A Praza de Ravella acolle ata o 19 de xullo a exposición que conmemora os 20 anos do Fondo Galego de Cooperación.

A mostra, composta de 8 cubos de catro paneis cada un, relata a evolución deste fondo de solidariedade, no que participa o Concello de Vilagarcía.

Así o expresaba esta mañá o alcalde, Alberto Varela, na inauguración da exposición que recollemos en AROUSA PONTEVEDRA DIA A DIA.

Entendemento e acordo entre o goberno de Vilagarcía e o patrón maior de Carril para que a Festa da Ameixa se celebre finalmente a fin de semana do 19 e 20 de agosto, coincidindo co festival de As Revenidas e o Combate Naval.

O executivo municipal e o tamén presidente dos parquistas, José Luis Villanueva, reuníronse esta mañá para abordar os requisitos que o concello considera imprescindibles para que o evento gastronómico se celebre nesa data.

Son concretamente, que os organizadores elaboren un plan de autoprotección e que asuman os medios para cubrir a seguridade e limpeza nas áreas ás que non poidan chegar os equipos municipais por acumulación de tarefas.

O patrón maior da confraría asegurou estar disposto a elaborar o plan de seguridade e o goberno local tamén amosaba a disposicion do Concello a colaborar.

Agora, unha vez que os técnicos municipais avalien o documento que presenten os organizadores, a festa da ameixa na súa edición máis polémica terá lugar a fin de semana do 19 e o 20 de agosto.

Así o expresaban o patrón carrilexo, José Luis Villanueva, e a portavoz municipal, Tania García, ao remate da reunión nunhas declaracións que recollemos en AROUSA PONTEVEDRA DIA A DIA.

Unha vintena de xóvenes de diferentes puntos de España e Europa participan dende o 2 de xullo no campamento de traballo promovido pola Xunta de Galicia en Vilanova.

Unha iniciativa que mistura actividades deportivas e de contacto coa natureza con traballos de rehabilitación e limpeza en diversas zonas do municipio, como a senda da costa do Terrón-Patiñas e o Mirador de Lobeira.

Os participantes recibiron esta mañá a visita da directora xeral de Xuventude e Voluntariado da Xunta, Cecilia Vázquez, acompañada do alcalde de Vilanova, Gonzalo Durán, e o director do campo de traballo Xabi López.

Todos eles expresaban a satisfacción polo traballo realizado neste campamento, tal como recollemos en AROUSA PONTEVEDRA DIA A DIA.

O Concello de Vilagarcía está disposto a que a Festa da Ameixa se celebre finalmente o 20 de agosto, a data marcada dende un principio como innegociable pola Confraría de Carril, organizadora do evento.

Eso sí, para elo o pósito debe elaborar un plan de autoproteccion especial no que se detallen os medios necesarios e asuman os que non pode cubrir o Concello.

Sen embargo, o alcalde Alberto Varela advirte que esta situación será o último ano que se produza e con ese fin o goberno local falará previamente cos organizadores dos eventos coincidentes en datas requeríndolles maior flexibilidade no caso de necesitar medios municipais.

En definitiva, a celebración da Festa da Ameixa está garantida para o 20 de agosto despois de que o executivo municipal abordara de novo coa policía local e os equipos de emerxencias unha fórmula alternativa que ofrecer aos organizadores.

Ademáis, Alberto Varela responde á misiva da Dirección Xeral de Turismo da Xunta na que se lle advetía de retirar a condición de Interés Turístico se a Ameixa non se chegara a celebrar.

Para o alcalde, todas as festas do municipio teñen igual interés e non hai festas de primeira e de segunda.

Así o explicaba nunha rolda de prensa que recollemos en AROUSA PONTEVEDRA DIA A DIA.

A Xunta promoverá un Plan EStratéxico da Conserva nunha “aposta pola modernización desta industria que perfilará as perspectivas do sector cara o futuro”.

Un proxecto que se presentará nos vindeiros días e que avanzaba xa esta mañá o presidente da Xunta, Núñez Feijoo, durante a súa visita á conserveira La Brújula, ubicada no polígono de Ribadumia.

Foi un acto institucional no que tamén estiveron presentes a Conselleira do Mar, Rosa Quintana, e o alcalde de Ribadumia, David Castro, e que recollemos en AROUSA PONTEVEDRA DIA A DIA.

Cambados reforzará a seguridade durante a Festa do Albariño deste ano.

Debido a alerta nivel 4 por atentado yihadista, o Concello instalará barreiras de formigón en distintos puntos do entorno de Fefiñáns e Paseo da Calzada para impedir o tránsito de vehículos pesados.

Así se establece no plan de seguridade que se abordou esta mañá na primeira reunión da xunta local de seguridade constituida a tal efecto e presidida pola subdelegada do goberno en Pontevedra, Ana Ortíz, e a alcaldesa de Cambados, Fátima Abal.

A maiores, o concello contará con incremento policial con axentes das policías locais de Vigo, Porriño, Nigrán e Tui.

Nolo contaba a rexedora de Cambados ao finalizar a xunta local de seguridade nunhas declaracións que recollemos en AROUSA PONTEVEDRA DIA A DIA.

Cambados acolle este sábado o Encontro de Embarcacións Clásicas e Tradicionais con motivo da celebración do centenario da Confraría San Antonio.

A xornada comezará ás 11:30 horas coa arribada das máis de 60 embarcacións participantes na praia de San Tomé, onde se realizará o izado de velas conmemorativo polo centenario.

Durante a mañá tamén haberá un concurso de debuxo sobre o mar para nenos, a primeira Ruta a Pé e o Xantar para tripulacións no Salón Peña.

Xa pola tarde, ás 17 horas sairá a II Regata do Salnés e o VIII Memorial Tito Silva, que realizarán un percorrido por beiramar dende a Torre de San Sadurniño ata o porto de Tragove.

Posteriormente haberá unha segunda Ruta a Pé e a entrega de trofeos aos participantes, poñendo fin a esta xornada náutica co concerto Cambados Live Festival.

Son datos que explicaban está mañá en rolda de prensa o concelleiro de cultura, Víctor Caamaño e un dos representantes da Asociación de Vela Tradicional de Cambados, Fernando Pombo e que recollemos en AROUSA PONTEVEDRA DIA A DIA.

O Concello de Cambados ten preparado para este verán un denso e amplo programa cultural que se prolongará dende xullo a setembro con actividades todos os días.

Veciños e visitantes poderán gozar de numerosas inciativas deportivas, cine na rúa, obradoiros de diferente índole, ludotecas, exposicións, concertos e festas populares.

Ademáis, sen esquencer a Festa do Albariño, que contará cunha programación propia, e a Festa da Vieira que este ano será especial con motivo do centenario da confraría, organizadora do evento gastronómico.

Os detalles explicábaos esta mañá o Concelleiro de Cultura, Victor Caamaño, nunha rolda de prensa que recollemos en AROUSA PONTEVEDRA DIA A DIA.

Os pantaláns de terceira lista que se están construindo no peirao de O Xufre estarán rematados en setembro.

Son as estimacións da conselleira do Mar, Rosa Quintana, que hoxe trasladouse á zona para supervisar o avance dos traballos, acompañada do presidente de Portos de Galicia, José Juan Durán.

A actuación conta cun orzamento de 700.000 euros e darán servizo a 308 embarcacións pesqueiras, atendendo á demanda actual de prazas e reservando prazas dispoñibles para cubrir as necesidades futuras.

Segundo Rosa Quintana, “con esta obra e coa futura construción dos pantaláns mexilloeiros prevese que a Consellería do Mar supere os 10 millóns de euros de inversión na mellora das infraestruturas deste peirao, unha aposta iniciada no ano 2009 coa ampliación do porto e continuada coa dotación de abrigo”.

A maiores, a Xunta seguirá avanzando na mellora deste porto coa licitación nas vindeiras semanas das obras de construción de pantaláns para a 4ª lista (embarcacións mexilloeiras) que suporán arredor de 126 prazas de amarre para barcos bateeiros con esloras de entre 14 e 22 metros.

Esta futura obra e a dos pantaláns pesqueiros que se está executando suporán un investimento global de preto de 5,5 millóns de euros.

Ao marxe deste asunto, Quintana apelou á conciencia cidadá para rematar co furtivismo por parte de turistas e usuarios das praias, cada vez máis prolífico.

Declaracións dunha visita que recollemos en AROUSA PONTEVEDRA DIA A DIA

Cambados pon en marcha un campamento tecnolóxico para nenos e nenas de entre 8 e 15 anos durante os meses de xullo e agosto.

Será no edificio da Mercé e o custe da matrícula é de 55 euros para os empadroados en Cambados e 65 para o resto.

Unha actividade pensada dende a Concellería de Cultura de Cambados como unha opción diferente e alternativa aos hábitos de verán.

Durante dous meses, todos os días de 9.30 a 13.30 os rapaces poderán aprender o manexo de drons e robots, impresoras 3D, creación de videoxogos, crear un spinner e mesmo elaborar una miniatura de si mesmos.

As inscripcións poden realizarse a través dos teléfonos da empresa Telocrea, organizadora da actividade.

Así o explicaba o concelleiro de Cultura, Victor Caamaño, e o organizador da iniciativa, Manuel Fraga, nunha presentaicón que recollemos en AROUSA PONTEVEDRA DIA A DIA.