Sanxenxo xa dispón do Plan de Rehabilitación e Usos do Pazo de Quintáns, que permitirá a execución da primeira fase de recuperación do inmoble.

A presidenta da Deputación, Carmela Silva, entregou esta mañá ao alcalde Gonzalo Pita o documento elaborado polos técnicos provinciais baixo o convenio entre ambas administracións.

O Plan de Usos recolle a posibilidade de que o Pazo se declare como Ben de Interés Cultural, como pretende o alcalde Gonzalo Pita, e plantexa a creación dun Museo no que se poderían recoller os achádegos de restos arqueolóxicos de A Lanzada. Combina todo elo cun programa de dinamización dos diversos patrimonios que conforman a paisaxe natural do entorno.

A Deputación da así “por cumprido o compromiso que a institución provincial adquirira co concello”, tras un investimento de 72.598,79 € na elaboración e redacción do plan director.

Na actualidade o pazo de Quintáns, cuxa titularidade pertence ao Concello de Sanxenxo, atópase nun estado de deterioro considerable, pese a tratarse dun ben do patrimonio cultural da provincia de Pontevedra.

Neste contexto, Carmela Silva manifestou que "o plan director expón un uso acorde coa historia e o contorno do pazo de Quintáns" e, ademais, adiantou que ese emprego "podería consistir na posta en marcha dun museo que inclúa os achados da Lanzada".

Carmela Silva destacou que a través do plan director, elaborado pola Deputación de Pontevedra, "se pretende dotar a esta edificación dun uso acorde coa súa historia e o seu contorno, co obxectivo de que a Xunta de Galicia o declare Ben de Interese Cultural (BIC) para que poida optar ao 1,5 % que destina o Ministerio de Fomento ao programa de Cultura".

Peches do sector do cerco para que Madrid cambie o actual reparto de cuotas.

Armadores, tripulantes e familiares permanecen pechados nos concellos de Porto do Son, Bueu e A Coruña reforzando a protesta da acampada fronte a San Caetano onde mariñeiros de diferentes flotas do cerco galego, entre eles de Arousa, levan máis de 80 días.

O obxectivo é reforzar a presión ante a reunión de mañá na Secretaría Xeral de Pesca, na que a Consellería da Xunta presentará a proposta de establecer unhas capturas mínimas de 10.000 kilos de xurel ao ano, ainda que esta cifra aumentaría en función do tamaño dos barcos.

Dende a asociación Acerga, recoñecen o traballo da Consellería pero lles parece insuficiente. Nolo decía en AROUSA PONTEVEDRA DIA A DIA, Andrés García portavoz de Acerga.

O alcalde de Vilagarcía, Alberto Varela, convocou mañá aos portavoces dos grupos da oposición co obxectivo de non demorar máis o Pleno para aprobación dos orzamentos para este ano. 

Será a segunda reunión dos grupos da Corporación para tratar a planificación económica do Concello para o ano en curso e previsiblemente se fixe a data da sesión plenaria para proceder ao debate e aprobación inicial do documento.

De principio, o BNG fixo esta mañá público o seu posicionamento contrario o documento elaborado polo goberno socialista.

Consideran os concelleiros nacionalistas que o executivo de Alberto Varela mantén unha liña continuista co PP. Demandan máis partidas de fomento de emprego, infraestructuras, educación, cultura e deporte, mentres que censuran que outras menos prioritarias levan máis importe.

Así o explicaba o portavoz da formación nacionalista Xabier Ríos nunha rolda de prensa que recollemos en AROUSA PONTEVEDRA DIA A DIA.

A directora de Turismo de Galicia, Nava Castro, e o delegado territorial da Xunta en Pontevedra, Cores Tourís, xunto co alcalde de Vilanova, Gonzalo Durán, supervisaron esta mañá os traballos de mellora realizados nos accesos á praia de O Terrón, dentro do Plan de fomento da accesibilidade e sinalización nos recursos turísticos do medio rural.

O obxectivo deste programa é dotar ao medio rural das infraestruturas e sinalización adecuadas para que se converta nun destino accesible a través da adecuación dos recursos.

Vilanova forma parte dos 103 municipios de toda Galicia que se benefician destas axudas, que melloran a adecuación e sinalización de espazos naturais, rotas de sendeirismo, praias marítimas e fluviais, os bens de interese cultural e os miradoiros.

Concretamente, a través deste programa, financiado nun 75% con fondos europeos, a administración autonómica investiu 60.000 euros na mellora e asfaltado do acceso ao areal vilanovés, que se encontraba en pésimas condicións.

Vilanova foi o único concello da comarca de Arousa que se acolleu a este plan, pero a Directora de Turismo agarda que á seguinte convocatoria se sumen outros municipios.

A Escola Obradoiro de Agricultura Ecolóxica de Vista Real xa comeza a dar os seus froitos.

Os 10 alumnos que participan neste curso, prantaron un total de 21 productos da horta, entre os que destacan a quinoa e o aguacate, que serán os que centraránmaiormente a producción de Vista Real.

Ademais, también se está cultivando zanoira morada, leituga, tomate negro, guayaba, cebola, repolo, colifror e prantas aromáticas, entre outras.

E co bo transcurso de esta escola obradoiro, como era de esperar, o Concello de Vilanova vai solicitar unha nova edición deste pioneiro obradoiro de agricultura ecoloxica que se imparte en Galicia.

Os responsables xa están realizando os trámites de solicitude para tentar acelerar o proceso e poder continuar co ciclo de crecemento das prantas sen deixar de ser atendidas.

Así o decía o teniente de alcalde de Vilanova, Javier Touris durante a visita o invernadoiro de Vista Real e que recollemos en AROUSA PONTEVEDRA DIA A DIA

O vento e a chuvia dannos unha pequena tregua.. A intensidade das precipitacións diminue e segundo as previsións de meteogalicia, durante a tarde comezarán a abrirse claros e os chubascos serán ocasionais.

Pero as inclemencias climatolóxicas regresan mañá e o domingo unha profunda borrasca azotará de novo Galicia.

A influencia das baixas presións do Atlántico seguirá alomenos menos ata mediados da semana que ven.

Tralas intensas precipitación desta noite, mantense a alerta en Caldas e en Cuntis ante posibles novos desbordamentos.

En Caldas, a crecida do Umia permanece no seu cauce despois de que se abrisen as comportas do encoro de A Baxe.

No casco urbano, o río non desbordou pero segue inundando outras zonas que están en cota moi baixa.

En Cuntis, os 141,8 litros de agua por metro cuadrado das últimas 24 horas sumados as intensas precipitacións desta noite volveron provocar novos anegamentos do río Gallo nos mesmos lugares de onte da Rúa Sagasta.

A última hora nola contaba en AROUSA PONTEVEDRA DIA A DIA o xefe de servizo de Protección Civil de Caldas e tamén dende Protección Civila de Cuntis.

A intensidade do temporal de lluvia e vento durante as últimas 24 horas está deixando un regueiro de incidentes por toda Galicia, con inundacións en numerosos puntos.

Os servicios de emerxencias do 112 Galicia tiveron que atender durante as últimas 24 horas 380 incidencias.

Na comarca do Umia, Caldas e Çuntis están a ser os concellos máis afectados polas adversas condicións meteorolóxicas.

Tamén se desbordou o río Agra ao seu paso por Barro e Portas, e no concello de Catoira, as brigadas da Deputación tiveron que actuar esta mañá pola presenza de bolsas de auga que inundaban un baixo dunha vivenda na estrada entre Catoira-Torres do Oeste, así como no punto quilométrico catro na entre Caldas-Carracedo-Catoira.

En Pontevedra, a ponte sobre o río Gafos que une Tomeza e Salcedo quedou cuberto de auga esta madrugada ante a crecida do cauce fluvial.

Fieis a tradición, centos de cidadáns congregáronse esta mañá na Praza de Ravella para despedir o ano de xeito anticipado.

Con eles estivo Alba Piñeiro recollendo para AROUSA PONTEVEDRA DIA A DIA o ambiente que se viviu esta mañá en Vilagarcía.

O concello de Vilagarcía e a Asociación Bata asinaron esta mañá o convenio de colaboración que permitirá que durante o ano que ven tres persoas con autismo e discapacidade e un preparador traballarán conxuntamento con operarios municipais no mantemento e cuidado do parque Miguel Hernández.

As xornadas de traballo serán os martes, de 9,30 a 13.30 horas.

Ademáis, tamén se inclue a formación doutros 4 alumnos de FP. Todo elo cun orzamento de 4.500 euros.

Así o explicaban esta mañá o presidente de Bata, Fausto García, e o responsable de emprego, Nacho Rey, trala sinatura do convenio co alcalde Alberto Varela.

Para Alberto Varela, a licencia da Xunta ao proxecto do Centro Comercial de Alcampo en Megasa non supón “ningunha sorpresa” a tenor dos últimos acontecementos.

Pese a todo, o Concello seguirá tentando frear a instalación do hipermercado a través dunha modificación puntual do PXOM.

O rexedor vilagarcián plantexarallo así á directora xeral de Urbanismo na reunión que xa ten solicitada ainda que todavía sen data.

Explicacións de Alberto Varela que recollemos en AROUSA PONTEVEDRA DIA A DIA.

Pola súa banda, na asociación Zona Aberta, que leva loitando dende o primeiro momento contra o proxecto, non ocultan a súa total decepción.

A presidenta do colectivo, Rocío Louzán sinte que “foron enganados de principio a fin por todas as adminsitracións” desde que se deu a coñecer a intención dos propietarios dos terreos para promover a creación dun centro comercial.

Alberto Varela, sen embargo, non se da por aludido nese engano e entende que a presidenta de Zona Aberta se refire á Xunta e ao anterior goberno local.

As vendas do comercio minorista rexistran un lixeiro repunte nestas datas de Nadal.

O incremento xa se viña comprobando dende o pasado novembro, cun aumento do 6% en relación co mesmo mes do ano anterior, agora máis destacado debido ás compras do Nadal.

Os de maiores vendas, como non pode ser doutro xeito, son as xogueterías e as tendas de agasallos, que aumentan as facturacións de cara o día de Reis.

En AROUSA PONTEVEDRA DÍA A DÍA quisemos comprobalo e Alba Piñeiro trasladouse para elo á xoguetería Din&Don de Cambados.