No mes de agosto soarán en Cambados os “Seráns de Troula”, unha proposta cultural e musical, como forma de ocio alternativo para os xóvenes.

Na proposta estival haberá actuacións de grupos galegos de diferentes estilos como o rock, o country e o reggae.

Os concertos serán todas as noites dos venres do mes de agosto, despóis do Albariño, na Praza de Alfredo Brañas e na Rúa Real dende as 21:30 horas.

Os Seráns de Troula foron presentados está mañá polo concelleiro de cultura, Víctor Caamaño, o de Xuventude, Miguel Pérez Osorio e a organizadora, Cristina Padín, nunha rolda de prensa que recollemos en AROUSA PONTEVEDRA DÍA A DÍA.

O Concello de Cambados crea un grupo de apoio para mulleres víctimas da violencia de xénero como espazo para compartir a superación de maltratos e que sirva ao tempo como rede solidaria de axuda entre elas.

O programa desenvolverase entre xullo e setembro no centro social da Merced ao longo de doce xornadas con temática variada que lles axuden a sair adiante nunha nova vida.

Unhas 15 mulleres do municipio participarán nesta iniciativa na que abordarán temas como o dó pola perda da relación, os tipos de violencia, dereitos sexuais, estratexias de sobrevivencia ou administración de recursos económicos.

As xornadas estarán coordinadas pola psicóloga xurídica Mónica Novas, tamén técnica do CIM do Salnés.

A iniciativa está financiada pola Consellería de Igualdade da Xunta cun importe de 3.000 euros.

Os detalles coñecémolos esta mañá na presentación do programa por parte da alcaldesa Fátima Abal e a coordinadora do mesmo Mónica Novas, nunha rolda de prensa que recollemos en AROUSA PONTEVEDRA DIA A DIA.

Vilagarcía quere rematar coa presencia das cabichas en rúas e praias e para tal fin a Concellería de Medio Ambiente e Zona Aberta poñen en marcha unha campaña que evite que tanto cabichas como chicles acaben manchando a imaxe da cidade.

A iniciativa, promovida dende a asociación de comerciantes, distribuirá 5.000 conos-cabicheiros de plástico con tapa que veciños e visitantes poden recoller nun punto habilitado da Praza de Galicia e tamén nos postos de socorro.

Así o explicaban esta mañá a presidenta de Zona Aberta, Rocío Louzán, e o Concelleiro de Medio Ambiente e Limpeza, Lino Mouriño, durante a presentación desta campaña que recollemos en AROUSA PONTEVEDRA DÍA A DIA.

Os petroglifos dos Ballotes, ubicados en Bamio, estrean nova imaxe, tralos traballos de restauración promovidos polo Concello de Vilagarcía e a Deputación de Pontevedra.

As actuacións consistiron, sobre todo, na limpeza das pezas prehistóricas e na adecuación do entorno coa sinalización informativa do xacemento.

Uns traballos que, segundo o director do proxecto de restauración, deberían seguir ampliándose con excavacións máis en profundidade para conseguir atopar novos grabados pétreos.

As actuacións foron supervisadas esta mañá polo alcalde, Alberto Varela, acompañado da concelleira de Urbanismo, Paola María, e polo director do proxecto de restauración, que nos explican en AROUSA PONTEVEDRA DIA A DIA en qué consistiron os traballos.

A Consellería de Infraestructuras avanza no Plan de Sendas entre A Lanzada e Portonovo na PO 308.

O primeiro tramo, entre A Lanzada e Soutullo, está xa en servizo para veciños que veraneantes e os traballos xa comezaron no segundo tramo ata Major, que se agarda quede listo para o vindeiro ano.

En canto ao último treito, que remata en Portonovo, en breve comezará xa a licitación das obras.

Os detalles explicábaos esta mañá a Conselleira de Infraestructuras, Ethel Vázquez, durante unha visita ás obras rematadas que recollemos en AROUSA PONTEVEDRA DIA A DIA.

O Concello de Vilanova porá en marcha en outubro o primeiro Obradoiro Tecnolóxico de Galicia.

A administración municipal acaba de recibir por parte da Xunta de Galicia a concesión do curso formativo, que se desenvolverá en Vista Real cunha duración de 9 meses.

Así o explicaba o alcalde de Vilanova, Gonzalo Durán, nunhas declaracións que recollemos en AROUSA PONTEVEDRA DIA A DIA.

O goberno local de Cambados todavía non decidiu se convidará ou non ao presidente da Xunta, Alberto Núñez Feijoo, ao Xantar do Albariño.

A que sí está clara é a postura do BNG, que propuso aos seus socios que Núñez Feijoo non sexa convidado ao considerar que a Xunta actuou con “desprezo e sectarismo” na celebración de Cambados como Cidade Europea do Viño.

O tema foi tratado trala Xunta de Goberno local e os catro grupos acordaron volver a abordalo mañá nunha reunión na que se decidirán os convidados ao Xantar.

Así o explicaba esta mañá o concelleiro nacionalista Victor Caamaño, nunhas declaracións que recollemos en AROUSA PONTEVEDRA DIA A DIA.

Cambados ten en marcha o primeiro curso de Vela Tradicional coa participación de 40 nenos e nenas en quendas de mañá e tarde.

Os detalles nolos contan o concelleiro de Cultura, Victor Caamaño, e un dos monitores do curso Fernando Pombo, nunhas declaracións que recollemos en AROUSA PONTEVEDRA DIA A DIA.

O Concello de Vilagarcía e a Consellería de Infraestructuras da Xunta estudan a posibilidade de crear unha conexión peonil entre Bamio e Carril, ben mediante beirarrúas ou mediante o Plan de Sendas de Galicia.

Unha demanda histórica que tanto o Concello como a Xunta ven posibilidades de cumplila.

Así o explicaban esta mañá o delegado territorial da Xunta en Pontevedra, Cores Tourís, e o concelleiro de Obras, Lino Mouriño, durante a supervisión das obras de mellora do firme da estrada PO-548 entre Bamio e Pontecesures, que recollemos en AROUSA PONTEVEDRA DIA A DIA.

A empresa adxudicataria, Covsa, iniciou hoxe os traballos entre a recta de Bamio e o Centro Nacional de Formación Marítima do ISM e a previsión é que este tramo estea rematado no mes de agosto e a actuación completa en setembro.

A Festa do Albariño incorpora este ano no apartado musical un evento novidoso: un concerto da Orquestra de Jazz de Galicia creado especialmente para a ocasión, “con música de raiz, para mostrar a cultura e o arte de Galicia”.

30 músicos da Orquestra de Jazz estarán acompañados por seis artistas convidados: Santiago Auserón, Nastasia Zurcher, Woyza, Carmén París, Josemi Carmona e Lilaina.

Será o 2 de agosto ás 22.30 horas na Praza de Fefiñáns nunha actuación que dende o Concello agardan non deixe indiferente a ninguén.

Así o expresaban o concelleiro de Cultura, Victor Caamaño, e o director da Orquestra de Jazz de Galicia, Pablo Lamas, na presentación do Concerto que recollemos en AROUSA PONTEVEDRA DIA A DIA.