As excavacións arqueolóxicas que se están a realizar no Castro Alobre de Vilagarcía, financiadas pola Deputación e o Ministerio de Fomento, están dando maiores resultados dos que en principio se preveían.

Durante os 4 meses de traballos realizados, os arqueólogos descubriron 240 elementos de bronce pertencentes á última etapa da edade de Ferro e aos primeiros asentamentos romanos.

Tan bos foron os resultados desta fase de excavacións, que a Deputación está disposta a implicar á Xunta e á Administración do Estado para que continúen os traballos.

Todo elo soubémolo esta mañá, no mesmo recinto onde se están realizando as excavacións. A presidenta provincial, Carmela Silva, achegouse ata alí esta mañá, acompañada do alcalde de Vilagarcía, Alberto Varela, co que asinou un convenio que aporta ao municipio unha axuda de 150.000 euros para seguir afondando no estudio do Castro Alobre, poñendo en valor, ao tempo, o espazo castrense.

Os detalles nolos contaban en AROUSA PONTEVEDRA DIA A DIA a presidenta provincial, Carmela Silva, e o director dos traballos arqueolóxicos, Diego Piay.

O sindicato CCOO, en representación dos empregados públicos do Concello de Sanxenxo, impugnará o proxecto de orzamentos municipais que o tripartito levará para a súa aprobación ao pleno do vindeiro luns.

CC.OO denuncia a ausencia de negociación no capítulo I dos Orzamentos do concello de Sanxenxo, co que o sindicato entende que o goberno municipal vulnera o dereito á negociación colectiva dos empregados públicos. Unha práctica, que segundo CCOO, o tripartito denunciaba cando estaban na oposición.

Así o explicaba o portavoz de CCOO, José Luis García Pedrosa nunha rolda de prensa que recollemos en AROUSA PONTEVEDRA DIA A DIA.

O Concello de Cambados pon en marcha as Primeiras Xornadas da Fundación Manolo Paz.

Unha iniciativa cultural que mistura conferencias, arte, música e natureza e que pretende que sirva tamén como promoción turística do municipio.

As xornadas serán abertas, desenvolveranse o 10 e o 11 de xuño e outorgarán o Primeiro Premio Fundación Manolo Paz a Xerardo Estévez, ex alcalde de Santiago.

O Patronato cambadés decidiu concederlle o seu premio anual pola súa capacidade para conciliar a historia coa contemporaneidade á hora de ordenar urbanística e arquitectónicamente a cidade de Santiago.

A entrega do galardón será o 10 de xuño naas instalacións da Fundación en Castrelo.

Datos dunhas xornadas que nos contaban esta mañá o concelleiro de Cultura de Cambados, Victor Caamaño, e o propio Manolo Paz, nunha comparecencia que recollemos en AROUSA PONTEVEDRA DIA A DIA.

Sanxenxo contará este ano cun orzamento de 22 millóns de euros e un superávit de preto de 1,5 millóns.

O goberno local deu conta hoxe en rolda de prensa do proxecto elaborado para este exercicio para que poida ser aprobado no pleno do vindeiro luns 30 de maio.

Segundo o alcalde, Gonzalo Pita, son orzamentos que se adaptan ao plan de axuste que debe cumplir o concello e ao pacto de goberno asinado antes da saída do concelleiro de Pode, Roberto Agís.

O rexedor explica que, a pesar de ser inferior a orzamentos anteriores en aproximadamente 6 millóns de euros, posibilita que Sanxenxo volva a ter capacidade de inversion.

Para Gonzalo Pita, son orzamentos “prudentes e axustados á situación económica”.

Así o explicaba o alcalde na rolda de prensa na que estivo acompañado do concelleiro de Economía, David Otero e da concelleira socialista Coral González-Haba, e que recollemos en AROUSA PONTEVEDRA DIA A DIA.

Vilanova, Vilagarcía, e Caldas acollerán esta fin de semana un curso aberto de capoeira, que se inaugurará o venres ás 19 horas en Vilanova cun pasarúas e roda de apertura no Xardín Umbrío.

As inscripcións poden realizarse o sábado dende as 9:45 horas no pabillón multiusos de Vilanova, a un prezo de 35 euros.

Os organizadores pretenden con este evento dar a coñecer a capoeira na comarca de Arousa e, ao tempo, colaborar con Cáritas a través de recollida de alimentos non perecederos.

Así o explicaba Daniel Barcala Portela, profesor de capoeira e organizador do evento na presentación celebrada esta mañá en Vilanova, que recollemos en AROUSA PONTEVEDRA DIA A DIA.

A presidenta da Deputación de Pontevedra, Carmela Silva, e o alcalde de Catoira, Alberto García, asinaron esta mañá o convenio para a concesión dun crédito de 287.243 euros para operacións de tesourería neste municipio. Trátase dun dos concellos beneficiados pola convocatoria do Goberno provincial de préstamos sen xuros para os concellos de menos de 50.000 habitantes destinados ao financiamento de inversións, operacións de tesourería, necesidades urxentes ou desfases transitorios.

Así o explicaban esta mañá na sinatura do convenio, o alcalde Alberto García e a presidenta provincial, Carmela Silva.

Ademáis de Catoira, tamén o concello de Poio acolleuse a esta iniciativa na que o ente provincial inviste 1.137.708,7 €.

A sinatura deste préstamo provincial para o Concello de Catoira realizouse previamente á inauguración do seminario “Presentando aos viquingos”, no que se analizará a historia dos viquingos dende unha perspectiva europea, coa presencia de ponentes procedentes de nove países diferentes de toda Europa.

Un déficit de depuración das augas residuais urbanas é a causa da presencia de toxinas coliformes na ría de Arousa.

Esta situación vese empeorada polos verquidos das depuradoras que provocan a baixa salinidade da auga e a mortandade do marisco.

Así se desprende do estudio encargado polas confrarías da ría, xunto cos productores de mexillón e o Consello Regulador, ademáis da Plataforma en Defensa da Ría.

A investigación foi realizada por biólogos da Universidade de Vigo durante o ano pasado co obxectivo de coñecer cal é a causa da alta mortandade do marisco nas augas arousás

As análises leváronse a cabo en bancos marisqueiros de Cambados, Vilanova e A Pobra.

O estudio foi presentado esta mañá na confraría de Carril, nunha rolda de prensa na que os pósitos reclamaron a implicación das administracións para que se fagan cargo da situación e e resolvan con urxencia o saneamento da ría.

Conclusións desta investigación que desvelaban esta mañá o biólogo Ricardo Beiras, o Presidente dos Parquistas de Carril, José Luis Villanueva, e o patrón maior de Cambados, Ruperto Costa, que recollemos en AROUSA PONTEVEDRA DIA A DIA.

Vilanova creará unha Escola Municipal de Arte no Pazo de Vista Real.

A intención é que estea en funcionamento para o vindeiro curso e que nela poidan aprender técnicas artísticas todos os veciños do municipio.

A idea xurdiu a raiz dos traballos realizados polos nenos do Concello para a Semana Internacional da Educación Artística, cuxa mostra itinerante péchase hoxe en Vilanova tras ornamentar, con boa acollida por parte do público, as rúas dos outros tres concellos participantes: Vilagarcía, A Illa e Cambados.

Agora, xa se pensa na organización da VI Edición desta Semana Artística, que o ano que ven estará adicada á pintora catalana Lita Cabellut.

Os detalles nolos contaban para AROUSA PONTEVEDRA DIA A DIA o tenente de alcalde de Vilanova, Javier Tourís, e Cristina Villegas promotora da exposición.

Unha alumna do Instituto Asorey de Cambados, Alba Sánchez Barco, foi premiada no concurso “Qué estás lendo?”, de blogs de mozos lectores.

O certame foi convocado pola Organización de Estados Iberoamericanos para a Educación e a Fundación SM e nel participaron un total de 68 estudantes españois de entre 15 e 17 anos e máis de 860 blogs de España e Latinoamérica.

A estudante cambadesa recibiu este recoñecemento polo seu blog de literatura ‘Albatecuenta’, no que narra a súa experiencia como lectora, aborda temas do seu interese e mesmo promove o coñecemento de outros blogs.

No acto de entrega, a moza estivo arroupada pola directora do IES Francisco Asorey, Mª Luísa Prieto Cendán, así como polo concelleiro de Educación de Cambados, Víctor Caamaño, e o deputado provincial, Luis Aragunde.

En AROUSA PONTEVEDRA DIA A DIA recollemos as impresións da estudante cambadesa premiada.

O sector turístico de Galicia acabou este primeiro cuatrimestre do ano cos mellores datos dende que empezou a crise.

Ademáis, Galicia é a segunda comunidade con maior número de establecementos distinguidos coa Q de calidade, despóis de Andalucía.

Son datos destacou en Sanxenxo o presidente da Xunta, Alberto Núñez Feijo, nun acto de recoñecemento aos establecementos que recibiron a Q de Calidade Turística Galicia 2015, celebrado no salón social do Real Club Náutico.

En AROUSA PONTEVEDRA DIA A DIA recollemos parte da intervención do Presidente da Xunta.