Vilaxoan celebra a noite de San Xoán a segunda edición da festa do "Nacemento da Sardiña", que despóis se enterrará no Entroido.

Unha figura do peixe, deseñada polo artista local Guillermo Pedrosa, desembarcará na praia do Preguntoiro en torno as 22 horas, acompañada doutras embarcaciones que queiran sumarse á travesía, para despóis proceder ao prendido da cacharela.

Todo elo estará acompañado dunha sardiñada con prezos populares, e a música de Sete70 e dos Terribles de Arousa.

Os detalles nolos contaban para AROUSA PONTEVEDRA DIA A DIA os organizadores da festa, Xoan Mariño, Guillermo Pedrosa e Teo Cardalda.

SARDIÑADA POPULAR

Vilagarcía recupera a Sardiñada Popular nunha iniciativa conxunta entre o Concello, Zona Aberta e a Asociación de Hosteleiros Ahituvi.

A cacharela será o xoves 23 a partir das 22 horas na praia da Concha.

Asaranse 200 kgs de sardiña, que se poderán degustar con pan e viño de balde.

Os detalles ofrecíanos o representante de Zona Aberta, Chema Pedrouzo, e o presidente de Ahituvi, José Dieste, acompañados do Concelleiro de Promoción Económica, Pérez Callón, nunha rolda de prensa que recollemos en AROUSA PONTEVEDRA DIA A DIA.

O Concello de Ribadumia estrea novas formas de comunicación cos veciños e visitantes.

O tripartito presentou esta mañá a nova páxina web, ribadumia.org, que estará apoiada noutras dúas ferramentas tecnolóxicas: unha aplicación da web para móviles e unha plataforma cos contidos da acción de goberno e asuntos culturais de interés.

O obxectivo é canalizar unha información directa a veciños e visitantes, a transparencia da xestión municipal e posibilitar unha maior participación da veciñanza.

Xa cara o futuro, o goberno de Ribadumia pensa xa na creación dunha sede electrónica para evitar desplazamentos ao Concello no momento da entrega de documentos.

De todo elo daban conta o alcalde, David Castro, e o concelleiro de Educación Enrique Oubiña nun acto de presentación que recollemos en AROUSA PONTEVEDRA DIA A DIA.

Vilanova vivirá o próximo 21 de xuño o Día da Música. 13 colectivos artísticos do municipio e da comarca encherán de música diferentes prazas da localidade a partir das 4 da tarde.

Este ano, como novidade incorpórase unha sesión de Meditación, Ioga e Reiki.

Os detalles explicábannos esta mañá o concelleiro Javier Tourís e unha das organizadoras nunha rolda de prensa que recollemos en AROUSA PONTEVEDRA DIA A DIA.

O Concello de Cambados pon en marcha cursos gratuítos de Informática para maiores de 65 anos que se van desenvolver no centro da Merced e nas aulas de Vilariño e Castrelo.

Serán impartidos por 3 empresas do municipio, Vai@Bit, Tecnogalicia e Grupinfor, dende o 27 ao 30 de xuño, con dúas horas de formación cada día.

Os interesados, como máximo 30, poden anotarse presentando unha solicitude no Rexistro do Concello durante a vindeira semana.

Os cursos non terán custe para o Concello xa que están financiados na súa totalidade por CaixaBank.

Os datos explicábaos o portavoz municipal Xurxo Charlín na presentación desta iniciativa.

O Concello de Cambados e CaixaBank poñen en circulación unha tarxeta de crédito e débito personalizada coa imaxe nocturna da praza de Fefiñáns.

A finalidade desta iniciativa é a promoción turística do municipio, tal como existe noutras cidades, enmarcada na campaña da entidade “Galicia no Teu Peto”.

Para solicitala, pódese facer a través da web da entidade bancaria ou en calquera oficina de CaixaBank.

Así o explicaban o Concelleiro de Economía, Xurxo Charlín e os representantes de CaixaBank nunha rolda de prensa que recollemos en AROUSA PONTEVEDRA DIA A DIA.

Vilagarcía acollerá unha nova mobilización en apoio aos refuxiados.

Será este domingo día 19 ás 12 horas na Praza de Galicia.

A concentración está convocada polos partidos de esquerda da corporación municipal, xunto cos sindicatos UXT, CIG e CCOO.

Representantes das formacións explicábanos todos os detalles nunha rolda de prensa que recollemos en AROUSA PONTEVEDRA DIA A DIA.

A delegación da cidade alemana de Cuxhaven volve a visitar estes días a comarca de O Salnés con motivo do seu irmanamento co concello de Vilanova.

O alcalde de Vilanova, Gonzalo Durán, exerce de anfitrión, amosando o patrimonio e as infraestructuras coas que conta O Salnés a unha delegación na que se encontra o secretario de Transportes, Enak Felermann, e o alcalde de Cuxhaven, Albretch Harten, acompañados polos seus conselleiros.

A delegación está composta por politicos de diferentes partidos e ideais de Alemaña que traballan unidos polo seu pobo, circunstancia que o alcalde, Gonzalo Durán, non dubidou en salientar.

As xornadas de traballo que o goberno local e a Mancomunidade do Salnés deseñaron para a visita da delegación de Cuxhaven comezan hoxe.

Para eles está preparado, entre outras cousas, un encuentro co sector turístico da comarca, que se celebrou este mediodía en Sanxenxo.

Nesta primeira xornada de traballo de hoxe, a delegación foi recibida no Concello de Vilanova polo alcalde, Gonzalo Durán, que explicaba algúns detalles da visita durante o almorzo informativo que mantiveron está mañá na casa museo de Valle Inclán.

Así o recollemos en AROUSA PONTEVEDRA DIA A DIA.

A delegación viaxará mañá no tren de alta velocidade ata Santiago onde visitarán o Parlamento Galego e se reunirán co Conselleiro de Industria.

A xunta de persoal do área sanitaria de O Salnés iniciou esta mañana en Cambados una campaña de protestas contra o peche da terceira planta do Hospital comarcal, previsto para o 1 de xullo.

Médicos e sanitarios concentráronse ante o centro de saúde cun posto informativo no que se encontraban grandes caixas de medicamentos con referencias satíricas sobre os recortes.

Deste xeito, pretenden visibilizar os efectos cara os pacientes, demandando tamén a sustitución das vacacións do persoal e alertando sobre a derivación da sanidade pública á privada.

A vindeira semana realizarán unha segunda concentración na Praza de Galicia en Vilagarcía e unha terceira mobilización ás portas do Hospital.

Todo elo nolo explicaba para AROUSA PONTEVEDRA DIA A DIA, Rosa Casal representante da xunta de persoal do centro comarcal.

A comunidade escolar do colexio de O Piñeiriño proseguiu esta mañá coas mobilizacións para reclamar que a Xunta repoña a sexta aula de Educación Infantil da que se prescindiu este curso.

As familias concentráronse esta mañá á hora de entrada ás aulas, a las 9.30, e retrasaron en media hora o ingreso nas clases en señal de protesta.

Os pais e nais están dispostos a repetir as mobilizacións ata que Educación cambie de parecer e desdoble o aula de catro anos. Tamén teñen en mente convocar unha manifestación para o 23 de xuño.

Todo elo en vísperas da reunión que mañá manterán o director do centro e o concelleiro de Educación co xefe territorial de Educación, César Pérez Ares.

E mentres tanto en Cambados, os pais de alumnos do colexio de Vilariño xa teñen asumido que o curso que ven haberá unha unidade menos de infantil.

Neste caso, eso sí, a administración educativa decidiu manter os dous profesores e manter aberta a escola de Cova de Lobos.

Os motivos de todo elo explicábaos esta mañá o xefe territorial de Educación, César Pérez Ares, argumentando o descenso da natalidade como causa da reducción de aulas.