Os alumnos do colexio de Mosteiro, en Meis, comezarán o vindeiro curso con fiestras novas que permitirán un aforro enerxético e aseos reformados.

A consellería de Educación investirá arredor de 50.000 euros nunha actuación enmarcada no Plan da Xunta para mellorar os centros educativos, que na provincia de Pontevedra ascende a 14,1 millóns de euros.

As obras que se realizarán no CPI de Mosteiro foron presentadas esta mañá no propio colexio por parte do xefe territorial de Educación, Cesar Pérez Ares, acompañado do alcalde de Meis, José Luis Pérez, e o delegado da Xunta en Pontevedra, Cores Tourís.

Foi nun acto que recollemos en AROUSA PONTEVEDRA DIA A DIA.

O Pazo de Vista Real en Vilanova acollerá por terceiro ano consecutivo un curso de verán da Universidade de Santiago de Compostela onde se tratarán temas sobre o patrimonio histórico da comarca de O Salnes.

O curso de verán foi presentado esta mañá en Vista Real, pola secretaria do curso e historiadora Alicia Nogueira nunha rolda de prensa na que estivo acompañada polo alcalde de Vilanova, Gonzalo Durán. En AROUSA PONTEVEDRA DIA A DIA recollemos todos os detalles do curso.

A comarca do Salnés ofrecerá 5 obradoiros de emprego para desempregados.

O delegado territorial da Xunta en Pontevedra, Jose Manuel Cores Tourís, visitou está mañá a sede da Mancomunidade de O Salnés para informar dos obradoiros de emprego que foron concedidos na comarca para o vindeiro outono.

Á espera de que se aprobe algún proxecto máis, a comarca de O Salnés contará de momento con 5 obradoiros, dous presentados pola Mancomunidade, outros dous do Concello de Vilagarcía e un do Concello de Cambados.

A Mancomunidade de O Salnés volve a ter unha nova edición do tan solicitado Obradoiro de Hostelería, no que poderán participar 20 alumnos e que este ano, por primeira vez, vai mudar a súa localización e pasa de A Lanzada a celebrarse en Sanxenxo.

Ademáis, o segundo obradoiro aceptado e no que outras 20 persoas sen emprego poderán formarse é o de rehabilitación de muíños de río que se desenvolverá en Vilanova, Meaño e Sanxenxo.

A maiores, a mancomunidade presentara un terceiro proxecto dirixido a menores de 25 anos para rehabilitar contornas naturais en Ribadumia e Meis, pero finalmente non foi concedido.

Vilagarcía contará con dous obradoiros, un de monitores de tempo libre e un segundo de atención sociosanitaria e mantemento de zonas verdes, no que poderán formarse 35 persoas.

E Cambados continuará cos seus módulos de cantería, carpintería e xardinería para rehabilitar o centro historíco da vila e que darán emprego a 20 persoas.

En toda a provincia de Pontevedra, a Xunta autorizou un total de 29 obradoiros, que supoñen un investimento de 5 millóns de euros.

Con estes obradoiros, persoas desempregadas poden aprender un novo oficio e cobrar un salario á vez que realizan tarefas para os concellos.

Os obradoiros de emprego da comarca de O Salnés foron presentados esta mañá polo delegado da Xunta en Pontevedra, José Manuel Cores Tourís, en compañía do presidente da Mancomunidade do Salnés, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

A Praza de Fefiñáns de Cambados acollerá o próximo 10 de xuño, a partir das 21 horas, unha Gala Solidaria en beneficio de Esperanza Salnés.

A entidade cambadesa encóntrase nunha dificil situación económica para poder seguir mantendo os servizos de apoio que presta a nenos con discapacidade de toda a comarca.

Mentres sigue agardando pola resposta da Deputación e da Xunta sobre as axudas solicitadas, dúas orquestas da localidade, Suavecito e Podium, en colaboración co Concello de Cambados, promoveron a celebración dunha verbena solidaria para recadar fondos que axuden a manter a economía da organización.

A entrada será de balde e a forma de recadación será con donativos que os asistentes poderán depositar nas urnas ubicadas para tal finalidade.

A iniciativa solidaria foi presentada esta mañá en Cambados, coa presencia do Concelleiro de Servizos Sociais, Tino Cordal, membros de ambas orquestas e o xerente de Esperanza Salnés, Augusto Chaves.

Os detalles recollémolos en AROUSA PONTEVEDRA DIA A DIA.

O PP de Sanxenxo fixo hoxe balance do primeiro ano de goberno do executivo municipal.

O portavoz popular, Telmo Martín, considera que se trata dun ano perdido e volve a facer un chamamento á negociación.

Os motivos explicábaos Telmo Martín nunha rolda de prensa que recollemos en AROUSA PONTEVEDRA DIA A DIA.

O goberno tripartito de Sanxenxo aprobou esta mañá en comisión de goberno o proxecto de orzamentos para este ano, que ascende a 22,7 millóns de euros,despois de que non puidera sair adiante no pleno de maio.

Mentres, os traballadores municipais concentráronse no concello en protesta por unhas contas municipais coas que non están de acordo.

Tamén censuran a negativa do goberno local á súa petición de máis tempo para a negociación.

As protestas dos traballadores municipais extenderanse a unha convocatoria de folga para o próximo 16 de xullo, no caso de que o Concello non convoque a mesa de negociación do convenio colectivo.

Dende o goberno tripartito, a concelleira de Seguridade, Vanesa Rodríguez, alude a unha “manobra política” como as verdadeiras razóns da mobilización promovida por CCOO.

En todo caso, asegura que o goberno local respeta o dereito á folga dos traballadores pero confirma que o executivo non modificará a folla de ruta prevista para a negociación do convenio colectivo, prevista para o vindeiro outubro.

A empresa “LaBici, Bicicletas Públicas de Alacante” é a adxudicataria do servizo municipal de préstamo de bicicletas de Vilagarcía.

A firma alicantina xestionará o Vai Bike durante os próximos 4 anos por un importe total de 235.950 euros, ive incluido.

A outra empresa que se presentara ao concurso foi a firma local Motor Bazar.

A adxudicación do servizo inclue diversas novidades que explicaba esta mañá o alcalde de Vilagarcía, Alberto Varela, nunha rolda de prensa que recollemos en AROUSA PONTEVEDRA DÍA A DIA.

A Festa da Paella de Vilanova vaise consolidando. O que comezou sendo unha iniciativa da Asociación de Festas de San Pedro de Corón para recadar fondos chega a súa terceira edición.

Será este domingo 5 de xuño en Vista Real, onde os organizadores prepararán 500 racións de paella a un prezo de 10 euros que inclue empanada, rosca e viño.

Todo elo amenizado cun grupo musical e con inchables para os máis pequenos.

A paella estará lista dende as 14 horas e colabora na sua elaboración a Comisión de festas de Castrelo.

Os detalles coñecíamolos esta mañá na presentación do evento e nolos contaban a comisión organizadora e o concelleiro Javier Tourís. En AROUSA PONTEVEDRA DIA A DIA estivemos con eles.

O PP de Sanxenxo votará en contra do proxecto de orzamentos elaborado polo tripartito que será sometido á aprobación do pleno da corporación municipal desta tarde.

Os populares argumentan o seu posicionamento negativo non tanto polo contido do documento senon polas formas.

Aseguran que o prazo para o seu estudo foi escaso e que lles foi denegada a súa solicitude de contar cunha semana máis de tempo.

Asimesmo, o PP de Sanxenxo reclama o recoñecemento de que o superávit existente é consecuencia da xestión económica do seu goberno nos últimos ano.

Argumentos que explicaba esta mañá o concelleiro Marcos Guisasola nunha rolda de prensa que recollemos en AROUSA PONTEVEDRA DIA A DIA.

Portos de Galicia está a realizar traballos de mellora e conservación da estrada de Vilaxoan, atendendo unha petición da confraría de pescadores debido ao seu estado de deterioro.

A actuación supón un investimento de 36.000 euros e consiste na pavimentación do firme, a sinalización horizontal e vertical e a instalación de medidas de calmado de tráfico, sustituindo as bandas de caucho por 6 lombos de aglomerado na recta do Intecmar.

O Presidente de Portos de Galicia, José Juan Durán, achegouse esta mañá á zona para supervisar os traballos, acompañado do patrón maior da confraría de Vilaxoán e explicábannos os pormenores das obras.

Con eles estivo Alba Piñeiro para AROUSA PONTEVEDRA DIA A DIA.