A Asociación Cultural Nydia e o Centro de Atención Integral Princesa Letizia celebran esta fin de semana a IV Edición do seu Festival Solidario, que este ano titúlase "A vida é máxia".

Nesta gala participarán máis de 180 persoas de entre 3 e 70 anos, da Asociación Sociocultural Nydia e alumnos e usuarios do Centro Princesa Letizia, e contan co apoio do Concello de Vilagarcía e de Ahituvi.

No festival representaránse dúas funcións, unha o sábado e outra o domingo ás 18:00 horas, no Auditorio de Vilagarcía.

Ademáis, os usuarios do centro de día serán os encargados de dar comezo á gala do sábado e os alumnos do centro realizarán a súa función o domingo acompañados por Peppa Pig.

O custe das entradas é de 3 euros e poderán adquirirse durante a semana nas instalacións de Nydia e durante a fin de semana na taquilla do Auditorio.

A IV Gala Solidaria de Nydia presentouse esta mañá nunha rolda de prensa na que estiveron presentes, a concelleira de Servizos Sociais, Tania García, a representante de Nydia, Anna Jarque, e directora do colexio, Emma Falcón, e que recollemos en AROUSA PONTEVEDRA DIA A DIA.

O sector marisqueiro de Arousa considera que a retirada do anteproxecto de Lei de Acuicultura anunciada esta mañá pola Conselleira do Mar, Rosa Quintana, é unha conquista parcial que ainda poñen en cuarentena.

Dende a Plataforma en Defensa da Ría de Arousa, o seu portavoz, Xaquín Rubido, aseguraba esta mañá en AROUSA PONTEVEDRA DÍA A DIA, que “non se fían ainda do equipo da Consellería do Mar ata que o anuncio salga publicado no DOG” e pedía responsabilidades políticas.

Xaquín Rubido entende que o obxectivo de Rosa Quintana é desmovilizar a convocatoria da manifestación prevista para o sábado en Santiago, que continúa adiante con máis forza e ánimos que nunca”.

O goberno local de Cambados ten xa pechados os orzamentos municipais para este ano 2016, que ascenden a 9,4 millóns de euros, e que se levarán a aprobación do pleno do último xoves de febreiro.

O documento foi presentado esta mañá en rolda de prensa pola alcaldesa, Fátima Abal, e o concelleiro de Economía, Xurxo Charlín.

Ambos destacaron que son uns orzamentos “transparentes e austeros”, ainda que non son tan participativos como realmente lles gustaría, porque todavía non están formados os consellos veciñais.

En todo caso, o grupo de goberno avanza que con estes orzamentos se pon fin a etapa orzamentaria máis constreñida, sendo as contas que máis se incrementan dende o ano 2008.

Neste exercicio 2016, o Concello de Cambados contará tamen cunha subvención de 900.000 euros dentro do Plan de Obras e Servizos da Deputacion de Pontevedra para levar a cabo as obras da Praza de Abastos e inversións en infraestructuras, vías públicas, saneamento, instalacións deportivas e a instalación de xogos nos parques infantis.

Ademais, tamen se incrementan as partidas de servizos sociais, con 20.000 euros mais para o servizo de axuda no fogar e 15.000 euros mais para o fondo de emerxencia social.

As axudas a asociacións benéficas ascende ós 40.000 euros, as becas para estudios contan con 18.000 euros e, por primeira vez, a área de igualdade disporá de 5.000 euros para as suas actividades.

En canto a partida para actividades da terceira idade, reducese a 5.000 euros debido a que o novo goberno non fara o xantar dos maiores que a viña facendo anualmente.

Os orzamentos para festexos manteñense nos 275.000 euros do ano pasado, a pesar de que o goberno considera que é excesiva, pero non pode reducirse xa que o concello ainda ten que pagar o xantar do albariño do 2014 e outras facturas.

Considera o goberno local, que o aumento de 5.000 euros nos gastos de persoal compensanse coa eliminación do gasto en protocolo e nas horas extras das persoas de confianza ao carecer delas, e crítica o gasto que facia o anterior goberno que tiña que aboar máis de 400 horas extras anuais do seu persoal.

Durante o 2016, o Concello espera obter ingresos do IBI, que a pesar de que reduciu o tipo do 0'60% al  0'58%, contará cun incremento pola regularización de numerosas casas e garaxes que non estaban dadas de alta no catastro.

Para poder incrementar estas partidas, o Concello recurriu aos remanentes de outras asignacións onde non se gastaban todos os cartos.

En todo caso, o vindeiro luns, cuatriparito entregará ao PP toda a documentación precisa para poder aprobar no pleno do xoves estes orzamentos, que ademais, serán publicados posteriormente no BOE e na paxina web do concello como mostra de transparencia e para que os veciños poidan presentar alegacións no caso de non estar de acordo.

Vilanova celebrará este domingo o desfile do Momo, que tivo que ser aprazado pola chuvia pero, previamente, mañá sábado as rúas da localidade vivirán o Velorio a partir das 8 da tarde.

Este ano, o Velorio do Momo terá algúnhas novidades. Os seus organizadores quixeron, nesta ocasión, que a hostelería local puidese ter unha maior implicación, e, por tal motivo, serán os establecementos os que agasallen os asistentes coas tradicionais orellas e filloas a cambio das consumicións que se fagan nos locais.

A animación da velada estará a cargo de Duendeneta, cunha festa temática dos anos 70, ainda que cada un pode ir disfrazado como desexe.

Ademáis, ao remate do percorrido e da ofrenda ao Momo, a noite finalizará cunha queimada que, advirten os organizadores, só poderán degustar os que acudan disfrazados.

Son as novidades do Velorio do Momo deste ano, que os organizadores nos detallaron en AROUSA PONTEVEDRA DIA A DIA, nunha rolda de prensa na que estiveron vestidos para a ocasión.

O Auditorio da Xuventude de Cambados volve a abrir o telón este domingo cun novo ciclo de teatro infantil e familiar.

A primeira das funcions que se van a representar é "A Tropa Trapalleira, pequeña trapallada e algunha que outra batalla" da compañía BocAberta, que trata sobre o absurdo que son as guerras e a solución pacífica de conflictos.

O ciclo de teatro continuará o domingo 28 de febreiro con "Feo!" de Caramuxo Teatro, o 6 de marzo será o turno de "A casa do Avó" da compañía Tanxarina e remata o ciclo o espectáculo "Lupo" de Baobab Teatro o domingo 13 de marzo.

Todas as funcións serán as 18:00 horas da tarde e o custe das entradas é de 3,5€ e 2,5€ para menores, parados e xubilados.

O ciclo de teatro está financiado polo Agadic e a Rede de Teatros e Auditorios de Galicia.

Ata Cambados se desplazaron esta mañá os actores de "A Tropa Trapalleira" que xunto co concelleiro de cultura, Víctor Caamaño presentaron a primeira obra e o ciclo de teatro nunha rolda de prensa, que recollemos en AROUSA PONTEVEDRA DIA A DIA.

O goberno local de Cambados posiciónase ao carón do sector marisqueiro e acudirá á manifestación do próximo día 27 en Santiago contra a Lei de Acuicultura en demanda da retirada do anteproxecto da Xunta, actualmente paralizado.

O cuatripartito agarda tamén a presenza dos concelleiros do PP a esta convocatoria á que acudirán cunha pancarta institucional, detrás da que, ademáis da alcaldesa Fátima Abal, estarán tamén outros rexedores arousáns que xa confirmaron o seu respaldo, como os de Vilanova, Vilagarcía, A Illa e O Grove.

O goberno de Cambados fai un chamamento aos veciños para que se sumen á protesta e para facilitarlles o desplazamento a Santiago, o Concello pon a súa disposición varios autobuses que sairán de Tragove o día 27 sobre as 9.30 horas.

Detalles que acaban de explicar os concelleiros Victor Caamaño e Mª José Cacabelos nunha rolda de prensa que recollemos en AROUSA PONTEVEDRA DIA A DIA.

Aberto o prazo para participar na III Edición do Certame de Escultura Asorey.

O Concello de Cambados presentou esta mañá a nova edición do Certame Asorey, que organiza en colaboración coa Asociación Cultural Asorey, a Deputación de Pontevedra e a Consellería de cultura da Xunta.

O Certame de Escultura Asorey xa se esta consolidando e cada vez conta con máis participantes ó ser o unico concurso no que so se presentan esculturas que se celebra en toda Galicia.

O prazo de inscripción das obras abreuse está mañá e rematará o 10 de xuño. As bases do concurso son as mesmas que as do ano pasado e poderán participar nesta edición maiores de idade de toda España.

En AROUSA PONTEVEDRA DIA A DIA recollemos as declaracións da presentación na que estiveron presentes o concelleiro de cultura de Cambados, Victor Caamaño, representantes da Asociación Cultural Asorey, o deputado provincial, Xosé Leal e o Secretario Xeral de Cultura, Anxo Lorenzo.

Cuntis prepárase para vivir esta fin de semana a Festa do Lacón, co tradicional Velorio e Enterro do Chapante no Centro Cultural Patelas e a celebración do desfile de entroido aplazado o pasado domingo, que se celebrará baixo cuberto nunha das carpas instaladas para o Lacón se a chuvia continúa.

O alcade de Cuntis, Manuel Campos nolo contaba en AROUSA PONTEVEDRA DÍA A DIA.

Vilanova agardará ata o último momento para tomar unha decisión sobre se as condicións meteorolóxicas obrigan ao aprazamento da celebración do Momo.

Segundo o Concello, este ano é o de maior participación, con 60 carrozas inscritas.

Así o decían esta mañá o teniente de alcalde Javier Touris, que detallaba a programación, e o alcalde Gonzalo Durán, que daba pistas sobre a identidade do Momo, nunha rolda de prensa que recollemos en AROUSA PONTEVEDRA DIA A DIA.

O alcalde de Vilagarcía, Alberto Varela, pide calma aos grupos da oposición sobre o futuro dos fondos de Luz Salgada, e non entende as prisas manifestadas nas últimas horas, sobre todo do PP.

Asegura o alcalde que o Concello é o primeiro interesado en dispoñer dos cartos pero primeiro débese celebrar a xa solicitada reunión coa directora xeral de Turismo da Xunta, para avaliar a sentenza do Tribunal Supremo e coñecer as condicións do préstamo, así como se hai posibilidades de modificar as finalidades e os prazos do proxecto.

De principio, Alberto Varela xa avanzou que parte dos 185.000 euros orzamentados este ano para o pago de intereses do crédito irán destinados a incrementar as becas universitarias ata un importe de 40.000 euros.