As obras de mellora do firme da rúa Progreso comezaron esta mañá e estarán rematadas nun par de días. Trátase dunha primeira actuación de bacheado e fresado por parte da Consellería de Medio Ambiente da Xunta de Galicia á que seguirá unha segunda intervención de mellora máis ambiciosa.

Concello e Xunta asinarán un convenio de colaboración destinado a unha mellora integral da seguridade vial da rúa Progreso, que inclua aspectos como ampliación de beirarrúas, dotación de luminarias, mobiliario urbano e renovación dos servizos básicos de recollida de pluviais e saneamento.

Para elo é necesario que o Concello comece xa a deseñar o proxecto co fin de trasladarllo á Consellería de Infraestructuras e que as obras comecen no prazo máis breve posible.

Así o anunciaban esta mañá o delegado territorial da Xunta, Cores Tourís, e o alcalde Gonzalo Pita, que acudiron a supervisar o inicio das obras de asfaltado

Recollendo as súas declaracións para AROUSA PONTEVEDRA DIA A DIA estivo Alba Piñeiro.

Preocupación no concello de Barro a raíz dunha sentencia do Tribunal Supremo que faría revalorar uns terrenos expropiados hai casi dez anos na zona de San Antoniño.

O fallo xudicial da a razón ao propietario dos terreos e ordena ao Concello a facerse cargo do xustiprezo de compensación, en calidade de responsable subsidiario, trala quebra da inmobiliaria promotora Viviendas Caselas.

A débeda ascendería a 245.000 euros, que, contando cos intereses podería elevarse aos 400.000, cantidade que podería danar de forma considerable ás arcas muncipais.

O alcalde, Xosé Manuel Fernández Abraldes, considera que hai unha alta probabilidade de que o concello teña que asumir o pago, pero que, en todo caso, estudiarán todas as posibilidades de interpoñer recurso.

Vilanova pon en marcha o primeiro curso de pilotaxe de drons profesional homologado que se vai realizar na comarca.

Vai ser a través dun convenio entre o Concello e a empresa Dronalia, instalada no Viveiro de Empresas de Vista Real, en colaboración coa Escola de Pilotos do Aeródromo Casarrubios en Toledo.

Os representantes de ambas firmas, Blanca Vera e David Hidalgo, explicaban esta mañá os detalles nunha rolda de prensa acompañados do alcalde Gonzalo Durán.

Tras o éxito de participación na anterior edición de "Emprende VGA", Concello de Vilagarcía e DalleQDalle Coworking retoman este programa formativo co fin de motivar aos emprendedores a crear novas oportunidades laborais.

A segunda convocatoria de " Emprende VGA" comezara o día 28 de marzo e durante 3 meses realizaranse cursos, conferencias, workshops, e un mentoring de proxectos para desenvolver novas ideas de negocios.

Nestas accións formativas poderán participar un total de 25 alumnos por curso e as inscripcions abriránse a partir de este luns na páxina web da iniciativa.

En AROUSA PONTEVEDRA DIA A DIA recollemos a presentación de "Emprende VGA" na que as reprensentantes de DalleQDalle, Ana Yolanda e Susana Loroño deron as claves do programa.

O Festival Folclórico Infantil A Devesa dos Pícaros chega este domingo a Vilagarcía, no que será a segunda edición deste certame itinerante, organizado por seis agrupacións das provincias de Pontevedra e A Coruña coa participación de 200 nenos.

Se o ano pasado foi a Estrada, este ano será Vilagarcía quen acolla este espectáculo pensado para dar visibilidade aos alumnos das escolas de baile tradicional e, ao tempo, realizar xornadas de convivencias.

O Festival será este domingo día 13 de marzo en Fexdega a partir das 12.30 do mediodía, con entrada libre.

Pero previamente realizarase un desfile das 6 agrupacións polo centro de Vilagarcía, con saída do Auditorio e chegada a Fexdega.

A programación deseñada para este domingo contempla a actuación de integrantes de Mar de Arousa e Nos de Vilagarcía, a asociación Volandeira de Cambados, A Mámoa de Luou e a Ponte Vella de Teo e a estradense Tequexetéldere.

A cita folclórica foi presentada este mediodía en Vilagarcía por parte da concelleira de Cultura, Sonia Outón, Gorka Loureiro de Mar de Arousa e o edil Pérez Callón, nunha rolda de prensa que recollemos en AROUSA PONTEVEDRA DIA A DIA.

A Banda Municipal de Vilagarcía ofrecerá este domingo un concerto de Música de Cine. Será no Auditorio a partir das 7 da tarde e entrada de balde.

Os músicos da Banda Municipal interpretarán, cos seus propios arranxos, as bandas sonoras de films como Star Wars, Os Piratas do Caribe, Os Miserables, Transformers ou Xogo de Tronos.

Así o anunciaban esta mañá a concelleira de Cultura Sonia Outón e o director da Banda de Música, Jesús Nogueira nunha rolda de prensa que recollemos en AROUSA PONTEVEDRA DIA A DIA.

A loita contra o AME de Merchi Alvárez será premiada na Gala Conmemorativa do 8M que Cambados celebra o vindeiro sábado.

Ademáis, tamen será recoñecido o traballo de outras 5 cambadesas en diversas áreas.

Así, Laura Vieites recibirá o premio de "Igualdade no Agro", Maria Luisa Perez de "Igualdade no Mar", Araceli Oubiña pola " Igualdade no Deporte", Dolores Blanco de "Igualdade Empresarial" e Maria del Carmen Torres polos "Dereitos da Muller".

Durante a Gala da Muller, que comezará as 20:00 horas no Auditorio da Xuventude, tamén se nomeará a Avelina Figueroa como a " Avoa de Cambados" e premiaranse os rapaces ganadores do lema para o 8M de este ano.

Todo elo amenizado pola actuación musical de arpa e voz a cargo de Beatríz Martínez e Olalla Vidal, e coa poxección do corto "Bata por fóra, Muller por dentro" de Claudia Brenlla.

O Concello de Cambados ten preparada unha extensa programación para conmemorar este día da Muller durante todo o mes de marzo, e será mañá o inicio cun almorzo onde participarán 27 emprendedoras que contarán as súas experiencias laborales.

A lectura do manifesto será as 12 do mediodía na Praza do Concello e posteriormente inauguraráse a exposición fotográfica "Muller Traballadora" no Paseo da Calzada.

Xa pola tarde, as 20:30 horas, o auditorio da Xuventude acollerá a conferencia "Memoria dunha Bandida".

Ademáis, o mercores 9 de marzo as 18:00 proxectaráse a película infantil " Brave" e o xoves a película para adultos, "Piedras". Ambas proxeccións serán no Auditorio da Xuventude e as entradas de balde poderánse recoller na Secretaría da Alcaldía.

O vindeiro mércores 16 as 20:00 haberá unha xornada para que as mulleres busquen traballo a través de Internet e emprendan novos negocios.

E para rematar esta programación, o xoves 31 de marzo as 18:00 celebrarase o " IV Simposio Móstrate Salnés" en Exposalnés.

Os detalles do programa presentábaos esta mañá a alcaldesa de Cambados, Fátima Abal, nunha rolda de prensa que recollemos en AROUSA PONTEVEDRA DIA A DIA.

A Festa da Raia de Portonovo non se vai celebrar este ano.

O Concello pretendía que a celebración estivera autofinanciada polas dúas asociacións que ao longo das últimas semanas presentaron as súas propostas, para rebaixar á metade, uns 20.000 euros, a aportación económica do Concello, pero a proposta municipal non encontrou respaldo nos colectivos.

Tamén queda no aire o futuro da Festa gastronómica para o vindeiro ano, dependendo da implicación de hosteleiros e asociacións.

Así o explicaba esta mañá o concelleiro de Cultura de Sanxenxo, Roberto Agís, nunha rolda de prensa que recollemos en AROUSA PONTEVEDRA DIA A DIA.

Vilanova creará un Viveiro de Empresas Industrial no Polígono de Baión destinado aos pequenos autónomos para ubicar a súa producción.

Construiranse 10 micronaves con oficinas no que os emprendedores poderán instalarse durante dous anos.

O proxecto supón un investimento de 300.000 euros e porase en marcha contando coa colaboración da Xunta de Galicia e a aportación municipal do 20%.

Anunciabano esta mañá o alcalde Gonzalo Durán e o teniente de alcalde Javier Tourís nunha rolda de prensa que recollemos en AROUSA PONTEVEDRA DIA A DIA.

A Asociación Zona Centro de Cambados empeza o proceso para a renovación da súa directiva que tome o relevo da actual presidida por Juan Rey, despóis de tres anos de xestión.

O colectivo abre o prazo de presentación de candidaturas ainda que o propio Juan Rey non desvela todavía se a súa será unha delas para a reelección.

Sí anima aos comerciantes a que rexistren as súas iniciativas, para formar unha asociación máis forte que continúe coa realización de actividades e iniciativas de promoción do comercio local.

O presidente de Zona Centro facía este anuncio durante a p0resentación da campaña do Día do Pai que este ano repartirá 600 euros en vales compra.

A novidade desta edición é que tamén se poderá participar a través da páxina de facebook da asociación ata o 23 de marzo.

Son datos que Juan Rey nos contaba para AROUSA PONTEVEDRA DIA A DIA nesta conversa con Alba Piñeiro.