O renovado Campo de Fútbol de Bamio estrearase o domingo coas obras de mellora xa totalmente rematadas e a instalación de herba artificial.

O campo levará a partir de agora o nome de Mari Paz Vilas, a xogadora vilagarciá que está actualmente no Valencia e que tamén forma parte da selección española de futbol feminino.

Son os detalles desvelados esta mañá nas propias instalacións deportivas de Bamio, coa presencia do alcalde, Alberto Varela, e o presidente do CF Bamio, que inspeccionaron esta mañá o remate das tan demandadas actuacións.

Recollendo as súas impresións para AROUSA PONTEVEDRA DIA A DIA estivo Alba Piñeiro.

Dende a Plataforma en Defensa da Ría de Arousa téñeno claro: o seu portavoz, Xaquín Rubido, xa nos avanzaba en AROUSA PONTEVEDRA DÍA A DIA que non se sentarán a dialogar coa Xunta ata que o anteproxecto sexa retirado, que manteñén a manifestación prevista para febreiro e que as próximas iniciativas tentará sumar novos colectivos á causa.

A moción promovida polo sector marisqueiro da ria de Arousa solicitando á Xunta a retirada da Lei de Acuicultura chega hoxe os plenos municipais de Vilagarcía e Cambados, así como tamén ás sesións plenarias dos concellos doutro marxe da ría: Boiro, Rianxo e Ribeira.

É máis que previsible que, ao igual que aconteceu na Illa, Sanxenxo, O Grove e Vilanova, a moción se aprobe en cada un dos plenos por unanimidade de todas as corporacións.

I e que, pese o anuncio do Presidente da Xunta de paralizar temporalmente a tramitación do articulado, o sector marisqueiro da Ría de Arousa mantén a súa presión contra a Lei de Acuicultura.

O xornalista e escritor Fernando Salgado presenta mañá en Cambados o seu último libro titulado ´El humo del diablo´, do que é autor e editor. É a súa segunda obra despois de ´Elefantes y hormigas´.

O acto de presentación será ás 20.30 horas en Exposalnés, coa presenza do concelleiro de Cultura de Cambados, Victor Caamaño, e a xornalista Susana Luaña.

Como non queremos perdernos detalle falamos en AROUSA PONTEVEDRA DIA A DIA co seu propio autor.

Os orzamentos municipais de Vilagarcía para este 2016 aprobaranse o vindeiro luns en xunta de goberno local xa que non contarán co apoio necesario para que poidan sair adiante no pleno deste xoves.

O alcalde Alberto Varela opta así pola vía que lle abre o informe de secretaría para os concellos que se encontran inmersos no plan de pago a proveedores do Estado.

En todo caso, non se retirarán as modificacións propostas polo BNG, porque, entende o grupo de goberno que melloran o documento.

Ademáis, Alberto Varela cuestiona o posicionamento dos grupos da oposición e considera que son tácticas buscando réditos electorais, provocadas polo resultado dos comicios xerais e pensando nas próximas eleccións autonómicas.

Declaracións do alcalde de Vilagarcía nunha rolda de prensa celebrada esta mañá, que recollemos en AROUSA PONTEVEDRA DIA A DIA.

O delegado territorial da Xunta en Pontevedra, José Manuel Cores Tourís, anunciou esta mañá que a Consellería de Infraestruturas e Vivenda licita hoxe, no Diario Oficial de Galicia, as obras de mellora do firme de estradas de Arousa e Pontevedra nas que se investirán máis de 620.000 euros.

Estes traballo permitirán mellorar case 20 quilómetros afectando a tramos que atravesan os concellos de Cambados, Vilagarcía e Vilanova de Arousa, Barro, Meis e Pontevedra.

O delegado territorial aproveitou unha visita ao concello de Vilanova de Arousa para facer pública esta licitación en compaña do alcalde da localidade, Gonzalo Durán, do xefe territorial de Infraestruturas e Vivenda, José Luis Díez, e do xefe do Servizo da Axencia Galega de Infraestruturas de Pontevedra, Fausto Núñez.

Tal e como explicou Cores Tourís, en todas estas estradas actuarase levando a cabo o fresado e a reposición das áreas que presentan un maior nivel de fisuración, aplicándose microaglomerado e capa de rodadura.

No caso do concello de Vilanova de Arousa, verá mellorar a estrada Caleiro-Vilanova, ao longo de 1,8 quilómetros. Ademais, tamén se mellorará o vial Vilanova-Ponte-Illa de Arousa en 1,5 quilómetros, “é dicir, ao longo de toda a estrada, tal e como ocorre coa estrada Tremoedo-Deiro, que verá mellorar toda a súa lonxitude, 2,5 quilómetros”, matizou o delegado territorial.

Ademais, tamén se mellorará a Vía Ra´pida do Salnés ao seu paso por Cambados, Vilagarcía de Arousa e Vilanova, onde, ademais do firme da propia estrada, tamén se mellorará a capa de rodadura en dúas glorietas.

Finalmente, levarase a cabo a mellora do firme da PO-531 Pontevedra-Vilagarcía ao seu paso polos concellos de Pontevedra, Barro, Meis e Vilanova de Arousa, ao longo de máis de dez quilómetros. No caso desta estrada, os técnicos consideran importante a súa mellora debido a que existe unha elevada fisuración debido ás condicións climatolóxicas e ao elevado tránsito de vehículos pesados a diario. As obras executaranse nos tramos que quedaron pendentes na anterior actuación de fresado localizado.

Os viais nos que se actuará detallábaos o delegado territorial da Xunta, Cores Tourís, nunha rolda de prensa que recollemos en AROUSA PONTEVEDRA DIA A DIA.

O BNG non respaldará o proxecto de orzamentos municipais para 2016 elaborado polo grupo de goberno, que se debaterá non pleno da corporación municipal deste xoves.

A formación nacionalista desvelou esta mañá que votarán en contra porque siguen sen ver un cambio claro de modelo e filosofía no desenvolvemento da política municipal.

E a pesar de que valoran positivamente as modificacións introducidas no documento, aseguran que non é suficiente para que o BNG dea o seu voto favorable, nin siquera a abstención.

O BNG continúa pensando que o goberno socialista presenta uns orzamentos continuístas que carecen de proxectos concretos.

Nolo contaba en AROUSA PONTEVEDRA DIA A DIA o portavoz do grupo municipal do BNG, Xabier Ríos.

O xogador infantil do Vilanova que resultou ferido o pasado sábado durante un partido no campo de O Terrón, evoluciona favorablemente pero ainda permanecerá unha semana en observación.

O menor sufriu un aparatoso golpe na cabeza que o deixou insconsciente no campo e foi evacuado por un helicóptero de emerxencias ante a imposibilidade da chegada dunha ambulancia.

Ante estas circunstancias, dende a CIG, volven demandar, xunto co colectivo de técnicos en emerxencias sanitarias do Salnés, que se dote urxentemente á comarca cunha ambulancia medicalizada. Denuncian que o xogador infantil tivo que esperar á chegada do helicóptero medicalizado, con base en Santiago, entre 30 e 40 minutos para ser evacuado. O sindicato pide responsabilidades ao Sergas e que os concellos contesten ás peticións de reunión co colectivo de traballadores/as o máis axiña posíble.

Dende o concello de Vilanova, o alcalde Gonzalo Durán xustificaba a ausencia da ambulancia por algún motivo que todavía descoñece e agarda as explicacións do 061.

Os alumnos dos colexios de Vilanova celebrarán unidos o Día da Paz nos actos programados para este venres no campo de fútbol de O Terrón.

Os profesores de Educación Física dos colexios, Xulio Camba de Vilanova, San Miguel de Deiro, San Roque de Corón, San Bartomé de Tremoedo e Sestelo de Baión decidiron organizar en conxunto a celebración do Día da Paz na que participarán 900 alumnos de entre 3 e 12 anos.

Durante o acto, que comeza as 11 da mañá do venres no campo de fútbol de O Terrón, cada colexio leerá o seu manifesto e realizaran unha coreografía de baile.  Ademáis, os nenos de infantil soltarán globos e tamén haberá a solta de palomas como é habitual para conmemorar o Día da Paz.

Con esta actividade os profes queren fomentar a convivencia entre la alumnos de todos os coles de Vilanova para que se coñezan e compartan unha merenda.

Así o contaba esta mañá unha das profesoras que organizan o acto, Nuria Santiago, nunha rolda de prensa na que estivo acompañada polo alcalde de Vilanova e o teniente de alcalde, ademáis dos profesores de Educación Física dos centros educativos e que recollemos en AROUSA PONTEVEDRA DIA A DIA.

Os alumnos e os profesores do colexio San Tomé de Cambados participaron esta mañá nun taller de primeiros auxilios impartido polos Técnicos de Emerxencias Sanitarias do Salnés e Umia.

A finalidade desta iniciativa é que uns e outros coñezan de preto as técnicas básicas para salvar vidas en situacións de risco.

Os alumnos de infantil e ata 3º de Primaria puideron observar con detalle os pormenores do interior dunha ambulancia, recibindo explicacións de para qué sirve cada un dos aparellos con demostracións prácticas.

Os escolares de 4º de Primaria en diante estiveron presentes nunha sesión teórico-práctica sobre as técnicas de reanimación.

En AROUSA PONTEVEDRA DIA A DIA non quixemos perdernos este momento e Alba Piñeiro achegouse o cole de San Tomé.

A controvertida Lei de Acuicultura que tramita a Xunta de Galicia sumará este luns en Vilanova un novo posicionamento en contra, xa avanzado días atrás polo alcalde, Gonzalo Durán, que foi o primer político da comarca en situarse ao carón do sector do mar no rexeitamento o proxecto.

A corporación municipal de Viloanova someterá a debate do pleno luns, ás 20.30 horas, unha moción contra o documento , que será presentada polo propio PP, solicitando a retirada do texto para consensualo cos sectores implicados.

Comparte o PP de Vilanova os argumentos do sector entendendo que a norma que elabora a Xunta transforma o modelo de traballo artesanal, autónomo e por conta propia, a un sistema industrial.

Pensa Gonzalo Durán que os propios mariñeiros teñen dereito a decidir cómo queren traballar.

Os motivos explicábaos esta mañá o alcalde Gonzalo Durán, nunha rolda de prensa que recolleu para Arousa Pontevedra dia a dia Alba Piñeiro.

Ademáis, Gonzalo Durán tampouco restou críticas ao seu compañeiro de partido, Enrique López Veiga, un dos defensores da Lei elaborada pola Xunta.