O persoal do Hospital do Salnés está disposto a mobilizarse para impedir o acceso directo dende o centro sanitario ao parking privado ubicado o seu carón.

Os delegados da Xunta de persoal denunciaron esta mañá a apertura dunha entrada con escaleiras e rampla na zona que da directamente á nova área de urxencias, con acceso a vehículos no mesmo tramo polo que circulan as ambulancias.

Os representantes sindicais creen que se está facendo negocio a costa da sanidade pública.

Así o visibilizaban esta mañá nun encontro cos medios no exterior do hospital que recollemos en AROUSA PONTEVEDRA DIA A DIA.

Vilanova pon en marcha unha nova iniciativa con referencias ao medievo.

Trala experiencia da Festa de Pontearnelas, ponse en marcha o I Mercado Medieval que se celebrará do 6 ao 8 de maio no Xardín Umbrío.

Gastronomía, cetrería, música e actividades para nenos e adultos nunha fin de semana que recuperará as referencias medievais da localidade.

Así o explicaba o alcalde Gonzalo Durán, na presentación do evento, acompañado do concelleiro Javier Tourís e de Miguel Vázquez, organizador da iniciativa, nunha rolda de prensa que recollemos en AROUSA PONTEVEDRA DIA A DIA.

Deputación e Concello de Sanxenxo asinaron esta mañá o novo convenio de reurbanización da avenida Luís Rocafort trala rescisión do contrato coa empresa Dragados que ía a executar a reforma proxectada polo anterior goberno provincial.

Agora, a Deputación volverá licitar o proxecto co obxectivo de adxudicalo canto antes e que a obra poida iniciarse despois da tempada estival. O prazo de execución contemplado é de 12 meses.

O novo deseño terá un custo de 1,6 millóns de euros, importe superior ao anterior, debido a que se aumentou nun 30% a superficie de actuación, que agora abarca a totalidade da rúa e co que ambas administracións agardan que se resolvan os problemas de mobilidade e seguridade viaria.

O proxecto inclúe tamén a conexión coa estrada autonómica PO-308, polo que se descarta a opción de construír un túnel como considerara o anterior goberno provincial.

Ademais a urbanización da rúa atenderá aos novos criterios de calidade contemplados no decálogo da Deputación, que inclúen a revisión de todos os servizos, así como numerosas medidas de seguridade e mobilidade peonil.

En AROUSA PONTEVEDRA DIA A DIA recollemos as declaracións da Presidenta Carmela Silva e do Alcalde, Gonzalo Pita, tralo acto de sinatura do convenio.

UXT e CCOO celebrarán un ano máis baixo a unidade sindical un Primeiro de Maio “contra a pobreza salarial e social”.

Nesta ocasión, pese a ausencia de novo da CIG, ás súas reivindicacións súmase o Sindicato Libertario Arousano nunha mobilización que saldrá ás 12 do mediodía da Praza de Ravella para rematar no mesmo lugar.

Os detalles desvelábanos Ramón Vidal de UXT, Ramón Bueno, de CCOO e Esteban Vidal do Sindicato Libertario Arousano nunha rolda de prensa que recolleu para AROUSA PONTEVEDRA DIA A DIA Alba Piñeiro

Inícianse as actuacións da Senda Peonil para a mellora da seguridade viaria na estrada PO 308, entre A Lanzada e Soutullo, que forma parte do proxecto de Sendas de Galicia promovido pola Xunta.

A conselleira de Infraestruturas e Vivenda, Ethel Vázquez , xunto co delegado territorial da Xunta en Pontevedra, José Manuel Cores Tourís, supervisou esta mañá o inicio das obras dun proxecto que, segundo anunciou a conselleira, se ampliará ata Major e Portonovo en sucesivas fases.

Esta primeira actuación que se iniciou hoxe comeza na rotonda que conecta a Vía do Salnés en A Lanzada extendéndose por un tramo de 2,77 kms ata Soutullo.

O investimento será de 3,3 millóns de euros, cun prazo de execución de 15 meses.

No acto de inicio das obras estivo tamén presente o alcalde de Sanxenxo, Gonzalo Pita, que se congratulou da posta en marcha dun proxecto tan demandado.

Así o recollemos en AROUSA PONTEVEDRA DÍA A DIA

Convocada a folga no servizo de limpeza dos centros de saúde e dos puntos de atención continuada das comarcas de O Salnés e Pontevedra.

Os traballadores de Linorsa víñano advertindo tralos reiterados incumplimientos de pago de salarios e horas extra por parte da empresa adxudicataria, xa en preconcurso de acreedores.

O paro desenvolverase dende as 12 da noite do día 3 de maio ata a medianoite do día 8, coa intención de que se repita na primeira semana de cada mes mentres non se lles dea unha solución.

A folga dos 49 traballadores afectará a 24 centros de saúde e PACS de ambas comarcas, que no caso de O Salnés corresponden aos centros de O Grove, A Illa, Dena, Meaño,Vilalonga, Sanxenxo, Vilagarcía e Caldas.

A única posibilidade de desconvocatoria sería que o Sergas procedera a rescindir o contrato con Linorsa.

Os representantes dos traballadores reuniranse mañá ás 9 horas con representantes do Sergas para tentar conseguilo.

Nolo contaba en AROUSA PONTEVEDRA DIA A DIA Diana Rodríguez, secretaria comarcal de CIG servizos.

O personal laboral do Concello de Sanxenxo, Terra de Sanxenxo e Nauta exixe ao goberno local o inicio das negociacións do convenio colectivo.

A plantilla está convocada a unha asamblea que se celebrará o vindeiro 11 de maio ás 20 horas para decidir medidas concretas a adoptar ante a negativa do grupo de goberno de non dar comezo as negociacións ata que dispoñan do estudo organizativo xa contratado cunha empresa externa.

Os comités de empresa dos tres organismos compareceron esta mañá en rolda de prensa para explicar a situación dos funcionarios municipais neste contexto pendente do convenio e cunha auditoria encargada polo goberno local

para comprobar o grao de eficiencia que desempeña cada servicio.

O persoal labora amósase en desacordo con esta medida, que entenden se fai “malgastando o diñeiro público cando

debería realizarse con medios propios a través dos concelleiros de cada área e xefes de servizo” e que “crea incertidume nos traballadores”

Así o explicaba Manuel García presidente do comité de empresa do Concello de Sanxenxo nunha rolda de prensa que recollemos en AROUSA PONTEVEDRA DIA A DIA.

A Biblioteca Luis Rei de Cambados ten dende hoxe un novo recoñecemento polo seu compromiso social.

O proxecto “Canto conta Cambados!” recibiu esta mañá o Premio concedido pola Fundación Biblioteca Social, de Cataluña, na segunda edición do seu certame.

O xurado valorou o traballo presentado pola biblioteca cambadesa como “Mellor proxecto” por facilitar cohesión social e cidadá, eliminando fronteiras de destinatarios, por normalizar ao usuario con discapacidade, e pola súa reivindicación lingüística.

O premio consiste en 1.200 euros en metálico para a compra de material e seguir realizando actividades, ademáis da grabación do vídeo do proxecto presentado.

Durante o acto de entrega do galardón estiveron presentes na Biblioteca Municipal tres dos membros da

Fundación catalana, e representantes dos colectivos sociais que traballaron no proxecto como o colexio de San Tomé, o Refuxio de Animais de Cambados, A Asociación Por Dereito, Guimatur ou Cruz Vermella, entre outros.

O Concelleiro de Cultura, Victor Caamaño, amosou a súa satisfacción polo galardón recibido e polo traballo realizado polos técnicos de Cultura do Concello, sen esquecerse de todos os colectivos implicados.

Foi, precisamente, a técnica do departamento, María Vázquez, a que explicaba o proxecto realizado.

Dende AROUSA PONTEVEDRA DIA A DIA tampouco nos perdemos a entrega.

O Concello de Vilagarcía e o Centro comercial Arousa únense nunha campaña de animación á lectura a través do Bookcrossing.

A través desta iniciativa, liberaranse dende esta tarde 57 libros que estarán agachados en diferentes establecementos desta superficie comercial e tamén ubicados polas rúas da cidade.

O obxectivo é que as persoas que os descubran os leve para casa para leer e despóis volva liberalos para que outros os poidan encontrar.

Contábao o director do Centro Comercial Luis González, na presentación desta iniciativa, acompañado da Concelleira de Cultura Sonia Outón.

O concello de Vilanova presentou esta mañá os estudios realizados durante este ano sobre el Mosterio de Cálago pola historiadora Alicia Padín Buceta, con cargo ao programa de becas da Diputación.

Recuperación da memoria dun dos mosteiros pre-románicos más relevantes de Galicia, e ao que, segundo destacaba o alcalde Gonzalo Durán, está ligada toda a historia medieval da comarca.

Ademais, Cálago forma parte da Variante Espiritual do Camiño de Santiago, que no que vai de ano leva un incremento do 80% de peregrinos con respecto ao mesmo período de 2015.

Parte da historia de Cálago e datos sobre a Variante Espiritual que recollemos en Arousa Pontevedra Día a Día.