O concello de Vilagarcía asinou esta mañá un convenio con Gas Natural Fenosa para evitar o corte de subministro de gas e luz ás persoas en risco de vulnerabilidade e mentres non logran unha axuda pública.

Para poder beneficiarse desta iniciativa, os solicitantes deberán estar inscritos nos servizos sociais e ter un informe favorable previo que acredite que non teñen recursos suficientes. A axuda será por un ano prorrogable.

Vilagarcía é o segundo concello en Galicia en asinar un convenio destas características coa empresa subministradora de luz e gas e a intención é tentar negociar un acordo semellante con subministro de auga.

O ano pasado, o concello emitiu 228 axudas económicas para pagos de luz.

Os detalles explicáronos o alcalde, Alberto, Varela, a concelleira de Servizos Sociais, Tania García, o delegado de Vendas e Operacións GN Fenosa para Galicia e Asturias, José Antonio Sánchez Loureda, trala sinatura do convenio.

Pasar o testigo cara a inclusión, tolerancia e respeto do autismo é o lema co que este ano celebran o Día do Autismo as asociacións Bata, Por Dereito e ANPA Mecos.

Os tres colectivos uniron esforzos nesta ocasión para conseguir un abril moito máis azul na visibilización do Autismo nos concellos implicados este ano na súa iniciativa: Vilagarcía, Cambados, A Illa e Vilanova, Valga, Santiago e A Estrada.

As actividades comezarán mañá e prolongaranse ata o sábado 2 de abril, xornada na que se conmemora o Día do Autismo.

Entre elas, haberá mañá teatro en Cambados e una charla en Vilagarcia. Xa o sábado, no caso de Vilagarcía, pola mañá repartiranse globos na Praza de Galicia e pola tarde, xogos, maxia e contacontos, ademáis de actuacións de grupos folclóricos.

Ademáis, o concello iluminará de azul a fachada do Auditorio que da ao Parque Miguel Hernández e tamén se está traballando con BATA para o cambio de sinalización por pictogramas en edificios públicos.

Os detalles explicabanos esta mañá Mónica Santos de Bata, Rocío Eijo de Ampa Mecos e Manuel lavandeira de por dereito nunha rolda de prensa que recollemos en AROUSA PONTEVEDRA DIA A DIA.

Os responsables da Mancomunidade do Salnés e alcaldes e concelleiros de Cambados, Vilanova, Ribadumia e Vilagarcía acordaron esta mañá endurecer as sancións para acabar cos reiterados verquidos ao rìo Umia.

A entidade comarcal elaborará un regulamento que penalice coa máxima sanción que posibilite a lei ás empresas que orixinen verquidos.

O organismo sancionador será a Mancomunidad de O Salnés e o regulamento estará listo nas vindeiras semanas para a súa exposición pública.

Así nolo explicaban en AROUSA PONTEVEDRA DIA A DIA tralo encontro mantido no Concello de Ribadumia, o presidente en funcións da Mancomunidade, Gonzalo Durán, o alcalde de Ribadumia David Castro, e o tenente de alcalde de Cambados, Victor Caamaño.

Calquera veciño ou colectivo de Cambados poderá intervir durante uns 10 minutos en asuntos públicos e plenos se obteñen o 15% de sinaturas da poboación e previa solicitude con dous días de antelación.

Así se establece no Regulamento de Participación Cidada que o equipo de goberno de Cambados levará ao pleno municipal de mañá xoves para a súa aprobación.

O texto elaborado polo grupo de goberno tamén recolle a constitución dos Consellos Parroquiais que o goberno local ven ultimando en diferentes reunións polas parroquias.

O executivo municipal prevé que os Consellos parroquiais queden constituidos antes do verán e reuniranse cada catro meses.

Estarán integrados por un secretario, un membro e un suplente de cada colectivo e un representante de cada parroquia, elexido en asemblea.

Os pormenores explicábanos esta mañá as Concelleiras Teresa Prado e Mª José Cacabelos nunha rolda de prensa que recollemos en AROUSA PONTEVEDRA DIA A DIA.

O Concello de Cambados contará cunha nova paxina web para promocionar o turismo e informar aos visitantes sobre os lugares que poden ver, as festas e a hostelería.

A nova web foi creada polos 10 alumnos que participaron durante 6 meses no obradoiro de creación de paxinas web impartido dentro do programa "Cambados Turismo Sostible".

Tratase dunha paxina moi visual, con fotos tomadas polos alumnos, e de moi fácil manexo.

A direccion da web será www.turismoencambados.es e estará habilitada a partir de este xoves.

Vilagarcía acolle a estrea do espectáculo "Menu da Noite" de Carlos blanco e Luis Dávila, que terá dúas funcións o mesmo día, debido ao éxito de venda de entradas anticipadas

Será o sábado 2 de abril, no Auditorio, ás 20:00 horas, a primeira función, e ás 22:00 horas a segunda.

O espectáculo está resultando todo un éxito nas representacións de toda Galicia, e en Vilagarcía xa hai vendidas 500 entradas anticipadas.

O venres 1 será a preestrea en A Illa porque é donde ensaian. Pola maña irán os rapaces do Instituto e pola tarde amigos e coñecidos.

No espectáculo, Luis Dávila debuxa as historias que conta Carlos blanco, quen, ademáis tamen cociña un caldo.

O Prezo das entradas a 12, 10 e 8 euros e están a venda de forma anticipada en ticketea.

Na presentación desta mañá, o monologuista e o dibuxante contabanos as súas impresións sobre o espectáculo nunha rolda de prensa que recollemos en AROUSA PONTEVEDRA DIA A DIA.

O Pazo de Vista Real quédase pequeno xa para acoller todas as actividades de promoción de emprego e culturais que se veñen realizando na planta baixa.

Por tal motivo, o concello quere habilitar a primeira planta, adecuándoa con tres aulas, dúas convertibles en salón de actos a través dun tabique abatible.

A actuación todavía non está orzamentada, pero se estima que suporá uns 100.000 euros de inversión, para o que o Concello solicitará unha subvención ao GDR.

A previsión é que os traballos comecen no mes de xuño e estean listos en mes e medio.

Ademáis, o concello tamén está traballando na creación dun regulamento para o viveiro de empresas industrial de Baión, que estableza o prezo de aluguer das naves e o seu uso.

Así explicaba todo elo o alcalde de Vilanova Gonzalo Durán nunha rolda de prensa que recolleu para AROUSA PONTEVEDRA DIA A DIA Alba Piñeiro.

A Conselleira do Mar, Rosa Quintana, estivo esta mañá no Porto de Vilagarcia, nunha visita na que puido comprobar os traballos que ali se realizan e tamén coñeceu a terminal de contedores.

Tratouse da primeira visita que se realiza a esta terminal da que, Rosa Quintana, destacou a súa importancia loxisitica que supón o 25% dos traficos do porto vilagarciá.

A terminal de contedores traballa cunha liña de periodicidade semanal que cubre o traxecto Bilbao-Vilagarcía-Lisboa-Canarias, e que transporta contedores de viño, conservas, aceite, productos refrixerados e lácteos, entre outros.

Tanto, representantes da empresa concesionaria dos contedores, Boluda, como a presidenta del Porto de Vilagarcia, Sagrario Franco, sinalaron a necesidade da chegada do ferrocarril a estas instalacións portuarias, que conlevaría o aumento considerable de trafico de contedores, e suporía un aforro importante dos transportes por estrada.

Neste sentido, Sagrario Franco, confirmou que ainda non se baralla unha data para que comece a transitar o ferrocarril polo porto.

Sin embargo, a Conselleira do Mar, Rosa Quintana destaca tamen o traballo feito para habilitar a infraestructura viairia pola cal, se espera que nun futuro transiten máis contedores e que faría que Vilagarcia sexa a vía de conexión entre o centro de España e o norte de Europa sen necesidade de pasar antes por Bilbao.

Así o decían esta maña, a Conselleira do Mar, Rosa Quintana e a Presidenta do Porto de Vilagarcia, Sagrario Franco, nunha rolda de prensa que se realizou tras a visita e que recollemos en AROUSA PONTEVEDRA DIA A DIA.

Cambados presentou esta mañá a súa programación cultural de primavera, na que se quere dar maior relevancia á biblioteca municipal Luis Rei e aos hábitos de lectura.

Para elo, a concellería de Cultura ubicará caixas con libros en diferentes instalacións municipais como a piscina, o centro de saúde e autobuses.

Para saber os pormenores, Alba Piñeiro falaba en AROUSA PONTEVEDRA DIA A DIA co concelleiro de Cultura Victor Caamaño.

Cambados acollerá o próximo 31 de marzo a IV edición do Simposio Móstrate Salnés, unha iniciativa impulsada dende o Centro de Información á Muller comarcal coa finalidade de visibilizar o éxito de diferentes iniciativas empresariais promovidas por mulleres.

O Simposio celebrarase en Exposalnés, en Cambados, a partir das 18 horas e a través dos diferentes relatorios 7 emprendedoras contarán as súas experiencias.

Os detalles desta nova edición de Móstrate Salnés acabamos de coñecelos durante a presentación realizada pola alcaldesa de Cambados, Fátima Abal, o xerente da Mancomunidade do Salnés, Ramón Guinarte, e a directora do CIM, Mónica Novás.

En AROUSA PONTEVEDRA DIA A DIA recollemos a presentación.