á administración autonómica.

O executivo municipal valora negativamente que a aportación da Xunta sexa finalmente 5.000 euros menos dos previstos, ainda que non quere que ese sexa o motivo que retrase a posta en marcha do centro.

En todo caso, o grupo parlamentario socialista presentou tamen unha iniciativa ao respecto na cámara galega.

Para saber máis cousas sobre este tema falamos en AROUSA PONTEVEDRA DIA A DIA coa alcaldesa de Cambados, Fátima Abal.

Os alumnos de ensino infantil e primaria de Vilagarcía recibirán o conto "Papá Bolechas doa sangue" e informacion vencellada coas doazóns a través do programa “Mensaxeiros Solidarios”, que pon en marcha a Axencia de Doazón de Organos e Sangue.

A directora da Axencia, Marisa López, e o concelleiro de Educacion de Vilagarcía, Argimiro Serén, presentaron esta mañá a iniciativa, que se desenvolverá entre os estudantes de oito de centros educativos.

O programa 'Mensaxeiros Solidarios' desenvolvese dende hai anos en distintos colexios e municipios.

Neste caso, un total de 744 nenos e nenas de centros de ensino infantil e primaria recibirán o conto 'Papá Bolechas doa sangue', xunto cunha tarxeta de informacion básica sobre a doazón.

Asi mesmo, Marisa López quixo facer un chamamento apelando ao carácter solidaria dos veciños e veciñas de Vilagarcia e lembrou que unha unidade móbil de ADOS visitará a Rúa Castelao o xoves 9 e o venres 10 de marzo, das 10:00 ás 14:00 e das 16:00 ás 21:00, e o sábado 11 de 10:00 a 15:00.

Os detalles recollémolos en AROUSA PONTEVEDRA DIA A DIA.

O grupo parlamentario socialista presenta na Cámara galega varias iniciativas sobre cal será finalmente a colaboración da Xunta coa programación de Cambados Cidade Europea do Viño.

I e que, segundo a alcaldesa, Fátima Abal, máis alo de boas palabras todavía non se concretou nada ao respecto, “Nin economicamente, nin en loxística, nin en apoio institucional”.

Dende a Xunta, o delegado da Xunta Cores Tourís firma que non hai “atranco” por parte da administración autonómica e apunta que a maior parte das actividades previstas son as de todos os anos.

Pero, eso sí, asegura descoñecer se finalmente haberá algunha axuda económica concreta da Xunta.

De todo elo falamos hoxe en AROUSA PONTEVEDRA DIA A DIA coa alcaldesa de Cambados, Fátima Abal.

O alcalde de Vilagarcía, Alberto Varela, valorou esta mañá en rolda de prensa o acontecido no pleno da pasada tarde no que se aprobaron os orzamentos municipais grazas aos votos do edil díscolo de Esquerda Unida e do BNG.

Na súa opinión, Somos debería ter enviado antes as súas propostas e non agardar ao último momento e o PP perde o tempo insultando ao goberno e o alcalde con declaracións “incoherentes”.

Ademáis, Varela xustificou o posicionamento do concelleiro díscolos de Esquerda Unida, alegando que é a primeira vez dende o ano 2003 que un membro desta formación vota a favor dos orzamentos municipais.

En canto ao BNG, o alcalde confirmou que tiñan propostas comúns e por eso non houbo problemas de negociacións.

En todo caso, cara os orzamentos do vindeiro ano, tende á manda a todos os partidos de esquerdas e convídaos a empezar a traballar xa e presentar as propostas co tempo suficiente de chegar a acordos.

Así o explicaba Alberto Varela nunha rolda de prensa que recollemos en AROUSA PONTEVEDRA DIA A DIA.

O grupo de goberno conseguiu sacar adiante o orzamento municipal para este ano que ascende a 27 millones de euros, un 2,62% máis que o ano pasado.

Finalmente, foi posible grazas os apoios do edil díscolo de Esquerda Unida, Miguel Alves, e do BNG ,tras incluir no Orzamento boa parte das súas respectivas propostas.

Os orzamentos aprobáronse nun tenso debate no que Alves, case fora do partido, volveu romper a disciplina de voto e con acusacións de transfuguismo por parte do PP tanto cara o concelleiro de Esquerda Unida como cara o alcalde.

O Concello de Vilanova segue promovendo iniciativas para conseguir a ocupación dos dous polígonos do municipio.

Por un lado, o próximo pleno aprobará a exención dos impostos municipais durante tres anos para as empresas que se instalen nos parques empresariais de Baión e Tremoedo.

E por outro, o Concello xa solicitou ao Conselleiro de Industria dúas medidas: a posibilidade de que as parcelas se poidan alugar con opción a compra e a creación dun viveiro industrial no polígono de Baión para emprendedores do sector da conserva.

Ademáis, o goberno local aproveitou a presencia do Conselleiro de Industria en Vilanova, nun encontro informativo con empresarios, para perdille tamén a creación dun obradoiro de formación de novas tecnoloxías, no que de momento, non hai experiencia formativa nin docente.

Así o explicaban esta mañá o tenente de alcalde, Javier Tourís, e o alcalde Gonzalo Durán, nunha rolda de prensa que recollemos en AROUSA PONTEVEDRA DIA A DIA.

O Concello de Cambados quere ampliar o equipamento do viveiro industrial de Sete Pías, que ten en aluguer 4 naves para que novos empresarios desenvolvan a súa actividade durante dous anos.

O goberno local pretende instalar unha ludoteca na planta baixa para que empresarios e clientes que acudan ao polígono poidan deixar aos seus nenos con tranquilidade e conciliar vida laboral con familiar.

Ademáis, o executivo municipal fai unha chamada á Xunta para que as condicións de alugamento das naves sexan máis flexibles e faciliten a ocupación das instalacións.

Así o explicaba o concelleiro de Promoción Económica, Xurxo Charlín, durante a visita realizada polo delegado territorial da Xunta en Pontevedra, Cores Tourís, que recollemos en AROUSA PONTEVEDRA DIA A DIA.